التاي اۋىل-قىستاق ساۋدا بانكەسىنىڭ زەردەلى اقى الۋ ماشيناسى ساۋداگەرلەرگە قولايلىلىق جاراتتى

  ءوز ءتىلشىمىز قۇرمانگۇل جەڭىسبەك قىزى حابارلايدى. ”الدىن-الا ۋادەلەسكەننەن كەيىن، بانكە قىزمەتكەرلەرى دۇكەنىمە كەلىپ، اقشا الۋ ماشيناسى مەن ەرەن بازاردى باسقارۋ جۇيەسىن ورناتىپ بەردى جانە قالاي ىستەتۋدى ۇيرەتىپ، جان-جاقتىلى قىزمەت وتەپ، ساۋداگەرلەرگە قولايلىلىق جاراتتى“،-دەدى 9-ايدىڭ 24-كۇنى التاي قالاسى حۇيمين دۇكەنىنىڭ جاۋاپتىسى دۇڭ زىشيا.

  ۇعىسۋعا قارعاندا، التاي اۋىل-قىستاق ساۋدا بانكەسى توراپ بىرلەسپە عىلىم-تەحنيكا شەكتى سەرىكتەستىگىمەن بىرلەسىپ شىعارعان جەلىدەگى ساۋدا ەرەن بازارى اقشا الۋ كاسىبى، جەكەلىك كىرىس تالونى، سەلبەسىپ پايدا ٴبولىسۋ، سەلبەستىك كىرىس تالونى جانە سەلبەسىپ اقى تولەۋ سياقتى 4 ٴتۇرلى ۇلگى ارقىلى سىرتقا قاراتا ساتۋدى بەلسەنە ورىستەتتى.

  بازارداعى ٴداستۇرلى اقشا الۋ جۇيەسىمەن سالىستىرعاندا، توراپ بىرلەستىگى اقشا الۋ جۇيەسى شوعىرلى تولەۋ، بەت-الپەتىن پارىقتاۋ ارقىلى تولەۋ سياقتى نەگىزگى سيفرلاردى جايمالاپ تولەۋ ٴتاسىلىن قولدايدى ٴارى ساۋداگەرلەردىڭ التاي اۋىل-قىستاق ساۋدا بانكەسىندە اشقان جەكە ەسەپ داپتەرىنە تىكە بايلانعان، ساۋداگەرلەردىڭ اقشا الۋىنا قاراپايىم، قولايلى قىزمەت وتەپ، ەسەپ حاۋىپسىزدىگىن قامتاماسىز ەتۋمەن بىرگە، بانكەنىڭ امانات اقشانى قابىلداۋى ٴۇشىن بەلگىلى دارەجەدە بەلسەندى جەبەۋ رولىن اتقارادى.

  ”اقشا الۋ ماشيناسى Windows جۇمىس جۇيەسى ERP مودۋلىن قولدانعان، ساۋداگەرلەردىڭ ساتىلۋ، ساقتاۋدى باسقارۋ، تاۋار باسقارۋ، جالپىلىق اقشا الۋ، مۇشەلەردى باسقارۋ، مالىمەت كەستەسىن باسقارۋ جانە ساتۋدى باسقارۋ قاتارلى يقۋاتتارىن ساپالاندىرىپ، ساۋداگەرلەردىڭ جالپىلىق باسقارۋ ورەسىن ٴونىمدى جوعارىلاتىپ، وزىندىك قۇندى ۇنەمدەپ، بايلىقتى ساپالى ورنالاستىرۋدى جۇزەگە اسىرادى“،-دەدى التاي اۋىل-قىستاق ساۋدا بانكەسى ەلەكتروندىق بانكە ٴبولىمىنىڭ ورىنباسار مەڭگەرۋشىسى لي گۋانجۇن.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى