تۇتىنۋ ارقىلى كەدەيلەردى سۇيەمەلدەۋدى ىلگەرىلەتىپ، كەدەيلىكتەن ارىلتۋدان قامال الۋ مىندەتىن دەر كەزىندە ورىنداۋعا شىنايى كەپىلدىك ەتۋدى تالاپ ەتتى

اۆتونوميالى رايون ءماجىلىس اشىپ

تۇتىنۋ ارقىلى كەدەيلەردى سۇيەمەلدەۋدى ىلگەرىلەتىپ، كەدەيلىكتەن ارىلتۋدان قامال الۋ مىندەتىن دەر كەزىندە ورىنداۋعا شىنايى كەپىلدىك ەتۋدى تالاپ ەتتى

  گازەتىمىزدىڭ جالپىلىق اقپارات قۇرالدارى ءتىلشىسى جاۋ جىيۇن 9 - ايدىڭ 4 - كۇنى ۇرىمجىدەن حابارلايدى. 9 - ايدىڭ 4 - كۇنى تۇستەن كەيىن اۆتونوميالى رايون تۇتىنۋ ارقىلى كەدەيلەردى سۇيەمەلدەۋدى ىلگەرىلەتۋ ءماجىلىسىن اشتى. ءماجىلىس باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاپ ىلگەرىلەتۋ جونىندەگى عىلمي ورنالاستىرۋىن دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ تالابىنا ساي، ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا تۇتىنۋ ارقىلى كەدەيلەردى سۇيەمەلدەۋ قىزمەتىن ىگەرىلەتۋدى ورنالاستىرىپ، جەر - جەر، تاراۋلاردى ونىمدەردى ساتۋدى يگەرۋگە، كىرىستى ورنىقتى ارتتىرۋدى جەبەۋگە، كەدەيلىكتەن ارىلتۋ تابىستارىن ساقتاۋعا جۇمىلدىرىپ، كەدەيلىكتەن ارىلتۋدان قامال الۋ مىندەتىن ۋاعىندا ورىنداۋعا بەرىك نەگىز قالاۋعا شىنايى كەپىلدىك ەتتى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ ورىنباسار باستىعى لي پىڭشين ماجىلىسكە قاتىناستى ءارى ءسوز سويلەدى.

  ءماجىلىس مىنالاردى باسا دارىپتەدى: جەر - جەر، تاراۋلار تۇتىنۋ ارقىلى كەدەيلەردى سۇيەمەلدەۋدى ورىستەتۋدىڭ ىندەتتىڭ ىقپالىنا توتەپ بەرىپ، كەدەيلىكتەن ارىلتۋدان قامال الۋ مىندەتىن ورىنداۋعا شىنايى كەپىلدىك ەتۋدىڭ كەلەلى شاراسى ەكەندىگىن تولىق تانىپ، ءسوز جوق، جەدەل ارەكەتكە كەلىپ، كوپ شارانى قاتار قولدانىپ، كەدەيلەردى سۇيەمەلدەۋ ونىمدەرىن، اسىرەسە، ىندەتتىڭ ىقپالىنا اۋىر دارەجەدە ۇشىراعان كەدەيلەردى سۇيەمەلدەۋ ونىمدەرىن ساتۋدى بار كۇشپەن جەبەپ، زور كولەمدى ساتىلماي قالۋ، ساتۋدىڭ قيىن بولۋ ماسەلەلەرىنىڭ جارىققا شىعۋىنان باتىل ساقتانىپ، جاقسى ساياساتتاردىڭ كەدەي جۇرتشىلىققا شىنايى زور تيىمدىلىكتەر جەتكىزۋىنە مۇمكىندىك جاساۋ كەرەك.

  ءماجىلىس مىنالاردى اتاپ كورسەتتى: نازاردى كەدەيلەردى سۇيەمەلدەۋ ونىمدەرىن ساتۋعا شوعىرلاندىرىپ، ءوندىرۋ، ساتۋ تىزبەگىن ىركىلىسسىزدەندىرىپ، ساياساتتىڭ پايداسىن، بازاردىڭ پايداسىن كەدەي وتباسىلارىن كەدەيلىكتەن ارىلتىپ، كىرىسىن ارتتىرۋعا، كەدەي وڭىرلەردىڭ دامۋى مەن حالىق بۇقاراسىنىڭ تۇتىنۋ قاجەتىن قاناعاتتاندىرۋعا كومەكتەسۋ بارىسىندا شىنايى تياناقتاندىرۋ كەرەك. تۇتىنۋ ارقىلى كەدەيلەردى سۇيەمەلدەۋ ارناۋلى سورەسىن، تۇتىنۋ ارقىلى كەدەيلەردى سۇيەمەلدەۋ ارناۋلى بولمەسىن، تۇتىنۋ ارقىلى كەدەيلەردى سۇيەمەلدەۋ ارناۋلى اۋماعىن قۇرىپ، تۇتىنۋ ارقىلى كەدەيلەردى سۇيەمەلدەۋدى ىلگەرىلەتۋدىڭ تۇتقاسىن قالىپتاستىرۋ كەرەك. جۇڭگو قوماعدىق كەدەيلەردى سۇيەمەلدەۋ سايتىنان تولىق پايدالانىپ، جۇيەلى تۇراقتاندىرىلعان شينجياڭنىڭ كەدەيلەردى سۇيەمەلدەۋ ونىمدەرىن كورسەتىپ، دەر كەزىندە قولداۋ قىزمەتىن وتەپ، الاڭسىز ساتىپ الۋدى، قۋانا ساتۋدى ىسكە اسىرۋ كەرەك. ءىس جۇزىندىككە ۇشتاستىرىپ، باسىمدىقتى ساۋلەلەندىرىپ، وڭىرلىك سيپاتتى، ارناۋلى تۇرلەر سياقتى ءتۇرلى فورماداعى ”تۇتىنۋ ارقىلى كەدەيلەردى سۇيەمەلدەۋ ايى“ قيمىلدارىن كەڭىنەن ۇيىمداستىرىپ، ورىستەتىپ، جوعارى مەن تومەن بىرلەسىپ قيمىلدايتىن، جان - جاق ءوزارا ىقپالداساتىن، بىرگە ارەكەتكە كىرىسەتىن تۇتىنۋ ارقىلى كەدەيلەردى سۇيەمەلدەۋ رايىن قالىپتاستىرۋ كەرەك.

  اقسۋ ايماقتىق پارتكوم، بەيجيڭ قالاسىنىڭ شينجياڭعا كومەكتەسۋ الدىڭعى جاق قولباسشىلىق شتابى، جۇڭتاي توبى، شينجياڭ ي - مىڭ كاسىپورىندار بىرلەستىگىنىڭ ۋاكىلدەرى پىكىر اۋىستىرىپ ءسوز سويلەدى. ماجىلىستەن ىلگەرى، 13 ايماق، وبلىس، قالا شينجياڭعا كومەكتەسەتىن 19 ولكە، قالانىڭ الدىڭعى جاق قولباسشىلىق شتابىمەن تۇتىنۋ ارقىلى كەدەيلەردى سۇيەمەلدەۋ كەلىسىمىنە قول قويدى.

  اۆتونوميالى رايون باسشىلارىنان جاڭ چۇنلين، جاڭ بو، ۋان حايچۋان ماجىلىسكە قاتىناستى.

جاۋاپتى رەداكتور: ءاننا اكىمقان قىزى