توقىماشىلىق ماشينالارى سالاسىنىڭ بيىك بەلەسىنە كوتەرىلدى

جولاڭ شينجياڭ سەرىكتەستىگى دامۋ جولىنا جاڭالىق ەنگىزىپ، ءوندىرىستىڭ زەردەلىلەنۋىن، ءونىمىنىڭ جوعارى دەڭگەيلىلەنۋىن ىلگەرىلەتتى −

توقىماشىلىق ماشينالارى سالاسىنىڭ بيىك بەلەسىنە كوتەرىلدى

گازەتىمىزدىڭ جالپىلىق اقپارات قۇرالدارى تىلشىلەرى شى شين، ليۋ شياڭ، جىن شىشين، جاڭ اۋ، لۇي يحان، پراكتيكانت جاڭ يياۋ

  مينۋتىنا 180 مىڭ رەت اينالىپ، %100تىك جاراقسىز ماقتانى يىرۋگە بولادى!

  جولاڭ شينجياڭ زەردەلى ماشينا شەكتى سەرىكتەستىگىندە بۇكىل الەمدە بىردەن - ءبىر جالعىز ۇرشىقتى ماگنيتتى قالقىما جالعاۋ تەحنيكاسى بار.

  وزىق جاساۋ كاسىبى − جاساۋ كاسبىندەگى جاڭالىق اشۋ ءىسى ەڭ جاندى، جەتىستىكتەرى ەڭ مول سالا ءارى قۇن تىزبەگىندەگى پايداسى جوعارى، قوسىمشا قۇنى جوعارى سالا، جوعارى ساپالى دامۋ بەتالىسىنا ۋاكىلدىك ەتەدى. ءۇرىمجى ەكونوميكالىق، تەحنيكالىق اشۋ رايونىنداعى (توۋتۇنحى رايونى) 1 - ءنومىرلى تەكشەگە ورنالاسقان جولاڭ شينجياڭ سەرىكتەستىگىنە بارعانىمىزدا ءبىز شينجياڭنىڭ جاساۋ كاسىبىنىڭ دامۋ دەڭگەيىن تۇرلىشە تۇرعىدان سەزىندىك.

دۇنيە جۇزىندەگى وزىق دەڭگەيدەگى جاساۋشى كاسىپورىن

  Zinser Ring 72 اتتى جىڭىشكە ءجىپ ءيىرۋ ماشيناسىنىڭ الدىندا، جولاڭ شينجياڭ سەرىكتەستىگىنىڭ ساپا ينجەنەرى لي شۋان ماشينانىڭ يقۋاتىن تەكسەرىپ جاتتى. 2018 - جىلى تۇڭجي داشۋەسى مەحانيكالىق ينجەنەريا ماماندىعىنان وقۋ تاۋىسقان سوڭ، لي شۋان وسى اراعا جۇمىسقا تۇردى، بۇل ماشينانىڭ جانىندا جۇرگەنىنە ءبىر جىلدان استام ۋاقىت بولسا دا، ول ءالى كۇنگە دەيىن ماشينانىڭ ەرەكشە قاسيەتىنە قاتتى ءتانتى.

  ”وزىق! ەرەكشە وزىق!“، - دەيدى لي شۋان، - ”ءجىپ ءۇزىلىپ قالسا اۆتوماتتى تۇردە جالعايدى؛ ماگنيتتى قالقىما موتورى قولدانىلعاندىقتان، ۇرشىقتىڭ جوعارى جىلدامدىقپەن اينالسا دا بىردەي جۇرۋىنە كەپىلدىك ەتۋگە بولادى؛ ءجىپتى اۆتوماتتى تۇردە ورايدى؛ جەكە ۇرشىقتى دەربەس مەڭگەرۋگە بولادى، بىلسەڭىز، بۇل جەردە 1000 − 2000 ۇرشىق بار“...

  ءىس جۇزىندە، شالا وڭدەلگەن جۋان جىپتەردى نەمەسە ءجىپ تالشىقتارىن سوزاتىن، شيراتاتىن، جىڭىشكە ءجىپتى ورايتىن وسى ءجىپ ءيىرۋ ماشيناسىندا ۇرشىقتىڭ سانى 2016عا جەتەدى، بۇل قازىرگى تاڭدا دۇنيە جۇزىندەگى ەڭ ۇزىن جىڭىشكە ءجىپ ءيىرۋ ماشيناسى سانالادى. جوعارى ءوندىرىس قۋاتىن جۇزەگە اسىرۋمەن قاتار، جاڭالىق ەنگىزىلگەن ورتالىق قوزعالتقىش قۇرىلعى ءجىپ ساپاسىنىڭ بارىنشا ورنىقتىلىعىن قامتاماسىز ەتە الادى، تازا، تىعىز ءيىرۋ، سورۋ سياقتى تەحنيكالاردىڭ پايدالانىلۋىمەن اۆتوماتتاندىرىلعان وڭدەۋدى جۇزەگە اسىردى.

  Zinser Ring 72نىڭ ەڭ كەرەمەت جەرى ونىڭ اناعۇرلىم جوعارى يكەمدىلىگىندە، ول گۇلدى ءجىپ جانە ەرەكشە ءجىپ ءيىرۋ وڭدەۋ سالاسىندا قولدانىلادى.

  بۇدان سىرت، جولاڭ شينجياڭ سەرىكتەستىگى وندىرگەن تولىق اۆتوماتتى اينالاتىن ۇرشىقتى ءجىپ ءيىرۋ ماشيناسى تاياۋدا بيىلعى مەملەكەت بويىنشا كەلەلى تەحنيكالىق جابدىق قامسىزداندىرۋ تولەمى نىسانى تىزىمىنە ەنگىزىلدى. دۇنيە ءجۇزى بويىنشا نەبارى ەكى ۇلكەن جاساۋشى كاسىپورىننىڭ ءبىرى رەتىندە، جولاڭ شينجياڭ سەرىكتەستىگىنىڭ تولىق اۆتوماتتى اينالاتىن ۇرشىقتى ءجىپ ءيىرۋ ماشيناسى بازار نورماسىنىڭ %75تەن استامىن يەلەپ وتىر.

  جولاڭ شينجياڭ سەرىكتەستىگىنىڭ ورىنباسار باس ديرەكتورى ماۋ جۇن: ”ءبىز دۇنيە جۇزىندە ءجىپ وراۋ ماشيناسىن جاساۋشى 3 ۇلكەن كاسىپورىننىڭ ءبىرىمىز ءارى دۇنيە جۇزىندە الدىڭعى دەڭگەيدە تۇراتىن 3 ۇلكەن تازالاۋ - سالالاۋ قوندىرعىسىن جاساۋشى كاسىپورىننىڭ ءبىرىمىز؛ سەرىكتەستىك جاساعان ماقتا ءيىرۋ جابدىعى ماقتادان جىپكە دەيىنگى تۇتاس بارىسپەن ساباقتاستىرىلعان“.

جەرگىلىكتى كاسىپورىنداردىڭ تيبىنىڭ وزگەرىپ، دارەجەسىنىڭ جوعارىلاۋىنا باستاماشى بولدى

  ءجىپ وراۋ ماشيناسىندا ەلەكتروندى ناۋا تەحنيكاسى، سونداي - اق راديوجيلىكتى تانۋ بۇلتتىق زات اينالىم جۇيەسىن ەڭ الدىمەن تاپقىرلاعان؛ تازالاۋ - سالالاۋ قوندىرعىسىنىڭ بارلىق شەشۋشى تەحنيكاسىن ەل ىشىندە دەربەس زەرتتەپ اشقان، ايتالىق، ماقتا شۇيكەسىن دەربەس رەتتەۋ جابدىعى...

  وزەكتى تەحنيكانىڭ ءوزى وندىرگىش كۇش. جولاڭ شينجياڭ سەرىكتەستىگىنىڭ باس ديرەكتورى ۋ جىڭچۇن بىلاي دەپ تانىستىردى: وزىق تەحنيكاعا ارقا سۇيەي وتىرىپ، 2018 - جىلى 12 - ايدا وندىرىسكە قوسىلعان سوڭ، جولاڭ شينجياڭ سەرىكتەستىگى 230 ميلليون يۋان ساتۋ سوماسىن جۇزەگە اسىردى، 2019 - جىلى ساتۋ سوماسى ءبىر ميلليارد 600 ميلليون يۋانعا جەتتى.

  ”سەرىكتەستىك قۇرعان جاڭالىق اشۋ ورتالىعى مەجەمەن 8 - ايدىڭ ورتاسىندا ىسكە قوسىلادى“. ماۋ جۇن بىلاي دەدى: جاڭالىق اشۋ ورتالىعىنىڭ قاتىستى كاسىپ سالالارىنا باستاماشىلدىق ەتۋدە كورنەكتى رولى بار، جاڭالىق اشۋدىڭ ەكولوگيالىق ورتاسىن ساپالىلاندىرۋ، جاساۋ كاسىبىنىڭ سايكەسە جاڭالىق اشۋ قابىلەتىن جوعارىلاتۋ، شينجياڭنىڭ جاساۋ كاسىبىنىڭ جوعارى دەڭگەيگە قاراي سەكىرۋىن ىلگەرىلەتۋدە، سونداي - اق جاڭا وركەندەگەن كاسىپتەردى جەتىلدىرۋ مەن دامىتۋدا وزگەشە رولى مەن كەلەلى ماڭىزى بار.

  جاڭالىق اشۋ كاسىپ تىزبەگىندەگى كاسىپورىنداردىڭ تيبىن وزگەرتىپ، دارەجەنى جوعارىلاتۋعا ماجبۇرلەيدى، شينجياڭدا مۇنىڭ ناقتى مىسالدارى بار.

  بيىل ىندەتتىڭ ىقپالىندا، حالىقارالىق قامداۋ تىزبەگى سوققىعا ۇشىرادى، جولاڭ شينجياڭ سەرىكتەستىگى پايدالاناتىن ۇساق بولشەك ماتەريالدار دەر كەزىندە جەتكىزىلمەدى، مەتال ماتەريال، سونداي - اق تاباق مەتال وڭدەۋدە 10 نەشە جىلدىق تاجىريبەسى بار شينجياڭ رۇيليفۋ نازىك تاباق مەتال شەكتى سەرىكتەستىگى ورايدى كورە ءبىلىپ، شۆەتساريانىڭ بيسترونيك نازىك ستانوگىن ەنگىزىپ جانە تەكسەرۋ جابدىعىن يمپورت ەتىپ، ءار ءتۇرلى مەتال تاقتالارىن نازىك وڭدەۋ، تۇلعالاۋ جۇمىستارىمەن كاسىبي تۇردە اينالىستى، قازىردە ول شينجياڭداعى جولاڭ شينجياڭ سەرىكتەستىگىن نازىك تاباق مەتال ماتەريالدارىمەن قامدايتىن بىردەن - ءبىر كاسىپورىن.

  ”سەرىكتەستىكتىڭ ۇساق بولشەكتەردىڭ نازىكتىگىنە قوياتىن تالابى وتە جوعارى، ءبىزدى ماتەريالمەن قامداۋىنىڭ ءوزى ونىڭ كاسىپ سالاسىنىڭ بيىگىنە شىققاندىعىن كورسەتەدى“. ماۋ جۇن مۇنىڭ ءبىر رەتكى تەڭ يگىلىككە كەنەلۋ ناتيجەسى ەكەنىن، ۇساق بولشەكتىڭ وسى جەردە ءوندىرىلۋىنىڭ ناتيجەسىندە سەرىكتەستىكتىڭ قوراپتاۋ، سونداي - اق تاسىمالداۋ وزىندىك قۇنىنىڭ %15 تومەندەگەندىگىن ايتتى.

جاڭا تەحنيكا مەن جاساۋ كاسىبىنىڭ تەرەڭ توعىسىپ دامۋىن ىلگەرىلەتتى

  جولاڭ شينجياڭ سەرىكتەستىگىنىڭ اۆتوماتتى ستەرەولدى قامباسىندا 20 مىڭ تۇرلىدەن استام ماتەريال ساقتالعان، مۇندا ءۇش - اق قىزمەتكەر جۇمىس ىستەيدى. ءوندىرىس جەلىسىنە شيكىزات قاجەت بولعاندا، قالاي تابادى؟

  ”قىزمەتكەرلەر تاپسىرىس تالونى نەگىزىندە جۇمىس تەكشەسىندە ماتەريالدىڭ ءتۇرىن تاڭداسا بولعانى، قالعانىن ماشينا ىستەيدى“. سەرىكتەستىكتىڭ زات قامباسىنىڭ جاۋاپتىسى تيان چاڭحاۋ بىلاي دەپ ءتۇسىندىردى: وتكەرمەلەۋ ماشيناسى 12 مەتردەي بيىكتىكتەگى 10 زات سورەسىنەن ماتەريالدى اۆتوماتتى تۇردە تاڭداپ الادى ءارى ماتەريالدى تيەپ الىپ زات سورەسىنىڭ استىڭعى جاعىنا تۇسىرەدى، ودان سوڭ AGV شوفەرسىز تاسىمال شاعىن كولىگى جۇيەدە ورنالاستىرىلعان جولمەن ماتەريالدى ءوندىرىس جەلىسىنە اۆتوماتتى تۇردە جەتكىزەدى.

  اۆتوماتتاندىرىلعان ستەرەولدى قامبا شيكىزاتتىڭ تاسىمالدانۋ ونىمدىلىگىن بارىنشا جوعارىلاتىپ، ادام جاعىنداعى وزىندىك قۇندى ۇنەمدەدى، يكەمدى وڭدەۋ جەلىسى قىزمەت مىندەتىن جابدىقتارعا اۆتوماتتى تۇردە ۇلەستىرىپ، ادامسىز ءوندىرىستى جۇزەگە اسىرىپ، 8 ساعاتتىڭ سىرتىنداعى ”شامى سونگەن زاۆود“ دەپ اتالدى.

  ينتەرنەت، زات ينتەرنەتى سياقتى جاڭا تەحنيكالار جاساۋ كاسىبىمەن تەرەڭ توعىسىپ، جاساۋ كاسىبىنىڭ وزىندىك قۇندى تومەندەتىپ، ونىمدىلىكتى ارتتىرۋىن، جوعارى ساپالى دامۋدى جانە ونىمدىلىك وزگەرىسىن جەبەدى.

  ۋ جىڭچۇن بىلاي دەپ تانىستىردى: قازىر جولاڭ شينجياڭ سەرىكتەستىگى زەردەلىلەنگەن ونەركاسىپ زاتتار ينتەرنەتى تۇعىرىن بەلسەنە قالىپتاستىرىپ، جاساۋ كاسىبىنىڭ سيفرلانعان تيپ وزگەرتۋىنە ەنەرگيا بەرىپ، تەحنيكادا جاڭالىق اشۋدى تەرەڭدەتىپ، زاتتار ينتەرنەتى تەحنيكاسىنىڭ ونەركاسىپتىك جاساۋ كاسىبى جاعدايىنداعى قولدانىلۋىن قاراستىرۋدا.

  ۋ جىڭچۇن بىلاي دەدى: ”ءبىز زەردەلى زاۆود جاعىنداعى قولدانۋدى كەڭەيتىپ، زەردەلى سەحتىڭ دارەجەسىن اناعۇرلىم جوعارىلاتامىز، زەردەلى جاساۋ ارقىلى تۇتاس زاۆودتىڭ ءوندىرىس ونىمدىلىگىن وسىرۋىنە كومەكتەسۋگە بولادى، سونداي - اق ول ءبىزدىڭ ءونىم ساپاسىن مەڭگەرىپ، الەمدىك توقىماشىلىق ماشينالارى سالاسىنداعى ەڭ جوعارى دەڭگەيلى، جالپى جۇمىس بارىسى اۆتوماتتاندىرىلعان توقىماشىلىق ماشينالارىن جاساۋ زاۆودىن قالىپتاستىرۋىمىزعا ءتىپتى جاقسى كومەكتەسە الادى“.

جاۋاپتى رەداكتور: ءاننا اكىمقان قىزى