ايماقتىق پارتكوم پارتيا قۇرىلىسى قىزمەتى باسشىلىق گرۋپپاسى ءماجىلىس اشتى

  التاي گازەتىنىڭ ءتىلشىسى لي چاڭدا حابارلايدى. 9 ـ ايدىڭ 2 ـ كۇنى، ايماقتىق پارتكوم پارتيا قۇرىلىسى قىزمەتى باسشىلىق گرۋپپاسى ءماجىلىس اشتى. ايماقتىق پارتكومنىڭ شۋجيى جاڭ يان ٴماجىلىستى باسقاردى ءارى ءسوز سويلەدى. ماجىلىستە ايماقتىق پارتكومنىڭ پارتيا قۇرىلىسى قىزمەتى باسشىلىق گرۋپپاسىنىڭ وزىندىك قۇرىلىسى، پارتيانى جاپپاي قاتاڭ باسقارۋدا پارتكومنىڭ (پارتگرۋپپانىڭ) تۇلعالىق جاۋاپكەرلىگىن تياناقتاندىرۋ، قالانىڭ نەگىزگى ساتى پارتيا قۇرىلىسى 7+1، كادرلاردى باسقارۋ قاتارلىلار جايلى جەلىلەس حۇجاتتاردى، ءتۇزىمدى اقىلداستى ءارى تالقىلادى.

  ماجىلىستە بىلاي دەپ اتاپ كورسەتىلدى: ىندەتتەن ساقتانۋ ـ تىزگىندەۋدىڭ وسى رەتكى توسقاۋىل شايقاسىندا ايماقتاعى ءار دارەجەلى پارتيا ۇيىمدارى بۇيرىق بويىنشا ارەكەتكە كەلىپ، مىندەت جاۋاپكەرلىگىن باتىلدىقپەن ارقالادى. نەگىزگى ساتىداعى پارتيا ۇيىمدارى مەن پارتيا مۇشەلەرى الدىڭعى شەپتە اتويلاپ، سوڭعى شاقىرىمعا دەيىن بارىپ، پارتيالى كادرلاردىڭ ”بەرىك يراداسىمەن“ حالىق بۇقاراسىنىڭ ءومىرىن ويداعىداي قورعاپ، بىرلەسىپ ساقتانۋ، بىرلەسىپ تىزگىندەۋ، بۇقارالىق ساقتانۋ، بۇقارالىق جونگە سالۋدىڭ بەرىك قورعانىس شەبىن قۇرىپ، پارتيامىزدىڭ ۇيىمدىق قۇرىلىسىنىڭ قۇدىرەتتى كۇشىن ايگىلەدى.

  ماجىلىستە مىنالار تالاپ ەتىلدى: ساياسي تۇرعىنى جوعارىلاتىپ، پارتيا قۇرىلىسى قىزمەتى باسشىلىق گرۋپپاسى قۇرىلىسىن كۇشەيتۋدىڭ كەلەلى ءمانىن ىشكەرىلەي ءتۇسىنۋ كەرەك. باس شۋجي شي جينپيڭنىڭ جەلىلەس ماڭىزدى ءسوزىن جانە ماڭىزدى نۇسقاۋ، بەكىتپەسى رۋحىن ىشكەرىلەي ۇيرەنىپ، جەتە ٴتۇسىنىپ، قىزمەت ادىسىنە وزگەرىس جاساپ، پارمەندى پارتيا قۇرىلىسى قىزمەتى باسشىلىق گرۋپپاسىن قۇرۋ ارقىلى پارتيا قۇرىلىسى قىزمەتىندەگى ءتۇرلى بايلىق قايناردى ءونىمدى رەتتەپ، بىرىكتىرۋ، تۇلعالىق وي، جۇيەلى كوزقاراس، اشىق ۇستالعان تانىممەن پارتيا قۇرىلىسىن ءبىر تۇتاس جوسپارلاپ ىلگەرىلەتۋ، تۇتاس ايماقتا ۇيىمدىق بايلىقتان، كادرلار بايلىعىنان، دارىندىلار بايلىعىنان ورتاق يگىلىكتەنىپ، ٴوزارا تولىقتايتىن جاندى بەت ـ بەينەنى قالىپتاستىرىپ، پارتيا قۇرىلىسىنىڭ تىڭ ساتىعا قادام تاستاۋىن ۇزدىكسىز ىلگەرىلەتۋ كەرەك.

  ماجىلىستە بىلاي دەپ اتاپ كورسەتىلدى: شەشۋشى شارانى كۇشەيتىپ، نەگىزگى ساتىنىڭ پارتيا قۇرىلىسىن يگەرۋدى پارتيانىڭ نەگىزدىك ينجەنەرياسى رەتىندە قاراۋعا تاباندى بولۋ قاجەت. ايماقتىڭ ءىس جۇزىندىگىن تياناق ەتىپ، تانىمعا بۇرىلىس جاساپ، وي جەلىدە جاڭالىق جاراتىپ، ۇيىمدىق جۇيە قۇرىلىسىن كۇشەيتۋ، جۇيەلى وي جۇگىرتىپ، تۇلعالىق جاقتان جەبەۋگە تاباندى بولىپ، ءارقايسى نەگىزگى ساتىنىڭ، ءارقايسى سالانىڭ پارتيا ۇيىمى قۇرىلىسىن ءبىر تۇتاس جوسپارلاپ ىلگەرىلەتۋ كەرەك. بارلىق قىزمەت ياچەيكادا بولۋ، بارلىق قىزمەتتە ياچەيكاعا سۇيەنۋگە تاباندى بولىپ، نەگىزگى ساتى پارتيا قۇرىلىسى قىزمەتىندە ”التىنى ورنىقتىرۋ“،”التىنى قامتاماسىزداندىرۋدى“ تياناقتاندىرۋ، ىندەتتەن ساقتانۋ ـ تىزگىندەۋ جانە كەدەيلىكتەن ارىلتۋدان قامال الۋ، اۋىل ـ قىستاقتى گۇلدەندىرۋ قاتارلى كەلەلى مىندەتتەرمەن ورگانيكالى توعىسۋىن جەبەۋ، تاراۋلاردىڭ (ورىنداردىڭ) نەگىزگى جاۋاپكەرلىگىمەن، نەگىزگى كاسىبىمەن توعىستىرىپ، پارتيا تۋىن نەگىزگى ساتىنىڭ ٴارقايسى شەبىندە بيىك جەلبىرەتۋ كەرەك.

  ماجىلىستە مىنانى تالاپ ەتتى: پارتيا كادرلاردى باسقارۋ پرينسيبىنە تاباندى بولىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كادرلار قىزمەتى جونىندەگى ءتۇرلى ماڭىزدى نۇسقاۋىنا جانە تالابىنا بىرلىككە كەلتىرىپ، تۇلعالىق جاۋاپكەرلىكتى ارقالاۋ، نەگىزگى كاسىپتى ويداعىداي يگەرىپ، پارتيانىڭ باسشىلىعىن كۇشەيتۋدى كادرلاردى باۋلۋ، ٴوسىرۋ، باسقارۋ، ىستەتۋدىڭ تۇتاس بارىسىندا دايەكتىلەندىرىپ، كادرلاردى باسقارۋدى تۇزىمدەندىرۋدى، كادرلاردى تاڭداپ ىستەتۋدى جۇيەلەندىرىپ، ايماقتاعى ءار دارەجەلى باسشىلىق القا جانە قوسىن قۇرىلىسىن شىنايى كۇشەيتىپ، ايماقتىڭ ورنىقتى دامۋىن پارمەندى كادر ـ دارىندىلارمەن قامداۋ قاجەت.

  ماجىلىستە بىلاي دەپ باسا دارىپتەلدى: ٴار دارەجەلى پارتكوم (پارتگرۋپپا) پارتيانىڭ باسشىلىعىن جاپپاي كۇشەيتىپ، پارتيانىڭ جالپى جاعدايدى مەڭگەرۋ، ءار جاقتى سايكەستىرۋ قۋاتىن ۇزدىكسىز كۇشەيتۋ كەرەك. ورتالىقتىڭ قاتىستى حۇجات رۋحىن ۇيرەنۋ، دايەكتىلەندىرۋدى ويداعىداي يگەرىپ، جاۋاپكەرلىك سىندى وسى ءبىر ”تۇيىندى“ مىقتى يگەرۋ قاجەت. ٴار دارەجەلى پارتكومنىڭ (پارتگرۋپپانىڭ) نەگىزگى جاۋاپتى جولداستارى “ٴبىرىنشى جاۋاپتى ادام” مىندەت جاۋاپكەرلىگىن قاتاڭ ادا ەتىپ، پارتيانى باسقارۋ، پارتيانى جونگە سالۋ تانىمىن كۇشەيتىپ، پارتيانى باسقارۋ، پارتيانى جونگە سالۋ جاۋاپكەرلىگىن باستاماشىلدىقپەن ادا ەتۋى؛ القا مۇشەلەرى مىندەتتى ىرىقتىلىقپەن ارقالاپ، مىندەتتى ارقالاۋعا باتىل بولىپ، جاۋاپتى قىزمەت قايدا بولسا، پارتيانى باسقارۋ، پارتيانى جونگە سالۋ جاۋاپكەرلىگىن سول اراعا دەيىن جالعاستىرۋ، شىنايى باسقارىپ، شىنايى قاتاڭداستىرىپ، باتىل باسقارىپ، باتىل قاتاڭداستىرۋ، ۇزاق ۋاقىت باسقارۋعا، ۇزاق ۋاقىت قاتاڭداستىرۋعا تاباندى بولىپ، پارتيانىڭ جۇڭگوشا سوتسياليزم ىستەرىنىڭ پارمەندى باسشىلىق ۇيتقىسىنا اينالۋىنا باستان ـ اقىر كەپىلدىك ەتۋ كەرەك.

  ءسابيت قازەز ۇلى، دوۋ جاۋحۇي، جۋ شين، ما شۋەلياڭ، ياڭ ۋىنگۋاڭ، ۋاڭ جۇن ـ ان قاتارلى ايماق باسشىلارى جانە ايماقتىق پارتكوم پارتيا قۇرىلىسى قىزمەتى باسشىلىق گرۋپپاسىنىڭ مۇشەلەرى ماجىلىسكە قاتىناستى.

جاۋاپتى رەداكتور: ءاننا اكىمقان قىزى