اۋە شابۋىلىنان قورعانۋ دابىلىن قاعۋ جونىندەگى حابارلاندىرۋ

  ٴار ۇلت بۇقاراسىنىڭ مەملەكەت قورعانىسى كوزقاراسىن ونان ارى كۇشەيتىپ، اۋە شابۋىلىنان قورعانۋ دابىلىن پارىقتاۋ قابىلەتىن جوعارىلاتۋ ءۇشىن «جۇڭحۋا حالىق رەسپۋبليكاسىنىڭ حالىقتىق اۋە قورعانىس زاڭى» جانە « شينجياڭ ۇيعۇر اۆتونوميالى رايونىنىڭ حالىقتىق اۋە شابۋىلىنان قورعانۋ دابىلىن قاعۋ ۋاقىتتىق بەلگىلەمەسىنە» نەگىزدەلىپ، اكىمشىلىك مەكەمەسى 2020-جىلى9-ايدىڭ 18-كۇنى تۇستەن بۇرىن ساعات 12 دە، ايماق بويىنشا اۋە شابۋىلىنان قورعانۋ دابىلىن قاعۋدى ءبىر تۇتاس ۇيىمداستىرۋدى ۇيعاردى. قاتىستى ىستەردى تومەندەگىدەي حابارلاندىرامىز :

  1. اۋە شابۋىلىنان قورعانۋ دابىلى قاعىلاتىن ۋاقىت

  2020 -جىلى 9-ايدىڭ 18-كۇنى تۇستەن بۇرىن ساعات 12 دەن، 12 دەن 19 مينۋت وتكەنگە دەيىن ( بەيجيڭ ۋاقىتى)

  2. اۋە شابۋىلىنان قورعانۋ دابىلىنىڭ ءتۇرى جانە قاعۋ پەريودى:

  ( 1 ) الدىن الا قاعىلاتىن دابىل: 36 سەكۋند قاعىلىپ، 24 سەكۋند توقتاپ، 3 رەت قايتالانادى ( ۋاقىتى 3 مينۋت ) .

  ( 2 ) اۋە شابۋىلى دابىلى: 6 سەكۋند قاعىلىپ، 6 سەكۋند توقتاپ، 15 رەت قايتالانادى( ۋاقىتى 3 مينۋت ) .

  (3) دابىلدى كۇشىنەن قالدىرۋ: جالعاستى 3 مينۋت دابىل قاعىلادى.

  ءار رەتتىڭ ۋاقىت ارالىعى 5 مينۋت .

  3. كوڭىل بولەتىن ىستەر

  بۇل جولى اۋە شابۋىلىنان قورعانۋ دابىلىن قاعۋ زاڭ بويىنشا ۇيىمداستىرىلاتىن جاتتىعۋ، اۋە قورعانىسىنا قاتىستى ەشقانداي جاعداي بولمايدى. ٴار قايسى اۋداندىق ( قالالىق ) حالىق ۇكىمەتتەرى جانە اكىمشىلىك مەكەمەسىنىڭ ءارقايسى تاراۋلارى، ايماققا توتە قاراستى ورىندار ۇگىتتەۋ قىزمەتىن جاقسى ىستەۋى، دابىل قاعۋ بارىسىندا ٴار ۇلت حالىق بۇقاراسىنىڭ قالىپتى قىزمەت، تۇرمىس تارتىبىنە ىقپال جاساماۋىنا جانە قالا تۇرعىندارىنىڭ ۇرەيلەنبەۋىنە، قوعام ورنىقتىلىعىنا شىنايى كەپىلدىك ەتۋى كەرەك .

  4. دابىل قاعىلاتىن كولەم

  التاي قالاسى، بۋىرشىن اۋدانى، قابا اۋدانى، جەمەنەي اۋدانى، بۋرىلتوعاي اۋدانى، كوكتوعاي اۋدانى، شىڭگىل اۋدانى.

  التاي ايماقتىق اكىمشىلىك مەكەمەسى

  2020 - جىلى 9 - ايدىڭ 10 - كۇنى

  اۋدارعان: مەيرامگۇل مۇسىنات قىزى

جاۋاپتى رەداكتور: ءاننا اكىمقان قىزى