ءبىر نيەت،ءبىر تىلەكتە كۇش ۇيىستىرىپ، كوركەم بۇلاشاق جاراتايىق

ايماقتاعى ءار ۇلت كادر-بۇقاراسى 3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن قىزۋ تالقىلادى

  التاي گازەتنىڭ ءتىلشىسى ياڭ ۋيشۋان حابارلايدى. جاقىندا اشىلعان 3- رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى ايماقتاعى ءار ۇلت كادر-بۇقاراسىن جىگەرلەندىردى. كوپشىلىك بىردەن بىلاي دەستى: باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورتالىقتىڭ شينجياڭ قىزمەتى جونىندەگى كەلەلى ستراتەگيالىق ورنالاستىرۋىن دايەكتىلەندىرىپ، كورىكتى شينجياڭ قۇرۋ جولىندا قۇلشىنا كۇرەس جاسايمىز.

  ايماقتىق پارتكوم ۇگىت ءبولىمىنىڭ ۇنەمىلىك ىستەرگە جاۋاپتى ورىنباسار باستىعى يۋان بيڭ بىلاي دەدى: 3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنگەننەن كەيىن وتە اسەرلەندىم. شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە وسكەلەڭ ءمان بەرىپ، شينجياڭداعى ءار ۇلت كادر-بۇقاراسىنىڭ تۇرمىسىنا كوڭىل ءبولىپ، قامقورلىق جاسادى. سونىمەن بىرگە، باس شۋجي شي جينپيڭ ”مادەنيەتپەن شينجياڭدى نارلەندىرۋدى“، ”حالىقتى بايىتىپ شينجياڭدى گۇلدەندىرۋدى“ جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا كىرگىزىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ مازمۇنىن بايىتتى. كەلەسى كۇندەردە وسى رەتكى ءماجىلىستىڭ رۋحىن ىشكەرىلەي ۇيرەنىپ، دايەكتىلەندىرىپ، ءماجىلىستىڭ رۋحىن ويداعىداي ۇگىتتەپ، ويداعىداي تياناقتاندىرىپ، باس شۋجي شي جينپيڭنىڭ باستاۋىندا شينجياڭنىڭ ءتىپتى دە جاقسى بولاشاقتى قارسى الاتىندىعىنا سەنەمىز.

  ايماقتىق دەنساۋلىق ساقتاۋ جانە سالاماتتىق كوميتەتى پارتگۋپپاسىنىڭ شۋجيى چيان جىجياڭ بىلاي دەدى: 3 ـ رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ نىساناسى، وي جەلىسى ايقىن، شارالارى كەمەلدى، پارتيا ورتالىق كوميتەتىنىڭ شينجياڭ قىزمەتىنە وسكەلەڭ ءمان بەرۋىن تولىق ايگىلەدى ءارى ءبىزدىڭ بۇدان كەيىنگى قىزمەتىمىزگە العا باسۋ باعدارىن نۇسقاپ، ايماقتاعى ءار ۇلت كادر ـ بۇقاراسىنىڭ كورىكتى شينجياڭ قۇرىپ، شينجياڭ قوعامىنىڭ جاراسىمدى، ورنىقتى جانە باياندى تىنىشتىعىن جۇزەگە اسىرۋداعى سەنىمىن اناعۇرلىم بەكەمدەدى.

  ايماقتىق پارتكوم ۇيىمداستىرۋ ءبولىمى تەكسەرۋ-زەرتتەۋ كەڭسەسىنىڭ مەڭگەرۋشىسى ۋاڭ چاۋ بىلاي دەدى: پارتيا ورتالىق كوميتەتىنىڭ شينجياڭدى زاڭمەن جونگە سالۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ شينجياڭدى گۇلدەندىرۋ، شينجياڭدى باياندى كوركەيتۋ جونىندەگى شەشىم-ورنالاستىرۋى ورەلى. جاقىنعى جىلداردان بەرى، جاڭا داۋىردەگى پارتيانىڭ شينجياڭدى جونگە سالۋ جالپى جوباسى شينجياڭنىڭ قوعام جالپى جاعدايىنىڭ ورنىقتىلىعىن ىلگەرىلەتتى. ەكونوميكا ورنىقتى اقاۋسىز دامىپ، ۇلتتاردىڭ ىنتىماعى جاراسىمدى بولىپ، بۇقارانىڭ تۇرمىسى كۇننەن-كۇنگە جاقسارىپ، ءتۇرلى ىستەر ۇزدىكسىز العا باستى. وسى رەتكى اڭگىمە ءماجىلىسى اشىلعاننان كەيىن شينجياڭنىڭ ەرتەڭىنىڭ ءتىپتى دە نۇرلى بولاتىنىنا سەنەمىز.

  ايماقتىق باجى مەكەمەسى زات جانە ەڭبەك باجى ءبولىمىنىڭ باستىعى چۇي حۋا بىلاي دەدى: 3-رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنگەننەن كەيىن، كوڭىلىم قاتتى تولقىدى، ىنتىماقتى، جاراسىمدى، گۇلدەنىپ-كوركەيگەن، مادەنيەتتى العا باسقان، الاڭسىز تۇرمىس كەشىرەتىن سوتسياليستىك شينجياڭ قۇرۋ بۇكىل پارتيانىڭ، بۇكىل ەلدەگى ءار ۇلت حالقىنىڭ ورتاق يراداسى، ورتاق جاۋاپكەرلىگى. بۇدان كەيىنگى كۇندەردە وسى رەتكى ءماجىلىستىڭ رۋحىن جەتەكشى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن يدەيالىق تىرەك ەتىپ، ساياسي تۇرعىنى اناعۇرلىم جوعارىلاتىپ، قىزمەتتى ويداعىداي ادا ەتىپ، ءىس جۇزىندىك ارەكەتىم ارقىلى باس نىسانانى جۇزەگە اسىرۋعا ءبىر كىسىلىك ۇلەسىمدى قوسامىن.

  قاناس كورىنىس رايونىن باسقارۋ كوميتەتى قوعام حاۋىپسىزدىگى مەكەمەسى ساياسي قىزمەتتى باقىلاۋ كەڭسەسىنىڭ ورىنباسار مەڭگەرۋشىسى تاڭنۇر جاقاش قىزى بىلاي دەدى: نەگىزگى ساتىداعى حالىق ساقشىسى بولعان مەن قوعام ورنىقتىلىعىن قورعاۋ ماڭداي الدى مىندەتىم. باس شۋجي شي جينپيڭنىڭ 3-رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندەگى سويلەگەن ماڭىزدى ءسوزى سەنىمىمدى اناعۇرلىم بەكەمدەپ، جىگەرىمدى تاسقىنداتتى، باس شۋجي شي جينپيڭنىڭ ماڭىزدى ءسوزىنىڭ رۋحىن جانە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن مۇقيات ويداعىداي دايەكتىلەندىرىپ، تياناقتاندىرىپ، كورىكتى شينجياڭدى كۇش سالا قۇرىپ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا جاستىق كوكتەمىمدى ارنايمىن.

  التاي قالالىق 3- ورتا مەكتەپتىڭ پەنسياعا شىققان وقىتۋشىسى سۇي شۋجىن بىلاي دەدى: شينجياڭدا تۇرمىس كەشىرىپ قىزمەت ىستەگەنىمە 56 جىل بولدى، وسى 56 جىل ىشىندە شينجياڭنىڭ بىرتە-بىرتە كوركەم بولاشاققا، گۇلدەنىپ ـ كوركەيۋگە بەت العانىنا كۋا بولدىم. باس شۋجي شي جينپيڭنىڭ جەتەكشىلىگىندە، پارتيا ورتالىق كوميتەتىنىڭ قامقورلىعىندا بۇكىل شينجياڭداعى ءار ۇلت كادر-بۇقاراسىنىڭ ورتاق قۇلشىنىسىنىڭ ارقاسىندا شينجياڭنىڭ ەرتەڭىنىڭ اناعۇرلىم كوركەم، اناعۇرلىم نۇرلى بولاتىنىنا سەنەمىن.

جاۋاپتى رەداكتور: ءاننا اكىمقان قىزى