التاي ايماعى ساياحات ارقىلى حالىققا تيىمدىلىك جەتكىزۋ ”تارتۋىن“ ۇسىندى

  تيانشان تورىنىڭ حابارى (سۋرەتىن ءتۇسىرىپ حابارىن جازعان ەرىكتى ءتىلشى لۇي). 9 - ايدىڭ 6 - كۇنى، شينجياڭ التاي ايماعى 2020 - جىلعى كۇزگى ساياحاتقا تيىمدىلىك جاساۋ ساياساتىن جاريالاپ، ەلىمىزدەگى ساياحاتشىلارعا ساياحات ارقىلى تيىمدىلىك جەتكىزۋ ”تارتۋىن“ ۇسىندى: 2020 - جىلى 9 - ايدىڭ 6 - كۇنىنەن باستاپ 2020 - جىلى 11 - ايدىڭ 10 - كۇنىنە دەيىن، التاي ايماعىنداعى بارلىق A دارەجەلى ساياحات كورىنىس ءوڭىرى (ءتۇيىنى) ساياحاتشىلاردان ەسىك بەلەتىن الماۋ ساياساتىن اتقارادى.

  تيىمدىلىك جاسالاتىن كورىنىس وڭىرلەرى مەملەكەتتىك 5A دارەجەلى كورىنىس ءوڭىرى قاناس، كوكتوعاي كورىنىس ءوڭىرى، مەملەكەتتىك 4A دارەجەلى كورىنىس ءوڭىرى كەرىشتى كەمەر، اقكۇنگەيتى قازاق ۇلتتىق مادەنيەت باقشاسى، التاي قالاسى قايىڭ باقشاسى، قابا اققايىڭ كورىنىس ءوڭىرى، ۇلىڭگىر كولى كورىنىس ءوڭىرى، كوكتوعاي مەملەكەتتىك كەن باقشا كورىنىس ءوڭىرى، كوكتوعاي بينحى كورىنىس ءوڭىرى، بۋىرشىن جۇڭگو-رەسەي بايىرعى كەمەجاي سالت - سانا كوشەسى، مەملەكەتتىك 3A دارەجەلى كورىنىس ءوڭىرى التاي 500 شاقىرىمدىق سالت - سانا كوشەسى كورىنىس ءوڭىرى، جەمەنەي قويتاس كورىنىس ءوڭىرى، گىباۋ قىزىل كەندىر گۇلى كورىنىس ءوڭىرى، بۋىرشىن چيليتان كورىنىس ءوڭىرى، التاي بۇعى پاتشاسى مادەنيەت باقشاسى، قاناس اراق زاۆودى، اشىلى كەن كورىنىس ءوڭىرى، كوكسۋ كورىنىس ءوڭىرى، تاراتى سالت - سانا قىستاعى، تايكەشكەن وتكەلى، سايتان كەرىش كورىنىس ءوڭىرى، كوكتوعاي بايگە الاڭى كورىنىس ءوڭىرى، شىڭگىل ۇشكول كورىنىس ءوڭىرى، شىڭگىل لاڭشان كورىنىس ءوڭىرى، مەملەكەتتىك 2A دارەجەلى كورىنىس ءوڭىرى التاي قىران اڭعارى كورىنىس ءوڭىرى، نار وركەش كورىنىس ءوڭىرى، تاڭبالى كولى كورىنىس ءوڭىرى، بۋىرشىن مۇراجايى، ەرتىس تاس سارايى، چيڭلۇڭحۋ كولى باقشاسى، ۇلكەن - كىشى شىڭگىل سازدىق باقشاسى قاتارلى جالپى 32 كورىنىس ءوڭىرى.

  وسى رەت جاريالاعان كۇزگى ساياحات ارقىلى تيىمدىلىك جەتكىزۋ ساياساتىندا تاعى ”قاتىناس + ساياحات“ تولىقتاما قاراجات ساياساتى بار، مۇنىڭ ىشىندە ۇشاق جالداۋ، كەسىمدى سيلىق ساياساتى، ارناۋلى پويەز سيلىق ساياساتى، اۆتوكولىك ۇيىرمەسى تولىقتاما قاراجات ساياساتى، ءوز اۆتوكولىگىمەن ساياحاتتاۋ سيلىعى، ”اۋىلداستار اۋىلىن ارالاۋ“ اۆتوكولىك اقىسىنا تيىمدىلىك جەتكىزۋ ساياساتى قاتارلىلار بار.

  ۇشاق جالداۋ فورماسىمەن التاي سىرتىنان كەلگەن ساياحاتشىلاردى (ءار كەزەكتە 50 ادامنان از بولماۋى كەرەك) ۇيىمداستىرعان ۇيىرمەگە 20 مىڭ يۋان/كەزەك سيلىق بەرىپ، كەزەك سانى ەسەلەپ ارتادى. كەسىمدى ورىن فورماسىمەن التاي سىرتىنان كەلگەن ساياحاتشىلاردى ۇيىمداستىرعان ۇيىرمەگە (ءار كەزەكتە 25 ادامنان از بولماۋى كەرەك) 200 يۋان/ادام سيلىق بەرىلەدى، ادام سانى ەسەلەپ ارتسا، سيىلق سانى ەسەلەپ ارتادى.

  ارناۋلى پويەز فورماسىمەن التاي سىرتىنان كەلگەن ساياحاتشىلاردى (ءار كەزەكتە 200 ادامنان از بولماۋى كەرەك) ۇيىمداستىرعان ۇيىرمەگە 40 مىڭ يۋان/كەزەك سيلىق بەرىلەدى، سيلىق سانى ەسەلەپ ارتادى. جۇندۇڭ - التاي ارناۋلى تەمىرجولى تولىقتاما قاراجاتى: ءۇرىمجى - جۇندۇڭنان كوكتوعايعا دەيىن بارىپ، ونان سوڭ التاي، بۋرىلتوعايدان ءوتىپ ۇرىمجىگە جۇڭعار ويپاتى التاي تاۋى ارناۋلى پويەزىمەن قايتادى، التاي ايماعىندا 3 تۇننەن ارتىق توقتايدى، ءار پويەزدىڭ ادام سانى 100 دەن كوپ بولسا، ۇيىرمەگە 30 مىڭ يۋان/ كەزەكشى پويەز سيلىق بەرەدى، سيلىق سانى ەسەلەپ ارتادى.

  اۆتوكولىك ۇيىرمەسى (17 ورىندىقتان جوعارى 17 ورىندىقتى قامتيدى) التاي ايماعىنا كەلىپ ساياحاتتاسا ءارى التاي ايماعى كولەمىندە 3 تۇننەن ارتىق قونسا، تولىقتاما قاراجات، باستالعان ورىننان باستاپ التاي ايماعىنداعى بارىپ - كەلۋ جول قاراجاتى، ءبىر ۇيىرمەنىڭ بارىپ - كەلۋ جول قاراجاتى ەڭ جوعارى بولعاندا 1000 يۋاننان اسپايدى.

  ءوز اۆتوكولىگىمەن التاي سىرتىنان كەلگەن ساياحاتشىلاردى (اۆتوكولىك سانى 20 دان كەم بولماۋى، ساياحاتشى سانى 60 ادامنان كەم بولماۋى كەرەك، التاي ايماعى ىشىندە كەمىندە 2 ءتۇن قونۋى كەرەك) ۇيىمداستىرعان ۇيىرمەگە (ءوز اۆتوكولىگىن ايداۋدى ۇيىمداستىرعاندار) 20 مىڭ يۋان/رەت سيلىق بەرىلەدى.

  التاي ايماعىنا قاراستى نوپوستاعىلار، التاي ايماعىندا تۇراتىن سىرت جەردەگى قىزمەتكەرلەرگە ايماق ىشىندە قىزىل ءتۇستى، عىلىم جالپىلاستىرۋ سىندى زەرتتەۋ - ۇيرەنۋ جۇرگىزەتىن جەرگىلىكتى ساياحات ۇيىرمەسى اۆتوكولىك اقىسىن كەشىرىم ەتۋ ساياساتىنان يگىلىكتەنەدى.

  بۇدان سىرت، كۇزگى ساياحات ارقىلى تيىمدىلىك جەتكىزۋ ساياساتى تاعى ساياحات ۇيىرمەسىنىڭ ساياحاتشى جونەلتۋ رەتتىك سانى بويىنشا سيلىق بەرۋ ساياساتىن قامتيدى — ساياسات اتقار مەزگىلىندە، جالپى التاي ايماعىنا كىرىپ - شىققان ساياحاتشى 1000 ادامنان تومەن بولماعان، الدىڭعى بەس ورىنداعى ساياحات ۇيىرمەسىنە جەكە - جەكە 200 مىڭ يۋان، 150 مىڭ يۋان، 100 مىڭ يۋان، 50 مىڭ يۋان جانە 30 مىڭ يۋان سيلىق بەرىلەدى.

  التاي ايماقتىق مادەنيەت دەنە تاربيە، راديو - تەلەۆيزيا جانە ساياحات مەكەمەسىنىڭ ورىنباسار باستىعى نيە پيڭ بىلاي دەدى: التاي ايماعى كوپ ءتۇرلى ساياحات ارقىلى تيىمدىلىك جەتكىزۋ ساياساتىن جولعا قويىپ، بۇقارانىڭ ساياحاتتاۋ قاجەتىن ۇزدىكسىز قاناعاتتاندىرىپ، ساياحاتقا ەڭ زور تيىمدىلىك جاساپ، ساياحات كاسىبىنىڭ ٴتۇرلى نىسانالىق مىندەتتەرىن قۇلشىنا ورىنداپ، ساياحات كاسىبىنىڭ قاۋىرت، تەز دامۋىن جۇزەگە اسىردى.

  نيە پيڭ بىلاي دەدى: التاي ايماعى جالعاستى كۇزگى ساياحات ارقىلى تيىمدىلىك جەتكىزۋ ساياساتىن جولعا قويادى، ءارى 11-ايدىڭ باسىندا قىسقى ساياحات ساياساتىن جاريالاپ، ساياحات بازارىن ۇزدىكسىز جانداندىرادى.

جاۋاپتى رەداكتور: ءاننا اكىمقان قىزى