”دارا كورىنىستەن“ ”مىڭ شاقىرىمدىق ساياحات كاريدورىنا دەيىن“

التاي ايماعى وڭىرلىك ساياحاتتىڭ تىڭ جۇلگەسىن بار كۇشپەن قالىپتاستىردى

التاي گازەتىنىڭ ءتىلشىسى حۋ جۇنشيۋ

      2017-جىلى ايماق بويىنشا 15 ميلليون 900 مىڭ ادام (رەت) ساياحاتشى قابىلداپ، ساياحاتتان كىرگەن جالپى كىرىس 11 ميلليارد 240 ميلليون يۋان؛ 2018-جىلى ايماق بويىنشا 22 ميلليون 827 مىڭ ادام (رەت)ساياحاتشى قابىلداپ، ساياحاتتاعى جالپى تۇتىنىلىم 23 ميلليارد 430 ميلليون يۋان؛ 2019-جىلى ايماق جيىنى 33 ميلليون 611 مىڭ ادام (رەت) ساياحاتشى قابىلداپ، ساياحاتتاعى جالپى تۇتىنىلىم 38 ميلليارد480 ميلليون يۋان بولدى، سونىمەن قاتار، 2019 ـ جىلى التاي ايماعىنىڭ ساياحاتى مەملەكەت بويىنشا 2- ورىندى يەلەپ، ساياحاتشىلاردىڭ ساياحاتتاۋداعى كوزدەۋلى جەرىنە اينالدى.

وڭىرلىك ساياحاتتىڭ تىڭ كارتيناسىن جاراتتى

 ايماقتىق پارتكومنىڭ مۇشەسى، اكىمشىلىك مەكەمەسىنىڭ ورىنباسار ءۋاليى لان شىڭشين 2020-جىلعى حالىقارالىق قىسقى سپورت (بەيجيڭ) كورمەسىندە تانىستىرا كەلىپ بىلاي دەدى: التاي كوز جەتكىسىز دالاسى، سايىن ساحاراسى، جوڭكىلگەن وزەنى، ايبىندى شاتقالى، ايباتتى قارلى تاۋلارى، كەڭ-بايتاق سۋلى جەرى بار كوركى كوز سۇرىندىرەتىن قار-مۇزدى، توڭكەرىستىك، تىنىش، باقىتتى جەر.

  2017 -جىلى ايماقتىق پارتكوم مەن اكىمشىلىك مەكەمەسى جاعدايدى كوزدە ۇستاي وتىرىپ، دۇنيە جۇزىلىك 1-دارەجەلى قىسقى قار-مۇز ساياحات بايلىعىن جانە ەل ىشىندەگى 1-دارەجە الى جازعى ساياحات بايلىعى ابزالدىلىعىن ارقاۋ ەتىپ، قىسقى ساياحاتتىڭ اتوي سالۋ سيگنالىن شالدى. ”اس-سۋ، جاتىن ورىن،ءجۇرىس-تۇرىس، ساياحاتتاۋ، زات ساتىپ الۋ، كوڭىل اشۋ، دارەتحانا“ 7 ءىرى ساياحات ارناۋلى نىساندارى ىركەس-تىركەس جولعا قويىلىپ، «التاي ايماعىنىڭ وڭىرلىك ساياحاتىن دامىتۋ جوباسى»، «التاي ايماعىنىڭ قار-مۇز ساياحات كاسىبىن دامىتۋ جوباسى» قاتارلى 10 نەشە ءتۇرلى جوبا ارت-ارتىنان جارىققا شىعۋمەن بىرگە، كومەكتەسىپ قۇراتىن ولكە، قالالارمەن بىرىگىپ، جۇڭگو قار-مۇز كاسىبى (شاڭبايشان تاۋى +التاي تاۋى) دامۋ سەلبەستىك ۇلگى كورسەتۋ رايونى قۇرىلىسىن باستادى. سونىمەن بىرگە، ايماق قاناستى كوشباسشى ەتكەن كوكتوعاي اۋدانى، التاي قالاسى، 3 ءىرى قار الاڭى جانە التاي تاۋى مىڭ شاقىرىمدىق ساياحات كاريدورىن تىرەك ەتكەن ”ءتورت رايون، ءبىر بەلدەۋ“ قىسقى ساياحات سارا لەنياسىن، سونداي-اق شىعىسى تۇرپاننان باستالىپ، كوكتوعايدى باسىپ ءوتىپ قاناسقا باراتىن، ورتا بولەگى ۇرىمجىدەن باستالىپ، ۋجياچۇي جانە بەيتۇندى باسىپ ءوتىپ قاناسقا باراتىن، باتىسى كۇشاردان باستالىپ تيانشان تاس جولى مەن قارامايلىنى باسىپ ءوتىپ قاناسقا باراتىن ”ءۇش نەگىزگى N اينالما“ جازعى ساياحات لەنياسىن شەكاراداعى توڭكەرىستىك ساياحات، كوركەم كورىنىستى ساياحاتتاۋ، قار-مۇزدى ساياحاتتاۋ، قاستاس ساياحاتى جانە ۇلتتىق سالت-سانا مادەنيەتى ساياحاتى قاتارلى 10 نەشە جازعى، قىسقى، جەكە كولىكپەن ساياحاتتاۋ، جاياۋ ءجۇرىپ ساياحاتتاۋدىڭ سارا لەنياسىن اشىپ، ساياحاتشىلاردىڭ ءتۇرلى قاجەتىن قاناعاتتاندىردى.

  2018 -جىلدان بەرى، ايماق 4A دارەجەلى كورىنىس رايونىنان 2 سىن،3A دارەجەلى كورىنىس رايونىنان 5 ىن كوبەيتىپ، A دارەجەلىدەن جوعارى كورىنىس رايونىن 33 كە جەتكىزىپ، قاناس كورىنىس رايونى مەملەكەتتىك ەكولوگيالى ساياحاتتان ۇلگى كورسەتەتىن رايونىن تابىستى جاراتسا، التاي قالاسى ”جۇڭگوداعى دەنساۋلىقتى اسىراۋ، سەيىلدەۋ، دەمالا ءجۇرىپ ساياحاتتاۋدان ۇلگى كورسەتىن 10 ءىرى بازا“ جانە ”جۇڭگو قار-مۇز ساياحاتىنداعى 10 قۇدىرەتتى قالا“ اتاعىنا يە بولدى.

  مەحانيزمدى ساپالاندىرىپ، نەگىزدى كەمەلدەندىردى

  سوڭعى جىلدان بەرى، التاي كورىكتى اۋىل-قىستاق قۇرۋدى وڭىرلىك ساياحاتتى دامىتۋدىڭ ماڭىزدى ارقاۋى ەتىپ، اۋىل-قىستاق ساياحاتىنان ۇلگى كورسەتەتىن قىستاق، ۇلگى كورسەتەتىن وتباسىن بەلسەنە جاراتىپ، ”كاسىپورىن+قىستاق پارتيا ياچەيكاسى+ سەلبەستىك كووپەراتيۆ+ەگىنشى وتباسى“ مۇددە بىرلەسكەن وداعى مەحانيزمىن قۇرۋعا ىزدەنىس جاساپ، بۋىرشىن چيليتان بالىقشىلىق قىستاعى، كوكتوعاي تاراتى قىستاعى قاتارلى ەرەكشەلىگى كورنەكتىلەنگەن ۇلگى كورسەتۋ قىستاقتارىن قالىپتاستىردى. مۇندا، قوم-قاناس موڭعۇل ۇلتتىق اۋىلى شيرۇڭ قوم حالىقتىق قونالقىسى ”اۆتونوميالى رايوندىق 2020-جىلعى سارا حالىقتىق قونالقى“ بولىپ باعالاندى.

  2017 -جىلدان بەرى، ايماقتىڭ ساياحاتقا قوسقان قارجىسىن جيناقتاعاندا 150 ميلليون يۋاننان اسىپ، ساياحات نىسانىنان 60 ىن اتقاردى، قاناس، كوكتوعاي، ۇلىڭگىر كولى، اقكۇنگەيتى، اققايىڭ ورمانى قاتارلى ءبىر توپ ساياحات كورىنىس رايوندارىنىڭ نەگىزدىك قۇرىلعىلارى اناعۇرلىم كەمەلدەنىپ، قويتاس، قيىنكەرىش، مەملەكەتتىك كەن باقشاسى قاتارلى كورىنىس رايوندارىنىڭ كاسىبى ۇشقان قۇستاي دامىدى. 2018- جىلى قوناقجايدى وزگەرتىپ سالۋ نىسانىنان 42 سىن اتقارىپ، 3000 توسەك ورىن ارتتى، 3 جۇلدىز دارەجەلىدەن جوعارى قوناقجايلار قىس ماۋسىمىندا تۇگەل تيجارات جۇرگىزدى؛ دارەتحانا توڭكەرىسىن ىلگەرىلەتىپ، ايماق بويىنشا 35 مىڭ 499 دارەتحانا سالىندى؛ 2019- جىلى نەگىزدىك قۇرىلعىلاردىڭ دارەجەسىن جوعارىلاتۋ، كەمەلدەندىرۋدى جالعاستى ىلگەرىلەتىپ، تۇتاس جىلدا ساياحات نىسانىنان 23 ىن اتقارىپ، ساياحات رولىن اناعۇرلىم جوعارىلاتىپ، ساياحات ءتۇرىن بايىتتى. دارەتحانا توڭكەرىسىن جالعاستى ىلگەرىلەتۋ، ماي قۇيۋ پۋنكتى قۇرىلىسى تەبىنىن كۇشەيتۋ ارقىلى شۇڭقىر، قويتاس، جالدىڭۇيى، قاراوتكەل، ۇشكول قاتارلى جەرلەردە اۆتوكولىك توقتاتۋ الاڭىنان 5 ىن سالسا، 283 ميلليون يۋان قارجى قوسىپ، 1293 حابارلاسۋ نەگىزدىك پۋنكت قۇرىلىسىن باستاپ تۇتاس ايماقتىڭ سيگنال تورابىنىڭ كومكەرىلۋ مولشەرىن بارىنشا جوعارىلاتىپ، تۇتاس ايماق كولەمىندە جىلجىمالى سيگنال بولۋدى قامتاماسىزداندىرىپ، ”ءۇش قيىن، ءبىر ىركىلىس بولۋ“ ماسەلەسىن تۇبەگەيلى شەشتى.

  سونىمەن بىرگە، تۇيە ءسۇتى، التاي جىلقىسى، تەگەنە قۇيرىقتى قوي، التىن، اسىل تاس، شىرعاناقتى توڭىرەكتەپ، ساياحاتشىلار ۇناتىپ ساتىپ الاتىن، الىپ جۇرۋگە قولايلى ”التاي ساۋعاسىنان“ ءبىر توبىن اشسا، 2019-جىلى ايماق بويىنشا دۇكەننەن 22 سىن سالىپ، ”التاي ساۋعاسى“ ناقتى زات دۇكەنىن جانە لەنيادا ساتۋدى تىرەك ەتكەن تيجارات تورابىن قالىپتاستىردى.

  ايماقتىق مادەنيەت-دەنە تاربيە، راديو-تەلەۆيزيا جانە ساياحات مەكەمەسىنىڭ ورىنباسار باستىعى نيە پيڭ بىلاي دەدى: ساياحات كاسىبىنىڭ كۇن سايىن دامۋىنا ىلەسە، ايماقتا ساياحاتپەن تىكەلەي كاسىپتەنگەندەر مولشەرمەن 40 مىڭ ادامعا جەتسە، جانامالاي كاسىپتەنگەندەر 100 مىڭ ادامعا تايادى.

”ساياحات +“جاندانا ءتۇستى

  ايماق ”ساياحات كاسىبىن نەگىزگى تۇلعا ەتۋ، 1- كاسىپتى جەتەلەۋ، 2- كاسىپتى سۇيەمەلدەۋگە“ تاباندى بولىپ، ”ساياحات + دەنە تاربيە“، ”ساياحات+ مادەنيەت“، ”ساياحات+قاتىناس“ قاتارلى ۇلگى ارقىلى قاتىستى كاسىپتەردىڭ توعىسپالى دامۋىن جەتەلەدى.

  ”ساياحات+دەنە تاربيە“ . باس شۋجي شي جينپيڭ ورتاعا قويعان ”سان مىڭ ادام قار-مۇز سپورتىمەن اينالىسۋ“ ۇندەۋى بويىنشا ايماق قار-مۇز سپورتى الاڭى، سارايى، مايدانى قۇرىلعى قۇرىلىسىن كۇشەيتىپ، «1000كۇن كونكي تەبۋ، وليمپيادا سپورت جارىسىنا اتوي سالۋ قيمىلى جوباسىن» بەلگىلەپ، قار-مۇز سپورتىن ساباقحاناعا كىرگىزۋمەن بىرگە، 13- كەزەكتى، 14-كەزەكتى شينجياڭ قىسقى ساياحات ساۋدا كورمەسىن وتكىزدى، ۇقساماعان فورماداعى قىسقى سپورت جارىستارىن، قار-مۇز ۇلتتىق سالت-سانا سپورتى قاتارلىلاردى وتكىزۋ ارقىلى مەملەكەتتەگى قار ـ مۇز سپورتى كلوپتارىمەن بىرلەسىپ، مەملەكەتتىك سيپات العان قار-مۇز سپورتى جارىستارىن وتكىزىپ، قار-مۇز سپورتى مەن قار-مۇز كاسىبىنىڭ دامۋىن جەبەدى.

  ”ساياحات +قاتىناس“. اۆياتسيا جاعىندا، ”كەڭىستىك اۆتوبۋزى“ جوسپارىن اتقارىپ، ۇرىمجى، قارامايلى، قۇلجا قاتارلى شينجياڭ كولەمىندەگى قالالار جانە شي-ان، چۇڭچيڭ، جىڭجوۋ قاتارلى ەل ىشىندەگى 3 نەگىزگى قالامەن تىكە قاتىناۋدى نەمەسە جول ورتادا ايالداۋدى جۇزەگە اسىردى؛ تەمىر جول جاعىندا، التاي مەملەكەتتىك تەمىر جول تورابىمەن تۇتاستىرىلدى، قازىر كوكتوعاي اۋدانى، بۋرىلتوعاي اۋدانى، بەيتۇن قالاسى، التاي قالاسىنا نەگىزىنەن پويەز قاتىنادى؛ تاس جول جاعىندا، قازىر مەملەكەت جولى 216-لەنياسى، مەملەكەت جولى 217-لەنياسى، مەملەكەت جولى 219-لەنياسى نەگىزىندە مەملەكەت جولى 331-لەنياسى، ولكە جولى 21-قۇمدىق تاس جولى، ولكە جولى 252-لەنياسى قوم ـ قاناس ــ التاي، تەرەكتى ــ جالدىڭۇيى قاتارلى تاس جول قۇرىلىسىن جەدەلدەتتى.

  ساياحات+ينتەرنەت. ايماق ساياحاتتاعى شۇعىل جاعدايعا توتەپ بەرۋ قولباسشىلىق (ءىرى ساندىق مالىمەتتىك قىزمەت وتەۋ) ورتالىعىن قۇرىپ، زەردەلى وڭىرلىك ساياحات قۇرىلىسىن كۇشەيتىپ، «التاي ايماعىنىڭ زەردەلى وڭىرلىك ساياحات ءىرى ساندى مالىمەتىنە تالداۋ جاساۋ دوكلادىن» جاساپ، ءىرى ساندىق مالىمەت امالدارىنان پايدالانىپ، التايدىڭ ساياحات كاسىبى قۇرىلىمى، ساياحاتشىلار قۇرامى، ساياحات تۇتىنىلىمى، ساياحاتشى قاينارى بازارى قاتارلى مازمۇندارعا تالداۋ جاساپ، ايماقتىڭ ساياحات كاسىبىنىڭ دامۋىن عىلمي شەشىم جاساۋ نەگىزىمەن قامدادى.

ساياحاتتى تانىستىرۋعا بارلىق ادام ات سالىستى

  ” 9-ايدىڭ 6-كۇنىنەن 11- ايدىڭ 10-كۇنىنەن دەيىن التاي ايماعىنداعى A دارەجەلىدەن جوعارى كورىنىس رايوندارىنىڭ قاقپا بەلەتىن كەشىرىم ەتتى، قاناس كورىنىس رايونى مەن قويتاس كورىنىس رايونىنىڭ جەكە كولىكپەن اقىسىز ساياحاتتاۋعا جەلىدە كەلىسۋ قاتار جۇرگىزىلدى...“ تاياۋدان بەرى، التاي ايماعىنان 16 تانىستىرۋ گرۋپپاسى بوحاي توڭىرەگى، چاڭجياڭ اتىراۋى قاتارلى 8 نەگىزگى ساياحاتشى قاينارى ءوڭىرىن توڭىرەكتەگەن 32 قالادا كۇزگى، قىسقى ساياحاتتى ۇگىتتەۋ، تانىستىرۋ قيمىلىن دابىرالى ورىستەتتى. بۇل ايماقتىڭ تيجارات ۇگىتىن جان ـ جاقتىلى جۇرگىزۋىنىڭ بىر بەينەسى.

  ايماق ۇكىمەت ءبىر تۇتاس جوسپارلاۋعا تاباندى بولىپ، ايماقتىڭ ساياحات كاسىبىن دامىتۋداعى ارناۋلى قارجىسى مەن ساياحات بازارىن كەڭەيتۋ قارجىسىن قۇرىپ، «ساياحاتشىلاردى التايدى ساياحاتتاۋعا باۋراۋدىڭ 10 ءتۇرلى تيىمدىلىك جەتكىزۋ ساياساتىن»، «كۇزگى ساياحاتتاعى حالىققا ءتيىمدى ساياساتى ەرەجەسىن» جولعا قويىپ، ”سىرتقا شىعارۋ، ىشكە ەنگىزۋ“ ادىسىمەن ساياحات ساياساتىنىڭ تيىمدىلىك جاساۋ تەبىنىن، سونداي-اق سارا لەنيا مەن التايدىڭ ”جەر ءجانناتى ــ قاناس، قارلى مەكەن ــ التاي“ التىن ماركاسى جونىندەگى ۇگىتتى زورايتتى.

  شينجياڭ قىسقى ساياحات ساۋدا كورمەسى ورايىنان پايدالانىپ، اقپارات مەديالارى، ساياحات ساۋداگەرلەرى، كلوب قاتارلى 300 ساياحات مايتالماندارى مەن سيلى قوناقتاردى التايعا كەلۋگە ۇسىنىس ەتىپ، شيامىن ساۋدا كەڭەسى، ازيا ـ ەۆروپا كورمەسى، گۋاڭدۇڭ ساياحات كورمەسى، جۇڭگو باتىس بولەك كورمەسى قاتارلى ءىرى تيپتى كورمە قيمىلدارىنا قاتىناسۋ ارقىلى شاعىن تانىستىرۋ گرۋپپاسىن قۇرىپ ەلىمىزدىڭ جەر ـ جەرىنە ۇگىت جۇرگىزىپ، ”جەر ءجانناتى ــ قاناس، قارلى مەكەن ــ التاي“ ايگىلى ماركاسىنىڭ ىقپال قۋاتىن ۇزدىكسىز كەڭەيتتى.

  توعىسپالى مەديا ابزالدىلىعىنان پايدالانىپ، توراپ، قولفون APP، ءۇنحات الەۋمەتتىك ءنومىرى قاتارلى امالدارى ارقىلى ۇگىت جۇرگىزدى؛ شيەچىڭ، چۇينار قاتارلى ساياحات قىزمەت وتەۋ تەكشەسىمەن سەلبەسىپ، كومەسكى قاريدارلارمەن بايلانىس جاساۋدى كۇشەيتتى؛ ساياحات كاسىبى ماماندارىن ۇسىنىس ەتىپ، ساياحاتقا جەتەكشىلىك ەتۋدىڭ قىسقا مەرزىمدىك تاربيەلىك ساباعىن اشىپ،اربىر پارتيالى كادردى التايدىڭ ۇگىتشىسىنە، تۇسىندىرۋشىسىنە، تانىستىرۋشىسىنا اينالدىرىپ، ۇكىمەت، تاراۋ، كاسىپورىن، مەديا ءتورتى ءبىر تۇلعالانعان تيجارات جۇيەسىن بار كۇشپەن قۇردى.

  بۇگىنگى كۇنى التايدىڭ ساياحات قاريتاسىن اقتارساڭىز، كورىنىس تۇيىندەرى تۇتاسىپ، اسەم كورىنىستەر ۇلاسىپ،كوركى كوز سۇرىندىرەتىن مىڭ شاقىرىمدىق ساياحات كاريدورى كوز الدىڭىزعا كەلەدى.

  اقپاراتتىق باعام  

  ساياحات كاسىبىنىڭ جوعارى ساپالى دامۋىنىڭ بولاشاعى زور

  التاي ــ كورىنىسى كوركەم تاماشا جەر. 2017- جىلدان بۇرىن شينجياڭعا بارىپ ساياحاتتاۋدى اۋىزعا العاندا، ساياحاتشىلاردىڭ كوبى قاناستى ويلايدى. ال، وزگەدەن ەرەن قار-مۇز بايلىعى بار التايدى ەسكە الاتىندار از ەدى. 2017-جىلى التاي ”تۇنىق سۋ، جاسىل تاۋ ــ باعا جەتپەس بايلىق، قار- مۇزدىڭ ءوزى ــ اسىل قازىنا“ دامۋ تانىمىن مۇقيات دايەكتىلەندىرىپ، قىسقى مول قار-مۇز بايلىعىن جانە وزگەدەن ەرەن ءوڭىر ابزالدىلىعىن ارقاۋ ەتىپ، قىسقى ساياحاتتى بار كۇشپەن دامىتۋمەن بىرگە، ساياحات ارقىلى قار-مۇز جابدىعى، قۇرىلعىسى جانە اس-سۋ قىزمەت وتەۋ كاسىبى قاتارلى ءتۇرلى تۇتىنۋ سالاسىنىڭ ۇشقان قۇستاي دامۋىن جەتەلەپ، ەگىنشى-مالشىلاردى حالىقتىق قونالقىنى دامىتۋ، قولونەر بۇيىمدارىن جاساۋ جانە سۇتتەن جاسالعان ونىمدەر ارقىلى كىرىسىن ارتتىرۋ، ءوندىرىس-تۇرمىس شارت-جاعدايىن جاقسارتۋعا جەتەلەۋ ارقىلى ساياحات كاسىبىن حالىقتى اۋقاتتاندىرىپ، باقىتقا باستايتىن ناعىز كاسىپكە اينالدىردى.

  ساناققا نەگىزدەلگەندە، 2019- جىلى التاي ايماعى جيىنى 33 ميلليون 611 مىڭ ادام (رەت) ساياحاتشى قابىلداپ، ساياحاتتىق جالپى تۇتىنىلىم 38 ميلليارد 480 ميلليون يۋان بولدى. 2018 -جىلدان 2019- جىلعا دەيىن قىس مەزگىلىندە التاي ايماعىنىڭ قار-مۇز قيمىلىنداعى تۇتىنىلىمى 3 ميلليارد 690 ميلليون يۋان بولدى. جۇرتتى جالت قاراتاتىن بۇل تابىستاردى التايداعى ءار ۇلت بۇقاراسىنىڭ ىنتىماعىنان، وزىنە دەگەن سەنىمىنەن جانە كۇرەسشەڭدىك جىگەرىنەن بولە قاراۋعا بولمايدى. بيىل جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىندا، التايدىڭ ساياحات كاسىبىنىڭ دامۋى اۋىر قىسىمعا ۇشىرادى، قيىنشىلىق الدىندا ايماق تاعى قيىنشىلىققا مويىماي العا ۇمتىلىپ، ولقىلىقتى تولىقتاپ، السىز تۇرلەردى كۇشەيتىپ، ساياحات قۇرىلعى قۇرىلىسىن نىعايتىپ، «ساياحاتشىلاردى التايدى ساياحاتتاۋعا باۋراۋدىڭ 10تۇرلى حالىققا تيىمدىلىك جەتكىزۋ شاراسىن»، «كۇزگى ساياحاتتاعى حالىققا تيىمدىلىك جەتكىزۋ ساياساتى ەرەجەسىن» الىپ شىعىپ، قاقپا بەلەتىن كەشىرىم ەتۋ، ماي باعاسى قوسىمشا قاراجاتى،ساياحات ارناۋلى پويەزىن (ۇشاقتى) جالعا الۋدى سيلاۋ مەحانيزمى قاتارلى شارالارى ارقىلى ەل ىشى بازارىن كوزدە ۇستاپ، ساياحاتشىلاردى التايدى ساياحاتتاۋعا باۋراپ، ساياسات ەكونوميكاسىنىڭ جەدەل جاندانۋىن جەبەدى. كوز الدا، ساياحات كاسىبىندە تيپكە بۇرىلىس جاساپ، دارەجەسىن جوعارىلاتۋ ورايىن مىقتى يگەرگەندە عانا التايدىڭ ساياحات كاسىبى تەز قالپىنا كەلىپ، دۇنيە ءجۇزى دارەجەلى ساياحاتتاعى كوزدەۋلى جەر، دۇنيە ءجۇزى دارەجەلى قار-مۇز ساياحاتىنداعى كوزدەۋلى جەردى، ءسوزسىز، رەالدىققا اينالدىراتىن بولادى.

جاۋاپتى رەداكتور: ءاننا اكىمقان قىزى