تاڭبالى جايلاۋىنىڭ ءتورت ماۋسىمى

  كوكتەم ءسانى.

  تيانشان تورىنىڭ حابارى (سۋرەتىن ءتۇسىرىپ، حابارىن جازعان ەرىكتى ٴتىلشى چىن حۋالين). شينجياڭ ىلە قازاق اۆتونوميالى وبلىسىنىڭ نىلقى اۋدانىنداعى تاڭبالى ساحاراسىنىڭ ”تابيعي اشەكەيلى كاريدور 100 شاقىرىمدىق عاجايىپ كورىنىس“ دەگەن بەدەلدى اتاققا يە. ۇلان - بايتاق ساحاراسى، وركەشتى تاۋلارى، جوڭكىلگەن وزەنى، اپپاق قارى ونىڭ وزگەشە تارتىمدىلىعىن بەينەلەپ، ساياحاتشىلاردى وسىندا كەلۋگە باۋرايدى.

  تاڭبالى جايلاۋى تيانشان تاۋىنىڭ تەرەڭ قويناۋىنا ورنالاسقان، ءبىر جىلداعى ءتورت ماۋسىمىنىڭ كورىنىسى توتەنشە پارىقتى، جاز ماۋسىمىندا تاۋ ەتەگى جاسىل جەلەك جامىلسا، تاۋ شوقىلارى اق قارمەن اسەمدەنىپ كورىنەدى، كۇز ماۋسىمىندا سان مىڭداعان اعاشتار كوركەم تۇسپەن بويالىپ، الۋان تۇستەر كوزدىڭ جاۋىن الادى، قىس ماۋسىمىندا، ۇلان - بايتاق دالا قار - مۇز قۇرسانىپ، اسقار تاۋلارى ايباتتانا ءتۇسىپ، ءموپ - ءمولدىر الەمدى كوز الدىڭىزعا اكەلەدى. مەيلى قاي مەزگىل بولسىن، تەك تاڭبالى ساحاراسىنا كىرە قالساڭىز، كوز سۇرىندىرەر كوركەم الاپتا تۇرىپ، ەستەن كەتپەس سەزىم پايدا بولادى دا، جان دۇنيەڭىز تازارادى.

جاۋاپتى رەداكتور: ءاننا اكىمقان قىزى