1900دەن استام ەمدەۋ قىزمەتكەرى بەلگىلەنگەن شيپاحانالارعا ورنالاستى

گازەتىمىزدىڭ جالپىلىق اقپارات قۇرالدارى تىلشىلەرى لي چۇنشيا، چاۋ جين، جاۋ چۇنحۋا 8 - ايدىڭ 4 - كۇنى ۇرىمجىدەن حابارلايدى. ءۇرىمجى قالاسىندا ىندەت تۋىلعاننان كەيىن، اۆتونوميالى رايوندىق پارتكوم ءار ۇلت حالقىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويىپ، مەديتسينالىق قۇتقارۋ - ەمدەۋ قىزمەتىنە بارىنشا دەن قويدى. اۆتونوميالى رايوندىق جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەنگەن  شيپاحانانىڭ ورىنباسار باستىعى زىڭ پيڭحۋا بىلاي دەپ تانىستىردى: بۇل شيپاحانانىڭ كەزەكتەگى ەمدەۋ قىزمەتكەرلەرى، قۇتقارۋ - ەمدەۋ مەديتسينالىق زاتتىق ماتەريالدارى جەتكىلىكتى، مەديتسينالىق قۇتقارۋ - ەمدەۋدىڭ قاجەتىن قامتاماسىزداندىرا الادى.

  ىندەت تۋىلعاننان كەيىن، قىزمەت ونىمدىلىگىن ونان ارى جوعارىلاتىپ، باسقارۋ جۇيەسىن عىلمي تۇردە ساپالىلاندىرۋ ءۇشىن، رايونىمىز مەملەكەتتىك كەڭەس جاڭا تيپتى ايدارشا ۆيرۋس وكپە قابىنۋى ىندەتىنەن بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسىنىڭ قولداۋىندا، ەل ىشىندەگى ىندەتكە قارسى اتتانۋدىڭ وزىق تاجىريبەلەرىنە جانە شينجياڭنىڭ ءىس جۇزىندىگىنە ۇشتاستىرىپ، شيپاحانانىڭ باسقارۋ قۇرىلىمىن رەتتەپ، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەنگەن شيپاحانا قۇردى. اۆتونوميالى رايونداعى ءارقايسى ەمدەۋ قۇرىلىمدارىنىڭ باسىمدىققا يە كۇشتەرىن ءبىر تۇتاس جوسپارلاپ، بۇكىل شينجياڭداعى 24 ەمدەۋ قۇرىلىمىنداعى، 32 ەمدەۋ اترەتىندەگى 1900دەن استام ەمدەۋ قىزمەتكەرىن اۆتونوميالى رايوندىق جاڭا تيپتى ايدارشا ۆيرۋس وكپە قابىنۋى بويىنشا قۇتقارۋ - ەمدەۋگە بەلگىلەنگەن شيپاحانادا قۇتقارۋ - ەمدەۋ قىزمەتىن ورىستەتۋگە ورنالاستىردى.

  ىندەت جاعدايىنا ساي، رايونىمىز اۆتونوميالى رايوندىق حالىق شيپاحاناسى، شينجياڭ مەديتسينا داشۋەسىنە قاراستى 1 - شيپاحانا، اۆتونوميالى رايوندىق كاسىپتىك اۋرۋلار شيپاحاناسى سياقتى 3 - دارەجەلى ەمدەۋ قۇرىلىمدارىنىڭ ەمدەۋ قىزمەتكەرلەرىنەن ۇيىمداسقان زاپاس توپتى ءبىر تۇتاس جوسپارلاپ سايكەستىردى، قازىر جەكەلەردى ساقتانۋ - قورعانۋعا باۋلۋ اياقتالدى، كەزكەلگەن ۋاقىتتاعى بۇيرىققا دايىن تۇر. سونىمەن بىرگە، بەلگىلەنگەن شيپاحانا ەمدەۋگە الۋ ولشەمى بويىنشا ءىشىنارا جاڭالاۋ جۇرگىزىپ، ”ءۇش اۋماق، ەكى وتكەل“ بەلگىلەپ، ءاسىلى بار توسەك ورىندارى نەگىزىندە توسەك ورىن كوبەيتىپ، دياگنوزى تۇراقتاندىرىلعان ناۋقاستاردىڭ دەر كەزىندە ەمدەۋگە الىنۋىن قامتاماسىز ەتتى.

  زىڭ پيڭحۋا بىلاي دەدى: ەمدەۋ زاتتىق ماتەريالدارىمەن قامتاماسىز ەتۋ جاعىندا، اۆتونوميالى رايوندىق ىندەتتەن ساقتانۋ - تىزگىندەۋ قولباسشىلىق شتابى كوپتەگەن جاقتى سايكەستىرىپ، شيپاحانانى 22 ءدىرىل باساتىن باقىلاۋ - كۇتۋ اپپاراتىمەن، 4 دانا ECMOمەن جانە تىنىس الدىرۋ اپپاراتى، مۇرىن ارقىلى جوعارى اعىسپەن وتتەگىن ءسىمىرتۋ اپپاراتى، ناۋقاس توسەگىنىڭ قاسىندا قان ءسۇزۋ اپپاراتى سياقتى اسپاپتارمەن جابدىقتاپ، قازىر بار مەديتسينالىق قۇتقارۋ - ەمدەۋ قاجەتىن قامتاماسىز ەتتى. قازىر وسى شيپاحانانىڭ شيپاگەرلىككە پايدالانىلاتىن ساقتانۋ - قورعانۋ كيىمى، وپەراتسيا كيىمى، ساقتانۋ - قورعانۋ ماسكىسى (N95)، وپەراتسيالىق ماسكى، تۇيىق كوزىلدىرىك، ءبىر رەتتىك ساقتانۋ - قورعانۋ بەت قورعاۋىشى سياقتى ساقتانۋ - قورعانۋ زاتتىق ماتەريالدارىنىڭ دايىندالۋى جەتەرلىكتەي.

جاۋاپتى رەداكتور: ءاننا اكىمقان قىزى