جۇڭگو جۇقپالى اۋرۋدى تىزگىندەۋ ورتالىعى مىنانى ەسىڭىزگە سالادى

  تاياۋدا جۇڭگو جۇقپالى اۋرۋدى تىزگىندەۋ ورتالىعى جۇقپالى تۇماۋدىڭ جاڭا ۆاكسيناسىن ەگۋ كورسەتكىشىن جاريالاپ، بيىل كۇز، قىس ماۋسىمدارىندا جاڭا تيپتى ايدارشا ۆيرۋسپەن جۇعىمدالعان وكپە قابىنۋى مەن جۇقپالى تۇماۋ قاتارلى تىنىس جولى قابىنۋ اۋرۋلارىنىڭ قاباتتاسىپ تارالۋ حاۋپىنەن ساقتانۋدى ەسكەرتتى. وسى كورسەتكىشكە نەگىزىنەن پاتوگەنيا، پاتولوگيا، ماۋسىمدىق وزگەرىس ەرەكشەلگى، جۇقپالى تۇماۋدىڭ ۇقساماعان ادامداردىڭ دەنساۋلىق اقاۋسىزدىعىنا جانە ەكونوميكاسىنا جەتكىزگەن زيانى، جۇقپالى تۇماۋ ۆاكسيناسىنىڭ ٴتۇرى جانە يممۋنولوگيالىق قۋاتى، ونىمدىلىگى، وزىندىك نارقى، حاۋىپسىزدىگى سونداي-اق 2020-جىلدان 2021-جىلعا دەيىن ۆاكسينا ەكتىرۋ ۇسىنىسى قاتارلى ٴبىر قىدىرۋ مازمۇندار قامتىلعان.

  جاڭا تيپتى ايدارشا ۆيرۋسىمەن جۇعىمدالعان وكپە قابىنۋ اۋرۋىنىڭ بۇكىل جەر شارى كولەمىندە كەڭىنەن تارالۋىنا نەگىزدەلىپ، تومەندەگىدەي ادامدار الدىمەن ۆاكسينا ەگۋ وبيەكتىسى دەپ كورسەتىلدى:

  ەمدەۋ قىزمەتكەرلەرى: كلينيكالىق ەمدەۋ قىزمەتكەرلەرى، الەۋمەتتىك دەنساۋلىق ساقتاۋ قىزمەتكەرلەرى، كارەنتيندەۋ قىزمەتكەرلەرىن قامتيدى؛

  قارتتاردى كۇتىمگە الۋ قۇرىلىمى، ۇزاق ۋاقىت كۇتىمدەۋ قۇرىلىمى، يگىلىك ورنى سياقتى ادامدار توپتاسقان ورىندارداعى دەنە قۋاتى ٴالسىز ادامدار مەن قىزمەتكەرلەر الدىمەن ۆاكسينا ەگۋ وبيەكتىسىنە كىرەدى؛

  ٴتۇيىندى ورىندارداعى ادامدار توبى: بالالار باقشاسى، ورتا-باستاۋىش مەكتەپتەردەگى وقىتۋشى-وقۋشىلار، تۇرمە كۇزەتشىلەرى مەن قىزمەتشىلەر قاتارلىلار؛

  باسقا دا جۇقپالى تۇماۋمەن جۇعىمدالۋ حاۋىپى كۇشتى ادامدار. مۇندا 60 جاستان اسقان قارتتار، جارىم جاستان بەس جاسقا دەيىنگى سابيلەر، سوزىلمالى اۋرۋعا شالدىققاندار، جارىم جاستان كىشى نارەستەسى بار وتباسى مۇشەلەرى مەن كۇتۋشىلەر، سونداي-اق جۇكتى ايەلدەر نەمەسە وسى مەزگىلدە جۇكتى بولعان ايەلدەر.

  جاس شاماسى جارىم جاس نەمەسە ودان ۇلكەن بولىپ، ٴجۇرىس-تۇرىسى تۋرالى دالەل–ىسپاتى بولماعان ادامدار جۇقپالى تۇماۋ ۆاكسيناسىن ەكتىرۋ كەرەك.

  جۇقپالى تۇماۋ ادەتتەگى تۇماۋ ەمەس

  ادەتتەگى تۇماۋ سۋىقتان نەمەسە ايدارشا ۆيرۋس، باكتەريا قاتارلى اۋرۋ قوزدىرعىشتاردان پايدا بولادى. جۇقپالىلىعى كۇشتى ەمەس، اۋرۋ بەلگىسى جەڭىل، وزدىگىنەن پايدا بولادى.

  ال جۇقپالى تۇماۋ ۆيرۋسىنىڭ ينفەكسيالانۋدان پايدا بولاتىن جەدەل جۇقپالى اۋرۋ. نەگىزىنەن جاقىن ارالىقتان شاشىراعان اۋا كوبىرشىگىنەن تارالادى. اۋىز قۋىسى، مۇرىن قۋىسى، كوز قاتارلى كىلەگەي پەردەلەر ارقىلى تىكەلەي نەمەسە جانامالاي جۇعىسۋدان دا جۇعىمدالادى، اسىرەسە ادامدار توپتاسقان ورىنداردا توپتىق جۇعىمدالۋ مۇمكىندىگى اۋىر بولادى.

  جۇقپالى تۇماۋعا شالدىققاندارعا قالاي تۇجىرىم جاساۋ كەرەك؟

  جۇقپالى تۇماۋدىڭ جۇعۋى تەز، كوبىندە وزدىگىنەن اۋرۋ بەلگىلەرى بايقالادى، ال كەيبىرەۋىندە وكپە قابىنۋى سياقتى قوسىمشا اۋرۋ بەلگىلەرى بايقالىپ، تەز ارادا سالماقتى ناۋقاسقا اينالۋى مۇمكىن. از ساندى سالماقتى ناۋقاستاردىڭ ناۋقاسى بىرتىندەپ اسقىنىپ تىنس الۋى قىيىنعا سوعادى، ال كەيبىرەۋلەردە وكپەنىڭ قابىنۋىنان باسقا ىشكى دەنە مۇشەلەرى زاقىمدالىپ، ادام جانىنا حاۋىپ تونەتىن ويلاماعان جايىتتەر تۋىلادى.

  جۇقپالى تۇماۋعا شالدىققاندار كلينيكادا اۋرۋ شۇعىل اسقىنىپ، قىزۋ، جوتەلۋ، جۇتقىنشاق قابىنۋ، مۇرىنان سۋ اعۋ، مۇرىن بىتەلۋ، قالتىراۋ،ٴىشى ٴوتۋ، قۇسۋ قاتارلى اۋرۋ بەلگىلەرى بايقالادى.

  ٴار جىلى جۇقپالى تۇماۋ ۆاكسيناسىن ەكتىرۋ-جۇقپالى تۇماۋدان ساقتانۋدىڭ ەڭ ٴونىمدى ٴتاسىلى

  ٴار جىلى جۇقپالى تۇماۋ ۆاكسيناسىن ەكتىرۋدىڭ ىندەتتىڭ الدىن الۋداعى، ٴونىمدى تۇردە ۆاكسينا ەكتىرۋشىنىڭ اۋرۋعا شالدىعۋ نەمەسە قوسىمشا اۋرۋدى كەلتىرىپ شىعارىپ، ناۋقاس اۋرۋىنىڭ اسقىنۋىنىڭ الدىن الادى. جۇقپالى ۆيرۋس ٴتۇرىنىڭ وزگەرۋى مەن ۋاقىتتىڭ وتۋىنە بايلانىستى ۆاكسيىنانىڭ يممۋنيتەتتىك قۋاتى بىرتىندەپ السىرەيدى، سوندىقتان جۇقپالى تۇماۋ ۆاكسيىناسىن جىلىنا ٴبىر رەت ەكتىرۋ قاجەت.

جاۋاپتى رەداكتور: ءاننا اكىمقان قىزى