ايماعىمىزداعى كادىرلار مەن بۇقارا 3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىن قىزۋ تالىقلادى

 التاي گازەتىنىڭ ءتىلشىسى ياڭ ۋيشۋان، پراكتيكانت ءتىلشى گۇزال ابدىرەشيت حابارلايدى. 9-ايدىڭ 25-كۇنىنەن 26-كۇنىنە دەيىن 3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى بەيجيڭدە اشىلدى. باس شۋجي شي جينپيڭ ماجىلىسكە قاتىناستى ءارى ماڭىزدى ءسوز سويلەپ، 2-رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرگى شينجياڭ قىزمەتىندە قول جەتكىزگەن ناتيجەلەردى جان-جاقتى قورىتىندىلاپ، كەزەكتەگى جانە بۇدان بىلايعى ءبىر مەزگىلدەگى شينجياڭ قىزمەتىنىڭ جەتەكشى يدەياسى، نىسانا-مىندەتتەرى قاتارلىلاردى ايقىندادى. ايماقتاعى ءار دارەجەلى كادرلار مەن بۇقارا حاباردى كورىپ، تىڭداپ، رۋحىن ۇيرەنىپ، ءتۇسىنىپ، ”ءتورت تانىمدى“ شىنايى كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، وسى رەتكى اڭگىمە ءماجىلىسىنىڭ رۋحىن جەتەكشى ەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا ۇلەس قوساتىندىقتارىن ءبىلدىردى.

  ايماقتىق پارتكوم قارت كادرلار مەكەمەسى دەمالىسقا، پەنسياعا شىققان قارت كادرلاردى باسقارۋ ءبولىمىنىڭ باستىعى ورالقان زاكەن ۇلى بىلاي دەدى: ەكونوميكا مەن قوعامنىڭ جاپپاي دامۋى شينجياڭداعى ءار ۇلت كادرلارى مەن بۇقاراسىنىڭ، شينجياڭعا باعىتتامالى كومەكتەسەتىن ولكە-قالالاردىڭ، بۇكىل پارتيانىڭ، بۇكىل ەلدەگى ءار ۇلت حالقىنىڭ ورتاق قۇلشىنۋىنىڭ ناتيجەسى. باس شۋجيدىڭ ءسوزى الداعى قىزمەتتى ورىستەتۋىمىزگە ايقىن باعدار كورسەتىپ، بۇكىل شينجياڭداعى ءار ۇلت كادرلارى مەن بۇقاراسىنىڭ كۇرەس جىگەرىن تاسقىنداتىپ، شينجياڭنىڭ ەكونوميكالىق، قوعامدىق دامۋى مەن حالىق تۇرمىسىن جاقسارتۋدا قول جەتكىزگەن تابىسىن تولىق تۇراقتاندىردى، پارتيا ورتالىق كوميتەتىنىڭ شينجياڭ قىزمەتىنە باسا ءمان بەرگەندىگىن جانە شينجياڭداعى ءار ۇلت حالقىنا دەگەن شىنايى قامقورلىعىن ايگىلەپ، شينجياڭنىڭ بولاشاعى ءۇشىن دامۋ جوباسىن جاسادى، ءبىز ەرەكشە قۋانىشتامىز.

  تايكەشكەن شەكارادان كىرىپ-شىعۋ شەكارا قورعانىسى تەكسەرۋ پۋنكتى پارتكومىنىڭ شۋجيى، باستىعى شۇي جاڭيۇڭ بىلاي دەدى: باس شۋجي شي جينپيڭنىڭ ماڭىزدى ءسوزىنىڭ رۋحى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ءتۇسىندىرىپ، شينجياڭ حالقىنا دەگەن شىنايى ءۇمىت پەن كەلەلى تاپسىرمانى قامتىدى. تايكەشكەن شەكارادان كىرىپ-شىعۋ شەكارا قورعانىسى تەكسەرۋ پۋنكتى پارتيا مەن مەملەكەتتىڭ ساياسي ورگانى رەتىندە مەملەكەت قاقپاسى وتكەلىنىڭ حاۋىپسىزدىگى مەن ورنىقتىلىعىن قورعاۋ، ۇلتتار ىنتىماعى العاباسارلىعىن بەكەمدەۋ سىندى داڭقتى بورىشتى ارقالاۋمەن بىرگە، شەكارا قورعانىسى تەكسەرۋ، جەرگىلىكتى ەكونوميكانىڭ دامۋىنا قىزمەت وتەۋ سىندى قاسيەتتى مىندەتتى دە ارقالاپ وتىر. بىز يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن ۇزدىكسىز بىرلىككە كەلتىرىپ، تاباندىلىقپەن ىستەپ، وي-سانانى قارۋلاندىرىپ، قىزمەتتى ىلگەرىلەتىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە ءوز ۇلەسىمىزدى قوسامىز.

  ايماقتىق ۇرپاقتارعا كوڭىل ءبولۋ قىزمەت كوميتەتىنىڭ مەڭگەرۋشىسى جەڭىس راقىمەت ۇلى بىلاي دەدى: پارتيا تالاي جىل باۋلىعان كادر رەتىندە ءبىز شينجياڭ تاريحىنىڭ كۋاگەرى، شينجياڭ اڭگىمەسىنىڭ باس كەيىپكەرىمىز. ءبىز شينجياڭنىڭ اڭگىمەسىن جاقسى بايانداپ، شينجياڭنىڭ قوعام ورنىقتىلىعىنىڭ تاماشا جاعدايىن، حالىقتىڭ الاڭسىز تىرشىلىك ەتكەن باقىتتى تۇرمىسىن تاباندىلىقپەن ۇگىتتەيمىز.

  ايماقتىق ورمان ءورتىن ءوشىرۋ، ورتتەن ساقتانۋ تارماق اترەتى ساياسي ءبولىمىنىڭ مەڭگەرۋشىسى ۋ شياۋبو بىلاي دەدى: باس شۋجي شي جينپيڭنىڭ 3-رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ءسوزى وي جەلىمىزدى ايقىنداپ، جول سىلتەدى، بولىمشە اترەتىمىز بۇكىل ايماقتاعى شينجياڭنىڭ باتىس سولتۇستىك جاسىل قالتقىسىن قورعايتىن بىردەن-ءبىر ورمان ءورتىن ءوشىرۋ، ورتتەن ساقتانۋ، قۇتقارۋ قوسىنى، بارلىق قولباسشىلار مەن جاۋىنگەرلەر باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، شينجياڭعا تامىر تارتىپ، شينجياڭدى قورعاپ، شينجياڭدى قۇرىپ، پارتيا مەن حالىقتىڭ ”تۇنگى كۇزەتشىسى“ بولۋداي ايبىندى ۋادەنى ءىس جۇزىندىك ارەكەتتەرى ارقىلى امالياتتا ايگىلەيدى.

  باس شۋجي شي جينپيڭنىڭ 3-رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ءسوزى ءبىزدى جىگەرلەندىردى. بيىل كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزەتىن جىل. التاي اۋىل-قىستاق ساۋدا بانكەسى جەرگىلىكتى فينانس قۇرىلىمى رەتىندە شينجياڭ قىزمەتىنىڭ باس نىساناسىن ۇزدىكسىز ارقاۋ ەتىپ، فينانس ارقىلى كەدەيلەردى دالمە-ءدال سۇيەمەلدەۋ قىزمەتىن بار كۇشپەن ويداعىداي ىستەيدى،كەدەيلەردى سۇيەمەلدەۋ شاعىن نورمالى قارىز اقشاسىن تاراتۋ قىزمەتىن جاقسى ىستەپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە ۇلەس قوسادى ـ دەدى التاي اۋىل-قىستاق ساۋدا بانكەسى پارتكومىنىڭ شۋجيى، القا باستىعى تاۋ ۋيجۇن.

جاۋاپتى رەداكتور: ءاننا اكىمقان قىزى