سيفرلانۋعا قاراي تيبىن وزگەرتۋ جاساۋ كاسىبىنىڭ ”زەردەلى جاساۋعا“ قادام تاستاۋىنا مۇمكىندىك جاسادى

سيفرلانۋعا قاراي تيبىن وزگەرتۋ جاساۋ كاسىبىنىڭ ”زەردەلى جاساۋعا“ قادام تاستاۋىنا مۇمكىندىك جاسادى

گازەتىمىزدىڭ جالپىلىق اقپارات قۇرالدارى تىلشىلەرى شى شين، ليۋ شياڭ، جىن شىشين، جاڭ اۋ، لۇي يحان، پراكتيكانت جياڭ يياۋ

  شينجياڭ كوكس (توبى) شەكتى جاۋاپكەرشىلىك سەرىكتەستىگىندە ”كومىر كەن جۇمىسشىلارى“ ”كومىر كەننىڭ اق جاعالىلارىنا“ اينالدى.

  ناسوس ستانسياسىندا ۇلەس قاتىناسى بويىنشا دايىنداپ ىسكە قوسىلعاننان ءتۇرلى جەتكىزۋ جابدىقتارىنىڭ رەت - رەتىمەن ىسكە قوسىلۋىنا، ونان كومىر قازۋ ماشيناسىنىڭ اۆتوماتتى كومىر قازۋىنا، سۇيىق قىسىمدى تىرەۋدىڭ ماشينامەن ىلەسە قوزعالۋىنا دەيىن بارلىق قازۋ جابدىقتارى ءبىر كنوپكامەن ىسكە قوسىلادى - توقتاتىلادى.

  ۋلى گاز قۇرامىنان اۋا الماستىرۋ جاعدايىنا، ونان گەولوگيالىق قۇرىلىم مەن وپىرىلعان قىرتىس اۋماعىنا دەيىن باستى ءوندىرىس حاۋىپسىزدىگى ينفورماتسيالارىن ”ءبىر كارتامەن“ يكەمدى باسقارۋ جۇزەگە اسىرىلدى.

  جابدىقتاردىڭ جۇمىس ىستەۋىنەن قىزمەتكەرلەردىڭ ورنىن انىقتاۋعا، ونان ءوندىرىس جاعدايىنا دەيىن ءتۇرلى ءوندىرىس فاكتورلارىن ينتەرنەت جەلىسىندە باقىلاپ - باسقارىپ وتىرۋعا بولادى.

  7 - ايدىڭ 31 - كۇنى اتالعان سەرىكتەستىكتىڭ 1890 كومىر كەنىنىڭ مىڭ مەترلىك كەن قۇدىعىنىڭ استىندا الىستان مەڭگەرۋ بولمەسىندەگى نەگىزگى مەڭگەرۋشىنىڭ ىسكە قوسۋ كنوپكاسىن باسۋىنا ىلەسە، ”ءبىر كنوپكامەن كومىر قازۋ“ زەردەلى جۇمىس اۋماعىنداعى كومىر قازۋ ماشينالار شوعىرى ءساتتى ىسكە قوسىلىپ، جۇمىس جۇرگىزە باستادى. 7 - ايدىڭ 18 - كۇنى الىستان مەڭگەرۋ فۋنكتسياسى ىسكە قوسىلعاننان كەيىن، كوكس توبى ماشينالاندىرۋ، اۆتوماتتاندىرۋ، زەردەلىلەندىرۋ نىساناسىنا قاراي تاعى ءبىر نىق قادام تاستادى.

  ”زەردەلى ماشينالاندىرۋ بويىنشا وزگەرتۋدىڭ ارقاسىندا قاتەرلى، ماشاقاتتى كومىر كاسىبى تەحنيكالىق تيپكە قاراي بۇرىلىس جاساۋدا“، - دەيدى 1890 كومىر كەنىنىڭ باستىعى گوۋ شينجيان.

  سيفرلانۋعا قاراي تيبىن وزگەرتىپ، جاساۋ كاسىبىن جوعارى ساپالى دامۋعا جەتەكتەۋ − شينجياڭ جاساۋ كاسىبىنىڭ ”توپتىق تاڭداۋى“.

  ”ءداستۇرلى بولات - تەمىر جاساۋ كاسىپورنى رەتىندە، ءسوز جوق، زەردەلىلەندىرۋ ارقىلى، جاڭالىق اشا دامۋعا جەتەكشىلىك ەتۋگە تاباندى بولىپ، زەردەلى جاساۋدى بار كۇشپەن ىلگەرىلەتىپ، جاڭالىق اشا دامۋدىڭ جاڭا جۇلگەسىن ورناتىپ، زەردەلى 1 - تامىز بولات - تەمىر شەكتى سەرىكتەستىگىن جەدەل قۇرىپ، جاساۋدان ’زەردەلى جاساۋعا‘ قادام تاستاۋىمىز كەرەك. ويتپەگەندە، ءداۋىر قادامىنان كەيىن قالامىز ءارى ءداۋىر كوشىندە قاتاردان شىعىپ قالامىز“، - دەيدى باۋگاڭ توبى شينجياڭ 1 - تامىز بولات - تەمىر شەكتى سەرىكتەستىگى پارتكومىنىڭ شۋجيى، القا باستىعى شياۋ گودۇڭ.

  2019 - جىلى 1 - تامىز بولات - تەمىر شەكتى سەرىكتەستىگى زەردەلى زاۆود، زەردەلى شوعىرلى مەڭگەرۋ تۇعىرى، جۇمىس ءتارتىبىن ساپالىلاندىرۋ جانە قايتا قۇرىلىمداۋ، زەردەلى كەن ورىندارى، زەردەلى كومىر كەنى، زەردەلى ساۋدالاۋ - ساتۋ سياقتى جيىنى 6 ۇلكەن ءتۇر، 26 تارماق زەردەلى جاساۋ نىسانىن بەلگىلەدى. زەردەلى جاساۋدى زور كۇشپەن اتقارۋ ارقىلى وزىق تەحنيكامەن بولات - تەمىر تەحنولوگياسىنداعى جاڭالاۋدى، جۇمىس ءتارتىبىن قايتا قۇرىلىمداۋدى جانە ۇيىمدىق جاقتان وزگەرتۋدى ىلگەرىلەتىپ، جاڭا ارتۋ قوزعاۋشى قۋاتىن قالىپتاستىرىپ، جاڭا باسەكەلىك باسىمدىق جەتىلدىرىپ، سەرىكتەستىكتىڭ وزەكتى باسەكەلىك قۋاتىن ۇزدىكسىز جوعارىلاتتى.

  زەردەلى جاساۋدىڭ ىلگەرىلەۋىنە مەڭزەس، وزگەرىستەر دە بىلىنبەي كەلىپ جەتتى. 1 - تامىز تەمىر قورىتۋ زاۆودىنىڭ قىزمەتكەرى ۋاڭ شينمەي بىلاي دەيدى: ”تەمىر قورىتۋ زاۆودىنداعى 2500 تەكشەمەترلىك 3 دومنا پەشتىڭ ورتالىق مەڭگەرۋ بولمەسى قازىر ءبىر مەڭگەرۋ بولمەسىنە بىرىكتىرىلدى، وسى كەڭ، جارىق ورتالىق مەڭگەرۋ بولمەسىندە وتىرساڭىز، ’جوعارى دەڭگەيلى، ءساندى، سالاۋاتتى‘ بولعانداي سەزىمگە بولەنەسىز، 3 دومنا پەشتەگى اينالىم جاعدايىن، ياعني شيكىزات دايىنداۋ، كومىر بۇركۋ، قوقىستى شىعارىپ تاستاۋ سياقتىلاردى قامتىعان دومنا پەشتىڭ سايكەستى جالپىلىق قولدانىلاتىن كومەكشى قۇرىلىم جۇيەسىنىڭ اينالىم جاعدايىن تۇگەلدەي انىق كورىپ وتىرۋعا بولادى. ورتالىق مەڭگەرۋ بولمەسىنە بالىق باعىپ، گۇل ەكتىك، وقيتىن كىتاپتار دا تىزىلگەن، تاعى شايحانا، كوفە ماشيناسى سياقتىلار دا بار، ءبىزدىڭ قىزمەت ورتامىز بارعان سايىن جاقسارىپ كەلەدى“.

  زەردەلى جاساۋ شينجياڭ ونەركاسىبىن جوعارى ساپالى دامۋعا جەتەكتەۋدە.

  زەردەلى جاساۋعا سۇيەنىپ، شينتى ەنەرگيا جارنا شەكتى سەرىكتەستىگىنىڭ جوعارى تۇنىقتىقتاعى كريستالدى كرەمني زەردەلى زاۆودى ۇلگى نىسانى ءوندىرىس ونىمدىلىگىن %28 كوتەرۋدى، اينالىم وزىندىك قۇنىن %25 تومەندەتۋدى، ءونىم زەرتتەۋ - جاساۋ پەريودىن %30تەن ارتىق قىسقارتۋدى، ءونىمنىڭ جارامسىز بولۋ مولشەرىن %50 تومەندەتۋدى، ەنەرگيادان پايدالانۋ مولشەرىن %15 جوعارىلاتۋدى جۇزەگە اسىرىپ، شينجياڭ كرەمنيلى كاسىپ سالاسىنىڭ جوعارى ساپالى دامۋىن جەبەدى.

  اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ ساندى مالىمەتتەرىندە كورسەتىلۋىنشە، شينجياڭدا زەردەلى جاساۋ ورىستەتكەن ءارى بەلگىلى كولەمگە يە بولعان كاسىپورىندار 40تان اسقان، زەردەلى جاساۋ ءداستۇرلى كاسىپ سالاسىنىڭ تيبىن وزگەرتۋدى، دارەجەسىن جوعارىلاتۋدى ىلگەرىلەتەتىن، جاڭا قوزعاۋشى قۋات قالىپتايتىن باستى ۇلگىگە اينالعان. كەزەكتە شينجياڭ كەرنەۋ وزگەرتىپ ەلەكتر جەتكىزۋ، جەڭىل ونەركاسىپ، مۇناي جانە حيميا ونەركاسىبى، جاڭا ەنەرگيا، جاڭا ماتەريال، بيولوگيالىق ءدارى - دارمەك، قۇرىلىس ماتەريالدارى، توقىماشىلىق سياقتى كاسىپ سالالارىندا جيىنى 9 مەملەكەتتىك زەردەلى جاساۋ سىناق ءتۇيىنى ۇلگى كورسەتۋ نىسانى كاسىپورنىن، 11 مەملەكەتتىك قازىنانىڭ قولداۋىنا يە بولعان زەردەلى جاساۋ جاڭا ۇلگىلەرىن قولدانۋ نىسانى كاسىپورنىن، 2 زەردەلى جاساۋ بويىنشا ولشەمدەندىرۋ نىسانى كاسىپورنىن جەتىلدىرىپ، ۇلگى كورسەتۋ رولى ايتارلىقتاي ايگىلەنىپ، تيبىن وزگەرتۋ، دارەجەسىن جوعارىلاتۋ اسەرى كورنەكتى بولعان.

جاۋاپتى رەداكتور: ءاننا اكىمقان قىزى