مەملەكەتتىك ەلەكتر تورابىنىڭ التاي بولىمشە سەرىكتەستىگى « 1-قازاننان» بۇرىنعى كورىنىس ٴوڭىرىن شارلاۋ-تەكسەرۋ قىزمەتىن تىڭعىلىقتى ىستەدى

  ءوز ءتىلشىمىز دۇڭ شىجۇي حابارلايدى. ”1-قازان دەمالىسىنداعى ساياحاتتىڭ قاۋىرت مەزگىلىنەن بۇرىن، ٴبىز ٴۇشىن ارنايى بەلگىلەنگەن ەلەكتر تۇتىنۋ جوباسىنىڭ ارقاسىندا، حالىقتىق تۇسەلحانانىڭ ەلەكتر تۇتىنۋ ماسەلەسىنەن الاڭدامايتىن بولدىق“،-دەدى قاناس كورىنىس رايونى رۇيتاي قوناقجايىنىڭ جاۋاپتىسى جەڭىسقان اقان ۇلى قىزمەت وتەۋ اترەتىنىڭ مۇشەلەرىمەن اڭگىمەلەسكەندە جۇزىنەن قۋانىش لەبى ەسە. 9-ايدىڭ 23-كۇنى مەملەكەتتىك ەلەكتر تورابى التاي ەلەكترمەن قامداۋ سەرىكتەستىگى پارتيا مۇشەلەر قىزمەت وتەۋ اترەتى قاناس كورىنىس وڭىرىنە كەلىپ، ەلەكتر جابدىقتارىنا مۇقيات تەكسەرۋ جۇرگىزىپ، كورىنىس وڭىرىندەگى ساۋداگەرلەردىڭ حاۋىپسىز، سەنىمدى ەلەكتر تۇتىنۋىنا كەپىلدىك ەتتى.

  ”ءبىر ەلەكتر قوندىرعىسىنا وتە كوپ ەلەكتر اسپاپتارىن قىستىرۋعا بولمايدى، توك اعىسى نورمادان اسىپ كەتەدى دە وڭاي قىزىپ جاقسى تيمەيدى، فورماسى وزگەرىپ ٴتۇتىن شىعىپ ورتەنەدى، جوعارى قۋاتتى ەلەكتر جابدىقتارىنا ايىرىم توك كوزى قوندىرعىسىن ىستەتكەن ءجون“. «1-قازان» ۇزاق دەمالىسى قارساڭىندا، مەملەكەتتىك ەلەكتر تورابى التاي ەلەكترمەن قامداۋ سەرىكتەستىگى پارتيا مۇشەلەر قىزمەت وتەۋ اترەتى ءتۇرلى ءىرى كورىنىس وڭىرلەرىنە بارىپ، شارلاپ تەكسەرۋ قىزمەتىن دەركەزىندە جاقسى ىستەپ، شارلاۋ بارىسىندا بايقالعان توك ىستەتۋ ماسەلەسىنە قاراتا، ناق مايداندا قاريدارلارعا كومەكتەسىپ، تۇزەتىپ، كورىنىس ٴوڭىرى ساياحاتىنىڭ دامۋىن بار كۇشپەن قورعادى.ارالاپ تەكسەرۋ بارىسىندا، سەرىكتەستىكتەگى پارتيا مۇشەلەرى قىزمەت وتەۋ اترەتىنىڭ مۇشەلەرى كورىنىس ٴوڭىرىنىڭ ەلەكتر تۇتىنۋ جاعدايىن ەگجەي-تەگجەيلى تەكسەردى. اسىرەسە ەلەكتر جەلىسى، ەلەكتر ۇلەستىرۋ ساندىعى، ساعات ساندىعى، جانعىش زاتتاردان ساقتانۋ، ٴورت ٴسوندىرۋ قۇرىلعىلارى جانە ٴورت ٴوشىرۋ جولىنا تەكسەرۋ جۇرگىزدى. سونىمەن بىرگە، كورىنىس وڭىرىندەگى قوناق ٴۇي، حالىقتىق تۇسەلحانا سياقتى ورىنداردىڭ ۋاقىتشا ەلەكتر تۇتىنۋ، حاۋىپسىزدىكتى قورعاۋ قۇرىلعىلارىن تاسىمالداۋ، ەلەكتر ۇلەستىرۋ بولمەسى، ەلەكتر ۇلەستىرۋ ساندىعى سياقتىلاردى ارناعا ٴتۇسىرىپ باسقارۋ، ەلەكترلى سۋ جىلىتقىش، اۋا رەتتەگىش، اسحانا ەلەكتر جابدىقتارى سياقتى جوعارى قۋاتتى ەلەكتر جابدىقتارىنا تەكسەرۋ جۇرگىزىپ، تۇتىنۋشىلارعا ەلەكتردەن حاۋىپسىز پايدالانۋدا كوڭىل بولەتىن ىستەردى ٴتۇسىندىرىپ، قاريدارلاردىڭ ەلەكتردەن حاۋىپسىز پايدالانۋىنا باعىتتامالى جەتەكشىلىك ەتتى.

  قازىرگە دەيىن، مەملەكەتتىك ەلەكتر تورابى التاي ەلەكترمەن قامداۋ سەرىكتەستىگى ايماقتاعى 6 ٴتۇيىندى ساياحات كورىنىس رايونىنداعى (كورىنىس ءتۇيىنى) 100 گە جۋىق حالىقتىق تۇسەلحاناعا «1-قازان» التىن اپتالىعى ساياحاتىنان بۇرىن شارلاۋ جۇرگىزىپ، حاۋىپسىز ەلەكتر تۇتىنۋداعى 50 دەن استام كومەسكى قاتەردى بايقادى جانە تۇزەتتى.

  اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى