قۇرىلىم ساياحاتتى ارقاۋ ەتىپ رەتتەلدى

شينجياڭ گازەتىنىڭ جالپىلىق اقپارات قۇرالدارى تىلشىلەرى ليۋ حۇڭ، دۇڭ لياڭ

    8 - ايدىڭ 23 - كۇنى تاڭەرتەڭ موڭعۇلكۇرە مەملەكەتتىك سازدىق باقشاسىنىڭ كەڭىستىكتەن تۇسىرىلگەن سۋرەتى، كوك اسپان، اقشا بۇلت، قارلى تاۋ، مۇزدى القاپ، جوڭكىلە اققان تەكەس وزەنى، جۇلدىزداي جامىراعان سازدىقتار، تاۋ - دالاداعى التىنداي جارقىراعان گۇل - شوپتەر، يرەلەڭدەگەن وزەن ارنالارى كوركەم كورىنىس قالىپتاستىرعان. سۋرەتتى لي ۋىن - ۋ تۇسىرگەن

  تيانشاندا قىزۋ ورلەۋ كوتەرىلىپ ساياحات قارىشتاپ دامىدى.

  2018 - جىلى 8 - ايدىڭ 25 - كۇنى اۆتونوميالى رايون ساياحاتتى دامىتۋ جينالىسىن اشىپ، ”شينجياڭدى ساياحاتپەن گۇلدەندىرۋدى“ اۆتونوميالى رايوننىڭ كەلەلى دامۋ ستراتەگياسى ەتۋدى العا قويىپ، تيانشاننىڭ وڭتۇستىگى مەن سولتۇستىگىندە ”شينجياڭدى ساياحاتپەن گۇلدەندىرۋ“ ورلەۋىن كوتەردى.

  2 جىلدان بەرى، اۆتونوميالى رايون جوعارى دەڭگەيدە ىلگەرىلەتىپ، تۇتاس شينجياڭ جەدەل قيمىلداپ، ”كاسىپ سالاسى ساياحاتتى ارقاۋ ەتىپ كوركەيدى، ءونىم ساياحاتتى ارقاۋ ەتىپ كۇشەيدى، قۇرىلىم ساياحاتتى ارقاۋ ەتىپ رەتتەلدى، فۋنكتسيا ساياحاتتى ارقاۋ ەتىپ سايكەستىرىلدى، حالىق تۇرمىسى ساياحاتتى ارقاۋ ەتىپ گۇلدەندى“، ءشول دالا مەن قۇبا ءتۇز، مۇزدى القاپ پەن قارلى دالا، تۇنىق سۋ مەن جاسىل تاۋ اراسىندا تۇتاس وڭىرلىك ساياحاتتىڭ قىزۋ ورلەۋى كوتەرىلىپ، شينجياڭنىڭ ساياحات كاسىپ سالاسى ”شارىقتاپ“ ارتتى − 2019 - جىلى تۇتاس رايون قابىلداعان ەل ءىشى - سىرتىنان كەلگەن ساياحاتشىلار سانى تۇڭعىش رەت 200 ميلليون ادام - رەتتەن اسىپ، ساياحات كىرىسى 345 ميلليارد 265 ميلليون يۋان بولىپ، جەكە - جەكە %41.6 جانە %40.4 ارتتى. وسىلايشا تىرەكتىك كاسىپ سالاسى تۇلعالانا باستادى.

  بۇل كۇندەگى شينجياڭنىڭ ساياحات كاسىپ سالاسى ۇتىمسىز، ءونىمسىز ماۋسىمدىق ساياحاتتان جوعارى ءونىمدى، جوعارى ساپالى تۇتاس ماۋسىمدىق، تۇتاس ۋاقىتتىق ساياحاتقا بۇرىلىس جاسادى، جالاڭ كورىنىس اۋماعىندىق، كورىنىس تۇيىنىندىك ساياحاتتان تۇتاس وڭىرلىك، تۇتاس شينجياڭدىق ساياحاتقا بۇرىلىس جاسادى، توماعا - تۇيىق ساياحات وزىندىك اينالىمىنان اشىق ”ساياحات +“عا بۇرىلىس جاسادى. كەز كەلگەن جەردە كورىنىس بولاتىن، كەز كەلگەن ۋاقىتتا كورىنىس تاماشالايتىن تۇتاس وڭىرلىك ساياحاتتىڭ كوركەم كارتيناسى جۇرت كوزىنە تۇسە باستادى.

قۇرىلىم رەتتەلىپ، ساياحات شارۋاشىلىعى ”تىرەككە“ اينالدى

  مىناۋ تۇتاس شينجياڭداعى ءىشىنارا ايماقتاردىڭ تۇتاس وڭىرلىك ساياحاتى دامۋىنىڭ ساندى مالىمەتتەرى −

  بۋىرشىن اۋدانى: 2019 - جىلى تۇتاس اۋدان بويىنشا 7 ميلليون 794 مىڭ ادام - رەت ساياحاتشى قابىلداپ، 9 ميلليارد 40 ميلليون يۋان ساياحات جالپى كىرىسىن جۇزەگە اسىرىپ، سايكەس مەزگىلدەگىدەن جەكە - جەكە %42.1 جانە %68.8 ارتتىردى؛ ساياحاتقا سۇيەنىپ، كاسىپپەن شۇعىلدانۋشىلار 18 مىڭ ادامعا جەتىپ، جالپى ەڭبەككۇشتىڭ %50ىن يەلەپ، ساياحات كىرىسى ەگىنشى - مالشىلار جالپى كىرىسىنىڭ %50ىن يەلەدى؛ باۋراعان قوعامدىق كاپيتال قارجىسى 14 ميلليارد 130 ميلليون يۋانعا جەتىپ، تۇراقتى مۇلىككە قوسىلعان جالپى قارجىنىڭ %82ىن يەلەدى؛

  تەكەس اۋدانى: 2019 - جىلى تۇتاس اۋدان بويىنشا 3 ميلليون 210 مىڭ ادام - رەت ساياحاتشى قابىلداپ، 2 ميلليارد 600 ميلليون يۋان ساياحات كىرىسىن جۇزەگە اسىرىپ، سايكەس مەزگىلدەگىدەن جەكە - جەكە %52 جانە %54 ارتتىردى؛ ساياحات ارقىلى تىكەلەي جۇمىستانعان ادام 23 مىڭعا جەتتى؛ باۋراعان قوعامدىق كاپيتال قارجىسى 15 ميلليارد يۋانعا جەتتى؛

  اراسان اۋدانى: 2019 - جىلى تۇتاس اۋدان بويىنشا 2 ميلليون 60 مىڭ ادام - رەت ساياحاتشى قابىلداپ، 3 ميلليارد 90 ميلليون يۋان ساياحات كىرىسىن جۇزەگە اسىرىپ، سايكەس مەزگىلدەگىدەن جەكە - جەكە %87.3 جانە %121 ارتتىردى؛

  ...

  توعىستىرۋعا قولايلىلارىن تۇگەلدەي توعىستىردى، توعىستىرۋعا بولاتىندارىن مۇمكىندىگىنشە توعىستىردى. 2 جىلدان بەرى رايونىمىزدىڭ جەر - جەرى ساياحات شارۋاشىلىعىن تىرەكتى كاسىپ سالاسى رەتىندە ءتۇيىندى تۇلعالاپ، ساياحات شارۋاشىلىعىنىڭ 1 -، 2 -، 3 - كاسىپ سالالارىنداعى سالىستىرماسىن جىلدام ارتتىردى. اسىرەسە، ساياحات بايلىعى ءبىرشاما مول وڭىرلەردە ساياحات شارۋاشىلىعىن ءتۇيىندى كاسىپ سالاسى ەتىپ دەن قويا جەتىلدىرىپ، قۇرىلىمدى ساياحاتتى ارقاۋ ەتىپ رەتتەپ، ساياحات شارۋاشىلىعى ارقىلى ەكونوميكالىق، قوعامدىق دامۋدى جەتەكشىلىككە الىپ، وڭىرلىك بايلىقتىڭ ورگانيكالى بىرىكتىرىلۋىن جۇزەگە اسىرىپ، ساياحات كاسىپ سالاسىنىڭ تەرەڭدىك جانە كەڭدىك كەڭىستىگىنە ءورىس اشۋىن ىلگەرىلەتىپ، ”كەز كەلگەن جەردە كورىنىس بولۋدى، كەز كەلگەن ۋاقىتتا كورىنىس تاماشالاۋدى“ جۇزەگە اسىردى.

  ساياحات بايلىعى مول بۋىرشىن اۋدانى ”ساياحات شارۋاشىلىعىن نەگىزگى تۇلعا ەتىپ، 1 - كاسىپتى جەتەكتەۋ، 2 - كاسىپتى دەمەۋ“ سىندى دامۋ وي جەلىسىن تۇراقتاندىرىپ، ”كورىنىس اۋماعى مەن قالانى ءبىر تۇلعالاندىرۋ، وزەكتى بويلاپ اشۋ، كوپ تۇيىندەرگە كۇش سالۋ، كورىنىس اۋماقتارىن تۇتاستىرۋ“ سىندى تۇتاس تۇلعا بويىنشا قۇرىلىم ورنالاستىردى؛ ال، تەكەس اۋدانى اۋدان، اۋىل، قىستاق ”ءۇش دارەجەلى شۋجي“ تۇتاس وڭىرلىك ساياحاتتى يگەرۋ قىزمەت مەحانيزمىن ورناتىپ، تاريحي مادەنيەت ايگىلى قالاسى مەن دۇنيە جۇزىلىك مۇرا ورنىندا ساياحات كاسىپ سالاسى فاكتورلارىن عىلمي ورنالاستىرىپ، ”تەز بارىپ، جايبىراقات ساياحاتتايتىن“ ساياحات جۇيەسىن قۇرىپ، كورىنىس اۋماعى مەن قالانىڭ ءبىر تۇلعالانۋىن، كاسىپ سالاسى مەن قالانىڭ توعىسپالى دامۋىن جۇزەگە اسىردى... جەر - جەر جان - جاقتىلى بايلىقتى شوعىرلاندىرۋ، قۇرىلىمدى رەتتەۋ ارقىلى ”ساياحات +“دىڭ كاسىپ سالاسىمەن جەتەكتەۋ يقۋاتىن ساۋلەلەندىرىپ، ”ساياحات + وسىزاماندانعان اۋىل شارۋاشىلىعىن“ تىڭعىلىقتى ىستەپ، ”ساياحات + مادەنيەتتى“ ىشكەرىلەي ىستەپ، ”ساياحات + كۇتىنۋدى“ جاڭادان ىستەپ، ساياحات كاسىپ سالاسىنىڭ توعىسىپ ارالاسۋىن جۇزەگە اسىرىپ، ساياحات كاسىپ تىزبەگىنىڭ قۇرىلۋىن جان - جاقتىلى، مۇلتىكسىز جۇرگىزىپ، A دارەجەلى كورىنىس اۋماعىن وزەكتى ءتۇيىن ەتكەن، اۋىل - قىستاق ساياحاتىن دامۋدىڭ نەگىزگى وزەگى ەتكەن، 1 -، 2 -، 3 - كاسىپ سالالارى توعىسپالى دامىعان كاسىپ سالاسى ارناسىن قالىپتاستىرىپ، ساياحات شارۋاشىلىعىنىڭ ”ءبىر كاسىپ سالاسى كوركەيىپ، ءجۇز كاسىپ سالاسىن گۇلدەندىرەتىن“ باستاماشىلدىق، جەتەكتەۋ رولىن كۇن سايىن كورنەكتىلەندىردى.

”كەڭىستىكتى“ رەتتەپ، كەز كەلگەن جەردى تاماشا كورىنىسكە اينالدىردى

  موري قازاق اۆتونوميالى اۋدانىنىڭ يگەنبۇلاق اۋىلى يۋەلياڭدي قىستاعىنا بارا قالساڭىز، ءداستۇرلى تۇرعىن ءۇي، سالت - سانا، قولونەر، جاراتىلستىق كورىنىس ءبىر تۇلعالاندىرىلعان ءداستۇرلى قىستاق كوزىڭىزگە تۇسەدى.

  يان شياڭفۋ يۋەلياڭدي قىستاعىنىڭ جەرگىلىكتى ءتول تۋماسى، سونداي - اق ءبىرىنشى بولىپ ۇكىمەتتىڭ ۇندەۋىنە ءۇن قوسىپ، حالىقتىق تۇسەلحانا سالعان قىستاق تۇرعىنى. ول تىلشىگە بىلاي دەدى: يۋەلياڭدي قىستاعىنان ءبىر جىلدىڭ ءتورت ماۋسىمىندا دا ساياحاتشىلاردىڭ اياعى ۇزىلمەيدى. ساياحاتشىلار كەڭ دالادا تابيعات كورىنىستەرىن تاماشالاپ، شارۋالاردىڭ شاعىن اۋلاسىنا جايعاسىپ، ءدامى ءتىل ۇيىرەتىن شارۋالار تاعامىنان اۋىز ءتيىپ، ايتۋلى شينجياڭ اۋەندەرىن تىڭداپ، ”ساياحاتتاۋعا ىڭعايلى، جانعا جايلى“ جەردە تابىلا بەرمەس اۋىل كورىنىستەرىن تاماشالايدى.

  ”تيانشاننىڭ شىعىس قاقپاسى، بەسبالىقتىڭ بەكىنىسى“ اتانعان موري ”ساياحاتپەن شينجياڭدى گۇلدەندىرۋ“ ستراتەگياسى مەن تۇتاس وڭىرلىك ساياحاتتى دامىتۋ جوباسىنىڭ ارقاسىندا، ”تيانشاندى اينالىپ ساياحاتتاۋ . جالپى كورىنىستىك شينجياڭ“ سارا ساياحات جەلىسىنىڭ ماڭىزدى ءبىر بەكەتى بولدى، بۇل موريدىڭ ساياحات شارۋاشىلىعىن ستراتەگيالىق تىرەكتى كاسىپ سالاسى ەتىپ تۇلعالاۋ سەنىمىن بەكەمدەدى. بۇكىل اۋدان ەرەكشە ساياحات اۋىل - قالاشىعى، ەرەكشە شاعىن قالاشىق، كورىكتى اۋىل - قىستاق، ەرەكشە كوشە اۋماعى سياقتى كورىنىس وڭىرلەرىن ”ءتۇيىن“ ەتۋدى، تاۋعا تۇتاسقان ساياحات تاس جولدارىن، جاسىل ءدالىز جولداردى ”جەلى“ ەتۋدى، نەگىزدىك قۇرىلعىلارىن، الەۋمەتتىك قىزمەت وتەۋدى ”كولەم“ ەتۋدى تۇراقتاندىردى، ”ءتۇيىن، جەلى، كولەم“ ارقىلى تۇتاس وڭىرلىك ساياحاتتىڭ دامۋىن جەتەكتەۋ سىندى جوسپاردى تۇراقتاندىردى، ”كورىنىس ءوڭىرى مەن قالا ءبىر تۇلعالاندىرىلعان، كورىنىس ءوڭىرى مەن قىستاق ءبىر تۇلعالاندىرىلعان، كورىنىس ءوڭىرى مەن شارۋاشىلىق ءبىر تۇلعالاندىرىلعان، جالپى حالىق ات سالىسقان“ تۇتاس وڭىرلىك ساياحاتتى دامىتۋ ۇلگىسى نەگىزىنەن قالىپتاستى.

  2 جىلدان بەرى، رايونىمىز اكىمشىلىك وڭىرلەردىڭ شەكارا سىزىعى مەن كاسىپ سالاسىنىڭ قامالىن بۇزىپ، قۇرىلىمدى بار كۇشپەن رەتتەپ، شينجياڭ ىشىندە تىزبەكتەپ تۇتاستىرىلعان، وڭىرلىك ساياحات ءبىر تۇلعالاندىرىلعان جاڭا دامۋ كەڭىستىگىن جۇزەگە اسىرۋدا. كولەمدى، جوعارى ولشەمدى، ونىمدىلىك كورسەتەتىن ءبىر توپ ساياحات نىساندارىن اشۋدى، قۇرۋدى تۇتقا ەتىپ، مەملەكەتتىك 4A دارەجەلى كورىنىس وڭىرلەرىن 100دەن اسىردى؛ ”S101 تيانشان جاعراپيالىق اشەكەيلى كاريدورى، تاشقورعان - ياركەن بايىرعى جولى، كاسي بايىرعى جولى“ سياقتى سارا ساياحات جەلىلەرىن جاڭالاۋدى جانە دەڭگەيىن كوتەرۋدى ءتۇيىن ەتىپ، ”ءۇش شەڭبەر، ءبىر جەلىلىك“ ساياحاتتى العاشقى ادىمدا قالىپتاستىردى؛ شينجياڭنىڭ ءىشى - سىرتىنداعى بازارعا قالادا بوي جازۋ ساياحات جەلىسىن، دەمالىپ تىنىعۋ ساياحات جەلىسىن، سالت - سانا مادەنيەت ساياحاتىن جانە ەرەكشە ساياحات جەلىسىن ۇسىندى؛ تەمىر جول، تاس جول جانە جەلى بويىنداعى بايلىقتارعا سۇيەنىپ، تەمىر جولمەن ساياحاتتاۋ سارا جەلىسى مەن جەكە كولىگىمەن ساياحاتتاۋ سارا جەلىسىن ۇسىندى؛ وڭتۇستىك شينجياڭ ساياحاتىنىڭ ولقىلىعىن كوزدە ۇستاپ، ”قاشقار بايىرعى قالاسى − تاشقورعان − ياركەن − مارالباسى − اتۇش − قاشقار“ ساياحات اينالما جەلىسىن ىسكە قوسىپ، وڭىرلىك ساياحات قۇرىلىمىندا جاڭالىق اشۋدى ىلگەرىلەتىپ، كورىنىس اۋماعى، دەمالىس اۋماعى، زات ساتىپ الۋ اۋماعى، شاعىن قالاشىق، تۇزدە تۇنەۋ، جاسىل جول سياقتى كوپ فۋنكتسيالار ۇشتاستىرىلعان ءىرى ساياحات نىسانالى جەرىن كۇش سالا قۇرىپ، تۇتاس وڭىردە ”جايعاسۋعا جايلى، شارۋاشىلىققا ىڭعايلى، ساياحاتتاۋعا قولايلى“ بولۋدى جۇزەگە اسىردى.

قاۋىرت كەز بەن سايابىر كەزدى رەتتەپ، ”ءتورت ماۋسىم جىرىن“ شىعانداتتى

  ءار جىلى 11 - ايدان كەلەسى جىلى 4 - ايعا دەيىن، جارتى جىلعا سوزىلاتىن قىس، كوكتەم ماۋسىمى كەزى شينجياڭ ساياحاتىنىڭ ولقى تۇسى بولاتىن. ”سايابىر ماۋسىمدا سايابىرلاتپاۋدى“ جۇزەگە اسىرۋ ءۇشىن، رايونىمىز قىس، كوكتەم ماۋسىمىنداعى ساياحاتتى دامىتۋدى جەدەل ىلگەرىلەتىپ، شينجياڭ ساياحاتىنىڭ ”ءتورت ماۋسىم جىرىن“ شىعانداتتى.

  مۇزدى القاپ پەن قارلى دالا دا باعالى بايلىق. قىسقى ساياحاتتان قامال الۋ شايقاسى ەڭ الدىمەن قارلى قالا التايدا باستالدى. التاي ايماعى 3 جىل دا 5 جىل ۋاقىت جۇمساپ، تۇتاس ايماقتاعى قىستا ساياحاتتايتىن ادام سانىن جازعى ساياحاتتان اسىرۋعا مۇمكىندىك جاساپ، جازدا دۋمانداپ، قىستا قۇلازىپ قالاتىن جاعدايدى تۇبەگەيلى وزگەرتىپ، قىستا، جازدا ساياحاتتاۋ سىندى قوس قاناتپەن ۇشۋدى جۇزەگە اسىرىپ، ءبىر ماۋسىمدا ساياحاتتاۋدان ءتورت ماۋسىمدا ساياحاتتاۋعا قاراي بۇرىلىس جاسادى. التاي قار - مۇز ساياحاتىنىڭ اتاعىن اسپانداتۋ ءۇشىن التايلىقتار زەيىن - زەردەسىن سارقا جۇمسادى. ينتەرنەت جەلىسىندە جانە ينتەرنەت جەلىسىنەن تىس جۇرگىزۋ، قالادا ساياحاتتاۋعا جول الۋ، مەرەكە - مەيرام مەن اتاۋلى كۇندەردە جۇرگىزۋ، شينجياڭعا كومەكتەسۋ بويىنشا جۇرگىزۋ، جەر شالىپ جۇرگىزۋ سياقتى كوپتەگەن فورمالاردى تۇگەلدەي ىسكە قوستى.

  بوداۋدىڭ تۇبىندە ءبىر قارىمجىسى بولادى. 2018 − 2019 - جىلعى قىس، كوكتەم ماۋسىمىنداعى ساياحات كەزىندە، التاي ايماعىندا قىس ماۋسىمىنداعى قوناق ۇيگە تۇنەۋ مولشەرى %90تەن اسىپ، التاي قالاسىندا قىستا ساياحاتتايتىن ادام سانى تۇڭعىش رەت جازداعىدان اسىپ، التايدىڭ قىسقى ساياحاتتاعى دۋماندىلىعى بۇكىل ەل بوينشا الدىڭعى 3 ورىنعا شىقتى، التاي قالاسى تاعى بۇكىل ەلدەگى ”2018 - جىلعى ون تاڭداۋلى قار - مۇز ساياحاتى قالاسى“ تىزىمىنە كىردى.

  التايدىڭ ۇلگىلىك اسەرى تۇتاس شينجياڭنىڭ تۇتاس وڭىرلىك، تۇتاس ۋاقىتتىق ساياحات ىنتاسىن كوتەردى. بۇل كۇندەرى رايونىمىز ءۇرىمجى، التاي، تارباعاتاي جانە قارامايلى سياقتى بىرنەشە ۇلكەن قار - مۇز ساياحاتى اۋماقتارىن قالىپتاستىردى؛ جەر - جەردىڭ مۇز ويما كورمەسى، مۇز شام مەرەكەسى جانە قار - مۇز، سالت - سانا مەرەكەسى، قىستا بالىق اۋلاۋ مەرەكەسى، قار - مۇز سالتاناتى، قار - مۇز الەمى سياقتى ءىس - شارالارى ىركەس - تىركەس ايگىلەنىپ، كەسەك تابىستارعا قول جەتكىزدى، كەزىندە قۇلازىپ جاتقان ۋاقىت - كەڭىستىك جۇلگەسىن قىزدىرا ءتۇستى.

  ”بار الاپتا شابدالى گۇلى قۇلپىرىپ، ەسكەن سامالمەن ءيىسى اڭقيدى“. ءار جىلى 3 - ايدان باستاپ، وڭتۇستىك شينجياڭنان سولتۇستىك شينجياڭعا دەيىن، ورىك گۇلى، شابدالى گۇلى جانە تاۋ - تاستى الىپ جاتقان تاۋ گۇلى جاعالاي اشىلىپ، ساياحاتشىلاردى تولاسسىز باۋرادى. 2 جىلدان بەرى، قۇرىلىمدى ساياحاتتى ارقاۋ ەتىپ رەتتەۋ ارقىلى رايونىمىزدىڭ ءتورت ماۋسىمدىق ساياحاتتى قامداۋى بىركەلىكىلەنە باستاپ، سولتۇستىك شينجياڭدا قىسقى قار - مۇز كورىنىسى ساياحاتىن جۇرگىزۋدى ءتۇيىندى تۇردە اشىپ، وڭتۇستىك شينجياڭدا قۇمدى ءشول كورىنىسى، تاريحي مادەنيەت جانە سالت - سانا ساياحاتىن ءتۇيىندى تۇردە جەتىلدىرىپ، كوكتەمگى ”گۇلدى ماۋسىم ساياحاتى“ مەن التىن كۇزدە توراڭعىنى سۋرەتكە ءتۇسىرۋ ساياحاتىنىڭ ساپاسىن جوعارىلاتتى.

  ”قالا مەن اۋىلدى ءبىر تۇلعالاندىرۋ، كورىنىس ءوڭىرى مەن قالانى ءبىر تۇلعالاندىرۋ، تۇتاس وڭىرلىك ورنالاستىرۋ، ءتورت ماۋسىمدا دەمالۋ“ وي جەلىسى بويىنشا، رايونىمىز ”تۇتاس كورىنىستىك جوبالاۋدى، تۇتاس ماۋسىمدىق سەزىنۋدى، تۇتاس قوعام ات سالىسۋدى، تۇتاس كاسپ سالاسىن دامىتۋدى، جان - جاقتىلى قىزمەت وتەۋدى، تۇتاس وڭىرلىك باسقارۋدى“ دامۋ ءادىسى ەتىپ، وزەكتى كورىنىس ءوڭىرىن، ءتۇيىندى نىسانداردى دانەكەر ەتىپ، ساياحات كاسىپ سالاسى تىزبەگىن عىلمي قۇرىپ، توعىسپالى دامۋدىڭ جاڭا شارالارىن، جاڭا مەحانيزمدەرىن، جاڭا كاسىپ كۇيلەرىن، جاڭا ۇلگىلەرىن جەدەل قالىپتاستىرىپ، ونىمدىلىگىن كورە باستادى.

جاۋاپتى رەداكتور: ءاننا اكىمقان قىزى