اۆتونوميالى رايوندىق پارتكوم، اۆتونوميالى رايوندىق حالىق ۇكىمەتىنىڭ ”1-تامىز“ بايلانىسىمەن حال سۇراۋ حاتى

 حال سۇراۋ حاتى 

 شينجياڭدا تۇراتىن حالىق ازاتتىق ارمياسىنىڭ كوماندير - جاۋىنگەرلەرىنە، قارۋلى ساقشى اسكەري بولىمدەرىنىڭ وفيتسەر - اسكەرلەرىنە، حالىق جاساقتارى مەن زاپاستاعىلارعا، بۇكىل رايونداعى قىزىل ارميا ساقا جاۋىنگەرلەرىنە، ارميادان دەمالىسقا، زەينەتكە شىققان كادرلارعا، اسكەري قۇربانداردىڭ وتباسىنداعىلارعا، جارالى - مۇگەدەك اسكەريلەرگە، كاسىپ اۋىستىرعان، اسكەردەن بوساعان، قوسىننان قايتقان اسكەريلەرگە:

  جۇڭگو حالىق ازاتتىق ارمياسى قۇرىلعاندىعىنىڭ 93 جىلدىعى بايلانىسىمەن اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى بۇكىل رايونداعى ءار ۇلت حالقى اتىنان سىزدەرگە مەرەكەلىك قۇتتىقتاۋ جولدايدى جانە سىزدەردەن شىن ىقىلاسپەن حال سۇرايدى!

  جۇڭگو حالىق ازاتتىق ارمياسى − جۇڭگو كوممۋنيستىك پارتياسى قۇرعان جانە باسشىلىق ەتەتىن حالىق ارمياسى، جاڭا داۋىردە ”قوس 100 جىلدىق“ كۇرەس نىساناسىن جۇزەگە اسىرۋدىڭ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ستراتەگيالىق تىرەگى. 93 جىل قاجىرلىلىقپەن ءىز اشىپ، بوران - شاشىنعا بوگەلمەي، 93 جىل مويىماي، قاجىماي، ۇدەرە العا باسۋمەن كەلەدى. ۇزاق ۋاقىتتىق توڭكەرىستىك كۇرەس پەن ەكونوميكالىق، قوعامدىق قۇرىلىس بارىسىندا، حالىق ازاتتىق ارمياسى جۇڭگو كوممۋنيستىك پارتياسىنىڭ پارمەندى باسشىلىعىندا، اۋەلگى ماقساتتى ۇمىتپاي، بورىشتى ەستە بەرىك ساقتاپ، پارتيا مەن حالىق جۇكتەگەن قاسيەتتى بورىشتى ادالدىقپەن اتقارىپ، توتەنشە جاپالى، ماشاقاتتى قارۋلى كۇرەستەن سوتسياليستىك توڭكەرىس پەن قۇرىلىسقا دەيىن، رەفورما جاساپ، ەسىك اشۋدان جاڭا داۋىردەگى جۇڭگوشا سوتسياليزم ىستەرىنىڭ تاريحي ۇدەرىسىنە دەيىن، الدىڭعىلار جىعىلسا سوڭعىلار ورنىن باسىپ، قۇربان بەرۋدەن قورىقپاي، جەڭىستەن - جەڭىسكە ۇمتىلىپ، ۇلتتىڭ تاۋەلسىزدىگى، حالىقتىڭ ازاتتىعى، مەملەكەتتىڭ بايۋى، قۇدىرەتتەنۋى ءۇشىن تاريح بەتىنە وشپەيتىن ۇلى ەڭبەك قالدىردى.

  پارتيانىڭ 18 - قۇرىلتايىنان بەرى، شينجياڭدا تۇراتىن اسكەري بولىمدەر شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جەتەكشى ەتىپ، پارتيانىڭ قولباسشىلىعىنا بويسۇناتىن، جەڭىستى شايقاس جۇرگىزە الاتىن، ستيلى تاماشا داڭقتى ءداستۇردى زور كۇشپەن اسقاقتاتىپ، رەفورما جاساۋدى، جاڭالىق اشۋدى كۇشەيتىپ، كۇشتى شوعىرلاندىرىپ سوعىسقا دايىندالىپ، شايقاس جۇرگىزىپ، سوعىس دايىندىعى، مانەۆر، كۇزەتتە تۇرۋ سياقتى الۋان ءتۇرلى اسكەري مىندەتتەردى تاماشا ورىنداپ، اسكەري ءبولىم قۇرىلىسىندا جاڭا قادام تاستاپ، تىڭ بەينە كورسەتتى. قالىڭ وفيتسەر - اسكەرلەر ۇكىمەتتى قولداۋ، حالىقتى ءسۇيۋ داڭقتى ءداستۇرىن جالعاستىرىپ جانە اسقاقتاتىپ، تيانشاننىڭ تۇستىگى مەن تەرىستىگىنە تامىر تارتىپ، ءار ۇلت حالقىن كوكەيدە ساقتاپ، كەدەيلىكتەن ارىلتۋدان قامال الۋ، ۇلتتار ىنتىماعى، قاتەردەن اراشالاۋ، اپاتتان قۇتقارۋ سياقتى جاقتاردا اۋىر جۇكتى جۇرەكتىلىكپەن ارقالاپ، اتويلاپ الدا ءجۇرىپ، تىڭ كۇش، اتويشىل قوسىن جانە باستاۋشى اسكەر رولىن تولىق ساۋلەلەندىرىپ، شينجياڭنىڭ ەكونوميكالىق، قوعامدىق دامۋى، قوعامنىڭ جاراسىمدىلىعى مەن ورنىقتىلىعى ءۇشىن ماڭىزدى ۇلەس قوسىپ، بۇكىل رايونداعى ءار ۇلت حالقىنىڭ قولداۋى مەن قادىرلەۋىنە يە بولدى. بۇكىل رايونداعى قىزىل ارميا ساقا جاۋىنگەرلەرى، ارميادان دەمالىسقا، زەينەتكە شىققان كادرلار، اسكەري قۇربانداردىڭ وتباسىنداعىلار، جارالى - مۇگەدەك اسكەريلەر، كاسىپ اۋىستىرعان، اسكەردەن بوساعان، قوسىننان قايتقان اسكەريلەر قاسيەتتەرىن ساقتاپ، ۇلەس قوسۋعا پەيىل بولىپ، تۇرلىشە سالادا، تۇرلىشە شايقاس شەبىندە قىزمەت ورىندارىن ءسۇيىپ، كاسىبىن قاستەرلەپ، ەڭبەك كورسەتىپ، ناتيجە شىعاردى، ”قوسىننان قايتقان اسكەريلەردىڭ مەملەكەتتىك ۇلگىلەرى“ جانە بۇكىل رايونداعى ”ەڭ ارداقتى قوسىننان قايتقان اسكەريلەر“ سياقتىلاردى ۇگىتتەۋ - باعالاۋ قيمىلدارىندا ءبىر توپ تاڭداۋلى ۋاكىلدەر جارىققا شىعىپ، پارتياعا ادال بولاتىن، حالىققا قىزمەت وتەيتىن اسقاق سۇيىسپەنشىلىك پەن قىمباتتى قۇلىقتى تولىق ايگىلەدى. وسى ارادا سىزدەرگە شىن جۇرەكتەن العىس ايتامىز جانە وسكەلەڭ قۇرمەت بىلدىرەمىز!

  كەزەكتە بۇكىل رايوندا جوعارىدان تومەنگە دەيىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ءۇش ءىرى قامال الۋ شايقاسىن باتىل، ويداعىداي جۇرگىزىپ، ”التىنى ورنىقتىرۋ“ قىزمەتىن تىڭعىلىقتى، ويداعىداي ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە ۇمتىلىپ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدە. ءبىز مەملەكەت قورعانىسى مەن ارميانى وسىزامانداندىرۋ قۇرىلىسىنا اۋەلگىدەي قولداۋ كورسەتىپ، اسكەري سالا مەن حالىقتىق سالانىڭ توعىسپالى دامۋىن ىلگەرىلەتىپ، ارميانى قولداۋ جانە اسكەريلەر وتباسىنا قامقورلىق جاساۋ قىزمەتىن بار كۇشپەن ويداعىداي ىستەپ، قامقورلىق جاساۋ - ورنالاستىرۋ ساياساتىن جالپى بەتتىك تياناقتاندىرىپ، اسكەريلەردىڭ، اسكەريلەر وتباسىنداعىلاردىڭ زاڭدى ۇقىق - مۇددەسىن شىنايى قورعاپ، قوس قولداۋ، بىرگە قۇرۋ قىزمەتىن ونان ارى ويداعىداي ىستەپ، بۇكىل قوعامدا ارميا قۇرىلىسىنا قولداۋ كورسەتەتىن، اسكەريلەردىڭ كاسىبىن ارداقتايتىن تاماشا راي قالىپتاستىرامىز.

  ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، شي جينپيڭنىڭ ارميانى قۇدىرەتتەندىرۋ يدەياسىن دايەكتىلەندىرىپ، تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ارميا مەن جەرگىلىكتى ورىن كۇش قوسىپ، ارميا مەن حالىق ءبىر نيەتپەن جۇمىلىپ، ارميا مەن ۇكىمەتتىڭ، ارميا مەن حالىقتىڭ بولاتتاي بەرىك قارىم - قاتىناسىن ۇزدىكسىز بەكەمدەپ، شينجياڭنىڭ قوعام ورنىقتىلىعى مەن باياندى تىنىشتىعىن قايراتتانا ىلگەرىلەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ، اناعۇرلىم كەسەك ۇلەس قوسايىق!

  جولداستاردىڭ مەرەكەلەرىنىڭ مەرەيلى، دەنساۋلىقتارىنىڭ مىقتى، قىزمەتتەرىنىڭ تابىستى، وتباسىلارىنىڭ باقىتتى بولۋىن تىلەيمىز!

  جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى

  شينجياڭ ۇيعۇر اۆتونوميالى رايوندىق حالىق ۇكىمەتى

  2020 - جىلى 7 - ايدىڭ 31 - كۇنى

جاۋاپتى رەداكتور: ءاننا اكىمقان قىزى