ٴار ۇلت كادر-بۇقاراسى ىنتىماقتاسا وتىرىپ، ەڭبەكشىل قوس قولى مەن اقىل - پاراساتىنا سۇيەنىپ قۇلشىنا كۇرەس جاساپ، باقىتتى تۇرمىستىڭ كوركەم كارتيناسىن سالدى

بۋىرشىن اۋدانى ەگىنشى ـ مالشىلاردى باسقا سالاعا ويىستىرىپ كاسىپتەندىردى

ەرىكتى ءتىلشى جازيرا حابارلايدى. قازىر مول ٴونىم الاتىن ماۋسىم، سونداي ـ اق اۋىل-قىستاق ەڭبەككۇشتەرىن كوپ قاجەت ەتەتىن مەزگىل. بۋىرشىن اۋدانى ويماقى قالاشىعى كوپبالا قىستاعىنىڭ تۇرعىنى نۇرلىبەك قىستاق تۇرعىندارىن باستاپ، اتىزدا شەكىلدەۋىكتى قاربىزدى جيناۋمەن قاربالاس بولدى. 250 مۋ جەردەگى شەكىلدەۋىكتى قاربىز لەزدە جينالىپ بولدى.

 

  كىرىستى ارتتىرىپ، اۋقاتتانۋدى جۇزەگە اسىرۋ ءۇشىن، نۇرلىبەك قوس قولىنا سۇيەنىپ، وتباسىنىڭ تۇرمىس ساپاسىن جوعارىلاتۋعا بەل بايلاپ، جۇمىس ىستەي جۇرىپ اۋىل شارۋاشىلىعى ماشينالارى تەحنيكاسىن ۇيرەندى، قاجىماي - تالماي قۇلشىنۋدىڭ ارقاسىندا، اۋىل- شارۋاشىلىعى ماشينالارى تەحنيكاسىن يگەرۋمەن بىرگە، مول شارۋاشىلىق قۇرۋ تاجىريبەسىن توپتاپ، شارۋاشىلىق قۇرۋدىڭ جولىن تاپتى.

  نۇرلىبەك قىستاقتا ەڭبەككۇش دەلدالى بولىپ، ءوز قىستاعىمەن كورشى قىستاقتاعى قىستاق تۇرعىندارىن باسقا سالاعا ويىستىرىپ جۇمىس تاۋىپ بەردى، ەگىس جۇمىسىنىڭ قاربالاس مەزگىلىندە، ەگىس جۇمىستارىن كوتەرەگە الىپ، ەڭبەكشىل قوس قولدارىنا سۇيەنىپ اۋقاتتانۋ جولىنا ءتۇستى. "نۇرلىبەكتىڭ ۇيىمداستىرۋىندا، ۇيىمىزدىڭ ماڭايىنان عانا كاسىپتەندىك، ءار ادام كۇنىنە 300 يۋانعا تاياۋ كىرىس تابامىز"،-دەدى كوپبالا قىستاعىنىڭ تۇرعىنى دابىل بەردىبەك ۇلى.

  

 
جەمەنەيدەگى ٴسۇت ونىمدەرى جارمەنكەسى تۇتىنۋ ارقىلى كەدەيلەردى سۇيەمەلدەۋدى دەمەدى

  ەرىكتى ءتىلشى جۇلدىز داۋىل قىزى حابارلايدى. جەمەنەي اۋدانى بەستەرەك اۋىلى «نازاردى تۇتىنۋ ارقىلى كەدەيلەردى سۇيەمەلدەۋگە شوعىرلاندىرىپ، كەدەيلىكتەن ارىلتۋدان قامال الۋعا دەم بەرەيىك» تاقىرىبىنداعى ٴسۇت ونىمدەرىن كورمەلەۋ- ساتۋ جارىسىن وتكىزدى.

  

  ”بۇل جارىستى وتكىزۋدەگى باستى ماقساتىمىز- بۇقاراعا تاماشا تەكشە ازىرلەۋ، ولاردىڭ وز قولدارىمەن جاساعان ءسۇت ونىمدەرىن، ۇن تاعامدارىن ءتىپتى دە كوپ ادامعا تانىستىرىپ، بۇقارانىڭ كىرىس جولىن اشىپ، كىرىستەرىن ارتتىرۋعا كومەكتەسۋ"،-دەدى بەستەرەك اۋىلىنىڭ ورىنباسار اۋىل باستىعى ديدار جۇمابەك ۇلى.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى