بار زەيىن - زەردەنى، كۇش - قۋاتتى جۇمساپ، مىندەتتى، جاۋاپكەرشىلىكتى تولىق ادا ەتىپ، ىندەتتەن ساقتانۋ - تىزگىندەۋدەن قامال الۋ شايقاسىن ويداعىداي جۇرگىزەيىك

شوكىرات زاكىر ۇرىمجىدە

  ىندەتتەن ساقتانۋ - تىزگىندەۋ شارالارىنىڭ تياناقتاندىرىلۋ جاعدايىن جاسىرىن تەكسەردى

  بار زەيىن - زەردەنى، كۇش - قۋاتتى جۇمساپ، مىندەتتى، جاۋاپكەرشىلىكتى تولىق ادا ەتىپ، ىندەتتەن ساقتانۋ - تىزگىندەۋدەن قامال الۋ شايقاسىن ويداعىداي جۇرگىزەيىك

  گازەتىمىزدىڭ جالپىلىق اقپارات قۇرالدارى ءتىلشىسى ۋاڭ يۇڭفي 8 - ايدىڭ 3 - كۇنى ۇرىمجىدەن حابارلايدى. 8 - ايدىڭ 3 - كۇنى تۇستەن بۇرىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءۇرىمجى قالاسىنداعى شوعىرلى مەديتسينالىق باقىلاۋ تۇيىندەرىندە، الەۋمەتتىك اۋماقتاردا جانە شيپاحانالاردا ىندەتتەن ساقتانۋ - تىزگىندەۋ شارالارىنىڭ تياناقتاندىرىلۋ جاعدايىن جاسىرىن تەكسەردى. ول مىنالاردى باسا دارىپتەدى: قازىر ىندەت جاعدايى ءالى دە اۋىر، كۇردەلى، ساقتانۋ - تىزگىندەۋ ەڭ ماشاقاتتى شەشۋشى كەزەڭدە تۇر، ءار دارەجەلى، ءارقايسى تاراۋلار مەن قالىڭ كادر - بۇقارا قاتاڭ ساقتانۋ - تىزگىندەۋگە تاباندى بولىپ، ءسوزسىز جەڭۋ سەنىمىن بەكەمدەپ، ىندەتتەن ساقتانۋ - تىزگىندەۋدەن قامال الۋ شايقاسىن باتىل جاقسى جۇرگىزىپ، جەڭىسكە جەتىپ، ءار ۇلت حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن جاقسى قورعاۋ كەرەك.

  شوكىرات زاكىر ءبىر شوعىرلى مەديتسينالىق باقىلاۋ تۇيىنىنە تۇتقيىل كەلىپ، كوتەرمەگە الىپ بايلانىس جاساۋ ءتۇزىمىنىڭ تياناقتاندىرىلۋ جاعدايىن، مەديتسينالىق باقىلاۋداعى ادامداردىڭ كۇندەلىكتى تۇرمىستىق قامتاماسىزداندىرىلۋىن، سونداي - اق ادامداردىڭ دەنساۋلىق جاعدايىن ەگجەي - تەگجەيلى سۇرادى. شوكىرات زاكىر مىنالاردى باسا دارىپتەدى: مەديتسينالىق باقىلاۋ − ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە جەتۋدەگى شەشۋشى بۋىن، شوعىرلى مەديتسينالىق باقىلاۋ - باسقارۋ شارالارىن قاتاڭ تياناقتاندىرىپ، قىزمەت وتەۋ شارالارىن كەمەلدەندىرىپ، اس - تاماقپەن قامداۋ، قوقىر - قوقسىقتى ءبىر جاقتى ەتۋ، ورتانى زارارسىزداندىرۋ سياقتى ناقتى جۇمىس بۋىندارى قىزمەتىن تىڭعىلىقتى جاقسى ىستەپ، تارالۋ جولىن شىن مانىندە ءۇزىپ، شوعىرلى مەديتسينالىق باقىلاۋ تۇيىندەرىنىڭ بۇكىلدەي حاۋىپسىزدىگىنە شىنايى كەپىلدىك ەتۋ كەرەك.

  شوكىرات زاكىر تيانشان رايونى دۇڭچۋان جولى ورتاڭعى الەۋمەتتىك اۋماعىنا تۇتقيىل كەلىپ، الەۋمەتتىك اۋماقتى جابىق باسقارۋ شارالارىنىڭ تياناقتاندىرىلۋ جاعدايىن ۇستىنەن تەكسەرىپ، الەۋمەتتىك اۋماقتىڭ تۇرمىستىق ماتەريالدارمەن قامداۋدى قامتاماسىزداندىرۋ قىزمەتىن ۇعىسىپ، الەۋمەتتىك اۋماق قىزمەتىندە ورىن تەۋىپ وتىرعان قيىنشىلىقتاردى سول ارادا جۇمىس جۇرگىزىپ شەشتى، سونداي - اق الەۋمەتتىك اۋماق قىزمەتكەرلەرىنە جانە ءار ۇلت بۇقاراسىنا العىسىن ءبىلدىردى جانە ولاردان حال سۇرادى. شوكىرات زاكىر مىنالاردى باسا دارىپتەدى: الەۋمەتتىك اۋماق ”باسقارۋ - تىزگىندەۋدى قاتايتۋ، ساپالى قىزمەت وتەۋ“ تالابىن ناقتى، ەگجەي - تەگجەيلى تياناقتاندىرىپ، ءبىر جاعىنان، ساقتانۋ - تىزگىندەۋ شارالارىن ءاربىر ەسىككە، ءاربىر تۇرعىنعا دەيىن تياناقتاندىرسا، ەندى ءبىر جاعىنان، ساپالى قىزمەت وتەپ، ەرىكتىلەر سياقتى ءار جاقتاعى كۇشتەردى جاقسى ۇيىمداستىرىپ، كوكونىس، ەت، جۇمىرتقا، ءسۇت، استىق سياقتى تۇرعىندار تۇرمىسىنا قاجەتتى بۇيىمدارمەن قامداۋدى قامتاماسىزداندىرىپ، بۇقارانىڭ قيىنشىلىعىن، تالابىن كۇش سالا شەشۋ كەرەك. الەۋمەتتىك اۋماق تۇرعىندارىنىڭ ينفورماتسياسى جانە نەگىزگى جاعدايى سياقتىلاردى قانىق يەلەپ، ىندەتتەن ساقتانۋ - تىزگىندەۋ جانە ەپيدەميوگيالىق تەكسەرۋ مەن تەگىن انىقتاۋ سياقتى قىزمەتتەر ءۇشىن پارمەندى تىرەكتەرمەن قامداپ، الەۋمەتتىك اۋماقتى ىندەتتەن ساقتانۋ - تىزگىندەۋدىڭ بەرىك قورعانىنا اينالدىرۋ كەرەك.

  ءۇرىمجى قالالىق دوستىق شيپاحاناسىندا شوكىرات زاكىر مىنالاردى باسا دارىپتەدى: ناۋقاستاردى شوعىرلاندىرۋعا، مامانداردى شوعىرلاندىرۋعا، بايلىقتى شوعىرلاندىرۋعا، قۇتقارۋ - ەمدەۋدى شوعىرلاندىرۋعا تاباندى بولىپ، قاتاڭ تۇردە مەملەكەتتىڭ 7 - نۇسقاداعى دياگنوز قويۋ - ەمدەۋ جوباسى بويىنشا، ناۋقاستاردى بار كۇشپەن قۇتقارىپ - ەمدەۋ كەرەك. ءار دارەجەلى شيپاحانالار كۇندەلىكتى باسقارۋدى كۇشەيتىپ، قالىپتى ەمدەۋ قىزمەت وتەۋ ءتارتىبىن ساقتاپ، ناۋقاستاردى ايىرىم - ايىرىم ەمدەلۋگە ءتارتىپتى جەتەكتەپ، ادامداردىڭ توپتاسۋىن ازايتىپ، ناۋقاستارعا جەتكىلىكتى، حاۋىپسىز ەمدەۋ قىزمەت وتەۋىن ازىرلەۋ كەرەك. ەمدەۋ قىزمەتكەرلەرىنە كوڭىل ءبولىپ، قامقورلىق جاساپ، كۇشتەردى عىلمي ورنالاستىرىپ، ولاردىڭ وتباسى مەن ءوز باسىنداعى ناقتى قيىنشىلىقتارىن شەشۋىنە كومەكتەسىپ، ولاردىڭ بار ىنتا - پەيىلدەرىمەن قىزمەتكە كىرىسىپ، بۇقارانىڭ دەنساۋلىعىن قورعاۋ جولىندا ءتيىستى ۇلەس قوسۋىنا مۇمكىندىك جاساۋ كەرەك.

  شوكىرات زاكىر مىنالاردى اتاپ كورسەتتى: شيپاحانا، الەۋمەتتىك اۋماق سياقتى ساقتانۋ - تىزگىندەۋدىڭ ءبىرىنشى شەبىندەگى قىزمەتكەرلەر وزىندىك ساقتانۋ - قورعانۋدى جاقسى ىستەۋمەن بىرگە، بۇقاراعا پسيحولوگيالىق جەتەكتەۋ قىزمەتىن كۇشەيتىپ، بۇقارانىڭ تۇسىنىگى مەن قولداۋىنا قول جەتكىزىپ، باستان - اياق تىڭعىلىقتى جۇرگىزىپ، ءبىر نيەتپەن كۇش بىرىكتىرىپ، ىندەتتەن ساقتانۋ - تىزگىندەۋدەن قامال الۋ شايقاسىن باتىل جاقسى جۇرگىزىپ، جەڭىسكە جەتىپ، قالىپتى ءوندىرىس - تۇرمىس ءتارتىبىن ەرتەرەك قالپىنا كەلتىرۋگە ۇمتىلۋ كەرەك.

جاۋاپتى رەداكتور: ءاننا اكىمقان قىزى