تىڭعىلىقتى قىزمەت وتەۋ جۇرت جۇرەگىن جادىراتتى

تىڭعىلىقتى قىزمەت وتەۋ جۇرت جۇرەگىن جادىراتتى

  رايونىمىزداعى ءار ۇلت كادر - بۇقاراسى قۇربان ايت مەرەكەسىن بىرگە وتكىزدى

   گازەتىمىزدىڭ جالپىلىق اقپارات قۇرالدارى تىلشىلەرى

  7 - ايدىڭ 31 - كۇنى ءۇرىمجى قالاسى سايباق رايونى حۋانۋي جولى ءمالىسى جۇڭتاي الەۋمەتتىك اۋماعىنىڭ تۇرعىنى جاپار لەتىپ (ورتادا) وتباسىنداعىلار ءدامدى تاعامداردان اۋىز ءتيىپ، مەرەيلى مەرەكەنى وتكىزۋدە. □ سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى وتكىر نيجات تۇسىرگەن

  7 - ايدىڭ 31 - كۇنى قۇربان ايت مەرەكەسى، رايونىمىزداعى قالىڭ الەۋمەتتىك اۋماق كادرلارى قىزمەت وتەۋ شارالارىن ەگجەي - تەگجەيلىلەندىرىپ، ءتۇرلى فورمالارمەن تۇرعىنداردىڭ مەرەكەلىك داستارقانىن مولايتتى. ءار ۇلت كادر - بۇقاراسى ”بۇلتتىق تەرمينال“ ارقىلى ءبىر - بىرىنە مەرەكەلىك سالەم جولدادى. ءار دارەجەلى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتتەرى مەن تۋىس بولعان كادرلار ىستىق مەيىرلەرىن بۇقاراعا جەتكىزىپ، جۇرەكتەرىن جادىراتتى.

  الەۋمەتتىك اۋماقتىڭ قىزمەت وتەۋى

  شىن ىقىلاستى بولدى

  ”جاسىمىز ۇلعايىپ قالدى، ساڭزى سالا المايمىز، الەۋمەتتىك اۋماق قىزمەتكەرلەرى مەن ەرىكتىلەردىڭ دەر كەزىندە جەتكىزىپ بەرگەنىنە راقىمەت“. 7 - ايدىڭ 31 - كۇنى ءۇرىمجى قالاسى سايباق رايونى وڭتۇستىك دوستىق جولى اۋماعىن باسقارۋ كوميتەتى باتىس سولتۇستىك جولى وڭتۇستىك الەۋمەتتىك اۋماعىندا، تۇرعىن ءمامتىمىن الىم ۋيچات توبىندا الەۋمەتتىك اۋماق قىزمەتكەرلەرى مەن ەرىكتىلەردى القادى.

  73 جاستاعى ءمامتىمىن مەن جۇبايىنىڭ ەكەۋىندە دە ءتۇرلى سوزىلمالى اۋرۋ بار، الەۋمەتتىك اۋماق قىزمەتكەرلەرى ولارعا دەر كەزىندە ءدارى ساتىپ اكەلىپ قالماستان، تاعى ساڭزى، ماحۋار، ماي نان سياقتى مەرەكەلىك ءدامدى تاعامدار بۇيىرتىپ ساتىپ الىپ بەردى.

  قاراستى اۋماقتاعى تۇرعىنداردىڭ قۇربان ايت مەرەكەسىن شات - شادىمان وتكىزۋىنە مۇمكىندىك جاساۋ ءۇشىن، الەۋمەتتىك اۋماق قىزمەتكەرلەرى مەن ەرىكتىلەر تۇرعىنداردىڭ ۋيچات توبىندا جالعاستىرا جولداعان زات الۋ قاجەتى بويىنشا، جەكە - جەكە قاراستى اۋماقتاعى كوكونىس دۇكەنى، ەرەن بازار، سيىر، قوي ەتى دۇكەنى، ءدارىحانا سياقتىلارعا بارىپ، تۇرعىندارعا ەت، كامپيت، تورت، شاي سياقتى مەرەكەلىك بۇيىمدار ساتىپ اكەلىپ، تۇرعىندارعا جۋىسپاي جەتكىزىپ بەردى.

  ”زات جەتكىزۋ قىزمەت وتەۋىن جاقسى ىستەۋ ءبىزدىڭ جاۋاپكەرشىلىگىمىز، ءار كۇنى قاربالاس، توتەنشە جاپالى ىستەگەنىمىزبەن تۇرعىنداردىڭ مەرەكەنى ءماندى دە ءساندى وتكىزگەنىن كورگەنىمىزدە، قانشا شارشاساق تا كوڭىلىمىز جاي تابادى“، - دەدى باتىس سولتۇستىك جولى وڭتۇستىك الەۋمەتتىك اۋماعى پارتيا باس ياچەيكاسىنىڭ ورىنباسار شۋجيى سۇن يدان.

  مەرەكە كەزىندە تۇرعىنداردى زاتتىق ماتەريالدارمەن قامتاماسىز ەتۋدى ويداعىداي ىستەۋ ءۇشىن، الەۋمەتتىك اۋماق قىزمەتكەرلەرى ۇيدە جالعىز قالعان قارتتار، مۇگەدەكتەر سياقتى ەرەكشە قاۋىمعا زات جەتكىزىپ بەرۋ قىزمەتىن جاقسى ىستەۋمەن بىرگە، ولاردىڭ قاجەتىن الدىمەن قاناعاتتاندىرىپ، بىردە - ءبىر وتباسىن، بىردە - ءبىر ادامدى قاعىس قالدىرمادى.

  ”بۇلتتىق“ سالەم جولداۋ

  ايرىقشا مەيىرلى بولدى

  ”بالام، جاپا شەكتىڭ! ۇيدەگى جاعدايىمىز جاقسى، الەۋمەتتىك اۋماق ەرىكتىلەرى تۇرمىستىق قاجەتتى بۇيىمداردى ەسىك الدىمىزعا دەيىن جەتكىزىپ بەردى، وسى جولعى قۇربان ايت مەرەكەسىن توتەنشە كوڭىلدى وتكىزدىك!“، 7 - ايدىڭ 31 - كۇنى، سارعايىپ پىسقان ساڭزى داستارقانعا قويىلدى، ءۇرىمجى قالاسى دابانچىڭ رايونى اقسۋ اۋىلى يىڭۋ الەۋمەتتىك اۋماعىنىڭ تۇرعىنى سابيرا ماقسۋ بالاسى قۇرمانعازى قايسامەن بەينە ەكراندا سويلەستى.

  قۇرمانعازى دابانچىڭ ورتا مەكتەبىنىڭ وقىتۋشىسى. ىندەت كەزىندە، ول ىرىقتىلىقپەن ەرىكتى بولۋدى تالاپ ەتىپ، قاراستى اۋماق تۇرعىندارىنا قىزمەت وتەدى.

  ”الاڭداماڭىز، شەشە، قىزمەت جاپالى بولعانىمەن توتەنشە ءماندى!“، - دەدى وتباسىنداعىلاردىڭ بەينە ەكراندا سويلەسۋ تەلەفونىن العان قۇرمانعازى كوڭىلدى بەينەدە.

  7 - ايدىڭ 31 - كۇنى تاڭ اتا، شينجياڭ ينجەنەريا شۋەيۋانىنىڭ كادرى جاڭ يۇيجىن سوناۋ الىس حوتانداعى جۇپ قۇراعان تۋىسى ءماتياسىن يميردىڭ سالەمدەسكەن بەينە ەكران تەلەفونىن قابىلدادى.

  ”ءماتياسىن اعا، امان جاتسىزدار ما؟ قۇربان ايت مەرەكەلەرىڭىز قۇتتى بولسىن!“، - دەدى جاڭ يۇيجىن.

  ”راقىمەت، ءبارىمىز امان جاتىرمىز، تاعى سەن جىبەرگەن جاڭا كيىمدى كيىپ الدىق!“، - دەگەن ءماتياسىن كامەرانى اينالدىرىپ، جاڭ يۇيجىنگە ۇستىندەگى اق جەيدەنى جانە ايەلى مەن نەمەرە قىزىنىڭ ۇستىندەگى اتلاس كويلەكتى كورسەتتى. ”ءبىز ەككەن كوكونىس بيىل ءبىرتالاي اقشاعا جارادى، جاڭعاقتىڭ دا ءوسۋى جاقسى. ۇلىم مەن كەلىنىم جاقىن ماڭداعى كاسىپورىندا جۇمىس ىستەيدى، ءبىر ءۇيلى جان جايلى تۇرمىس كەشىرىپ جاتىرمىز! كەلەر جولى كەلگەنىڭدە اپەكەڭە ساڭزى سالدىرتامىن!“، - دەدى ءماتياسىن مارسيىپ.

  مەرەكەلىك حال سۇراۋ

  شىنايى جان اشىرلىقتى ايگىلەدى

  ”روزدام، مەرەكەلەرىڭ قۇتتى بولسىن!“، 7 - ايدىڭ 31 - كۇنى قۇمىل قالاسى يجوۋ رايونى چىڭبەي ءمالىسى گۋاڭميڭ جولى الەۋمەتتىك اۋماعىندا، پارتيا باس ياچەيكاسىنىڭ شۋجيى شى ليشيا بەينە ەكران تەلەفونى ارقىلى روزدام راحمان وتباسىنا مەرەكەلىك سالەم جولدادى.

  2013 - جىلى روزدامنىڭ ۇلى روزىدىلدىڭ باسى اۋىر دارەجەدە كۇيىپ جارالانادى ءارى زارداپ قالادى. سودان كەيىن، وسى وتباسىنداعىلار گۋاڭميڭ جولى الەۋمەتتىك اۋماعى قىزمەتكەرلەرىنىڭ كوڭىل بولەتىن ادامدارىنا اينالادى. وسى جىلداردا، روزىدىلدىڭ دەنساۋلىعى نەداۋىر جاقسارىپ قالدى، ۇنەمى ۇيلەرىنە كەلىپ، وزىنە كوڭىل ءبولىپ، قامقورلىق جاسايتىن شى ليشيا دا وعان تۋىستاي بولىپ كەتەدى.

  الەۋمەتتىك اۋماق قىزمەتكەرلەرى دە كۇرىش، ۇن، ماي جانە ساڭزى، كامپيت سياقتى حال سۇراۋ بۇيىمدارىن الدىن الا دايىنداپ، روزىداننىڭ ۇيىنە جەتكىزىپ بەردى.

  ”مەرەكەلەرىڭىز قۇتتى بولسىن! بۇل قىزمەت اترەتىمىزدىڭ ازىن - اۋلاق كوڭىلى!“، 7 - ايدىڭ 31 - كۇنى اۆتونوميالى رايوندىق پارتكوم پارتيا مەكتەبىنىڭ كونەءشار اۋدانى توققۇزاق قالاشىعى ىشلەمشى قىستاعىندا تۇراتىن ءبىرىنشى شۋجيى، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى جاڭ ۋيبين حال سۇراۋ بۇيىمدارىن الىپ، تاڭەرتەڭ ەرتە قىستاق تۇرعىنى مامەتجان روزىنىڭ ۇيىنە كەلدى.

  قيىنشىلىعى بار بۇقارانىڭ مەرەكەنى شات - شادىمان وتكىزۋىنە مۇمكىندىك جاساۋ ءۇشىن، قىزمەت اترەتى ەت، جۇمىرتقا، كوكونىس سياقتى حال سۇراۋ بۇيىمدارىن ساتىپ الىپ، قيىنشىلىعى بار 10 وتباسىنا جەتكىزىپ بەردى.

  اسەرلەنگەن مامەتجان: ”پارتيا مەن ۇكىمەتتىڭ قامقورلىعى بىزگە شەكسىز جىلۋ سيلادى، ءبىز، ءسوزسىز، جاقسى ىستەپ، ەرتەرەك كەدەيلىكتەن ارىلۋعا ۇمتىلامىز!“، - دەدى.

  (گازەتىمىزدىڭ جالپىلىق اقپارات قۇرالدارى تىلشىلەرى جاۋ چۇنحۋا، قاتىناسقان تىلشىلەر لي چۇنشيا، يۇي شي، جاۋ يۋە، حان چين - يان، ءپاريزات ابدۇل، ءرايدا)

جاۋاپتى رەداكتور: ءاننا اكىمقان قىزى