ايماق نىسان جانە ساياحات قىزمەتىن جەبەۋ ءماجىلىسىن اشتى

ىندەتتەن ساقتانۋ-تىزگىندەۋ تابىستارىن بەكەمدەپ، ساياحاتتى نەگىز ەتكەن تۇلعالىق ەكونوميكانىڭ جوعارى ساپالى دامۋىن ىلگەرلەتەيىك

  التاي گازەتنىڭ ءتىلشىسى ياڭ ۋيشۋان حابارلايدى. 9- ايدىڭ 3- كۇنى تۇستەن بۇرىن، ايماق نىسان جانە ساياحات قىزمەتىن ىلگەرىلەتۋ ءماجىلىسىن اشتى، ايماقتىق پارتكومنىڭ شۋجيى جاڭ يان ماجىلىسكە قاتىناستى ءارى ءسوز سويلەدى. ماجىلىستە بىلاي دەپ باسا دارىپتەلدى: باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ-تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى جەلىلەس ماڭىزدى ءسوزى، ماڭىزدى نۇسقاۋ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردە پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، 9- ايدىڭ 1-كۇنگى اۆتونوميالى رايوندىق پارتكومنىڭ بەينە-ەكىران ءماجىلىسى تالابى بويىنشا، ىندەتتەن ساقتانۋ-تىزگىندەۋدىڭ ءتۇرلى شاراسىن دالمە-ءدال ويداعىداي يگەرىپ، قالىپتى ءوندىرىس-تۇرمىس ءتارتىبىن جاپپاي قالپىنا كەلتىرۋ كەرەك. ايماقتاعى ءار دارەجەلى تاراۋلاردى جانە پارتيا مۇشەلەرىن، كادرلاردى ۋاقىتپەن جارىسىپ، قارقىندى تەزدەتىپ، ىندەتتەن ساقتانۋ -تىزگىندەۋ، ەكونوميكانى دامىتۋ، كەدەيلىكتەن ارىلتۋدان قامال الۋ، ورنىقتىلىقتى قورعاۋدىڭ ءتۇرلى قىزمەتىن تاباندىلىقپەن، باتىلدىقپەن ويداعىداي يگەرۋگە جۇمىلدىردى.

  ماجىلىستە جىل باسىنان بەرگى ايماقتىڭ نىسان جانە ساياحات قىزمەتى احۋالىن حابارلاندىردى، التاي قالاسى، كوكتوعاي اۋدانى، ايماقتىق قاتىناس-تاسىمال مەكەمەسى، شينجياڭ التاي ساياحات دامىتۋ توبىنىڭ نەگىزگى جاۋاپتى جولداستارى جەكە-جەكە ءسوز سويلەدى.

  ماجىلىستە بىلاي دەپ اتاپ كورسەتىلدى: ۇدايىلانعان ىندەتتەن ساقتانۋ-تىزگىندەۋ قىزمەتىن ەش بوساڭسىتپاستان ويداعىداي يگەرۋ كەرەك. ءار دارەجەلى ورىندار، تاراۋلار ساياسي دەڭگەيدى جوعارىلاتىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىم -ورنالاستىرۋىنا جانە اۆتونوميالى رايوندىق پارتكومنىڭ قىزمەت تالابىنا بىرلىككە كەلتىرىپ، ىندەتتەن ساقتانۋ-تىزگىندەۋدىڭ ۇزاق مەرزىمدىلىگىن، جاپالىلىعىن، كۇردەلىلىگىن جىعا تانىپ، ىندەتتەن زاڭ بويىنشا ساقتانۋ-تىزگىندەۋگە، عىلمي ساقتانۋ-تىزگىندەۋگە تاباندى بولىپ، باقىلاۋ-ولشەۋدىڭ ساقتىق مەحانيزمىن قۇرىپ، كەمەلدەندىرىپ، ”ءتورت ەرتە بولۋدى“ قامتاماسىزداندىرۋ شاراسىن كەمەلدەندىرىپ، ءتۇيىندى ورىن، ءتۇيىندى مەكەمە-ورىنداردىڭ ساقتانۋ، قورعانۋىن، ىندەتتەن ساقتانۋ -تىزگىندەۋ ءبىلىمىن ۇگىتتەۋ تەبىنىن كۇشەيتىپ، جاڭا داۋىردەگى وتانشىلدىق تازالىق قيمىلىن ىشكەرىلەي ىلگەرىلەتىپ، ءتۇيىندى بۇقارانىڭ اقاۋىسزدىعىن باقىلاۋ-ولشەۋدى مۇقيات ويداعىداي تياناقتاندىرىپ، كۇز، قىس ماۋسىمدارىنداعى ىندەتتەن ساقتانۋ-تىزگىندەۋدىڭ دايىندىعىن ويداعىداي ىستەپ، ىندەتتەن ساقتانۋ ـ تىزگىندەۋ تابىستارىن ۇزدىكسىز بەكەمدەۋ كەرەك.

  ماجىلىستە بىلاي دەپ باسا دارىپتەلدى: ءار دارەجەلى، ءار قايسى تاراۋلار ىندەتتەن ساقتانۋ-تىزگىندەۋ جانە ەكونوميكالىق، قوعامدىق قىزمەتتى ءبىر تۇتاس جوسپارلاپ ىلگەرىلەتۋدەگى جاۋاپكەرلىكتى جانە كوكەي تەستىلىكتى شىنايى كۇشەيتىپ، حاۋىپ-قاتەردى ورايعا اينالدىرۋ، ىرىقتىلىقپەن ىسكە كىرىسىپ، ۇدايىلانعان ىندەتتەن ساقتانۋ-تىزگىندەۋ قىزمەتىن مىقتى، شىنايى، تاپتەشتەي يگەرۋ العى شارتىندا قالىپتى ءوندىرىس-تۇرمىس ءتارتىبىن جاپپاي قالپىنا كەلتىرۋ كەرەك.

  بىرىنشىدەن، ساياحات كاسىبىنىڭ قايتا جاندانۋىن جەدەل ىلگەرىلەتۋ كەرەك. ”التايلىقتار التايدى ساياحاتتاۋدى“ جانداندىرۋ كەرەك. ءار دارەجەلى تاراۋلار (ورىندار) كادرلاردى، جۇمىسشى ـ قىزمەتكەرلەردى، مەكتەپتەگى وقىتۋشى-وقۋشىلاردى ءتارتىپتى ۇيىمداستىرىپ، قاناس كورىنىس رايونىن ءتۇيىن ەتىپ، وتباسىنان شىعىپ، اتا مەكەندى ساياحاتتاپ، وزگەرىستەردى سەزىنۋ، تاماشا رايدى تەز ارادا قالىپتاستىرۋ قاجەت. ”ساياحاتشىلاردى التايدى ساياحاتتاۋعا باۋراۋدى“ كۇشەيتۋ كەرەك. اۋەجاي ورىندارى كۇز، قىس ماۋسىمدارىندا ساياحاتشىلاردى التايدى ساياحاتتاۋعا باۋراۋدىڭ ءتيىمدى ساياساتىن جالعاستى ورتاعا قويىپ، ىشكى ولكەدەگى نەگىزگى ساياحاتشى قاينارى بازارىنا توتە قاتىنايتىن اۋە لەنياسىن بەلسەنە اشۋ، ”1 ـ قازان“ ساياحاتتىڭ قاۋىرت مەزگىلىن تەز ارادا قالىپتاستىرۋ كەرەك. قىسقى ساياحاتتى جانداندىرۋ قاجەت. 5 ـ كەزەكتى شينجياڭ قىسقى ساياحات ساۋدا ـ ايىرباس كورمەسىن وتكىزۋ ۇقىعىن بەلسەنە قولعا كەلتىرىپ، قىسقى ساياحات، قار ـ مۇز مادەنيەتى دايىندىعى مەن جوباسىن بار كۇشپەن ويداعىداي ىستەۋ، جان ـ جاقتىلى ۇگىتتەپ، تانىستىرىپ، بۋرىلتوعايدىڭ ”قىسقى بالىق اۋلاۋ مەرەكەسى“، التاي ”اسىل تاس، قاس تاسى مەرەكەسى“، ساربۇلاق ”كوشى ـ قون قالاشىعى“ قاتارلى تاڭداۋلى ساياحات مادەنيەتىن جەرگىلىكتى ورىننىڭ كۇز، قىس ماۋسىمى ساياحات بايلىعىمەن ورگانيكالى ۇشتاستىرۋ، التايدىڭ ساياحاتىنداعى ”التىن ماركانى“ جالعاستى ايگىلەپ، كەلەر جىلى 4 ـ ايدىڭ 20 ـ كۇنى20 ميلليون ادام (رەت) ساياحاتشى قابىلداپ، 30 ميلليون ادام (رەتكە) جەتكىزۋگە كۇش سالۋ كەرەك.

  ەكىنشىدەن، نىسان قۇرىلىسىن بار كۇشپەن جەدەلدەتۋ ءتيىس. سالىنىپ جاتقان نىسان قۇرىلىستارىنىڭ قارقىنىن جەدەلدەتۋ كەرەك. نىسان قۇرىلىسىندا ”بەستى بىرلىككە كەلتىرۋ“ تالابىن قاتاڭ تياناقتاندىرىپ، كەزەكتەگى نىسان قۇرىلىسىن جۇرگىزۋدىڭ التىن مەزگىلىن مىقتى يگەرۋ، ”كۇندى تۇنگە جالعاپ ىستەۋ“ رۋحىن ساۋلەلەندىرىپ، 60 كۇن قاۋىرت ىستەپ، ىندەت جاعدايى سەبەبىنەن زايا كەتكەن ۋاقىتتى قايىرىپ الۋ، ىندەتتىڭ سالعان زيانىنىڭ ورنىن تولىقتاۋ كەرەك. ۇكىمەت قىزمەت وتەۋدى جەدەلدەتۋ كەرەك. ءار دارەجەلى، ءارقايسى تاراۋلار (ورىندار) قىزمەت وتەۋ تانىمىن شىنايى كۇشەيتىپ، كۇنى بۇرىن بارىپ، جۇگىرە ءجۇرىپ قىزمەت وتەپ، كاسىپورىننىڭ اسىققانىنا اسىعىپ، قيىنشىلىعىن شەشىپ، كاسىپورىننىڭ اقاۋسىز، نىق قاداممەن دامۋىنا كەپىلدىك ەتۋ قاجەت.

  ۇشىنشىدەن، ساۋداگەر شاقىرىپ، قارجى ەنگىزۋ تەبىنىن كۇشەيتۋ كەرەك. ءار دارەجەلى تاراۋلار (ورىندار) يدەيانى ازات ەتىپ، باسىلىپ قالعان مال-مۇلىك، تومەن ءونىمدى بايلىقتى تەز ارادا جانداندىرۋ، قوعامدىق بايلىقتى جۇرەكتىلىكپەن كىرگىزىپ، مال ـ مۇلىك بايلىعىن ءونىمدى رەتكە سالىپ بىرىكتىرۋدى جەبەۋ كەرەك؛ بەتالىستى دالمە-ءدال بەلگىلەپ، ”ءۇشتى اشپاۋ“ قىزىل سىزىعىن، تومەنگى شەككە قاتاڭ بويسۇنۋ العى شارتىندا، ساياحات كاسىبىن جانە ”سيىر، جىلقى، قوي، تۇيە، ەسەك، سۋ، ءشوپ، ءدارى-دارمەك، جەمىس-جيدەك، ءسۇت شارۋاشىلىعى“ قاتارلى 10 ءىرى كاسىپ تىزبەگىن توڭىرەكتەپ دالمە-ءدال ساۋداگەر شاقىرىپ، اناعۇرلىم كوپ ساۋداگەر شاقىرىپ، قارجى ەنگىزۋ نىسانىنىڭ تياناقتانۋىن ىلگەرىلەتۋ كەرەك.

  تورتىنشىدەن، ورتا، شاعىن، ۇساق كاسىپورىن جانە جەكەشە ونەركاسىپ ساۋداگەرلەرىن قولداۋ تەبىنىن كۇشەيتۋ قاجەت. ءار دارەجەلى، ءار قايسى تاراۋلار ورتالىق جانە اۆتونوميالى رايون بەلگىلەگەن ىندەتتەن ساقتانۋ- تىزگىندەۋ جانە ەكونوميكانىڭ، قوعامنىڭ دامۋىن ءبىر تۇتاس جوسپارلاۋ جونىندەگى ءتۇرلى ءتيىمدى ساياساتتاردى مۇقيات ۇيرەنىپ، تاپتەشتەي زەرتتەۋ، ساياساتتىڭ تەرەزەلىك مەزگىلىن ويداعىداي يگەرىپ، سان مىڭ كادر كاسىپورىنعا بارۋ قيمىلىن جالعاستى ويداعىداي جۇرگىزىپ، فينانستىك قارىز بەرۋ، باجىنى كەمەيتىپ، اقىنى تومەندەتۋ قاتارلى كاسىپورىنعا تيىمدىلىك جەتكىزۋ شاراسىن ويداعىداي تياناقتاندىرۋ، بوگەلگەن تۇيىندەردى كۇش سالا اشىپ، ءارقايسى كاسىپورىندارمەن قيىنشىلىق قىسپاعىنان بىرلىكتە ءوتۋ كەرەك.

  ماجىلىستە مىنالار تالاپ ەتىلدى: كەدەيلىكتەن ارىلتۋدان قامال الۋدىڭ ساپاسى مەن ەرەكشەلىگىنە كەپىلدىك ەتۋ تيىس. ورتالىقتىڭ، اۆتونوميالى رايوننىڭ قىزمەت ورنىن ورنىقتىرۋدىڭ، كاسىپتەندىرۋدىڭ ءتۇرلى ساياساتىن ويداعىداي تياناقتاندىرىپ، قاجەتسىنۋمەن دالمە -ءدال تۇيىلىستىرىپ، قىزمەت ورنىنا قايتۋدى دالمە-ءدال ۇيىمداستىرىپ، كاسىپتەندىرۋ ارناسىن كەڭەيتۋ كەرەك. ايماقتىڭ ساياحات كاسىبىن، وسىزامانعى ەگىن ـ مال شارۋاشىلىعىن توڭىرەكتەپ، كاسىپ ارقىلى كەدەيلەردى سۇيەمەلدەۋگە جوبا جاساپ، كەدەي وتباسىنىڭ سەلبەستىك كووپەراتيۆىمەن، كاسىپورىندارمەن مۇددە قاتىناسى مەحانيزمىن قۇرىپ، كەمەلدەندىرىپ، كەدەي وتباسى كىرىسىنىڭ ارتۋىن ورنىقتىرۋ كەرەك. كەدەيلىكتەن ارىلتۋدان قامال الۋدى جاپپاي تەكسەرۋدىڭ سوڭعى قىزمەتىن ويداعىداي ىستەپ، ماسەلەنى رەتكە سالىپ تۇزەتۋدى دەر كەزىندە ويداعىداي ىستەۋمەن بىرگە، قاراۋ، تەكسەرىپ وتكىزىپ الۋ، جاپپاي تەكسەرۋ كەستەسىن مىقتى يگەرۋ، كەدەيلىكتەن ارىلتۋدان قامال الۋ ساپاسىندا ۇلگى الىپ تەكسەرۋ دايىندىعىن ويداعىداي ىستەۋ قاجەت.

  ماجىلىستە مىنالار تالاپ ەتىلدى: نازاردى باس نىساناعا شوعىرلاندىرىپ، كەشەندى شارالاردى ويداعىداي تياناقتاندىرىپ، ورنىقتىلىقتى قورعاۋدىڭ ءتۇرلى قىزمەتىن ەش بوساڭسىتپاي ويداعىداي يگەرۋ، ءوندىرىس حاۋىپسىزدىگى جانە اپاتتان ساقتانۋ، اپات شىعىنىن ازايتۋدى جالعاستى كۇشەيتۋ، قوعام اماندىعىن باسقارۋدى كۇشەيتىپ، بۇقارالىق قىزمەتتى ىشكەرىلەگەن تۇردە تاپتەشتەي ويداعىداي ىستەپ، ىندەتتەن ساقتانۋ - تىزگىندەۋ جاعدايى استىندا قالا ءوڭىرى قوعامىن جونگە سالۋ، شاعىن رايونداردى تاپتەشتەي باسقارۋ قاتارلى ءتۇرلى قىزمەتتى جالعاستى ويداعىداي ورىستەتۋ، قوعامدىق جالپى جاعدايدىڭ جاراسىمدىلىعىن، ورنىقتىلىعىن بار كۇشپەن قورعاپ، ۇدايىلانعان ىندەتتەن ساقتانۋ-تىزگىندەۋ جانە ەكونوميكالىق، قوعامدىق دامۋعا تاماشا ورتا جاراتۋ قاجەت.

  ءماجىلىس بەينە - ەكىران ءماجىلىسى فورماسىندا اۋداندارعا (قالا، كورىنىس رايونىنا)، اۋىلعا (قالاشىق، كوشە ءىس باسقارماسىنا) دەيىن اشىلدى. قادەن كابەن ۇلى، باقىت ينايات ۇلى، دوۋ جاۋحۇي، گۋان ۋي، گۇلنۇر نۇرعالي قىزى، ما شۋەلياڭ، ياڭ ۋىنگۋاڭ، ۋاڭ جۇن -ان، لان شىڭشين قاتارلى ايماقتاعى ءتورت باسشىلىق القانىڭ باسشىلارى، ايماققا توتە قاراستى تاراۋلاردىڭ (ورىنداردىڭ) باسشىلارى نەگىزگى ءماجىلىس مايدانىندا ماجىلىسكە قاتىناستى، ايماقتىق پارتكومنىڭ مۇشەسى لي جۇنشيا جەمەنەي اۋدانىنداعى بولىمشە ءماجىلىس مايدانىندا ماجىلىسكە قاتىناستى.

  

جاۋاپتى رەداكتور: ءاننا اكىمقان قىزى