يدەيانى بىرلىككە كەلتىرىپ، سەنىمدى بەكەمدەپ، جىگەر - قايراتتى تاسقىنداتىپ، قىزمەتتى مىقتى يگەرىپ، مەملەكەت قورعانىسى مەن ارميانى وسىزامانداندىرۋ قۇرىلىسىن كۇش سالا ىلگەرىلەتۋ كەرەك

شي جينپيڭ ورتالىق كوميتەت ساياسي بيۋروسىنىڭ 22 - رەتكى توپتىق ۇيرەنۋىندە بىلاي دەپ باسا دارىپتەدى

  يدەيانى بىرلىككە كەلتىرىپ، سەنىمدى بەكەمدەپ، جىگەر - قايراتتى تاسقىنداتىپ، قىزمەتتى مىقتى يگەرىپ، مەملەكەت قورعانىسى مەن ارميانى وسىزامانداندىرۋ قۇرىلىسىن كۇش سالا ىلگەرىلەتۋ كەرەك

  شينحۋا اگەنتتىگىنىڭ 7 - ايدىڭ 31 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 7 - ايدىڭ 30 - كۇنى تۇستەن كەيىن مەملەكەت قورعانىسى مەن ارميانى وسىزامانداندىرۋ قۇرىلىسىن كۇشەيتۋ جونىندە 22 - رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: مەملەكەتتى قۇدىرەتتەندىرۋ ءۇشىن، ءسوز جوق، ارميانى قۇدىرەتتەندىرۋ كەرەك، ارميا قۇدىرەتتەنگەندە عانا مەملەكەت حاۋىپسىز بولادى. جۇڭگوشا سوتسياليزمگە تاباندى بولىپ جانە ونى دامىتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن، ءسوز جوق، دامۋ مەن حاۋىپسىزدىكتى، مەملەكەتتى بايىتۋ مەن ارميانى قۇدىرەتتەندىرۋدى ءبىر تۇتاس جوسپارلاپ، مەملەكەت قورعانىسى مەن ارميانى وسىزامانداندىرۋ ۇدەرىسىنىڭ مەملەكەتتى وسىزامانداندىرۋ ۇدەرىسىنە سايكەسۋىنە، اسكەري قۋاتتىڭ مەملەكەتتىڭ ستراتەگيالىق قاجەتىنە ۇيلەسۋىنە شىنايى كەپىلدىك ەتۋ كەرەك. قازىرگى جانە بۇدان كەيىنگى ءبىر مەزگىل − مەملەكەت قورعانىسى مەن ارميانى وسىزامانداندىرۋ قۇرىلىسىنىڭ شەشۋشى مەزگىلى، يدەيانى بىرلىككە كەلتىرىپ، سەنىمدى بەكەمدەپ، جىگەر - قايراتتى تاسقىنداتىپ، قىزمەتتى مىقتى يگەرىپ، مەملەكەت قورعانىسى مەن ارميانى وسىزامانداندىرۋ قۇرىلىسىن كۇش سالا ىلگەرىلەتۋ كەرەك.

  اسكەري ىستەر عىلىم اكادەمياسىنىڭ اعا زەرتتەۋشىسى چىن رۇڭدي جولداس وسى ماسەلە جونىندە تۇسىنىك جاسادى ءارى پىكىرلەرى مەن ۇسىنىستارىن باياندادى. ورتالىق كوميتەت ساياسي بيۋروسىنداعى جولداستار ونىڭ تۇسىندىرمەسىن مۇقيات تىڭدادى ءارى تالقى جۇرگىزدى.

  شي جينپيڭ ۇيرەنۋدى باسقارعاندا ءسوز سويلەدى. ول بىلاي دەپ اتاپ كورسەتتى: بەرىك مەملەكەت قورعانىسى مەن قۇدىرەتتى ارميا قۇرۋ − پارتيامىزدىڭ تالىقپاي تالپىنىپ كەلە جاتقان نىساناسى. ۇزاق ۋاقىتتىق اماليات بارىسىندا پارتيامىز مەملەكەت قورعانىسى مەن ارميانى وسىزامانداندىرۋ قۇرىلىسىن پارتيا مەن مەملەكەت ىستەرىنىڭ جالپى جاعدايىندا ماڭىزدى ورىنعا قويۋعا تاباندى بولىپ، جاپالى قۇلشىنىس جاساپ، وراسان زور تابىستارعا قول جەتكىزدى. پارتيانىڭ 18 - قۇرىلتايىنان بەرى، ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سىندى جۇڭگو ارمانىن كوزدەپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىن جۇزەگە اسىرۋدى ارقاۋ ەتە وتىرىپ ءبىر قىدىرۋ كەلەلى باعىتتاردى، پرينسيپتەردى العا قويىپ، ءبىر قىدىرۋ كەلەلى شەشىمدەر، ورنالاستىرۋلار جاساپ، ءبىر قىدىرۋ كەلەلى قىزمەتتەردى ىلگەرىلەتىپ، ارميانى قۇدىرەتتەندىرۋ ىستەرىنىڭ جاڭا جاعدايىن اشتىق. بيىل ءبىز مەملەكەت قورعانىسى مەن ارميانى وسىزامانداندىرۋ قۇرىلىسىنىڭ 2020 - جىلعى نىسانا - مىندەتتەرىن جۇزەگە اسىرامىز ءارى قولايلى ساتتە قيمىلداپ، مەملەكەت قورعانىسى مەن ارميانىڭ وسىزاماندانۋىن نەگىزىنەن جۇزەگە اسىرۋدىڭ، ونان سوڭ ارميامىزدى جاپپاي دۇنيە جۇزىندەگى بىرەگەي ارميا ەتىپ قۇرىپ شىعۋدىڭ جاڭا ساپارىن باستايمىز.

  شي جينپيڭ بىلاي دەپ باسا دارىپتەدى: پارتيانىڭ 19 - قۇرىلتايىنان بەرى، پارتيا ورتالىق كوميتەتى مەن ورتالىق اسكەري ىستەر كوميتەتى مەملەكەت قورعانىسى مەن ارميانى وسىزامانداندىرۋ جونىندە جاڭا ستراتەگيالىق جوسپار مەن ورنالاستىرۋ جاسادى. ارميانى ساياسي جاقتان قۇرۋعا، ارميانى رەفورما ارقىلى قۇدىرەتتەندىرۋگە، ارميانى عىلىم - تەحنيكا ارقىلى قۇدىرەتتەندىرۋگە، ارميانى دارىندىلار ارقىلى قۇدىرەتتەندىرۋگە، ارميانى زاڭمەن جونگە سالۋعا تاباندى بولىپ، اسكەري ىستەر نازارياسىنىڭ، ارميانىڭ ۇيىمدىق فورماتسياسىنىڭ، اسكەريلەردىڭ، قارۋمەن جابدىقتاۋدىڭ وسىزاماندانۋىن ىلگەرىلەتىپ، مەحانيكالاندىرۋدىڭ، ينفورماتسيالاندىرۋدىڭ، زەردەلىلەندىرۋدىڭ توعىسا دامۋىن جەدەلدەتىپ، اسكەر جاتتىقتىرىپ سوعىسقا دايىندالۋدى جاپپاي كۇشەيتىپ، مەملەكەت قورعانىسى مەن ارميانى وسىزامانداندىرۋدىڭ نىسانا - مىندەتتەرىنىڭ جۇزەگە اسۋىنا شىنايى كەپىلدىك ەتۋ كەرەك.

  شي جينپيڭ بىلاي دەپ اتاپ كورسەتتى: قازىرگى تاڭدا دۇنيە جۇزىندە 100 جىلدا بولماعان ۇلكەن وزگەرىس جەدەل دامۋدا، جاڭا تيپتى ايدارشا ۆيرۋس وكپە قابىنۋ ىندەتى حالىقارالىق جاعدايعا تەرەڭ ىقپال تۋدىردى، ەلىمىزدىڭ حاۋىپسىزدىك جاعدايىنداعى تۇراقسىزدىق، ورنىقسىزدىق ارتا تۇسۋدە. دۇنيە جۇزىندەگى جاڭا اسكەري ىستەر توڭكەرىسى سۇراپىل دامىپ، بىزگە تاپتىرماس وراي ازىرلەدى، سونىمەن بىرگە اۋىر سىن - سايىسقا ءدوپ كەلدىك. بورىشتىلىق سەزىم مەن كوكەي تەستىلىك سەزىمدى كۇشەيتىپ، ارميامىزدىڭ وسىزاماندانۋ قۇرىلىسىنىڭ سەكىرمەلى دامۋىن جۇزەگە اسىرۋعا قۇلشىنۋىمىز كەرەك.

  شي جينپيڭ بىلاي دەپ باسا دارىپتەدى: مەملەكەتتىڭ دامۋ ورنالاستىرۋىمەن سايكەسىپ، جاڭا داۋىردەگى اسكەري ستراتەگيالىق باعىتتى دايەكتىلەندىرىپ، ارميامىزدى وسىزامانداندىرىپ دامىتۋ ستراتەگياسىن دايەكتىلەندىرىپ، ارميامىز قۇرىلىسىنىڭ ”14 - بەسجىلدىق“ جوباسىن ويداعىداي جاساپ، عىلمي جول كارتاسىن، جۇمىس كارتاسىن دايىنداۋ كەرەك. بەتالىستى وزگەرتپەۋگە، جولدان اۋىتقىماۋعا، تەبىندى السىرەتپەۋگە تاباندى بولىپ، اسكەري ىستەر ساياسات - ءتۇزىمى رەفورماسى سىندى ءتۇيىندى كورنەكتىلەندىرىپ، ءتۇرلى رەفورما قىزمەتتەرىن ءبىر تۇتاس جوسپارلاپ ىلگەرىلەتىپ، ۇزدىكسىز تۇردە جاۋىنگەرلىك قۋاتتى ازات ەتۋ جانە دامىتۋ، ارميانىڭ ومىرشەڭدىگىن ازات ەتۋ جانە كۇشەيتۋ كەرەك. دەربەس جاڭالىق اشۋدىڭ ستراتەگيالىق نەگىزگى تۇيىنىنە تاباندى بولىپ، نەگىزدىك زەرتتەۋدى جانە ءتول جاسامپازدىقتى كۇشەيتىپ، شەشۋشى وزەكتى تەحنيكالاردا جەدەل قامال الىپ، ستراتەگيالىق، الدىڭعى لەكتەگى، ۇستەم تەحنيكالاردى جەدەل دامىتىپ، مەملەكەت قورعانىسى عىلىم - تەحنيكاسى مەن قارۋ - جابدىق كەلەلى ستراتەگيالىق ينجەنەرياسىن جەدەل اتقارىپ، ارميامىز قۇرىلىسىنىڭ عىلىم - تەحنيكالىق قۇرامىن ۇزدىكسىز جوعارىلاتۋ كەرەك. جاڭا داۋىردەگى اسكەري ىستەر وقۋ - اعارتۋ باعىتىن دايەكتىلەندىرىپ، 3 ءبىر تۇلعالانعان اسكەري ىستەر دارىندىلارىن باۋلىپ جەتىلدىرۋ جۇيەسىن اقاۋسىزداندىرىپ، اسكەري ىستەر ادام كۇشى بايلىعىن باسقارۋدا جاڭالىق اشىپ، ءمورالدى دا قابىلەتتى جوعارى ساپالى، ماماندانعان جاڭاشا اسكەري دارىندىلاردى باۋلىپ جەتىلدىرىپ، ءار جاقتاعى تاڭداۋلى دارىندىلاردى ارميانى قۇدىرەتتەندىرۋ ىسىنە ات سالىسۋعا باۋراۋ كەرەك. باسقارۋ ۇستانىمىن جاڭالاپ، ستراتەگيالىق جەتىلىمدى جوعارىلاتىپ، ءتۇزىم - مەحانيزمدى اقاۋسىزداندىرىپ، ستراتەگيالىق باسقارۋ تىزبەگىن ىركىلىسسىزدەندىرىپ، اسكەري ىستەردى باسقارۋ توڭكەرىسىن شىن مانىندە ىلگەرىلەتىپ، اسكەري ىستەر جۇيەسىنىڭ اينالىم يقۋاتىن جانە مەملەكەت قورعانىسى بايلىعىنىڭ قولدانىلۋ ونىمدىلىگىن جوعارىلاتۋ كەرەك.

       شي جينپيڭ بىلاي دەپ باسا دارىپتەدى: بۇكىل پارتيا، بۇكىل ەل ءبىر تۇتاس جۇيە بولۋدان جازباي، ارميا مەن جەرگىلىكتى ورىن مەملەكەت قورعانىسى مەن ارميانىڭ وسىزاماندانۋىن كۇش بىرىكتىرە ىلگەرىلەتۋى كەرەك. ورتالىق پەن مەملەكەت ورگاندارى، جەرگىلىكتى ءار دارەجەلى پارتكومدار مەن ۇكىمەتتەر مەملەكەت قورعانىسى تانىمىن كۇشەيتىپ، ۇستىنە العان قاتىستى قىزمەتتەردى مۇقيات تياناقتاندىرىپ، مەملەكەت قورعانىسى عىلىم - تەحنيكاسىندا جاڭالىق اشۋ، مەملەكەت قورعانىسى ينجەنەرياسى قۇرىلىسى، مەملەكەت قورعانىسى مەن ارميا رەفورماسى سياقتى جاقتاردا زور كۇشپەن قولداۋ كورسەتىپ، اسكەريلەر وتباسىنداعىلاردىڭ قوسىنعا ىلەسىپ جۇمىستانۋى، پەرزەنتتەرىنىڭ مەكتەپتە وقۋى، بالاباقشاعا ءتۇسۋى، قامقورلىق ساياساتىن تياناقتاندىرۋ جانە قوسىننان شەگىنگەن اسكەريلەردى قامتاماسىز ەتۋ سياقتى جاقتاردا بەلسەندى تۇردە قام - قايعىدان ارىلتىپ، قيىنشىلىعىن شەشۋ كەرەك. ارميا ورتالىق جانە مەملەكەت ورگاندارىمەن قارىم - قاتىناستى، سايكەسۋدى جاقسارتىپ، مەملەكەت قورعانىسى مەن ارميا قۇرىلىسىن بىرگە العا ىلگەرىلەتۋى كەرەك.

جاۋاپتى رەداكتور: ءاننا اكىمقان قىزى