ايماعىمىزدىڭ جەر- جەرىندە العاشقى قار جاۋادى

  ءوز ءتىلشىمىز قۇرمانگۇل جەڭىسبەك قىزى حابارلايدى. 9-ايدىڭ 28-كۇنىٴتىلشىنىڭ ايماقتىق اۋا رايى ستانسياسىنان ۇعىسۋىنشا، وسى اپتادا ايماعىمىزدىڭ كوپ جەرىندە كۇز بولعاننان بەرگى تۇڭعىش قار جاۋادى ەكەن.

  9- ايدىڭ 29- كۇنى تاڭەرتەڭنەن تۇستەن كەيىنگە دەيىن، ايماعىمىزدىڭ جەر- جەرىندە از مولشەردە جاڭبىر ارالاس قار نەمەسە قار جاۋادى، سولتۇستىكتەگى تاۋلى رايونداردا، شىعىس بولەكتەگى تاۋلى رايونداردا جانە جەمەنەي اۋدانىنىڭ ساۋىر تاۋى وڭىرىندە قىرباق قار جاۋادى. ٴىشىنارا جەرلەردە ورتاشا قار جاۋادى، قيىس باتىستان 5 ~ 6 بال جەل سوعادى، جاپان تۇزدەردە جانە جەل وتتەرىندە جەل كۇشى 7 ~ 8 بالعا جەتىپ، اۋا تەمپەراتۋراسى تومەندەيدى.

  9- ايدىڭ 29- كۇنى تۇننەن 30 - كۇنى تۇسكە دەيىن، ايماعىمىزدىڭ جەر- جەرىندە جاڭبىر ارالاس قارجاۋىپ، سوڭى قىرباق قارعا اينالادى، سولتۇستىكتەگى تاۋلى رايونداردا ورتاشا قار جاۋىپ، قيىس باتىستان 5 ~ 6 بال جەل سوعادى، جاپان تۇزدەردە جانە جەل وتتەرىندە جەل كۇشى 7 بالعا جەتىپ، اۋا تەمپەراتۋراسىندا كورنەكتى وزگەرىس بولمايدى.

  قاتىستى مامانداردىڭ ۇسىنىسى:وسى اپتاداعى جاۋىن - شاشىندى اۋارايى كۇزگى داقىلدى كەپتىرۋگە نەداۋىر ىقپال جاسايدى، قالىڭ ديقاندار ساقتانۋ شارالارىن الدىن الا جاقسى ىستەۋى كەرەك. بۇدان سىرت، وسى اپتادا تاۋلى رايونداردا اۋا تەمپەراتۋراسى نەداۋىر تومەن بولادى، تاۋعا شىعاتىن ساياحاتشىلار قالىڭ كيىنىپ، تۇماۋدان ساقتانۋى كەرەك. سونىمەن بىرگە، وسى اپتانىڭ باسىندا تاۋلى رايوندا قار جاۋىپ، جول بەتىن قار باساتىندىقتان كولىكتەردىڭ قاتىناۋىنا ىقپالى ٴبىرشاما زور بولادى، شوفەرلەر حاۋىپسىزدىككە كوڭىل ٴبولۋى، قاتىناس باسقارۋ تاراۋلارى جول قورعاۋ جانە قاتىناس - تاسىمال باسقارۋ قىزمەتىن الدىن الا جاقسى ىستەۋى كەرەك. جاڭبىر ارالاس قار جاۋاتىندىقتان ەلەكتر سىمدارىنا مۇز قاتادى، قاتىستى تاراۋلاردىڭ ەلەكتر جەلىسىن شارلاۋ، تەكسەرۋ، قامتاماسىزداندىرۋ سياقتى ساقتانۋ قىزمەتىن كۇشەيتۋىن ۇسىنىس ەتەمىز.

  اۋدارعان: مەيرامگۇل مۇسىنات قىزى

جاۋاپتى رەداكتور: ءاننا اكىمقان قىزى