ايماعىمىز ءتۇرلى مازمۇنداعى قوس مەرەكەنى قۇتتىقتاۋ قيمىلدارىن وتكىزەدى

  ءوز ءتىلشىمىز دۇڭ شىجۇي حابارلايدى. 9-ايدىڭ 25-كۇنى ءتىلشىنىڭ التاي ايماقتىق مادەنيەت-دەنە تاربيە، راديو-تەلەۆيزيا جانە ساياحات مەكەمەسىنەن ۇعىسۋىنشا، بيىل ايماعىمىز مەملەكەت مەرەكەسى مەن ورتاڭعى كۇز مەرەكەسى سىندى «قوس مەرەكە» دەمالىسىنىڭ الدى ـ ارتىندا كوپ ءتۇرلى مادەنيەت ـ ساياحات قيمىلدارىن وتكىزىپ، توڭىرەكتىڭ ٴتورت بۇرىشىنان كەلگەن قوناقتاردىڭ التايعا كەلىپ ساياحاتتاۋىن قىزۋ قارسى الادى ەكەن.

  «1 ـ قازان» كەزىندەگى قيمىلداردا جارقىن تۇيىندەر كوپ : التاي تاۋى كوكتوعاي حالىقارالىق قار شاڭعى الاڭىنداعى العاشقى شاڭعى تەبۋ قيمىلى وتكىزىلىپ شاڭعى تەبۋ مەزگىلىن باستايدى. ايگىلى فوتو سۋرەتشىلەر جانە فوتو سۋرەت اۋەسكەرلەرى يرەك تاس ورمانى، قىزىل جاپىراقتى ورمان، وزەن اڭعارىنداعى اق قايىڭ ورمانى، كەرىشتى كەمەر، چيليتان بالىقشىلىق قىستاعى سياقتى جەرلەرگە بارىپ كوركەم كورىنىستەردى سۋرەتكە تۇسىرەدى، التاي تەگەنە قۇيرىقتى قويى كوشى-قون مادەنيەت ساياحات مەرەكەسى وتكىزىلەدى، اقىندار ايتسى جانە داستان ايتۋ، تەگەنە قۇيرىقتى قويدى باعالاۋ، ات بايگەسى، ەڭ كوركەم كيىز ٴۇيدى باعالاۋ جارىسى، مىڭ شاقىرىمدىق كوشى-قون ساياحاتىن فوتوعا ءتۇسىرۋ، اۋىل شارۋاشىلىعى ونىمدەرى كورمەسى، كەشكى بازار، اسىل تاس كورمەسى، مىڭ شاقىرىمدىق كوشى-قون ساياحاتى الاۋ كەشى سياقتى الۋان ٴتۇرلى مازمۇنداعى قيمىلدار وتكىزىلەدى.9-ايدىڭ 6-كۇنى ايماعىمىز 2020-جىلعى كۇزگى ساياحاتقا تيىمدىلىك جاساۋ ساياساتىن شىعارعاننان بەرى، كوپتەگەن ساياحاتشىلاردى التايعا كەلىپ ساياحاتتاۋعا باۋرادى. 2020-جىلعى مەملەكەت مەرەكەسى، ورتاڭعى كۇز مەرەكەسى كەزىندە، التاي ايماعىنداعى A دارەجەلى 32 كورىنىس وڭىرىنە بۇكىل ەلدەگى ساياحاتشىلاردىڭ تەگىن كىرۋىنە بولادى،ايماعىمىز ەلىمىزدىڭ جەر-جەرىنەن كەلگەن ساياحاتشىلاردى التايعا كەلىپ ساياحاتتاپ قايتۋعا شاقىرادى.

اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى