ورتاشا نەمەسە قالىڭ قار جاۋىپ، 9 بال بوران سوعادى، سۋىق اعىس كىرەدى! ۇرىمجىدە وسى ەكى كۇندە جاڭبىر جاۋىپ، تەمپەراتۋرا ℃8- قا تومەندەيدى! شينجياڭدا كوپتەگەن جەر جىلۋمەن قامداۋدى شۇعىل باستاپ كەتتى! ۇيلەرىڭىز جىلىندى ما؟

  شينجياڭنىڭ كۇزى قىز بالانىڭ قىزعالداق عۇمىرىنداي تىم قىسقا، التىن كۇزدىڭ ارايلى شۋاعى ەندى-ەندى باستالا بەرگەندە، قىلىشىن سۇيرەپ قىس تا جەتتى!

  وسى ەكى كۇن ىشىندە، سولتۇستىك شينجياڭنىڭ قيىس باتىس رايونىندا جاۋىن-شاشىن بولىپ، تەمپەراتۋرا تومەندەيدى، الداعى 1 اپتادا شينجياڭداعى كوپتەگەن جەرگە قار جاۋادى! جىلى كيىنىپ جۇرىڭىزدەر!

  شينجياڭداعى كوپتەگەن وڭىردە جاڭبىر نەمەسە قار جاۋادى، تەمپەراتۋرا تومەندەيدى!

  (تەكەس اسۋىندا قار جاۋىپ، ءبىر ءبولىم جولداردى قار باسىپ قالدى)

  9-كۇنى تۇننەن 10-كۇنى كۇندىزگە دەيىن، ىلە وبلىسى، ءۇرىمجى قالاسى، سانجى وبلىسىنىڭ تاۋلى رايوندارى قاتارلى جەرلەردە سەبەزگى جاڭبىر نەمەسە از جاڭبىر جاۋادى (تاۋلى رايوندارعا قار جاۋادى). مۇنىڭ ىشىندە، التاي ايماعىنىڭ سولتۇستىگىندەگى تاۋلى رايوندار، قىزىلسۋ وبلىسىنىڭ تاۋلى رايوندارى قاتارلى جەرلەردىڭ ءىشىنارا وڭىرلەرىندە ورتاشا نەمەسە قالىڭ قار جاۋادى، شىعىس شينجياڭنىڭ جەل وتتەرىندە باتىس سولتۇستىكتەن 9 بال بوران سوعادى. جوعارىدا ايتىلعان جەرلەردىڭ باسىم كوپ رايوندارىندا تەمپەراتۋرا 3-℃5 تومەندەيدى.

  10-كۇنى تۇننەن 11-كۇنى كۇندىزگە دەيىن، قاشقار ايماعىنىڭ تاۋلى رايوندارى، اقسۋ ايماعىنىڭ سولتۇستىك تاۋلى رايوندارى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر، از جاڭبىر نەمەسە قار جاۋادى. تاۋلى رايونداردىڭ ءىشىنارا وڭىرلەرىندە ورتاشا قار جاۋادى.

  ءۇرىمجىنىڭ اۋا رايىنان مالىمەت

  سۋىق اعىستىڭ ىقپالىنان، الداعى 3 كۇندە ۇرىمجىگە جاڭبىر نەمەسە قار جاۋىپ، تەمپەراتۋرا تومەندەيدى. مەجەمەن جۇما كۇنى تۇننەن سەنبى كۇنى تاڭەرتەڭگە دەيىن، قالا رايونىنا وتكىنشى جاڭبىر جاۋادى، تومەن تەمپەراتۋرا ℃1 قا دەيىن تومەندەيدى. ءۇرىمجىنىڭ وڭتۇستىك تاۋلى رايوندارىندا از قار جاۋىپ، تەمپەراتۋرا ℃10- قا دەيىن تومەندەيدى.

  «قىس كوزى قىراۋ» دەيدى دانا حالقىمىز، توڭىپ قالماي، كيىمدى قالىڭ كيىنىڭىزدەر. وسى اپتادان باستاپ شينجياڭداعى كوپتەگەن جەرگە جاڭبىر نەمەسە قار جاۋادى، تەمپەراتۋرا ℃8- قا دەيىن تومەندەيدى.

  شينجياڭدا كوپتەگەن جەر جىلۋمەن قامداۋدى شۇعىل باستاپ كەتتى!

  1. ۇرىمجىدەگى جىلۋمەن قامدايتىن كاسىپورىندار ارت-ارتىنان پاردىڭ وتىن قىزدىرا باستادى!

  10-ايدىڭ 5-كۇنىنەن باستاپ جىلۋمەن قامداۋ جۇمىسى ىركەس-تىركەس باستالىپ تا كەتتى، كەزەكتە قاراستى وڭىردەگى قۇبىر تورىنىڭ 1 رەتكى تەمپەراتۋراسى بەلگىلەنگەن ولشەمگە جەتتى. قاراستى وڭىردەگى تۇرعىندار وتباسىنا دا جىلۋ جەتكىزىلدى.

  2. سانجى قالاسى 7-كۇنى ساعات 0:00 دەن باستاپ جىلۋمەن قامدادى!

  10-ايدىڭ 7-كۇنى ساعات 0:00 دە، سانجى قالاسى جىلۋمەن قامداۋ قىزمەتىن اۋەلگى جوسپاردان 8 كۇن بۇرىن جالپى بەتتىك باستاپ كەتتى. بۇكىل قالاداعى جىلۋمەن قامداۋ اۋماعى 250 مىڭ وتباسىن قامتىپ، جىلۋمەن قامداۋ جالپى كولەمى 33 ميلليون 650 مىڭ شارشى مەترگە جەتتى.

  3. قۇلجا قالاسى الدىنالا جىلۋمەن قامدايدى!

  10-ايدىڭ 10-كۇنى ساعات 0:00 دەن باستاپ، جىلۋمەن قامداۋ جالپى بەتتىك باستالادى، تۇتىنۋشىلار دايىندىقتارىڭىزدى كورە بەرىڭىزدەر.

  4. شىحىزى قالاسىنىڭ بيىل قىسقى جىلۋمەن قامداۋ قىزمەتى باستالدى!

  10-ايدىڭ 8-كۇنى ساعات 16:00 دا جىلۋمەن قامداۋ باستالدى. ەڭ اۋەلى شيپاحانا، قارتتار ءۇيى، بالالار باقشاسى، مەكتەپ قاتارلى جەرلەردىڭ جىلۋمەن قامدالۋىن قامتاماسىزداندىرۋ نەگىزىندە، شاعىن رايوندارداعى بارلىق وتباسىنا ارت-ارتىنان جىلۋ جەتكىزىلەدى.

  5. كۇيتۇن قالاسى الدىنالا جىلۋمەن قامدايدى!

  10-ايدىڭ 8-كۇنىنەن باستاپ، جىلتقى قۇبىرلاردا سۋ اينالىمى باستالدى، 10-ايدىڭ 10-كۇنى جىلۋمەن قامداۋدى رەسمي باستايدى. بۇل بۇرىنعى جىلدارمەن سالىستىرعاندا 5 كۇن بۇرىن بولدى.

  6. قارامايلى قالاسى جىلۋمەن قامداۋدى الدىنالا باستادى!

  10-ايدىڭ 1-كۇنى ساعات 0:00 دە، بۇكىل قالاداعى جىلتۋ تورابى جۇيەسى تۇگەلدەي جىلىندى، مىنە بۇل قارامايلى قالاسىنىڭ 2020-جىلعى جىلۋمەن قامداۋ قىزمەتىن الدىنالا باستاپ كەتكەندىگىنەن دەرەك بەرەدى. بيىل بۇرىنعى جىلدارعا قاراعاندا جىلۋمەن قامداۋ 14 كۇن بۇرىن باستالدى.

جاۋاپتى رەداكتور: ءاننا اكىمقان قىزى