شينجياڭ باعراش كولىندە كۇزگى بالىق اۋلاۋ مەرەكەسى باستالدى

  تيانشان تورىنىڭ حابارى. (سۋرەتىن ءتۇسىرىپ حابارىن جازعان ەرىكتى تىلشىلەر نيان لەي، ۋاڭ دۇڭمەي) 9 - ايدىڭ 21 - كۇنى جۇڭگو شيحاي باعراش كولىنىڭ كۇزگى بالىق اۋلاۋ قيمىلى باعراش كولىنىڭ داحىكوۋ (شيحاي بالىقشىلىق قىستاعى) كورىنىس رايونىندا باستالدى. قيمىل جەر ـ جەردەگى ساياحاتشىلاردىڭ كوز قۇمارىن قاندىرىپ، اۋزىنا اس سالدىردى، سونداي - اق تاريحى تەرەڭدە جاتقان سۇبەلى بالىقشىلىق مادەنيەتىمەن تانىستىردى.

  اتالعان مەرەكە سول كۇنى ساياحاتشىلارعا ٴتۇرلى قىزىقتى قيمىلداردى ۇسىنۋدان سىرت، تاعى كوپتەگەن وزگەشە ءدامدى تاعامداردى سيعا تارتتى، شيحايدىڭ ٴبىرىنشى قازانىنداعى ون مىڭ ادامدىق بالىق تاعامدارى قوناعاسى سونىڭ ىشىندەگى ٴبىرى بولىپ، ساياحاتشىلار ءدامدى تاعاممەن تويا تاماقتاندى. سونىمەن بىرگە، باعراش كولىنىڭ وزگەشە جەڭىل تاعامدارى، ايگىلى، ەرەكشە ونىمدەرى داحىكوۋ كورىنىس رايونىنا ءتىزىلىپ، كوپتەگەن ساياحاتشىنى ايالداۋعا، تاتىپ كورۋگە، ساتىپ الۋعا باۋرادى.

  ”ايدىن - شالقار كول بەتى بۇيرالانا تولقيدى، قوعالى قامىس جەلمەن ىرعالادى، بالىقشىلار كۇن شىعا بالىققا كەتىپ، كەمەسىن تولتىرىپ قايتادى“ ،- دەدى جياڭسۋلىق ساياحاتشى ۋاڭ دان، ”باعراش اۋدانىنا ساياحاتتاي كەلدىم، مەنى وسىندا كەلۋگە جەتەلەگەنى باعراش كولىنىڭ كورىنىسى عانا ەمەس، ۇلتتىق سالت - سانا مادەنيەتىنىڭ باۋرامدىلىعى“ دەدى.

  جاقىنعى جىلداردان بەرى، باعراش اۋدانى مادەنيەت - ساياحات كاسىبىن حالىقتى اۋقاتتاندىرىپ، اۋداندى قۇدىرەتتەندىرەتىن ستراتەگيالىق تىرەكتى كاسىپ ەتۋگە تاباندى بولىپ، تۇتاس وڭىرلىك ساياحات ستراتەگياسىن بار كۇشپەن جولعا قويىپ، ”كول رايونىن تاماشالاۋ، اۋدان قالاشىعى سەيىل - سەرۋەنى، اۋىل - قىستاق تۇرمىسىن سەزىنۋ“ سىندى ٴۇش ۇلكەن ءتۇردى كۇش سالا كورنەكتىلەندىرىپ، ”نەگىزدى بەكەمدەپ، مەرەكە - جينالىس باستاماشى بولۋ، قىزمەت وتەۋ ورەسىن ٴوسىرۋ، ايگىلى ماركا جاراتۋ“ سىندى ٴتورت ٴتۇيىندى مىقتى ۇستاپ، ” ٴبىر قالا، ەكى ٴوڭىر، كوپ ٴتۇيىن“ سىندى تۇتاس وڭىرلىك ساياحاتتىڭ جاڭا جاعدايىن جاراتىپ، بۇكىل شينجياڭنىڭ تۇتاس وڭىرلىك ساياحاتىن دامىتۋدىڭ ”سەركەسى“ بولۋعا قۇلشىنۋدا.

جاۋاپتى رەداكتور: ءاننا اكىمقان قىزى