شىڭگىل اۋدانى اۋىل ـ قىستاقتاعى ەلەكتروندىق ساۋدا جۇيەسىن كەمەلدەندىردى

  ءوز ءتىلشىمىز دۇڭ شىجۇي حابارلايدى: شىڭگىل اۋدانى 2016-جىلى مەملەكەت بويىنشا ەلەكتروندىق ساۋدانى اۋىل-قىستاققا جەتكىزۋدەن ۇلگى كورسەتەتىن اۋدان بولىپ بەلگىلەنگەننەن بەرى، اۋدان جۇڭگو پوچتاسى شىڭگىل بولىمشە سەرىكتەستىگىنە سۇيەنىپ، اۋدان، اۋىل، قىستاق سىندى ءۇش دارەجەلى زات اينالىم جۇيەسىن جاپپاي قامتۋدى جۇزەگە اسىرىپ، جەرگىلىكتى شىرعاناق، ەسەك ٴسۇتى سياقتى ەرەكشە اۋىل شارۋاشىلىعى ونىمدەرىن ەلەكتروندىق ساۋدا ارقىلى سان مىڭداعان وتباسىنا جەتكىزىپ، شىڭگىل اۋدانىنا جاڭا دامۋ ورايىن اكەلدى.

  شىڭگىل اۋدانى مىڭيۋان بيولوگيالىق عىلىم-تەحنيكا شەكتى سەرىكتىگى اقدالا قالاشىعىنداعى جەرگىلىكتى كاسىپورىن. ارنايى ەسەك ٴسۇتى، ەسەك ٴسۇتى پاراشوگى سياقتى ەرەكشە اۋىل شارۋاشىلىعى قوسىمشا ونىمدەرىن مانەرلەپ ساتادى. سەرىكتەستىكتىڭ جاۋاپتىسى يۇي جىچىڭ بىلاي دەدى: ”قازىر 3 دارەجەلى زات اينالىمى جۇيەسى جاپپاي جالپىلاستى. ەسەك ٴسۇتى مەن مانەرلەۋ ارقىلى سىرتقا ساتىلاتىن ەسەك ٴسۇتى پاراشوگىن ۋاعىندا پوچتا زات اينالىمى جۇيەسى ارقىلى تاسىمالداپ ساتۋىمىزعا بولادى، وتە قولايلى. سەرىكتەستىك تاعى 200 گە جۋىق كەدەي وتباسىن ٴوندىرىس قىزمەتىنە ات سالىسۋعا جەتەكتەپ، ەگىنشى-مالشىلاردىڭ كىرىسىن ارتتىرۋ ارناسىن كەڭەيتتى“.

  شىڭگىل اۋدانىنداعى اكىمشىلىك ءوڭىردىڭ جەر اۋماعى كەڭ، جان سانى بىتىراڭقى، كوپتەگەن بۇقارا اۋىل-قالاشىقتان الىس تاۋلى قىستاقتا تۇرادى، ەڭ الىس اۋىل-قالاشىق، قىستاقتار اۋدان قالاشىعىنان 100 نەشە شاقىرىم الىستا. ەڭ شاعىن قىستاقتا ون نەشە وتباسى عانا بار.كەيبىر جەدەل جەتكىزۋ سەرىكتەستىكتەرى اۋىل-قىستاقتارعا زات جەتكىزگىسى كەلمەيتىندىكتەن، ديقاندار ەككەن اۋىل شارۋاشىلىعى ونىمدەرىنىڭ اۋىلدان شىعۋى قيىن بولىپ، جەدەل جەتكىزۋدەگى «ەڭ سوڭعى ٴبىر كيلومەتر» جەرگىلىكتى ەلەكتروندىق ساۋدانى اۋىل-قىستاققا جەتكىزۋدەگى قيىن ماسەلەگە اينالدى. شىڭگىل اۋدانى مەملەكەت بويىنشا ەلەكتروندىق ساۋدانى اۋىل-قىستاققا جەتكىزۋدەن ۇلگى كورسەتۋ نىسانىن اتقارۋدى وراي ەتىپ، اۋداندىق ساقتاۋ زات جەتكىزۋ ورتالىعىن قۇرىپ، وسى ارقىلى اۋدان بويىنشا 51 قىستاقتاعى قىزمەت وتەۋ پۋنكتىنىڭ زات اينالىمىن جاپپاي قامتىپ، جوعارى مەن تومەننىڭ ەڭ سوڭعى ٴبىر كيلومەتر ماسەلەسىن شەشتى.

  جۇڭگو پوچتاسى شىڭگىل اۋدانىنداعى بولىمشە سەرىكتەستىگىنىڭ باس ديرەكتورى شۋە فىڭنىڭ تانىستىرۋىنشا، اۋداندىق ۇكىمەتتىڭ زور كۇشپەن قولداۋىندا، بۇل سەرىكتەستىك حالىق باسقارۋىنداعى جەدەل جەتكىزۋ ورىندارىمەن جەدەل جەتكىزۋ سەرىكتەستىكتەرىنىڭ قارجى قاينارىن بىرىكتىرۋ ارقىلى، بيىل 4-ايدان باستاپ، 1 اي ۋاقىت سىناق جۇرگىزىپ، حالىق باسقارۋىنداعى جەدەل جەتكىزۋ ورىندارىنىڭ جەدەل جولدامالارىن پوچتا كولىكتەرى مەن پوچتا توراپتارى ارقىلى 51 اكىمشىلىك قىستاققا تاراتىپ، ەگىنشىلەردىڭ ساتىپ العان نارسەلەرىن اۋىل-قىستاققا جەتكىزىپ، اۋىل شارۋاشىلىعى ونىمدەرىنىڭ سىرتقا ساتىلۋىنا مۇمكىندىك جاسادى.

  ”قاتىناس قولايسىز بولعاندىقتان، زات جەتكىزۋ اۋماعى تار، ۋاقىتى باياۋ، اقى الۋى جوعارى بولۋ ماسەلەسى كۇن سايىن كورنەكتىلەنە ءتۇستى، بۇرىنعى اۋىل-قىستاق اينالىم جۇيەسى قازىرگى اۋىل-قىستاق تۇرعىندارىنىڭ تۇتىنۋ دارەجەسىنىڭ جوعارىلاۋى مەن ەلەكتروندىق ساۋدا جاعىندا كاسىپ كوزىن اشۋ قاجەتىن قاناعاتتاندىرا المادى.ءبىز بۇرىنعى بىتىراندى زات اينالىم ۇلگىسى مەن اۋىل شارۋاشىلىعى ونىمدەرىن جەتكىزۋ ۇلگىسىن بىرىكتىرىپ، شارا قولدانىپ، 3 كەزەك زات اينالىمىن ىركىلىسسىزدەندىرىپ، جوعارى-تومەن اراسىنداعى ەڭ سوڭعى ٴبىر كيلومەتر ماسەلەسىن شەشتىك“،-دەدى شۋە فىڭ.

  جۋىرداعى جىلداردان بەرى، ايماعىمىز پوچتا توراپتارىندا 3 دارەجەلى زات اينالىمى جۇيەسىن بەلسەنە ىلگەرىلەتىپ، جەرگىلىكتى ورىننىڭ زات اينالىمى بايلىعىن ٴبىر تۇتاس جوسپارلاۋعا مۇمكىندىك جاسادى. 8-ايعا دەيىن ايماق بويىنشا 61 اۋىل-قالاشىق ( تۋان-الاڭ ) توراپتارىنىڭ 52 سى جەدەل جولدامالاردى اۋىل-قىستاققا جەتكىزۋدى ىسكە اسىرىپ، قامتۋ مولشەرى % 85 كە جەتتى. 10 جەدەل جەتكىزۋ جاعىندا وزىندىك تانىمالدىققا يە 68 جەدەل جەتكىزۋ كاسىپورنىنىڭ 60 ىمەن سەلبەستىك جاساسىپ، سەلبەسۋ مولشەرى % 88 بولدى. 1-ايدان 8-ايعا دەيىن، جيىنى 218 مىڭ دانا جەدەل جولداما جەتكىزىپ، «ٴۇش دارەجەلى زات اينالىمى جۇيەسى» قالا، اۋىل، قىستاق «اۋىس ـ كۇيىسىندەگى» ماڭىزدى دانەكەرگە اينالدى.

اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى