جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا ويداعىداي جازامىز

رايونىمىزداعى ءار ۇلت كادرلار مەن بۇقارا باس شۋجي شي جينپيڭنىڭ جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن ەسكە ءتۇسىرۋ اڭگىمە ماجىلىسىندەگى ماڭىزدى ءسوزىن ۇيرەنگەندە مىنالاردى ءبىلدىردى −

جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا ويداعىداي جازامىز

 گازەتىمىزدىڭ جالپىلىق اقپارات قۇرالدارى تىلشىلەرى

  ”جۇڭگوشا سوتسياليزم جاڭا داۋىرگە ءوتتى، كەدەيلىكتەن ارىلتۋدان قامال الۋ شايقاسىنىڭ، جاپپاي دوڭگەلەك داۋلەتتى قوعام ورناتۋدىڭ جەڭىسى الدىمىزدا تۇر، جۇڭحۋا ۇلتىنىڭ ۇلى گۇلدەنۋى جارقىن بولاشاقتى قارسى الدى“. باس شۋجي شي جينپيڭنىڭ تاياۋدا جۇڭگو حالقىنىڭ جاپون شاپقىنشىلارىنا قارسى سوعىس جانە دۇنيە جۇزىلىك فاشيزمگە قارسى سوعىس جەڭىسىنىڭ 75 جىلدىعىن ەسكە ءتۇسىرۋ اڭگىمە ماجىلىسىندەگى ماڭىزدى ءسوزى رايونىمىزداعى قالىڭ كادرلار مەن بۇقارا اراسىندا قىزۋ اڭىس قوزعادى. كوپشىلىك ءبىر اۋىزدان مىنانى ءبىلدىردى: جۇڭگو حالقىنىڭ جاپون شاپقىنشىلارىنا قارسى سوعىسى جەڭىسكە جەتكەن 75 جىلدان بەرى، جۇڭگو كوممۋنيستىك پارتياسىنىڭ باسشىلىعىندا، جۇڭگودا وراسان زور وزگەرىستەر جارىققا شىعىپ، كۇللى الەمدى جالت قاراتقان دامۋ تابىستارىنا قول جەتكىزدى. جاڭا ساپاردا ءبىز قايراتتانا العا ىلگەرىلەپ، باس الماي ىستەپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن قۇلشىنا جازامىز.

  اۆتونوميالى رايوندىق جاستار وداعى كوميتەتىنىڭ شۋجيى، اۆتونوميالى رايوندىق جاستار بىرلەستىگىنىڭ ءتوراعاسى مامەتجان داۋىت بىلاي دەدى: جۇڭگونىڭ قول جەتكىزگەن وراسان زور تابىستارى جۇڭگوشا سوتسياليستىك ءتۇزىمنىڭ وراسان زور ابزالدىلىعىن تولىق ايگىلەدى. جاستار قىزمەتكەرى رەتىندە، ءبىز جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن اناعۇرلىم سانالى تۇردە كۇشەيتىپ، ۇيرەنۋگە شەبەر بولىپ، تاريحتى اينا ەتۋ، بولاشاققا بەت الۋ سىندى تاريحي ويلاۋدى كۇشەيتىپ، اۋەلگى ماقساتتان اينىماۋ، بورىش ارقالاۋداي تاريحي جاۋاپكەرشىلىكتى كۇشەيتىپ، جاپون شاپقىنشىلارىنا قارسى سوعىستىڭ ۇلى رۋحىن اسقاقتاتىپ، جاڭا داۋىردەگى ”ۇتىلامالى تاياقشانى“ ەرلىكپەن وتكىزىپ الىپ، كەدەيلىكتەن ارىلتۋدان قامال الۋ، جاپپاي دوڭگەلەك داۋلەتتى قوعام ورناتۋ سياقتى ۇلى امالياتتا جالىندى كۇشتىك جانە ەكپىندىلەر اترەتىندىك رولدى بەلسەنە ساۋلەلەندىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا جاستىق كوكتەمنىڭ كۇشىن ارناۋىمىز كەرەك.

  ءۇرىمجى قالالىق سالىق مەكەمەسىنىڭ كادرى ديڭ جيانۋىن بىلاي دەدى: ”سوڭعى جىلدارى مەملەكەتىمىزدە، راسىندا، وتە ۇلكەن دامۋ جانە وزگەرىستەر بولدى. ادامنىڭ رۋحاني كۇشى شەكسىز بولادى، مەن كۇندەلىكتى سالىق قىزمەتىنە تاسقىنداعان وتانشىلدىق ىنتامەن كىرىسىپ، جاۋاپكەرشىلىك پەن بورىشتى شىن مانىندە وتەپ، ءىس جۇزىندىك ارەكەتىممەن وتان ءۇمىتىن اقتاپ، وتان قۇرىلىسىنا اناعۇرلىم زور ۇلەس قوسامىن“.

  اۆتونوميالى رايوندىق عىلىم - تەحنيكا قوعامى تەكسەرۋ - زەرتتەۋ ۇگىت ءبولىمىنىڭ باستىعى جاۋ ۋيجۇن مىنانى ءبىلدىردى: ”عىلىم جالپىلاستىرۋ قىزمەتى شەبىندەگى ءبىر مۇشە رەتىندە، مەن باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، العا ىلگەرىلەپ، باس الماي ىستەپ، بۇكىل ىنتا - پەيىلىممەن عىلىم - تەحنيكا قىزمەتكەرلەرىنە قىزمەت ەتىپ، ءار ۇلت بۇقاراسىنىڭ عىلمي ساپاسىنىڭ نىق قاداممەن ءوسۋىن قۇلشىنا ىلگەرىلەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋگە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ءوز ۇلەسىمدى قوسامىن“.

  جاڭاءشار اۋدانى تاعارشى اۋىلى تاعارشى قىستاعىنىڭ تۇرعىنى مامەتىمىن موللاق بىلاي دەدى: ”سوڭعى جىلدارى قىستاقتىڭ بەت - بەينەسىندە وتە زور وزگەرىستەر بولدى، قىستاقتا اۋىل شارۋاشىلىعى ماشينالارى سەلبەستىك كووپەراتيۆى قۇرىلدى، تاپسىرىستىق اۋىل شارۋاشىلىعى قىستاق تۇرعىندارىنىڭ كىرىسىن قامتاماسىز ەتىپ، تۇرمىسى جىل سايىن جاقسارا ءتۇستى، وسىنىڭ بارلىعى پارتيانىڭ باسشىلىعىنىڭ ارقاسى، ءبىز، ءسوز جوق، پارتياعا العىس ايتىپ، پارتيانىڭ ءسوزىن تىڭداپ، پارتياعا ىلەسىپ، ءتىپتى جاقسى تۇرمىس كەشىرۋىمىز كەرەك“.

  تۇرپان قالاسى گاۋچاڭ رايونى ايدىنكول قالاشىعى شىرەم قىستاعىنىڭ تۇرعىنى ىشىكىرام قيۇم قىستاق كادرلارىمەن، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەلەرىمەن، سونداي - اق قىستاقتاعى باسقا تۇرعىندارمەن بىرگە باس شۋجي شي جينپيڭنىڭ ماڭىزدى ءسوزىن تىڭدادى، كوردى. ول بىلاي دەدى: ”وسىنىڭ الدىنداعى جىلداردا ۇيىمىزدە ەڭبەككۇش از، قولىمىز قىسقا بولدى، قىستاق پارتيا ياچەيكاسى مەن قىستاقتا تۇراتىن قىزمەت اترەتى بەلسەنە كومەك كورسەتىپ، بايۋ جولىن تاۋىپ بەردى. قازىر 60 نەشە ەتتى سيىر باعىپ، قىستاقتاعى باعىمشىلىق ءىرى وتباسىنا اينالدىم، قالادان عيماراتتان ءۇي ساتىپ الماقشىمىن. پارتيانىڭ ابزال ساياساتى مەنى بۇگىنگى باقىتتى تۇرمىسقا جەتكىزدى، ماڭگى پارتياعا العىس ايتامىن، پارتيانىڭ ءسوزىن تىڭدايمىن، پارتياعا ىلەسەمىن“.

  (ءتىلشى جاڭ يۇنمەي، قاتىناسقان تىلشىلەر لياڭ ليحۋا، ميھىرگۇل ناسىر، حي حۇڭۋي، شيە حۇيبيان، حان چينيان، ءجازيرا نەسىپبەك، ەرىكتى تىلشىلەر جاڭ جۇن، ليڭ جيە)

جاۋاپتى رەداكتور: ءاننا اكىمقان قىزى