جيلين-التاي ساياحات ۇشاعى ەكىنشى توپتاعى ساياحات ۇيىرمەسىن الىپ التايعا جەتتى

  التاي گازەتىنىڭ ءتىلشىسى دۋ پىڭفي حابارلايدى. 9-ايدىڭ 24-كۇنى ايماعىمىز «جيلين-التاي» شينجياڭعا باعىتتامالى كومەكتەسۋ بويىنشا ۇشاق مايلاپ ساياحاتتاۋ ۇيىرمەسىنىڭ 2 ـ توپتاعى ساياحاتشىلارىن قارسى الدى. ۇعىسۋعا قاراعاندا، كەلەسى قادامدا، جيليننەن كەلگەن 174 قوناق كورىكتى التايدا «تاۋى التىن، سۋى كاۋسار مەكەنگە ساياحات» اتىنداعى ساپارىن باستايدى ەكەن.

  ىندەتتەن ساقتانۋ-تىزگىندەۋدى ۇدايىلاندىرۋ العى شارتىندا، ساياحات كاسىبىنىڭ تەز دامۋىن جەبەۋ ٴۇشىن، ايماقتىق پارتكوم كوپ رەت ساياحات قىزمەتىن ورنالاستىرۋ ٴماجىلىسىن اشىپ، ساياحاتقا تيىمدىلىك جاساۋ ساياساتتارىن العا قويىپ، ساياحاتتى تانىستىرۋ قىزمەتىن جاقسى ىستەپ، شينجياڭعا كومەكتەسەتىن ولكەلەردىڭ كوپىرلىك، دانەكەرلىك رولىن ساۋلەلەندىرىپ، «ساياحاتشىلاردى التايدى ساياحاتتاۋعا باۋراۋ» قيمىلىن بەلسەنە ورىستەتۋگە ۇندەدى.

  

  ”ىندەتكە قارسى تۇرۋ ۇلى رۋحىن ساۋلەلەندىرىپ، قالىڭ ەمدەۋ قىزمەتكەرلەرىنە كوڭىل ءبولىپ شابىتتاندىرۋ ءۇشىن، جيلين ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى « ەڭ كوركەم بەينە، ەڭ كوركەم ساياحات» اتىنداعى جيلين ولكەسىندەگى ىندەتكە قارسى اتتانعان ەمدەۋ قىزمەتكەرلەرىن التايعا ساياحاتتاۋعا ۇيىمداستىردى، ولاردىڭ كورىكتى التايدا تاماشا ساتتەردى وتكىزۋىن ٴۇمىت ەتەمىن“، ـ دەدى ايماقتىق مادەنيەت-دەنە تاربيە، راديو ـ تەلەۆيزيا جانە ساياحات مەكەمەسىنىڭ ورىنباسار باستىعى، شينجياڭعا كومەككە كەلگەن كادر ياۋ تاۋ.

      جيلين ولكەسى سىپيڭ تۋبەركۋلەز اۋرۋلار شيپاحاناسى ىشكى اۋرۋلار 1-ٴبولىمىنىڭ شيپاگەرى ۋاڭ بو تۇڭعىش رەت التايعا كەلدى. ول بىلاي دەدى: ”وسى رەتكى قيمىلعا قاتىناسقاندا ىشتەي ەرەكشە تەبىرەندىم، وتانىمىزدىڭ شىعىس سولتۇستىگىنەن باتىس سولتۇستىگىنە دەيىنگى ساپارىمىز ۇزاق بولعانىمەن، كورىكتى شينجياڭنىڭ التاي ايماعىن كورىپ ەرەكشە قۋاندىم، التاي مەن جيليننىڭ بولاشاعىنىڭ بارعان سايىن جاقسارۋىنٴۇمىت ەتەمىن”.


     ”ءار جىلى 9- ايدىڭ سوڭى مەن 10- ايدىڭ باسى التايدىڭ كۇزگى كورىنىسى ەڭ كوركەم كەز. كەلەسى قادامدا، ءبىز تاعى دا ساياحات ارناۋلى پويەزىن، ساياحات ۇشاعىن ۇيىمداستىرىپ، جيلين حالقىنا التايدىڭ بەينە سۋرەتتەگىدەي كوركەم كۇزگى كورىنىسىن كورسەتىپ، جەرگىلىكتى ورىننىڭ ساياحات شارۋاشىلىعىنىڭ دامۋىن دەمەيمىز“،ـ دەدى ياۋ تاۋ.


       «جيلين-التاي» جيليننىڭ شينجياڭعا باعىتتامالى كومەكتەسۋ ساياحات ارناۋلى پويەزى جانە ۇشاق مايلاپ ساياحاتتاۋ ۇيىرمەسى ىركەس - تىركەس التايعا كەلىپ، جيلين ولكەسى مەن التاي ايماعى اراسىندا دوستىق كوپىرىن سالىپ، ايماعىمىزدىڭ ساياحات شارۋاشىلىعىنىڭ دامۋىن ٴونىمدى جەبەدى.

اۋدارعان: مەيرامگۇل مۇسىنات قىزى

جاۋاپتى رەداكتور: ءاننا اكىمقان قىزى