تاماشا كورىنىس توڭىرەكتىڭ ءتورت بۇرىشىنان كەلگەن ساياحاتشىلاردى باۋرادى

شينجياڭ گازەتىنىڭ جالپىلىق اقپارات قۇرالدارى تىلشىلەرى رىن جياڭ، ياۋ گاڭ

  10 - ايدىڭ 1 - كۇنى تيانشان بوعدا كولى كورىنىس ءوڭىرى ”تيانشاندا جارىق اي“ جەلىلەس قيمىلىن وتكىزدى، قيمىل ولەڭ وقۋ، جاياۋ ءجۇرىپ دەنە شىنىقتىرۋ، مارافونشا جارىس سياقتى مازمۇنداردى قامتىدى. سۋرەتتى جىن مەي تۇسىرگەن

  ”قاقتالعان بالىق ەرەكشە ءدامدى ەكەن، مۇنى قالاي جاسايدى؟“، ”فىنتاڭ سورپاسىنىڭ ءدامى ايرىقشا ەكەن!“... 10 - ايدىڭ 1 - كۇنى بۋىرشىن اۋدانىنىڭ 5 - كەزەكتى ءدامدى تاعامدار مەرەكەسىندە قالىڭ ادام قايشالىسىپ، ساياحاتشىلار، ءبىر جاعىنان، كوركەم كورىنىستەن ءلاززات السا، ەندى ءبىر جاعىنان، جيدە اعاشىمەن قاقتالعان تاۋىق ەتى، جيدە اعاشىمەن قاقتالعان بالىق ەتى، گۇلدى بۋ نان، ءسۇرى ەت سياقتى ءدامدى تاعامداردان اۋىز ءتيدى.

  مەملەكەت مەرەكەسى مەن جۇڭچيۋ بىرگە كەلدى، تيانشان الابىنىڭ كۇزگى كورىنىسى كوز تارتتى. قوس مەرەكە كەزىندە، رايونىمىزدىڭ جەر - جەرىندەگى كورىنىس وڭىرلەرى 200 رەتتەن استام مادەنيەت، دەنە تاربيە جانە ساياحات قيمىلدارىن ورىستەتىپ قوناق قابىلدادى. كوركەم كورىنىس، الۋان قيمىل توڭىرەكتىڭ ءتورت بۇرىشىنان ساياحاتشىلاردى توپ - توبىمەن كەلۋگە باۋرادى.

  بۇل كۇنميڭدىق ساياحاتشى ۋ شياۋحۇيدىڭ 5 - رەت شينجياڭعا كەلۋى ەكەن. ول بۋىرشىن اۋدانىنىڭ ءدامدى تاعامدار مەرەكەسىندە قاقتالعان بالىق جانە قوي ەتى قابىرعاسىنان ءدام تاتقاننان كەيىن، اۋىز جاپپاي: ”بۇل جەر بەينە كوكتەم مەرەكەسىن وتكىزىپ جاتقانداي دۋماندى ەكەن، كوپشىلىك ءدامدى تاعامداردان بىرگە ءدام تاتىپ، كوركەم كورىنىستەن ءلاززاتتاندى، ەرتەگىدەگىدەي الۋان ءتۇرلى شەكارا قالا بۋىرشىننىڭ وزگەشە كەرەمەتىن سەزىنىپ، كوڭىلدى، باقىتتى دەمالىس وتكىزدىك“، - دەدى.

  شينجياڭ يۋانشيڭۋاڭ ساياحات كووپەراتيۆى شەكتى سەرىكتەستىگىنىڭ ساياحات جەتەكشىسى 20دان استام ۇرىمجىلىك ساياحاتشىنى باستاپ ءدامدى تاعامدار مەرەكەسىندە سەيىل قۇردى. وسى سەرىكتەستىك ساياحات كووپەراتيۆىنىڭ بولىك جاۋاپتىسى ۋ بين قازىر وزدەرىنىڭ كۇن سايىن بۋىرشىنعا قاراي ۇيىرمە جىبەرەتىندىكتەرىن، مەملەكەت مەرەكەسى دەمالىسىنىڭ ءتىزىمى تولىپ كەتكەنىن تانىستىردى.

  ولەڭ وقۋ، حاتكەرلىك كورمەسىن اشۋ... تيانشان بوعدا كولى كورىنىس ءوڭىرى كوپ ءتۇرلى مادەنيەت، ساياحات قيمىلىن وتكىزدى. چاڭشالىق ساياحاتشى ساۋ ليجۋان قۋانا بىلاي دەدى: ”ولەڭدەگىدەي ءساندى تابيعات پەن كوركەم كورىنىس ءبىر تۇلعالانىپ، ادامعا ءبىر ءتۇرلى جاڭالىقتى سەزىندىرەدى ەكەن، قوس مەرەكەدە شينجياڭعا ساياحاتتاي كەلۋدى تاڭداۋىم توتەنشە دۇرىس تالعام بولىپتى“.

  تۇڭعىش كەزەكتى قابا وزەنى. مول ءونىم فوتوسۋرەت كورمەسى وسى اۋداننىڭ اق قايىڭ كورىنىس وڭىرىندە وتكىزىلدى، 100 فوتوسۋرەت تۋىندىسى مەن الۋان بوياۋلى قالىڭ ورمان كومكەرگەن اق قايىڭ ورمانى كوركەم كورىنىس جەلىسىن قالىپتاستىرىپ، بۇكىل ەلدىڭ جەر - جەرىنەن كەلگەن 10 مىڭنان استام ساياحاتشى مەن فوتو اۋەسكەرىن باۋرادى.

  مۇنان سىرت، اقسۋ قالاسى تۇڭعىش كەزەكتى اۋىل - قىستاق مادەنيەت، ساياحات مەرەكەسى، التاي ميلليون باس تەگەنە قۇيرىق قويىنىڭ وتارعا بارۋ مادەنيەت، ساياحات مەرەكەسى، شونجى ”بايىرعى قالاداعى تولعان اي. جۇڭچيۋ سۇيىسپەنشىلىگى“ جۇڭچيۋ ساعىم شىراق كورمەسى، قاشقار قالاسى ”اسەم گۇل، تولعان اي. سۇيىسپەنشىلىككە تولى جۇڭچيۋ“ باقشا سەيىلى قيمىلى، حوتان اۋدانى ”شىرىن كۇز“ داۋاز ويىنى سياقتى تارتىمدى قيمىلداردى وتكىزىپ، جەر - جەردىڭ ەرەكشەلىگىن كورنەكتىلەندىرەتىن، ساياحاتشىلاردى باۋرايتىن ماڭىزدى ارناعا اينالدىردى. ۇعىسۋعا قاراعاندا، تەك التاي ايماعىنىڭ ءوزى 10 - ايدىڭ 1 - كۇنى 201 مىڭ 600 ادام - رەت ساياحاتشى قابىلداپ، ساياحات كىرىسى 83 ميلليون 989 مىڭ 100 يۋانعا جەتكەن.

جاۋاپتى رەداكتور: ءاننا اكىمقان قىزى