جاس كادرلار ءىس جۇزىندىك ماسەلەلەردى شەشۋ قابىلەتىن جوعارىلاتىپ، ءىس تىندىرعىسى كەلەتىن، ءىس تىندىرا الاتىن، ىستەن ناتيجە شىعاراتىن بولۋ كەرەك

شي جينپيڭ ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا ماڭىزدى ءسوز سويلەپ، بىلاي دەپ باسا دارىپتەدى

  جاس كادرلار ءىس جۇزىندىك ماسەلەلەردى شەشۋ قابىلەتىن جوعارىلاتىپ، ءىس تىندىرعىسى كەلەتىن، ءىس تىندىرا الاتىن، ىستەن ناتيجە شىعاراتىن بولۋ كەرەك

  ۋاڭ حۋنيڭ قاتىناستى

  10 - ايدىڭ 10 - كۇنى 2020 - جىلعى كۇزگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسى ورتالىق پارتيا مەكتەبىندە وقۋ باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وقۋ باستاۋ سالتىندا ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 10 - ايدىڭ 10 - كۇنى بەيجيڭنەن بەرگەن حابارى. 2020 - جىلعى كۇزگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسى 10 - ايدىڭ 10 - كۇنى تۇستەن بۇرىن ورتالىق پارتيا مەكتەبىندە وقۋ باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وقۋ باستاۋ سالتىندا ماڭىزدى ءسوز سويلەپ، بىلاي دەپ باسا دارىپتەدى: تاريح ىلعي دا ماسەلەلەردى ۇزدىكسىز شەشۋ بارىسىندا العا ىلگەرىلەيدى. پارتيامىزدىڭ حالىقتى باستاپ توڭكەرىس جۇرگىزۋدەگى، قۇرىلىس جۇرگىزۋدەگى، رەفورمانى يگەرۋدەگى ماقساتى تۇگەلدەي ەلىمىزدىڭ ءىس جۇزىندىك ماسەلەلەرىن شەشۋ. ءىس جۇزىندىك ماسەلەلەردى شەشۋ قابىلەتىن جوعارىلاتۋ − كەزەكتەگى كۇردەلى جاعدايعا توتەپ بەرۋدىڭ، جاپالى مىندەتتەردى ورىنداۋدىڭ كوكەي تەستى قاجەتى ءارى جاس كادرلاردىڭ ءوسىپ - جەتىلۋىنىڭ تابيعي تالابى. كۇردەلى جاعداي مەن جاپالى مىندەتتەر الدىندا، ءبىز داعدارىس بارىسىندا ءتيىمدى وراي جەتىلدىرۋىمىز، وزگەرىس بارىسىندا جاڭا جاعداي اشۋىمىز كەرەك، كادرلار، اسىرەسە، جاس كادرلار ساياسي قابىلەتىن، تەكسەرۋ - زەرتتەۋ قابىلەتىن، عىلمي شەشىم جاساۋ قابىلەتىن، رەفورمادا قامال الۋ قابىلەتىن، شۇعىل جاعدايلارعا توتەپ بەرۋ، توسىن وقيعالاردى ءبىر جاقتى ەتۋ قابىلەتىن، بۇقارالىق قىزمەت قابىلەتىن، تياناقتاندىرۋدى يگەرۋ قابىلەتىن جوعارىلاتىپ، ماسەلەلەرگە باتىلدىقپەن تۋرا قاراپ، ءىس تىندىرعىسى كەلەتىن، ءىس تىندىرا الاتىن، ىستەن ناتيجە شىعاراتىن بولۋ، ۇزدىكسىز تۇردە ماسەلەلەردى شەشۋ، قيىن ماسەلەلەردى شەشۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ وقۋ باستاۋ سالتىنا قاتىناستى.

  شي جينپيڭ بىلاي دەپ باسا دارىپتەدى: پارتيا 18 - قۇرىلتايىنان بەرى پارتيا مەن مەملەكەت ىستەرىندە تاريحي جەتىستىكتەرگە قول جەتتى، تاريحي وزگەرىستەر جارىققا شىقتى، مۇنداعى اسا ماڭىزدى ءبىر تاجىريبە − ماسەلەنى باعدار ەتۋدەن جازباي، ءىس جۇزىندىك ماسەلەلەردى شەشۋدى قىزمەت جاعدايىن اشۋدىڭ تىڭ سەرپىلىس ءتۇيىنى ەتكەندىك بولدى. بۇگىنگى تاڭداعى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، سىرتقى ورتادا اناعۇرلىم كوپ ورنىقسىزدىقتار مەن تۇراقسىزدىقتار جارىققا شىقتى. كەلەر جىلى ءبىز ”14 - بەسجىلدىق“ مەزگىلىنە ءوتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستايمىز. جاڭا دامۋ كەزەڭىنە ءوتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرۋدا شەشۋگە ءتيىستى ماسەلەلەر بارعان سايىن ءار الۋاندانىپ، بارعان سايىن كۇردەلىلەسە تۇسەدى. ەلىمىزدىڭ ءۇرتىس دامۋىندا كوپ جاقتا ابزالدىلىق جانە شارت - جاعداي بار، ءبىراق، دامۋدىڭ بىركەلكى، تولىق بولماۋ ماسەلەسى ءالى دە كورنەكتى بولىپ وتىر. جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىندە كەلەلى ستراتەگيالىق تابىستارعا قول جەتتى، ءبىراق، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ، ”التىنى ورنىقتىرۋ“ قىزمەتىن تىڭعىلىقتى جاقسى ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، جالپى بەتتىك جەڭىسكە قول جەتكىزۋ ءۇشىن، ءالى دە ۇزدىكسىز قۇلشىنىس جاساۋعا تۋرا كەلەدى.

  شي جينپيڭ بىلاي دەپ اتاپ كورسەتتى: جاس كادرلار ساياسي قابىلەتىن جوعارىلاتۋ كەرەك. كادرلاردىڭ قىزمەتتى جاقسى ىستەۋىنە قاجەتتى ءتۇرلى قابىلەتتەردىڭ اراسىندا ساياسي قابىلەت ءبىرىنشى ورىندا تۇرادى. مىقتى ساياسي قابىلەت بولعاندا عانا، يدەيادا، ساياسيدا، ارەكەتتە پارتيا ورتالىق كوميتەتىمەن وسكەلەڭ ءبىر اۋىزدىلىقتى سانالى تۇردە ساقتاۋعا بولادى، ءارقانداي كەزدە، ءارقانداي جاعدايدا ”كوشپەلى بۇلتتىڭ كوز الدىمىزدى توسۋىنان قورىقپاۋعا“، ”تۇيدەك بۇلتتار كوشسە دە قايىسپاي ەركىن تۇرۋعا بولادى“. ساياسي قابىلەتتى جوعارىلاتۋدا، ەڭ الدىمەن، دۇرىس ساياسي بەتالىستى يگەرىپ، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك تۇزىمىنە تاباندى بولۋ كەرەك. بۇل ماسەلەدە استە الجاسۋعا جانە سولقىلداقتىق ىستەۋگە بولمايدى! وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ كۇرەسىنىڭ امالياتى جۇڭگو كوممۋنيستىك پارتياسىنىڭ بوران - شاشىن كەلگەندە جۇڭگو حالقىنىڭ ەڭ سەنىمدى تىرەگى ەكەنىن، ەلىمىزدىڭ سوتسياليستىك ءتۇزىمىنىڭ حاۋىپ - قاتەر، سىن - سايىسقا قارسى تۇرۋداعى ەڭ پارمەندى تۇزىمدىك كەپىلدىك ەكەنىن تاعى دا دالەلدەدى. جاس كادرلار، ءسوز جوق، مىنا ءبىر تۇيىننەن جازباۋى، ياعني پارتيانىڭ باسشىلىعى مەن ەلىمىزدىڭ سوتسياليستىك تۇزىمىنە تاباندى بولۋعا ءتيىمدى ىستەردى بۇلجىماي ىستەۋى، پارتيانىڭ باسشىلىعى مەن ەلىمىزدىڭ سوتسياليستىك تۇزىمىنە تاباندى بولۋعا ءتيىمسىز ىستەردى باتىل تۇردە ىستەمەۋى كەرەك! ساياسي سەزگىرلىك پەن ساياسي پارىقتاۋ قابىلەتىن ۇزدىكسىز جوعارىلاتۋ كەرەك، جاعدايدى باقىلاپ، وعان تالداۋ جاساعاندا، ەڭ الدىمەن، ساياسي فاكتوردى يگەرۋ، اسىرەسە، قۇبىلىستان مانگە ءوتىپ، سەرگەك بولۋ، ءىستى ەرتە باستان بايقاۋ، تەز قيمىلداۋ كەرەك. ساياسي قابىلەتتى جوعارىلاتۋدا، ءسوز جوق، پارتيانىڭ ساياسي ءتارتىبى مەن ساياسي قاعيداسىنان يمەنۋ سەزىمىندە بولۋ كەرەك. ساياسي شىڭدالۋدى سانالى تۇردە كۇشەيتىپ، ساياسي ۇستامدىلىقتى ارتتىرىپ، باستان - اياق ساياسيدا ”اڭعارلى ادام“، ”ادال ادام“ بولۋ كەرەك. ماركستىك نازاريا ورەسىن جوعارىلاتۋعا ءمان بەرىپ، ىشكەرىلەي ۇيرەنىپ، جەتە ءتۇسىنىپ، تولىق ۇعىنىپ، ديالەكتيكالىق ماتەرياليزم مەن تاريحي ماتەرياليزمدى يگەرىپ، وعان ارقاۋ بولعان ماركستىك تۇرعىنى، كوزقاراستى، ءادىستى يگەرىپ، جۇڭگوشالاندىرىلعان ماركسيزمدى يگەرىپ، ماركسيزمنىڭ تاباندى سەنۋشىلەرى، ادال امالياتتا ايگىلەۋشىلەرى بولۋ كەرەك.

  شي جينپيڭ بىلاي دەپ اتاپ كورسەتتى: جاس كادرلار تەكسەرۋ - زەرتتەۋ قابىلەتىن جوعارىلاتۋ كەرەك. تەكسەرۋ - زەرتتەۋ − قىزمەتتى جاقسى ىستەۋدەگى نەگىزگى شەبەرلىك. ءسوز جوق، تەكسەرۋ - زەرتتەۋدى ۇيرەنۋ، تەكسەرۋ - زەرتتەۋ بارىسىندا قىزمەت قابىلەتىن جوعارىلاتۋ كەرەك. تەكسەرۋ - زەرتتەۋدى ۇدايىلاندىرۋ كەرەك. بۇقارا اراسىنا بارۋعا، امالياتقا ارالاسۋعا تاباندى بولىپ، نەگىزگى ساتىداعى كادر - بۇقارانىڭ مۇڭ - مۇقتاج، ارمان - تىلەگىنە قۇلاق اسىپ، شىنايى جاعدايدى ۇعىسۋ جانە يگەرۋ كەرەك، ۇستىرتتىك ىستەۋگە، قول ۇشىمەن ىستەۋگە، بولماشى ناتيجەگە مارسيۋعا، ءىشىنارالىقتى جالپىعا بالاۋعا بولمايدى. تەكسەرۋ - زەرتتەۋدەن كەلگەن قىرۋار ماتەريال مەن جاعدايدى مۇقيات زەرتتەپ، تالداۋ جاساپ، بەر جاعىنان ار جاعىنا، سىرتىنان ىشىنە ءۇڭىلۋ كەرەك. تولىق زەرتتەلگەن، ءبىرشاما پىسىپ - جەتىلگەن تەكسەرۋ - زەرتتەۋ جەتىستىكتەرىن دەر كەزىندە شەشىم جاساۋ، ورنالاستىرۋ دەڭگەيىنە كوتەرىپ، ناقتى شارالارعا اينالدىرۋ كەرەك؛ تولىق زەرتتەلىپ بولماعان تەكسەرۋ - زەرتتەۋ جەتىستىكتەرى جونىندە، ونان ارى ىشكەرىلەي پىكىر الىپ، كەمەلدەندىرگەن سوڭ بارىپ اتقارۋ كەرەك؛ شارا بولىپ قالىپتاسقاندارىن، تياناقتاندىرىلعاندارىن دەر كەزىندە قاداعالاپ باعالاۋ، جاعدايعا قاراي رەتتەپ، ساپالىلاندىرۋ كەرەك.

  شي جينپيڭ بىلاي دەپ باسا دارىپتەدى: جاس كادرلار عىلمي شەشىم جاساۋ قابىلەتىن جوعارىلاتۋ كەرەك. عىلمي شەشىم جاساۋدا، ەڭ اۋەلى، ستراتەگيالىق كوز ايا بولۋ، الىسقا نازار تاستاپ، تەرەڭگە وي جۇگىرتۋ كەرەك. باسشى كادرلار ماسەلەلەرگە وي جۇگىرتكەندە، شەشىم جاساعاندا، ءسوز جوق، مەملەكەت ءۇشىن نەنىڭ ماڭىزدى ەكەندىگى جونىندە كوڭىلدە ەسەپ بولىپ، ءىرى جوسپارلاردى، ۇلكەن ەسەپتەردى كوبىرەك جاساۋ، ۇساق جوسپارلاردى، ۇساق ەسەپتەردى ازىراق جاساۋ، ءوڭىر مەن تاراۋدىڭ قىزمەتىن پارتيا مەن مەملەكەت ىستەرىنىڭ ۇلكەن جاعدايىمەن توعىستىرۋعا شەبەر بولىپ، ءبىر وڭىرگە داڭق اپەرۋ، ونان دا ماڭىزدىسى، جالپى جاعدايدىڭ مارتەبەسىن ارتتىرۋ كەرەك. ىشكەرىلەي زەرتتەۋ جۇرگىزىپ، جان - جاقتى تالداۋ جاساپ، ىستەردىڭ ىستەۋگە تاتيتىن - تاتىمايتىندىعى، ءىس جۇزىندىك جاعدايعا ۇيلەسەتىن - ۇيلەسپەيتىندىگى سياقتىلارعا قاراپ، جالپى بەتتىك تارازىلاۋ، عىلمي شەشىم جاساۋ كەرەك. شەشىم جاساعاندا، ءسوز جوق، جۇزەگە اسۋى جونىندە زەرتتەۋ جۇرگىزىپ، كوپ جاقتىڭ پىكىرىن تىڭداپ، جان - جاقتى سارالاپ، عىلمي جولمەن ىرىكتەپ الىپ، شەشىمدى ءىس جۇزىندىك جاعدايعا ۇيلەستىرۋ كەرەك.

  شي جينپيڭ بىلاي دەپ اتاپ كورسەتتى: جاس كادرلار رەفورمادا قامال الۋ قابىلەتىن جوعارىلاتۋ كەرەك. بولاشاققا بەت العاندا، ءبىز پارتيا مەن مەملەكەتتىڭ ءتۇرلى قىزمەتتەرىن جاپپاي ىلگەرىلەتىپ، اسىرەسە، جاڭا دامۋ ۇستانىمىن دايەكتىلەندىرىپ، جوعارى ساپالى دامۋدى ىلگەرىلەتىپ، جاڭا دامۋ ارناسىن قالىپتاستىرىپ، ءداۋىردىڭ الدىڭعى لەگىندە توقتاۋسىز ءجۇرىپ، جانە دە رەفورمانى جاپپاي تەرەڭدەتۋ ارقىلى قوزعاۋشى كۇش ۇستەۋىمىز، تىڭ سەرپىلىس جاساۋعا ۇمتىلۋىمىز كەرەك. رەفورما جاساۋدا، ءسوز جوق، باتىلدىق جانە بەرىك بەكىم بولۋ، قانشا قيىنشىلىق پەن حاۋىپ - قاتەر بولعان سايىن، العا ىلگەرىلەۋ ەرىك - جىگەرىن سونشا ساقتاۋ كەرەك. ءىس تىندىرۋ ىنتاسى مەن عىلمي رۋحتى ۇشتاستىرىپ، شىعارىلعان ءار ءتۇرلى رەفورما شارالارىنىڭ وبيەكتيۆ زاڭدىلىققا، قىزمەت قاجەتىنە، بۇقارانىڭ مۇددەسىنە ۇيلەسۋىنە مۇمكىندىك جاساۋ كەرەك. رەفورمادا قامال الۋدا دۇرىس ءادىس بولۋ كەرەك، جاڭالىق اشۋ وي جەلىسىنە تاباندى بولىپ، ماسەلەگە ىلەسىپ، ماسەلەنى بەتكە الىپ، وزگەرىستى ءداپ باسىپ تانىپ، وزگەرىسكە عىلمي توتەپ بەرىپ، وزگەرىسكە ىرىقتىلىقپەن ۇمتىلىپ، زاڭدىلىقتى يگەرۋ نەگىزىندە وزگەرىس جاساۋ، جاڭالىق اشۋ كەرەك. بۇقارانىڭ ءتول جاسامپازدىق رۋحىنا قۇرمەت ەتىپ، جوعارى دەڭگەيدە جوبالاۋدى كۇشەيتۋ مەن حالىقتان كەڭەس الۋعا تاباندى بولۋدى بىرلىككە كەلتىرىپ، جاندى دا جالىندى نەگىزگى ساتى امالياتىنان اقىل - پاراسات قابىلداۋ كەرەك. جۇيەلىلىكتى، جالپى تۇلعالىقتى، سايكەستىكتى كۇشەيتۋگە ءمان بەرىپ، ءتۇرلى رەفورما شارالارىنىڭ ءوزارا سايكەسۋىنە، ءبىرىن - ءبىرى جەبەۋىنە، ءبىر - بىرىنە ساي كەلۋىنە مۇمكىندىك جاساۋ كەرەك.

  شي جينپيڭ بىلاي دەپ باسا دارىپتەدى: جاس كادرلار شۇعىل جاعدايعا توتەپ بەرۋ، توسىن وقيعالاردى ءبىر جاقتى ەتۋ قابىلەتىن جوعارىلاتۋ كەرەك. حاۋىپ - قاتەردى الدىن الا تۇجىرىمداۋ − حاۋىپ - قاتەردەن ساقتانۋدىڭ العى شارتى، حاۋىپ - قاتەردىڭ بەتالىسىن يگەرۋ − ستراتەگيالىق ىرىقتىلىققا ۇمتىلۋدىڭ تەتىگى. حاۋىپ - قاتەر تانىمىن كۇشەيتىپ، العاشقى قادامدى جاقسى باسىپ، ىرىقتى شايقاستى ويداعىداي جۇرگىزىپ، ءتۇرلى حاۋىپ - قاتەر، سىن - سايىسقا توتەپ بەرۋدىڭ دايىندىعىن ءاردايىم جاقسى ىستەۋ كەرەك. ءوز قىزمەت سالاسىنىڭ شەبەرى بولۋعا قۇلشىنىپ، شۇعىل جاعدايلارعا توتەپ بەرىپ، توسىن وقيعالاردى ءبىر جاقتى ەتۋدەگى بىلىكتىلىك پەن باتىلدىقتى كۇشەيتىپ، تۋىلۋى مۇمكىن بولعان ءتۇرلى حاۋىپ - قاتەر، سىن - سايىستاردى الدىن الا مولشەرلەپ، تۇرلەر بويىنشا شارا قولدانىپ، بوگەتتەردى دالمە - ءدال الاستاپ، جاعدايدى ءونىمدى تۇردە مەڭگەرىپ، داعدارىستى جويۋ كەرەك. حاۋىپ - قاتەرگە توتەپ بەرۋ امالياتىمەن تىعىز ۇشتاستىرىپ، قىزمەتتەگى جانە ءتۇزىلىس - مەحانيزمدەگى ساڭلاۋلاردى تاۋىپ، دەر كەزىندە كەمەلدەندىرۋ كەرەك.

  شي جينپيڭ بىلاي دەپ اتاپ كورسەتتى: جاس كادرلار بۇقارالىق قىزمەت قابىلەتىن جوعارىلاتۋ كەرەك. بۇقارادان الۋعا، بۇقاراعا قايتارۋعا تاباندى بولىپ، شىن مانىندە بۇقارانىڭ جاقىن - جان اشىرى بولۋ كەرەك. بۇقارانى ەستەن شىعارماي، بۇقارانىڭ مۇڭ - مۇقتاجىن قاشاندا كوڭىلدە ساقتاپ، پارتيا ورتالىق كوميتەتىنىڭ حالىققا تيىمدىلىك جاساۋ ساياساتتارىن مۇقيات تياناقتاندىرىپ، ۇساق ىستەردى ءىرى ءىس رەتىندە ىستەپ، بۇقارا ”اسىعاتىن، قينالاتىن، ۋايىمدايتىن، اڭسايتىن“ ماسەلەلەردى شىن مانىندە شەشۋ كەرەك. پارتيا ورتالىق كوميتەتىنىڭ جالپى حالىقتىڭ بىرگە بايۋىن بىرتىندەپ جۇزەگە اسىرۋ جونىندەگى تالابىن تياناقتاندىرىپ، بۇقارانى قاجىرلىلىقپەن كۇرەس جۇرگىزىپ، ەڭبەكشىلدىكپەن بايۋعا باستاپ، كىرىس، جۇمىستانۋ، وقۋ - اعارتۋ، قوعامدىق قامتاماسىزداندىرۋ، ەمدەۋ قامسىزداندىرۋى، شيپاگەرلىك، دارىگەرلىك، دەنساۋلىق ساقتاۋ، تۇرعىن ءۇي سياقتى جاقتاردا ناقتى تابىستارعا ۇزدىكسىز قول جەتكىزۋ كەرەك. بۇقاراعا ۇگىت جۇرگىزۋگە، بۇقارانى تاربيەلەۋگە كوڭىل ءبولىپ، بۇقارا قۋانا قۇپ الاتىن، وڭاي قابىلدايتىن ادىستەرمەن قىزمەت ىستەپ، بۇقارانىڭ يدەيالىق ساناسىن جوعارىلاتىپ، ولاردىڭ ىنتا - جىگەرىن تاسقىنداتۋ، اتتانىسقا كەلتىرۋ كەرەك. زاڭمەن جونگە سالۋ ويى مەن زاڭمەن جونگە سالۋ ءتاسىلىن سانالى تۇردە قولدانا وتىرىپ رەفورمانى تەرەڭدەتىپ، دامۋدى ىلگەرىلەتىپ، قايشىلىقتاردى شەشىپ، قوعامدىق ادىلدىك پەن تۋراشىلدىقتى قورعاۋ كەرەك.

  شي جينپيڭ بىلاي دەپ باسا دارىپتەدى: جاس كادرلار تياناقتاندىرۋدى يگەرۋ قابىلەتىن جوعارىلاتۋ كەرەك. ءىس تىندىرۋدا فورماشىلدىققا بوي ۇرماي، ءسوز جوق، تىڭعىلىقتى ىستەۋ كەرەك، قىزمەتتىڭ تياناقتانۋىن يگەرۋدە جوعارى ارقىلى تومەنگە جەتەكشىلىك ەتىپ، شىنايى يگەرىپ، ناقتى ىستەۋ كەرەك. اسىرەسە، نەگىزگى باسشى كادرلار، ءارى كوپشىلىكتى باستاپ جوبا جاساپ، جولدى ايقىنداپ، ءادىس - امال بەلگىلەۋى، ءارى ماڭىزدى مىندەتتەردى ءوزى ورنالاستىرىپ، شەشۋشى بۋىنداردى ءوزى يگەرىپ، جاعدايدىڭ تياناقتانۋىن ءوزى قاداعالاپ تەكسەرۋى كەرەك، ءوزىن بارىنەن جوعارى ۇستاۋعا، سىلدىر سوزگە سالىنۋعا بولمايدى، اتىن ءىلىپ قويىپ جورىققا شىقپاي قويۋعا بولمايدى. ءىس تىندىرۋدا شەگە قاعۋ رۋحى بولۋ كەرەك، تاسقا تاڭبا، تەمىرگە ءىز قالدىرىپ، نىق قاداممەن العا تارتىپ، شىڭنان شىڭعا شىعىپ، قياننان قيانعا ورلەپ، قيىن ماسەلەلەردى ۇزدىكسىز شەش−ۋ ارقىلى قىزمەتتىڭ جاڭا جاعدايىن اشۋ كەرەك.

  شي جينپيڭ بىلاي دەپ اتاپ كورسەتتى: ءبىز كەلەلى ىستەر تىندىراتىن جاڭا داۋىردە تۇرمىز. جاس كادرلار ناقتى قيمىلعا كوشىپ، اۋىر جۇكتى باتىلدىقپەن ارقالاپ، جاڭا داۋىردەگى جۇڭگوشا سوتسياليزمنىڭ ۇلى امالياتىنا بەلسەنە ات سالىسىپ، بوران - شاشىندى باستان وتكەرىپ، ءومىردى تانىپ، شىنداپ كىرىسىپ قابىلەتتى شىڭداپ، ىسىلعان قابىلەت ارقىلى ىسكەرلىكتى ايگىلەۋ، بورىشتى ادا ەتۋ كەرەك. ءار دارەجەلى پارتيا ۇيىمى جاس كادرلارعا يدەيالىق سىننان ءوتۋدى، ساياسي شىڭدالۋدى، امالياتتىق شىنىعۋدى، كاسىپتىك توسەلۋدى باعىتتامالى تۇردە كۇشەيتىپ، جاس كادرلاردى باۋلۋدىڭ دۇرىس جولىن ايقىنداپ، كادرلاردى باۋلۋداعى فورماشىلدىقتى باتىل جويىپ، ولاردىڭ ءىس جۇزىندىك ماسەلەلەردى شەشۋ قابىلەتىن جوعارىلاتۋىنا كومەكتەسىپ، ولاردىڭ جاڭا داۋىردەگى جاۋاپكەرشىلىك پەن بورىشتى ءتىپتى جاقسى ارقالاۋىنا مۇمكىندىك جاساۋ كەرەك.

  چىن شي وقۋ باستاۋ سالتىن باسقارىپ بىلاي دەپ اتاپ كورسەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى جۇڭگوشا سوتسياليزمنىڭ ۇلى امالياتىنا بەلسەنە ات سالىسىپ، يدەيالىق سىننان ءوتۋدى، ساياسي شىڭدالۋدى، امالياتتىق شىنىعۋدى، كاسىپتىك توسەلۋدى تاباندىلىقپەن كۇشەيتىپ، ءىس جۇزىندىك ماسەلەلەردى شەشۋ قابىلەتىن ۇزدىكسىز جوعارىلاتىپ، اۋەلگى ماقسات پەن بورىشتى ەستە بەرىك ساقتاپ، باتىلدىقپەن بورىش ارقالاپ، ىسكەرلىك تانىتىپ، شەبەرلىكپەن قيىندىقتاردان قامال الىپ، پارتيا مەن حالىق جۇكتەگەن ءداۋىردىڭ اۋىر مىندەتىن سانالى تۇردە ۇستىنە الۋ كەرەك.

  ديڭ شۋەشياڭ، حۋاڭ كۇنميڭ وقۋ باستاۋ سالتىنا قاتىناستى.

  2020 - جىلعى كۇزگى وقۋ ماۋسىمىنداعى ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنداعى كۋرسانتتار وقۋ باستاۋ سالتىنا قاتىناستى، ورتالىقتاعى قاتىستى تاراۋلارداعى جاۋاپتى جولداستار وقۋ باستاۋ سالتىنا سىرتتاي قاتىناستى.

جاۋاپتى رەداكتور: ءاننا اكىمقان قىزى