التاي قالاسى جىلۋمەن قامداۋ قىزمەتىن كۇنى بۇرىن جاقسى ىستەپ، قالا تۇرعىندارىن قىستا جىلۋمەن ويداعىداي قامداۋعا كەپىلدىك ەتتى

ءوز ءتىلشىمىز دۇڭ شىجۇي حابارلايدى. 9-ايدىڭ 12-كۇنى، ءتىلشىنىڭ التاي قالاسىنداعى لانتيان جىلۋمەن قامداۋ شەكتى جاۋاپكەرشىلىك سەرىكتەستىگىنەن ۇعىسۋىنشا، بيىل قىستان كەلەر جىلى كوكتەمگە دەيىنگى جىلۋمەن ويداعىداي قامداۋعا كەپىلدىك ەتۋ ٴۇشىن، سەرىكتەستىك دايىندىق قىزمەتىن الدىن الا جاقسى ىستەگەن.

قازىر بارلىق جىلۋمەن قامدايتىن پار قازاندار نەگىزىنەن جوندەلىپ تەكسەرىلىپ بولدى،  قوسالقى جابدىقتاردى  جوندەۋ جانە تەحنيكالىق جاڭالاۋ ينجەنەرياسى اياقتاۋ الدىندا تۇر. ەندى جابدىقتى سىناپ كورۋ، ىسكە قوسۋ، جۇيەلى سۋ تولىقتاۋ قاتارلى قىزمەتتەر ىستەلەدى.  9-ايدىڭ 16 - كۇنى جىلۋمەن قامداۋ جۇيەسىنە سۋ جىبەرىلىپ، سۋىق سۋ جىبەرىپ سىناۋ قىزمەتى ىستەلەدى، جابدىقتاردىڭ اقاۋسىزدىعىن 100 پايىزعا جەتكىزىپ، جىلۋمەن قامداعاندا جابدىقتار  قالىپتى ىسكە قوسىلاتىن بولادى.  
”بيىل بۇكىل قالانى قالىپتى جىلۋمەن قامداۋعا كەپىلدىك ەتۋ ٴۇشىن،سەرىكتەستىك قىزمەتتى الدىن الا مىقتى ۇستاپ، 5-ايدان باستاپ  جىلۋمەن قامداۋ مەزگىلىندەگى زاپاس كومىر ساقتاۋ قىزمەتىن جاقسى ىستەۋگە كىرىستى.الدىڭعى مەزگىلدەگى ىندەتتەن ساقتانۋ-تىزگىندەۋدىڭ ىقپالىنان قازىر 120 مىڭ توننا كومىر دايىندالىپ، قىسقى جىلۋمەن قامداۋعا جاعىلاتىن كومىرقامتاماسىزداندىرىلدى“،-دەدى التاي قالاسى لانتيان جىلۋمەن قامداۋ شەكتى جاۋاپكەرشىلىك سەرىكتەستىگىنىڭ ورىنباسار ديرەكتورى يان شوۋ.

ۇعىسۋعا قاراعاندا، التاي قالاسىنىڭ قالىپتى جىلۋمەن قامداۋ مەزگىلى ءار جىلى 10-ايدىڭ 15-كۇنىنەن كەلەسى جىلى 4-ايدىڭ 15-كۇنىنە دەيىن ەكەن، اۋا رايى وزگەرىسىنىڭ سەبەبىن ويلاستىرىپ، سەرىكتەستىك جىلۋمەن قامداۋعا الدىن الا دايىندالۋدا، سوڭعى مەزگىلدە اۋا رايىنىڭ وزگەرىسىنە قاراي جىلۋمەن قامداۋ ۋاقىتىن بەلگىلەپ، بۇكىل قالا تۇرعىندارىن قىستا جىلۋمەن ويداعىداي قامداۋعا  كەپىلدىك ەتەدى .

اۋدارعان: قىمبات قۇنتاي قىزى

جاۋاپتى رەداكتور: ءاننا اكىمقان قىزى