ءسوز جوق، جۇڭگوشا سوتسياليزم جولىنا تاباندى بولىپ، ءتۇزىمىمىزدى بارعان سايىن كەمەلدەندىرەيىك

 ءسوز جوق، جۇڭگوشا سوتسياليزم جولىنا تاباندى بولىپ، ءتۇزىمىمىزدى بارعان سايىن كەمەلدەندىرەيىك

  − باس شۋجي شي جينپيڭنىڭ جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن ەسكە ءتۇسىرۋ اڭگىمە ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

   حالىق گازەتىنىڭ شولۋشىسى

  ”ءارقانداي ادامنىڭ، ءارقانداي كۇشتىڭ جۇڭگوشا سوتسياليزم جولىن بۇرمالاۋعا جانە وزگەرتۋگە، جۇڭگو حالقىنىڭ سوتسياليزم قۇرۋداعى ۇلى ناتيجەسىن تەرىسكە شىعارۋعا جانە جيرەنىشتى ەتىپ كورسەتۋگە ۇرىنۋىنا جۇڭگو حالقى استە جول بەرمەيدى!“ تاياۋدا وتكىزىلگەن جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن ەسكە ءتۇسىرۋ اڭگىمە ماجىلىسىندە باس شۋجي شي جينپيڭ جۇڭگوشا سوتسياليزم جولىنىڭ پارتيا مەن حالىقتىڭ سان - ساناقسىز جاپا - ماشاقاتتى باستان كەشىرىپ، سان - ساناقسىز قيىنشىلىقتى جەڭىپ قول جەتكىزگەن قىمباتتى جەتىستىگى ەكەندىگىن تەرەڭ اتاپ كورسەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا، ءسوز جوق، جۇڭگوشا سوتسياليزم جولىمەن جۇرۋگە تاباندى بولۋ كەرەكتىگىن باسا دارىپتەدى.

  1840 - جىلدان بەرگى جۇڭحۋا ۇلتىنىڭ قورلانۋ تاريحىن ەسكە تۇسىرسەك، مۇنىڭ ءتۇبىرلى سەبەبى مەملەكەتتى قۇدىرەتتەندىرىپ، حالىقتى بايىتۋ سىندى دامۋ جولىن تابا الماعاندىعىندا. جۇڭگو حالقىنىڭ جاپون شاپقىنشىلارىنا قارسى سوعىسىنىڭ ۇلى جەڭىسى − جۇڭحۋا ۇلتىنىڭ تاياۋ زاماننان بەرى اۋىر داعدارىسقا كىرىپتار بولۋدان ۇلى گۇلدەنۋگە قاراي بەت الۋىنىڭ تاريحي بۇرىلىس ءتۇيىنى، ول بايىرعى جۇڭگونىڭ قايتا تۇلەپ قاناتتانۋ، لاۋلاعان ورتتە قايتا سومدالۋداي تاريحي جاڭا جورىعىن باستادى. 75 جىلدان بەرى، جۇڭگودا وراسان زور وزگەرىستەر تۋىلدى. جۇڭگو كوممۋنيستىك پارتياسى بۇكىل ەلدەگى ءار ۇلت حالقىن ىنتىماقتاستىرا باستاپ، كوركەيۋ جولىندا قۇلشىنىپ، قاجىرلىلىقپەن شارۋاشىلىق قۇرىپ، بۇكىل الەمدى جالت قاراتقان دامۋ تابىستارىن جاراتىپ، جۇڭگوشا سوتسياليزم جولىن ءساتتى اشتى، جۇڭگوشا سوتسياليزم جاڭا داۋىرگە ءوتتى، جۇڭحۋا ۇلتىنىڭ ۇلى گۇلدەنۋى جارقىن بولاشاقتى قارسى الدى. اماليات مىنانى تولىق كورسەتتى: جۇڭگوشا سوتسياليزم جولى − 1840 - جىلدان، اسىرەسە، جيا - ۋ سوعىسىنان بەرى، جۇڭگو حالقىنىڭ وتاندى قۇتقارۋدىڭ باسقا جولدارى جونىندەگى سىناعى بۇكىلدەي ءساتسىز بولعاننان كەيىن جاساعان تاريحي تاڭداۋى، جۇڭگو كوممۋنيستىك پارتياسى مەن حالقى سان - ساناقسىز ماشاقاتتى باستان كەشىرىپ، وراسان زور بوداۋ بەرىپ قول جەتكىزگەن ءتۇبىرلى جەتىستىگى. تاريح بىزگە مىنانى ۇعىندىردى: جۇڭگوشا سوتسياليزم جولىنا تاباندى بولۋ مەملەكەتتىڭ بولاشاعىنا، ۇلتتىڭ تاعدىرىنا، حالىقتىڭ باقىتىنا سايادى؛ جۇڭگو كوممۋنيستىك پارتياسى جۇڭگو حالقىنا باسشىلىق ەتىپ اشقان جۇڭگوشا سوتسياليزم جولى دۇرىس، وعان، ءسوز جوق، ۇزاق ۋاقىت تاباندى بولۋ، ماڭگى اۋىتقىماۋ كەرەك.

  بەتالىس بولاشاقتى بەلگىلەيدى، جول تاعدىردى بەلگىلەيدى. ءبىزدىڭ تاعدىردى ءوز قولىمىزدا مەڭگەرۋىمىز ءۇشىن، ەرىكتەن اينىمايتىن، جولدان تايمايتىن تاباندىلىق بولۋ كەرەك. لۋشۇن مىرزا: ”جول دەگەن نە؟ ول جول جوق جەردەن ءجۇرۋ ارقىلى پايدا بولادى، تەك تىكەندى جەرلەردەن جۇرۋدەن اشىلادى“ دەگەن ەدى. رەفورما جاساپ، ەسىك اشقان 40 نەشە جىلدان بەرى، پارتيامىزدىڭ بارلىق نازارياسى مەن امالياتىنىڭ نەگىزگى تاقىرىبى − جۇڭگوشا سوتسياليزمگە تاباندى بولۋ جانە ونى دامىتۋ. جۇڭگوشا سوتسياليزمنىڭ جاقسى بولعان - بولماعانىن ءبىلۋ ءۇشىن، يدەولوگيالىق سىڭار جاقتى كوزقاراستان جازبايتىن ادامداردىڭ سۋبيەكتيۆ تۇسپالىنا ەمەس، قايتا فاكتكە قاراۋ، جۇڭگو حالقىنىڭ تۇجىرىمىنا قاراۋ كەرەك. جۇڭگوشا سوتسياليزم جولى جۇڭگو حالقىنىڭ تىزە قوسا كۇرەس جاساۋىندا اشىلعان، جۇڭحۋانىڭ بايتاق دالاسىنا تامىر تارتقان، جۇڭگو حالقىنا باقىت، تىنىشتىق الا كەلگەن دۇرىس جول. زامانىمىزداعى جۇڭگونىڭ ارشىندى قاداممەن داۋىرگە ىلەسۋىندەگى، ءداۋىردىڭ دامۋىنا جەتەكشىلىك ەتەتىن داڭعىل جول، سوتسياليستىك وسىزامانداندىرۋدى جۇزەگە اسىرۋدا، ءسوز جوق، باسىپ وتۋگە ءتيىستى جول، حالىقتىڭ باقىتتى تۇرمىسىن جاراتۋدا، ءسوز جوق، باسىپ وتۋگە ءتيىستى جول. بولاشاققا نازار سالساق، جۇڭگوشا سوتسياليزم ءبىز، ءسوز جوق، ۇزدىكسىز ىلگەرىلەتۋگە ءتيىستى ۇلى ءىس ءارى ءبىزدىڭ بولاشاقتى اشۋىمىزدىڭ ءتۇبىرلى كەپىلى. جۇڭگوشا سوتسياليزم جولىن بۇرمالاۋعا جانە وزگەرتۋگە، جۇڭگو حالقىنىڭ سوتسياليزم قۇرۋداعى ۇلى ناتيجەسىن تەرىسكە شىعارۋعا جانە جيرەنىشتى ەتىپ كورسەتۋگە استە جول بەرمەيمىز!

  ”ارپالىسىپ تولقىندارمەن، تەرەڭمەن، ەكى ءجۇز جىل جاسارىما سەنەم مەن“. بۇگىنگى تاڭداعى دۇنيە جۇزىندە قايسى ساياسي پارتيا، قايسى مەملەكەت، قايسى ۇلت وزىنە سەنىم ارتا الادى دەسەك، ول جۇڭگو كوممۋنيستىك پارتياسى، جۇڭحۋا حالىق رەسپۋبليكاسى، جۇڭحۋا ۇلتى وزىنە سەنىم ارتۋعا ەڭ قاقىلى. مەيلى قانداي بوران مەن تولقىنعا ۇشىراساق تا جۇڭگوشا سوتسياليزم جولىنا تاباندى بولۋ سىندى وسى ءتۇبىرلى ماسەلەنى باستان - اياق جالعاستىرۋىمىز، ءتۇرلى بوتەن، بوگدە ۇندەرگە بولا استە باسقا جول ۇستانباۋىمىز؛ مەيلى قانداي سىن - سايىسقا ءدوپ كەلسەك تە جۇڭگوشا سوتسياليزمنىڭ جول سەنىمىنە، نازاريا سەنىمىنە، ءتۇزىم سەنىمىنە، مادەنيەت سەنىمىنە تاباندى بولىپ، نازاريادا جاڭالىق اشۋدى، امالياتتا جاڭالىق اشۋدى، تۇزىمدە جاڭالىق اشۋدى، مادەنيەتتە جاڭالىق اشۋدى، سونداي - اق باسقا جاقتارداعى جاڭالىق اشۋدى ۇزدىكسىز ىلگەرىلەتىپ، جۇڭگوشا سوتسياليزم ۇلى ءىسىن ۇزدىكسىز العا ىلگەرىلەتىپ، جۇڭگوشا سوتسياليزمنىڭ اناعۇرلىم قۋاتتى، اناعۇرلىم يلاندىرىمدى اقيقات كۇشىن ايگىلەۋىنە قۇلشىنا مۇمكىندىك جاساۋ كەرەك. قۇددى باس شۋجي شي جينپيڭ باسا دارىپتەگەندەي: ”جاڭا داۋىرگە ىلەسە، جۇڭگوشا سوتسياليزمگە تاباندى بولۋ مەن ونى دامىتۋدىڭ ۇلى امالياتىندا ۇزدىكسىز العا ىلگەرىلەسەك، ءبىزدىڭ جولىمىز، ءسوز جوق، جۇرگەن سايىن كەڭەيەدى، ءبىزدىڭ ءتۇزىمىمىز، ءسوز جوق، بارعان سايىن كەمەلدەنەدى“.

  ”سان سوققىدا مۇقالماعان، سوقسا دا داۋىل بۇيىم با“. 9 ميلليون 600 نەشە مىڭ شارشى كيلومەترلىك ۇلان - بايتاق دالادا جۇڭحۋا ۇلتىنىڭ 5000 نەشە جىل بويىنداعى كۇرەس جاساۋ ارقىلى توپتاعان مادەنيەت ءنارىن قابىلداپ، ءبىر ميلليارد 400 ميلليون جۇڭگو حالقىنىڭ ۇيىستىرعان جويقىن كۇشى تۇرعاندا، ءبىزدىڭ جۇڭگوشا سوتسياليزم جولىمەن ءجۇرۋىمىزدىڭ شەكسىز كەڭ ءداۋىر ساحناسى بار، شەكسىز تەرەڭ تاريحي مايەگى بار، شەكسىز كۇشتى العا باسۋ تاباندىلىعى بار. جاپون شاپقىنشىلارىنا قارسى سوعىستىڭ ۇلى رۋحىنان العا ىلگەرىلەۋگە كۇش - قۋات الىپ، ماڭگى تاسقىنداعان رۋحاني كۇي مەن العان بەتتەن قايتپايتىن كۇرەسكەرلىك بەينەنى قاشاندا ساقتاپ، بۇلجىماستان جۇڭگوشا سوتسياليزم جولىمەن ەرلىكپەن العا ىلگەرىلەسەك، ءسوز جوق، جۇڭحۋا ۇلتىنىڭ ۇلى گۇلدەنۋىن جۇزەگە اسىرا الامىز!

  (شينحۋا اگەنتتىگىنىڭ 9 - ايدىڭ 6 - كۇنى بەيجيڭنەن بەرگەن حابارى)

جاۋاپتى رەداكتور: ءاننا اكىمقان قىزى