جيليىن ولكەسىنەن شينجياڭعا كومەكتەسەتىن 46 ەمدەۋ-دەنساۋلىق ساقتاۋ مامانى التايعا جەتىپ، 3 ايلىق قىسقا مەرزىمدىك ەمدەۋ بويىنشا باعىتتامالى كومەكتەسۋ، سۇيەمەلدەۋ قىزمەتىن باستادى

 

 التاي گازەتىنىڭ ءتىلشىسى حۋ جۇنشيۋ حابارلايدى. 9- ايدىڭ 8- كۇنى، جيلين ولكەسىنىڭ دەنساۋلىق ساقتاۋ بويىنشا شينجياڭعا باعىتتامالى كومەككە كەلگەن ”قىسقا مەرزىمدىك ەمدەۋ-دەنساۋلىق ساقتاۋ ماماندارىنىڭ وقىتۋ نىسانىندا“ بەلگىلەنگەن 2020- جىلعى شينجياڭعا كومەككە كەلگەن 46 ەمدەۋ-دەنساۋلىق ساقتاۋ مامانى التايعا جەتىپ، 3 ايلىق قىسقا مەرزىمدىك ەمدەۋ بويىنشا باعىتتامالى كومەكتەسۋ، سۇيەمەلدەۋ قىزمەتىن باستادى.

  مەملەكەتتىڭ شينجياڭعا باعىتتامالى كومەكتەسۋ ستراتەگياسىن جاپپاي تياناقتاندىرۋ ءۇشىن، بيىل جيلين ولكەسى التاي ايماعىنىڭ قاتىستى ەمدەۋ-دەنساۋلىق ساقتاۋ قۇرىلىمىنىڭ قاجەتىنە ساي، قاجەتكە قاراي تاڭداپ جىبەرۋ، دالمە-ءدال سايكەستىرۋ پرينسيبىنە تاباندى بولىپ، 46 ەمدەۋ-دەنساۋلىق ساقتاۋ مامانىن تاڭداپ، ايماقتىق جۇڭگوشا ەمشىلىگى شيپاحاناسى (ايماقتىق قازاق ەمشىلىگى شيپاحاناسى، التاي قالالىق جۇڭگوشا ەمشىلىگى شيپاحاناسى)، ايماقتىق اۋرۋدى تىزگىندەۋ ورتالىعى، ايماقتىق انا-بالالار شيپاحاناسى، سونداي-اق التاي قالاسى، بۋىرشىن، قابا، جەمەنەي اۋدانىنىڭ اۋدان دارەجەلى شيپاحاناسى، جۇقپالى اۋرۋدى تىزگىندەۋ ورتالىعى، انا-بالالار دەنساۋلىعىن ساقتاۋ قۇرىلىمىنا بارىپ ەمدەۋ وقىتۋى، كلينيكالىق دياگنوز قويۋ، ءبولىم باسقارۋ قاتارلى قىزمەتتى ورىستەتىپ، جەرگىلىكتى ورىننىڭ ەمدەۋ-دەنساۋلىق ساقتاۋعا قىزمەت وتەۋ قابىلەتى قۇرىلىسىن جاپپاي جەبەيدى.

  جيلين ولكەلىك جۇڭگوشا ءدارى-دارمەك عىلىم اكادەمياسىنىڭ 1-كلينيكالىق شيپاحاناسى راديواكتيۆتىك ءبولىمىنىڭ مەڭگەرۋشىسى ۋاڭ دىمين تىلشىگە: مەن كەسكىن ءبولىمىنىڭ شيپاگەرىمىن. وسى رەتكى مىندەتىمىز تەز ارادا ورتاعا ۇيلەسىپ، كومەك قابىلداۋشى جەردەگى شيپاحانالاردىڭ كەسكىنمەن تەكسەرۋ جانە دياگنوز قويۋىن ارناعا ءتۇسىرىپ، بار ىنتا-پەيىلمەن ىستەپ، جيليننىڭ شينجياڭعا باعىتتامالى كومەكتەسۋ قىزمەتى مەن كومەك قابىلداۋشى شيپاحانالاردىڭ دامۋىنا ءبىر كىسىلىك ۇلەسىمىزدى قوسامىز- دەدى.

  ايماقتىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى ۋ يشياڭ بىلاي دەدى: شينجياڭعا كومەككە كەلگەن ماماندار ولقىلىقتى تولىقتاپ، ءالسىز بۋىندى كۇشەيتىپ، كومەكتەسىپ جەتەكشىلىك ەتەدى. ايماقتىڭ ەمدەۋ-دەنساۋلىق ساقتاۋ كاسىپتىك دارىندىلار قوسىنىنا تىڭ ومىرشەڭدىك كۇش قوسىپ، ايماقتىڭ ەمدەۋ-دەنساۋلىق ساقتاۋ ىستەرىنىڭ اقاۋسىز دامۋىن جەبەيدى.

جاۋاپتى رەداكتور: ءاننا اكىمقان قىزى