ساياسي كەڭەس ايماقتىق قىزمەت كوميتەتى 3-ماۋسىمداعى كەڭەس اڭگىمە ءماجىلىسىن اشتى

  التاي گازەتىنىڭ ءتىلشىسى ياڭ ۋيشۋان حابارلايدى. 9-ايدىڭ 22-كۇنى تۇستەن كەيىن ساياسي كەڭەس ايماقتىق قىزمەت كوميتەتى 3-ماۋسىمداعى كەڭەس اڭگىمە ءماجىلىسىن اشتى. ساياسي كەڭەس ايماقتىق قىزمەت كوميتەتى پارتگرۋپپاسىنىڭ ورىنباسار شۋجيى، مەڭگەرۋشىسى باقىت ينايات ۇلى ءماجىلىستى باسقاردى ءارى ءسوز سويلەدى، اكىمشىلىك مەكەمەسىنىڭ جانە ساياسي كەڭەس ايماقتىق قىزمەت كوميتەتىنىڭ قاتىستى باسشىلارى اڭگىمە ماجىلىسىنە قاتىناستى.

  اڭگىمە ماجىلىسىندە ايماقتىق پارتكوم ساياسي زاڭ كوميتەتى ايماقتىڭ ”نەگىزدى كۇشەيتىپ، نەگىزدى بەكەمدەۋگە كۇش سالىپ، اۋىل ـ قىستاقتى جونگە سالۋ قابىلەتىن جوعارىلاتۋ“ جونىندەگى قاتىستى احۋالدى تانىستىردى. ايماقتىڭ قاتىستى تاراۋلارى (ورىندارى) مەن ءىشىنارا اۋداندار (قالا) الدىن الا كەلىسىپ ءسوز سويلەدى جانە ءماجىلىس ۇسىتىندە ءسوز سويلەدى.

  ايماقتىق پارتكوم بەكىتكەن «ساياسي كەڭەس ايماقتىق قىزمەت كوميتەتىنىڭ 2020-جىلعى كەڭەس قىزمەت جوسپارى» بويىنشا ساياسي كەڭەس ايماقتىق قىزمەت كوميتەتى ”نەگىزدى كۇشەيتىپ، نەگىزدى بەكەمدەۋگە كۇش سالىپ، اۋىل ـ قىستاقتى جونگە سالۋ قابىلەتىن جوعارىلاتۋ“ ارناۋلى تاقىرىبىن «ساياسي كەڭەس ايماقتىق قىزمەت كوميتەتى پارتگرۋپپاسىنىڭ 2020 ـ جىلعى قىزمەت تۇيىندەرىنە» ەنگىزىپ، بيىلعى ماڭىزدى كەڭەستىك تاقىرىپ رەتىندە ىلگەرىلەتتى. پارتيا 18- قۇرىلتايىنان بەرى، باس شۋجي شي جينپيڭ پارتيا مەن مەملەكەت ىستەرى دامۋىنىڭ جالپى جاعدايى مەن ستراتەگيالىق تۇرعىسىنان مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جونىندە ءبىرسىپىرا جاڭا ۇستانىم، جاڭا يدەيا، جاڭا ستراتەگيالاردى العا قويىپ، بىرگە قۇرىپ، بىرگە جونگە سالىپ، تەڭ يگىلىكتەنەتىن قوعامدى جونگە سالۋ جاعدايىن قالىپتاستىرۋدى ايقىن العا قويىپ، قوعامدى جونگە سالۋدى وسىزامانداندىرۋدى جەدەل ىلگەرىلەتۋگە ماڭىزدى ولشەم ازىرلەدى. وسى ماۋسىمداعى ”نەگىزدى كۇشەيتىپ، نەگىزدى بەكەمدەۋگە كۇش سالىپ، اۋىل-قىستاقتى جونگە سالۋ قابىلەتىن جوعارىلاتۋ“ تاقىرىبىندا كەڭەسۋ ــ حالىقتى وزەك ەتكەن دامۋ يدەياسىنا تاباندى بولۋداعى، قوعامدى جونگە سالۋ قابىلەتىن جوعارىلاتۋداعى ناقتى ارەكەت؛ اۆتونوميالى رايوندىق پارتكومنىڭ قاتىستى قىزمەت ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ناقتى شاراسى ءارى ايماقتىق پارتكوم مەن اكىمشىلىك مەكەمەسىنىڭ ”التىنى ورنىقتىرۋ“ قىزمەتىن ويداعىداي ىستەپ، ”التىنى قامتاماسىزداندىرۋ“ مىندەتىن تياناقتاندىرۋى ءۇشىن بەلسەنە اقىل-كەڭەس بەرۋ بولىپ تابىلادى.

  ماجىلىستە مىنالار تالاپ ەتىلدى: ايماقتاعى ءار دارەجەلى ساياسي كەڭەس ۇيىمدارى، ساياسي كەڭەس جورالارى جانە ساياسي كەڭەس قىزمەتكەرلەرى شي جينپيڭ جاڭا ءداۋىر جۇڭگوشا سوتسياليزم يدەياسىن ۇزدىكسىز ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ مەملەكەتتى جاپپاي زاڭمەن جونگە سالۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، ءتۇسىنىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مەملەكەتتى زاڭمەن جونگە سالۋدى جاپپاي ىلگەرىلەتۋ جونىندەگى كەلەلى ستراتەگيالىق ورنالاستىرۋلارىمەن باتىل بىرلىككە كەلتىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ارناۋلى كەڭەس ورگاندارىنىڭ كومەسكى كۇشى مەن ونىمدىلىگىن ونان ارى ساۋلەلەندىرىپ، قوعامدى جونگە سالۋعا قىزمەت وتەۋ قابىلەتىن جوعارىلاتىپ، اۋىل-قىستاقتى جونگە سالۋ قابىلەتىن جوعارىلاتۋدىڭ ورتاق تانىمىن كەڭ كولەمدە ۇيىستىرىپ، قوعامدى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ دەڭگەيىن جوعارىلاتۋعا كۇش توپتاۋ كەرەك. كەڭەس دەموكراتياسىنىڭ جاڭا ناتيجەلەرى ارقىلى زاڭ بويىنشا جاقسى باسقارۋعا كۇش سالىپ، ورتاق تانىمعا كەلگەن جاڭا جاعداي ارقىلى ورتانىڭ قالىپتاسۋىنا دەم بەرىپ، ايماقتىڭ قوعامدى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى تاعى دا تىڭ ساتىعا كوتەرۋ كەرەك.

  ماجىلىستە مىنالار باسا دارىپتەلدى: ايماق بويىنشا مەملەكەتتىك ساياسي كەڭەس 13-كەزەكتى كوميتەتى تۇراقتى كوميتەتى 13-رەتكى ءماجىلىسىنىڭ، مەملەكەتتىك جەرگىلىكتى ساياسي كەڭەس قىزمەتى تاجىريبە اۋىستىرۋ ءماجىلىسىنىڭ، اۆتونوميالى رايوندىق ساياسي كەڭەس 12-كەزەكتى كوميتەتى تۇراقتى كوميتەتى 12-رەتكى ءماجىلىسىنىڭ رۋحىن مۇقيات دايەكتىلەندىرىپ، تياناقتاندىرۋ، پارتيانىڭ باسشىلىعىنا تاباندى بولۋدى ساياسي كەڭەستىڭ مىندەتىن ادا ەتۋى مەن وزىندىك قۇرىلىسىنىڭ تۇتاس بارىسىندا، بارلىق جاعىندا دايەكتىلەندىرىپ، تياناقتاندىرۋ، ساياسي كەڭەستىڭ پارتيا قۇرىلىسىن قاتايتۋدى، كەڭەسۋ قابىلەتىن كۇشەيتۋدى، اقىل-پاراسات پەن كۇش ـ قۋاتتى شوعىرلاندىرۋدى، ءتۇزىم مەحانيزمىن ورناتۋدى، نەگىزگى ساتىنىڭ مىندەتىن شىنايى اتقارۋدى ىلگەرىلەتىپ، جاۋاپكەرلىكتى باتىلدىقپەن ارقالاپ، ىسكەرلىك كورسەتىپ، مىندەت-جاۋاپكەرلىگىن ادالدىقپەن اتقارۋ قاجەت. اۆتونوميالى رايوندىق پارتكومنىڭ ورنالاستىرۋى مەن ايماقتىق پارتكومنىڭ قىزمەت تالابى بويىنشا ايماقتىق پارتكومنىڭ پارمەندى باسشىلىعىندا ساياسي يدەيالىق جەتەكشىلىكتى ۇزدىكسىز كۇشەيتۋ، ورتاق تانىمدى كەڭ كولەمدە ۇيىستىرىپ، ۇكىمەت ىسىنە دالمە-ءدال ۇسىنىس بەرىپ، قايراتتانا العا باسۋداي رۋحاني كۇيمەن جانە قوماقتى قىزمەت ناتيجەسىمەن، ايماقتىق پارتكومنىڭ ”ۇشتەن اۋىتقىماۋعا“ تاباندى بولۋىنا دەم بەرۋ كەرەك، ىندەتتەن ساقتانۋ-تىزگىندەۋ جاعدايىنىڭ ءۇرتىس جاقسارۋ جاعدايىن ۇزدىكسىز بەكەمدەپ، ”ءتورتتى تۇتاستىرۋ“، ”وندى ويداعىداي ىستەۋ“ قاتارلى قىزمەتتەردى جاقسى ىستەپ، ”ۇشكە شىنايى كەپىلدىك ەتۋدى“ قۇلشىنا جۇزەگە اسىرىپ، اناعۇرلىم تىنىش، كورىكتى، باقىتتى جاڭا التاي قۇرۋ ءۇشىن ساياسي كەڭەستىڭ اقىل-پاراساتى مەن كۇش-قۋاتىن ارناۋ ءتيىس.

جاۋاپتى رەداكتور: ءاننا اكىمقان قىزى