كوڭىل بولىڭىزدەر! سۋىق اۋا اعىسى كەلەدى، شينجياڭداعى مىنا جەرلەردە تەمپەراتۋرا ℃8 ~ ℃5 تومەندەيدى

  9 – ايدىڭ 1 – كۇنى، شينجياڭ اۋا رايى ستانسياسىنىڭ اۋا رايىنان مالىمەتى: 9 – ايدىڭ 3 – كۇنىنەن 8 – كۇنىنە دەيىن ەكى رەت سۋىق اۋا اعىسى شينجياڭعا اسەر ەتەدى، ءىشىنارا جەرلەر تاسقىن اپاتىنىڭ الدىن الۋ جانە كۇزگى جيىن – تەرىن، كوشى – قونعا ىقپال جاساۋىنان ساقتانۋ كەرەك.

  مەجەمەن 9 – ايدىڭ 3 – كۇنى تۇننەن 4 – كۇنى تۇنگە دەيىن، 9 – ايدىڭ 5 – كۇنى تۇننەن 8 – كۇنى كۇندىزگە دەيىن، شينجياڭدا ەكى رەت تەمپەراتۋرا كورنەكتى تومەندەپ، جاڭبىر جاۋادى. 9 – ايدىڭ 3 – كۇنى ءتۇن جارىمىنان 4 – كۇنى كۇندىزگە دەيىن، ىلە قازاق اۆتونوميالى وبلىسىنىڭ شىعىس وڭتۇستىگىندەگى تاۋلى ءوڭىر مەن التايدىڭ سولتۇستىگىندەگى تاۋلى وڭىردە نوسەر جاۋىپ، جاۋىن – شاشىن مولشەرى 60 ~ 35 ميلليمەترگە جەتەدى؛ 6 – كۇنى كۇندىزدەن 7- كۇنى كۇندىزگە دەيىن، ىلە قازاق اۆتونوميالى وبلىسىنىڭ شىعىسىنداعى تاۋلى ءوڭىر مەن شىحىزى قالاسىنىڭ تاۋلى وڭىرىندە، ءۇرىمجى قالاسىنىڭ وڭتۇستىك بولىگىندەگى تاۋلى وڭىردە، سانجى حۇيزۋ اۆتونوميالى وبلىسىنىڭ شىعىس بولىگىندە نوسەر جاۋادى، جاۋىن – شاشىن مولشەرى 40 ~ 25 ميلليمەترگە جەتەدى. جوعارىداعى اتالعان رايونداردىڭ ءىشىنارا جەرلەرىندە مەزەتتىك وتكىنشى جاڭبىر، ناجاعايلى بوران، بۇرشاق سياقتى كۇشتى كونۆەكسيالىق اۋا رايى تۋىلادى.

  ناقتى الدىن – الا مالىمەت

  9 – ايدىڭ 3 – كۇنى ءتۇن جارىمىنان 9 – ايدىڭ 4 – كۇنى ءتۇن جارىمىنا دەيىن، سولتۇستىك شينجياڭنىڭ كوپ ءبولىم جەرىندە، قاشقار ايماعىنىڭ وڭتۇستىك بولىگىندەگى تاۋلى رايون، قىزىلسۋ قىرعىز اۆتونوميالى وبلىسىنىڭ تاۋلى رايونى، حوتان ايماعىنىڭ وڭتۇستىگىندەگى تاۋلى رايون، اقسۋ ايماعىنىڭ سولتۇستىگىندەگى تاۋلى رايون، بايىنعولىن موڭعۇل اۆتونوميالى وبلىسىنىڭ تاۋلى رايونى، قومىل قالاسىنىڭ سولتۇستىگى قاتارلى جەرلەدە ازىراق جاڭبىر جاۋادى (تاۋلى رايونداردا جاڭبىر سوڭى قارعا اينالادى)، مۇندا ىلە وبلىسى، بۇراتالا موڭعۇل اۆتونوميالى وبلىسى جانە تارباعاتاي ايماعى، التاي ايماعىنىڭ سولتۇستىك بولىگى، شىعىس بولىگى، شىحىزى قالاسىنىڭ وڭتۇستىك بولىگىندەگى تاۋلى رايون، ءۇرىمجى قالاسىنىڭ تاۋلى رايونى، سانجى وبلىسىنىڭ تاۋلى رايونى، قاشقار ايماعىنىڭ وڭتۇستىك بولىگىندەگى تاۋلى رايون قاتارلى جەرلەردىڭ ءىشىنارا رايونىندا ورتاشا جاڭبىر نەمەسە نوسەر جاۋادى، ىلە وبلىسىنىڭ شىعىس وڭتۇستىگىندەگى تاۋلى رايون، التاي ايماعىنىڭ سولتۇستىگى قاتارلى جەرلەردىڭ ءىشىنارا رايوندارىندا نوسەر جاۋادى نەمەسە قار جاۋادى؛ جوعارىداعى اتالعان رايونداردا باتىس تەرىستىكتەن 4 ~ 5 بال جەل سوعادى، جەل وتتەرىندە جەل كۇشى 9 بال اينالاسىندا بولادى؛ سولتۇستىك شينجياڭدا تەمپەراتۋرا ℃8 ~ ℃5 تومەندەيدى.

  9 – ايدىڭ 5 – كۇنى ءتۇن جارىمىنان 8 – كۇنى كۇندىزگە دەيىن، سولتۇستىك شينجياڭنىڭ كوپ ءبولىم جەرى جانە قاشقار ايماعىنىڭ وڭتۇستىك بولىگى، قىزىلسۋ قىرعىز اۆتونوميالى وبلىسى، حوتان ايماعىنىڭ وڭتۇستىگى، اقسۋ ايماعىنىڭ سولتۇستىك بولىگى، بايىنعولين وبلىسى، قۇمىل قالاسى قاتارلى جەرلەردىڭ ءىشىنارا رايوندارىندا سەبەزگى جاڭبىر جاۋادى (تاۋلى رايونداردا جاڭبىر سوڭى قارعا اينالادى)، مۇندا ىلە وبلىسى، بۇراتالا وبلىسى، تارباعاتاي ايماعى، التاي ايماعى، قارامايلى قالاسى، شىحىزى قالاسى، ءۇرىمجى قالاسى، سانجى وبلىسى، بايىنعولين وبلىسىنىڭ سولتۇستىگى قاتارلى جەرلەردىڭ ءىشىنارا رايوندارىندا ورتاشا جانە قالىڭ جاڭبىر جاۋادى، ىلە وبلىسى، بۇراتالا وبلىسى، شىحىزى قالاسىنىڭ وڭتۇستىگىندەگى تاۋلى رايون، ءۇرىمجى قالاسىنىڭ وڭتۇستىگىندەگى تاۋلى رايون، سانجى وبلىسىنىڭ تاۋلى رايونى قاتارلى جەرلەردىڭ ءىشىنارا رايوندارىندا نوسەر جاۋادى نەمەسە قار جاۋادى؛ جوعارىداعى رايونداردا 5 ~ 6 بال باتىس تەرىستىك جەلى سوعادى، سولتۇستىك شينجياڭ مەن شىعىس شينجياڭداعى جەل وتتەرندە جەل كۇشى 10 بال اينالاسىندا بولادى؛ سولتۇستىك شينجياڭدا تەمپەراتۋرا 5℃~8℃ تومەندەيدى.

  نازار اۋدارۋ جانە ۇسىنىس بەرۋ

  1. سولتۇستىك شينجياڭنىڭ قيىس باتىس، قيىس سولتۇستىك رايوندارى مەن وڭتۇستىك شينجياڭنىڭ باتىس بولىگىندەگى تاۋلى وڭىرلەر سياقتى جەرلەردىڭ ءىشىنارا رايوندارىندا تاۋ تاسقىنى جانە لاي تاسقىنى، جەر كوشكىنى سياقتى گەولوگيالىق اپاتتاردى تۋدىراتىن اۋا رايى حاۋىپ - قاتەرى ءبىرشاما جوعارى؛ بۇدان سىرت، تۇستەن كەيىننەن ءتۇن جارىمىنا دەيىن سولتۇستىك شينجياڭنىڭ قيىس باتىس، قيىس سولتۇستىك ءوڭىرىنىڭ ءىشىنارا رايوندارىندا ناجاعايلى بوران، بۇرشاق، مەزەتتىك نوسەر سياقتى كۇشتى كونۆەكسيالىق اۋا رايى وڭاي پايدا بولادى، ودان ساقتانۋعا كوڭىل ءبولۋ كەرەك.

  2. سولتۇستىك شينجياڭ مەن شىعىس شينجياڭنىڭ جەل وتتەرىندە جەل كۇشى ءبىرشاما كۇشتى بولادى، اۆتوكولىكپەن ساپارعا شىققاندا حاۋىپسىزدىككە كوڭىل ءبولۋ كەرەك.

جاۋاپتى رەداكتور: ءاننا اكىمقان قىزى