بۇل جولعى ىندەتتىڭ ۇقساس ءبىر جۇعۋ قاينارىنان بولعاندىعىن كورسەتتى

العاشقى مەزگىلدەگى ناۋقاستاردىڭ گەن تارتىبىنە جۇرگىزىلگەن ولشەۋ ناتيجەسى

بۇل جولعى ىندەتتىڭ ۇقساس ءبىر جۇعۋ قاينارىنان بولعاندىعىن كورسەتتى

  گازەتىمىزدىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 8 - ايدىڭ 4 - كۇنى ۇرىمجىدەن حابارلايدى. 8 - ايدىڭ 4 - كۇنى اۆتونوميالى رايوندىق ۇكىمەتتىڭ اقپارات كەڭسەسى اشقان ىندەتتەن ساقتانۋ - تىزگىندەۋ قىزمەتى جونىندەگى اقپار جاريالاۋ ماجىلىسىندە اۆتونوميالى رايوندىق اۋرۋدىڭ الدىن الۋ، تىزگىندەۋ ورتالىعىنىڭ مەڭگەرۋشىسى سۇي يان بىلاي دەپ تانىستىردى: قازىرگى ەپيدەميولوگيالىق تەكسەرۋدىڭ كەزەڭدىك تالداۋىنان قاراعاندا، بۇل جولعى ىندەت ۇقساس ءبىر جۇعۋ قاينارىنان بولعان: الدىڭعى مەرزىمدەگى ناۋقاستاردىڭ گەن تارتىبىنە جۇرگىزىلگەن ولشەۋ ناتيجەسى كوپتەگەن تەكسەرۋ - ولشەۋ ۇلگىسىنىڭ ءتارتىبىنىڭ ۇقساس ەكەندىگىن ايگىلەدى، بۇل جولعى ىندەتتىڭ ۇقساس ءبىر جۇعۋ قاينارىنان بولعاندىعىن كورسەتتى.

  سۇي يان بىلاي دەدى: ىندەت تۋىلعاننان كەيىن، پارتيا ورتالىق كوميتەتى ايرىقشا ءمان بەرىپ، مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى دەر كەزىندە تاجىريبەسى مول ەپيدەميولوگيالىق تەكسەرۋ ماماندار گرۋپپاسىن رايونىمىزعا كەلىپ قىزمەتتەرگە جەتەكشىلىك ەتۋگە جىبەردى. ماماندار گرۋپپاسىنىڭ جەتەكشىلىگىندە، رايونىمىز دەرەۋ اۆتونوميالى رايون، قالا، رايون (اۋدان) ءۇش دارەجەلى ەپيدەميولوگيالىق تەكسەرۋ قوسىنىن بىرىكتىرىپ، قاتىستى تاراۋلار مەن الەۋمەتتىك اۋماقتىڭ بىرلەسىپ ارەكەتتەنىپ، سايكەسۋىن ءبىر تۇتاس جوسپارلاپ، تەرەڭدەگەن تىڭعىلىقتى ەپيدەميولوگيالىق تەكسەرۋ قىزمەتىن دەرەۋ ورىستەتىپ، دياگنوزى تۇراقتاندىرىلعان بارلىق ناۋقاستارعا ەپيدەميولوگيالىق تەكسەرۋدى اياقتاپ، ۋاقىت سىحەماسى مەن بايلانىس سىحەماسىن سىزىپ، ءبىر ادامدى دا قاعىس قالدىرماۋعا، بىردە - ءبىر دەرەكتى قاعىس قالدىرماۋعا شىنايى كەپىلدىك ەتىپ، ءار كۇنگى ەپيدەميولوگيالىق تەكسەرۋ قىزمەتىنىڭ دەر كەزىندە اياقتاۋىن جۇزەگە اسىرىپ، ىندەتتەن ساقتانۋ - تىزگىندەۋ قىزمەتىن ورىستەتۋگە پارمەندى تىرەك ازىرلەدى.

  ەپيدەميولوگيالىق تەكسەرۋ ارقىلى، قاتىستى تاراۋلار تىعىز جۋىسقان ادامداردى دەرەۋ ءبىر - بىرلەي تەكسەرىپ، تۇگەلدەي شوعىرلى مەديتسينالىق باقىلاۋعا الدى؛ تىعىز جۋىسقان ادامداردىڭ ماڭايىنداعى ادامدارعا قاتاڭ تۇردەگى ۇيىندە باسقارۋ - تىزگىندەۋ شاراسىن اتقارىپ، ءار كۇنى دەنە تەمپەراتۋراسىن مالىمدەتتى؛ ءتۇيىندى وڭىرلەردە، ءتۇيىندى الاڭ، ورىنداردا تولىقتاپ ۇلگى الۋ، باقىلاۋ - ولشەۋ قىزمەتىن ورىستەتتى.

  بۇل جولعى ىندەتتىڭ 3 ەرەكشەلىگى بار: ءبىرىنشىسى، ”شۇعىل“، الدىڭعى مەرزىمدە دامۋى شۇعىل، ناۋقاستاردىڭ ارتۋى تەز بولدى، 7 - ايدىڭ 26 - كۇنىنەن 28 - كۇنىنە دەيىن ەڭ جوعارى شەككە جەتكەننەن سوڭ تومەندەي باستادى؛ ەكىنشىسى، ”توپتالۋ“، وڭىردە، وقيعادا ءبىرشاما كۇشتى توپتالۋ سيپاتى كورىلدى، قازىرگە دەيىن %99.3 ناۋقاس ۇرىمجىدەن بايقالدى؛ ۇشىنشىسى، ”جەڭىل“، ناۋقاستاردىڭ كوبىنىڭ اۋرۋى سالماقتى ەمەس، اۋرۋ بەلگىسى جوق، ناۋقاسى جەڭىل جانە ادەتتەگىلەردىڭ سالىستىرماسى ءبىرشاما جوعارى بولدى.

  سۇي يان قالا تۇرعىندارىنا مىنانى ەسكەرتتى: ەپيدەميولوگيالىق تەكسەرۋ قىزمەتىنە بەلسەنە سايكەسىپ، شىنايى، ەگجەي - تەگجەيلى ينفورماتسيالارمەن قامداپ، مۇمكىندىگى بار جۇعىمدالۋشىلار مەن حاۋىپتى تۇيىندەردىڭ تەزىرەك اداقتالۋىنا جانە باسقارىلىپ - مەڭگەرىلۋىنە مۇمكىندىك جاساۋ كەرەك. ءىشىنارا ادامداردىڭ جۇرگەن جەرى مەن اۋرۋ جاعدايىن جاسىرعان ارەكەتى ءوزىنىڭ ەمدەلۋىنە ءتيىمسىز بولىپ قانا قويماي، تاعى ىندەتتەن ساقتانۋ - تىزگىندەۋگە ايرىقشا ءتيىمسىز ىقپال كورسەتەدى.

جاۋاپتى رەداكتور: ءاننا اكىمقان قىزى