”شينجياڭدا جاسالعان“ شوعىر ارناسى قالىپتاسۋدا

گازەتىمىزدىڭ جالپىلىق اقپارات قۇرالدارى تىلشىلەرى شى شين، ليۋ شياڭ، جىن شىشين، جاڭ اۋ، لۇي يحان، پراكتيكانت جياڭ يياۋ

  ءبىر ايدان استام ۋاقىت وتسەدە، ەرەكشە ترانسفورماتور ەلەكتر جارنا شەكتى سەرىكتەستىگىنىڭ زەرتتەۋ - اشۋ قىزمەتكەرلەرىنىڭ جينشاجياڭ وزەنىندەگى ۋدۇڭدى سۋ ەلەكتر ستانسياسىنىڭ العاشقى توپتاعى گەنەراتور اگراگاتتارىنىڭ وندىرىسكە قوسىلىپ ەلەكتر تاراتقاندىعى جونىندەگى شات حاباردى ەستىگەندەگى قۋانىشتارى ءالى باسىلعان جوق. ۋدۇڭدى ەلەكتر ستانسياسىنىڭ گۋاڭدۇڭ، گۋاڭشيلارعا ەرەكشە جوعارى كەرنەۋلى كوپ تەرمينالدى تۇراقتى توك جەتكىزۋدەن ۇلگى كورسەتۋ ينجەنەرياسىنىڭ ەلەكتر كوزى ءتۇيىنى سانالاتىن وسى ينجەنەريانىڭ كەلەلى جابدىقتارىن ەرەكشە ترانسفورماتور ەلەكتر جارنا شەكتى سەرىكتەستىگى قامداعان.

  ەلەكتر جەتكىزۋ، كەرنەۋ وزگەرتۋدەگى جوعارى دەڭگەيلى جابدىقتاردى جاساۋ − جالپىلىق جاساۋ قابىلەتىنىڭ شوعىرلى بەينەسى، ”شينجياڭدا جاساۋدىڭ“ دامۋ دەڭگەيىنە ۋاكىلدىك ەتەدى. سوڭعى جىلدارى شينجياڭدا جاڭا ەنەرگيا جابدىقتاردى، ەلەكتر جەتكىزۋ، كەرنەۋ وزگەرتۋ جابدىقتارىن ەرەكشە باسىمدىق، اۆتوموبيل، ەگىن، مال شارۋاشىلىعى ماشينالارى، ينجەنەريا ماشينالارى، مۇناي، مۇناي حيميا جابدىقتارى، اۋىر تۇرپاتتى كەن ماشينالارى سياقتىلاردى نەگىز ەتكەن، شينجياڭدىق ەرەكشەلىك پەن باسىمدىققا يە جابدىق جاساۋ جۇيەسى قالىپتاسىپ ۇلگەردى.

  كوڭىل بولۋگە تاتيتىن ءبىر ءىس، جاڭا دامۋ ۇستانىمىنىڭ جەتەكشىلىگىندە، ”شينجياڭدا جاسالعان“ شوعىر ارناسى قالىپتاسۋدا، زەردەلى جاساۋدىڭ اياق الىسى تەزدەپ، جاڭالىق اشۋ قابىلەتى كۇن سايىن كۇشەيۋدە.

  2020 - جىل ”شينجياڭدا جاسالعان“ ءۇشىن وزگەشە بولدى. داعدارىس بارىسىندا جاڭا وراي جەتىلدىرىپ، وزگەرىس بارىسىندا جاڭا جاعداي اشتى، الدىڭعى جارتى جىلدا شينجياڭنىڭ جاساۋ كاسىبىنىڭ ارتقان قۇنى %2.7 ارتىپ، بىلتىرعى سايكەس مەزگىلدەگىدەن 1.2 پايىز ءوستى.

  شوعىرلى دامىپ، تىزبەكتى تولىقتادى، تىزبەكتى ۇزارتتى، تىزبەكتى كۇشەيتتى

  ”ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا سەرىكتەستىك تۇتاس جىلدىق نىسانادان كوز جازباي، بيىل الدىڭعى جارتى جىلدا 2157 اۆتوموبيلدى ءوندىرىس جەلىسىنەن شىعاردى، بيىلعى ءوندىرۋ - ساتۋ مولشەرى سايكەس مەزگىلدەگىدەن %10 شاماسىندا ارتاتىندىعى مەجەلەندى“.، - دەپ تانىستىردى 7 - ايدىڭ 30 - كۇنى گۋاڭجوۋ اۆتوموبيل توبى چۋانچي ءمىنىس اۆتوموبيلى شينجياڭ بولىمشە سەرىكتەستىگى جاساۋ ءبولىمىنىڭ باستىعى لو حايتيان.

  بۇگىندە ءۇرىمجى ەكونوميكالىق - تەحنيكالىق اشۋ رايونىندا (توۋتۇنحى رايونى) گۋاڭجوۋ اۆتوموبيل توبى، شاڭحاي اۆتوموبيل توبى داجۇڭ (شينجياڭ) اۆتوموبيل شەكتى سەرىكتەستىگى، شانشي اۆتوموبيل توبى شينجياڭ اۆتوموبيل شەكتى سەرىكتەستىگى، دۇڭفىڭ شينجياڭ اۆتوموبيل شەكتى سەرىكتەستىگىن ۋاكىل ەتكەن اۆتوموبيل كاسىبى قالىپتاسقان، ءونىم قۇنى بۇكىل شينجياڭنىڭ اۆتوموبيل جاساۋ كاسىبىنىڭ %97ىن ۇستايدى. بۇل جەر − شينجياڭنىڭ تۇراقتاندىرعان وزىق جاساۋ كاسىبى بازاسى، بۇكىل شينجياڭ بويىنشا تۇڭعىش جەل ەلەكتر جابدىعى، تۇڭعىش ءمىنىس اۆتوموبيلى، تۇڭعىش تۋنەل جابدىعى، تۇڭعىش مەترو پويەزى، تۇڭعىش زەردەلى تەرمينال بارلىعى وسى ارادا ءوندىرىس جەلىسىنەن شىعارىلعان، ءسويتىپ، شينجياڭنىڭ جاساۋ كاسىبىندەگى قىرۋار اقتاڭداقتى تولتىرىپ، شينجياڭ جابدىق جاساۋ كاسىبىنىڭ جالپى تۇلعالىق دەڭگەيىن جوعارىلاتتى.

  ءۇرىمجى ەكونوميكالىق - تەحنيكالىق اشۋ رايونى (توۋتۇنحى رايونى) پارتكومىنىڭ تۇراقتى مۇشەسى، رايوننىڭ ۇنەمىلىك ىستەرگە جاۋاپتى ورىنباسار باستىعى لي حىزۋ بىلاي دەدى: سوڭعى جىلدارى جاساۋ كاسىبىنىڭ جوعارى ساپالى دامۋىن كوزدەي وتىرىپ، باقشا رايونى كاسىپ سالالارىن جەتىلدىرۋدى كۇشەيتىپ، ءبىر توپ ءتۇيىندى كاسىپورىنداردى ەنگىزىپ، جەل ەلەكتر جابدىعىن، اۆتوموبيل جاساۋدى، زەردەلى تەرمينالدى، رەليستى قاتىناس جابدىعىن، ينجەنەريا اۋىل شارۋاشىلىعى ماشينالارىن نەگىز ەتكەن ءتۇرى ءبىرشاما تولىق وزىق جاساۋ كاسىبى جۇيەسىن قۇردى. 2019 - جىلى وسى رايوننىڭ جاساۋ كاسىبىندە ءونىم قۇنى 28 ميلليارد 500 ميلليون يۋانعا تاياۋ ورىندالىپ، سايكەس مەزگىلدەگىدەن %43 ارتتى.

  ”وزىق جاساۋ كاسىبى بازاسىن قالىپتاستىرۋ بارىسىندا، ءبىز ءتۇرلى كاسىپورىندارعا تاماشا دامۋ ورتاسىن قۇلشىنا ازىرلەدىك“. لي حىزۋ بىلاي دەدى: باقشا رايونىنىڭ نەگىزدىك قۇرىلعىلارىنىڭ سايكەستى قۇرىلعىلارىن كەمەلدەندىرۋمەن بىرگە، باقشا رايونى كاسىپورىنداردىڭ ءتىپتى جاقسى، ءتىپتى تەز دامۋىن جان - جاقتى سۇيەمەلدەدى. سوڭعى 3 جىلدا تەك مەملەكەتتىك ونەركاسىپ جانە ينفورماتسيالاندىرۋ مينيسترلىگىنىڭ 200 ميلليون يۋاننان استام قولداۋ قارجىسىنا قول جەتكىزدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعان سوڭ، وسى رايون ىندەتكە توتەپ بەرۋدىڭ جانە ەكونوميكالىق، قوعامدىق دامۋدى جەبەۋدىڭ ءتۇرلى ساياسات - شارالارىن بەلسەنە تياناقتاندىرىپ، رايونعا قاراستى كاسىپورىنداردىڭ جەڭىلدەتۋ، كەشىرىم ەتۋ، تاپسىرۋ ۋاقىتىن ۇزارتۋ، مەرزىمىن ۇزارتۋ سياقتى تيىمدىلىكتەردەن يگىلىكتەنۋ سوماسى 5 ميلليارد 100 ميلليون يۋانعا جەتتى.

  تىزبەكتى تولىقتاپ، تىزبەكتى ۇزارتىپ، تىزبەكتى كۇشەيتىپ، كاسىپتىڭ شوعىرلانۋ اسەرىن كۇش سالا قالىپتاستىرىپ، ءۇرىمجى ەكونوميكالىق - تەحنيكالىق اشۋ رايونىن (توۋتۇنحى رايونى) ۋاكىل ەتكەن شينجياڭنىڭ جاساۋ كاسىبى كاسىپتىڭ شوعىرلانۋ باعىتىنا قاراي دامۋدا.

  زەردەلى جەتەكشىلىك ەتىپ، كاسىپ تىزبەگى ”جاسىلداندى“

  ينتەرنەت داۋىرىندە جاڭا بۋىن ينفورماتسيا تەحنيكاسىنىڭ جاڭالىق اشا جەتەكتەۋ رولىن ساۋلەلەندىرىپ، ءوندىرىس ءتاسىلى، ۇيىمدىق باسقارۋ جانە ساۋدا ۇلگىسى سياقتى تۇرعىلاردان جاساۋ كاسىبىن قايتا تۇلعالاۋ − شينجياڭنىڭ جاساۋ كاسىبىنىڭ جوعارى ساپالى دامۋىنىڭ تەتىگى.

  69 جىلدىق دامۋ تاريحى بار باۋگاڭ توبى شينجياڭ 1 - تامىز بولات - تەمىر شەكتى سەرىكتەستىگى وسى اۋقىمعا سايكەسىپ، ”جۇمىس بولمەسىن تەگىس شوعىرلاندىرۋ، جۇمىس جۇرگىزۋدە تەگىس قۇلتەمىردى قولدانۋ، تەحنيكالىق باپتاۋدى تەگىس الىستان مەڭگەرۋ، قىزمەت وتەۋدى تەگىس جەلىگە شىعارۋ“ سىندى ”ءتورت تەگىس“ نىساناسى بويىنشا زەردەلى جاساۋ قىزمەتىن پارمەندى تۇردە ىلگەرىلەتتى ءارى وسى ارقىلى كاسىپورىننىڭ جۇمىس ءتارتىبىن قايتا جاساۋدى، باسقارۋداعى وزگەرىستى جانە ساۋدا ۇلگىسىن جاڭالاۋدى ىلگەرىلەتىپ، كاسىپورىننىڭ جاسىل دامۋىن جەبەدى.

  اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ ساندى مالىمەتىندە كورسەتىلگەنىندەي، قازىرگە دەيىن شينجياڭنىڭ جاڭا ەنەرگيالى جابدىقتار، ەلەكتر جەتكىزۋ، كەرنەۋ وزگەرتۋ جابدىقتارى، اۆتوموبيل سياقتى وزىق جابدىقتاردى جاساۋ كاسىبىن سيفرلاندىرىپ زەرتتەۋ - اشۋدى جوبالاۋ قۇرالدارىنىڭ جالپىلاسۋ مولشەرى %70تەن استى، ءىشىنارا كاسىپورىندار دانەكەرلەۋ، سىرلاۋ، قۇراستىرۋ سياقتى شەشۋشى جۇمىس ورىندارىندا مەحانيكالىق قولدىڭ، قۇلتەمىردىڭ جۇمىس ىستەۋىن جۇزەگە اسىرىپ، كاسىپتىڭ زەردەلىلەندىرىلگەن پايدالانۋ دەڭگەيى ۇزدىكسىز وسكەن.

  جاسىل دامۋ − جاساۋ كاسىبىنىڭ جوعارى ساپالى دامۋىن ىلگەرىلەتۋدەگى ءتيىستى مىندەت. ءوندىرىس بارىسىنىڭ جاسىلدانۋى كاسىپ قۇرىلىمىن رەتتەۋ، ەكولوگيالىق ورتانى جاقسارتۋ جونىنەن توتەنشە ماڭىزدى.

  ءۇرىمجى گانچۋانباۋ ەكونوميكالىق - تەحنيكالىق اشۋ رايونىنا (ونەركاسىپ رايونى) ورنالاسقان شينتى ەنەرگيا شەكتى جارنا سەرىكتەستىگى − كاسىپ سالاسىندا جاسىل ءونىم، جاسىل زاۆود، جاسىل قامداۋ تىزبەگى قۇپتاۋىنان وتۋدەن ۇلگى كورسەتەتىن تۇڭعىش كاسىپورىن.

  ”جوعارى ساپالى دامۋ جاسىل دامۋ بولۋعا ءتيىس. جاسىل دامۋ ۇستانىمىن امالياتتا ايگىلەۋ جونىندە ءبىز جاعدايعا سايكەسىپ، جاۋاپكەرشىلىك ارقالاپ ىسكەرلىك كورسەتتىك“. شينتى ەنەرگيا شەكتى جارنا سەرىكتەستىگىنىڭ ورىنباسار باس ديرەكتورى لي شيلياڭنىڭ ايتۋىنشا، كاسىپورىن 5 مەرزىم قۇرىلىس جۇرگىزۋ ارقىلى ”قوندىرعى ۇيىندە شاعىن اينالىستى، كاسىپ سالاسىندا ورتا اينالىستى، باقشا رايونىندا ۇلكەن اينالىستى“ جۇزەگە اسىرىپ، بۇكىل كاسىپ تىزبەگى ”جاسىلدانىپ“، ەكونوميكالىق ارتۋ مەن جاسىل دامۋدىڭ ورگانيكالىق بىرلىگى ىسكە اسىرىلعان.

  جاڭالىق اشۋدىڭ دەڭگەيىن جوعارىلاتىپ، كاسىپتىڭ بيىگىن تۇرعىزدى

  ۋدۇڭدى ەلەكتر ستانسياسىنىڭ گۋاڭدۇڭ، گۋاڭشيلەرگە ەرەكشە جوعارى كەرنەۋلى كوپ تەرمينالدى تۇراقتى توك جەتكىزۋدەن ۇلگى كورسەتۋ ينجەنەرياسى كوپتەگەن رەكوردتاردى جاراتتى، اتاپ ايتقاندا، دۇنيە ءجۇزى بويىنشا تۇڭعىش ەرەكشە جوعارى كەرنەۋلى كوپ تەرمينالدى ارالاس تۇراقتى توك ينجەنەرياسى، دۇنيە ءجۇزى بويىنشا تۇڭعىش ەرەكشە جوعارى كەرنەۋلى يكەمدى تۇراقتى توك كونۆەرتەرلىك ستانسيا ينجەنەرياسى، دۇنيە ءجۇزى بويىنشا سيىمدىلىعى ەڭ ۇلكەن ەرەكشە جوعارى كەرنەۋلى كوپ تەرمينالدى تۇراقتى توك جەتكىزۋ ينجەنەرياسى.

  ەرەكشە ترانسفورماتور ەلەكتر شەكتى جارنا سەرىكتەستىگى ونىڭ جولداۋشى ۇشى كۇنبەي كونۆەرتەرلىك ستانسياسىن 14 جوعارى دەڭگەيلى كونۆەرتەرمەن، قابىلداۋشى ۇشى لۇڭمىن ستانسياسىن 24 كوپىر رەاكتورمەن، گۋاڭشي ليۋبەي كونۆەرتەرلىك ستانسياسىن 800kV±تىق ەكى يكەمدى تۇراقتى ينۆەرتورلىق كلاپانمەن قامدادى.

  ەرەكشە ترانسفورماتور ەلەكتر شەكتى جارنا سەرىكتەستىگى پارتكومىنىڭ مۇشەسى، باس جورا حۋاڭ حانجيە بىلاي دەدى: ”وسى نىسانعا قاتىناسۋ بارىسىندا، ەرەكشە ترانسفورماتور ەلەكتر شەكتى جارنا سەرىكتەستىگى كوپتەگەن ’ءبىرىنشى رەتكىنى‘ ورىندادى، اتاپ ايتقاندا، ءبىرىنشى رەت يكەمدى تۇراقتى توك جەتكىزۋ تەحنيكاسىن اسقىن جوعارى كەرنەۋدەن ەرەكشە جوعارى كەرنەۋلى ەلەكتر دارەجەسىنە جەتكىزدى، ءبىرىنشى رەت ەل ىشىندەگى تۇڭعىش 800kV± كوپىر رەاكتوردى ءساتتى زەرتتەپ جاسادى، بۇل سەرىكتەستىكتىڭ يكەمدى تۇراقتى توك جەتكىزۋ سالاسىندا جاڭا تەحنيكادان قامال العانىن كورسەتەدى“.

  دۇنيە جۇزىندەگى ەنەرگيا ۇنەمدەيتىن ەلەكتر جەتكىزۋ تەحنيكاسىندا جاڭالىق اشىپ جەتەكشى بولاتىن وسى ينجەنەرياعا قاتىناسۋى شينجياڭنىڭ ەرەكشە جوعارى كەرنەۋلى ترانسفورماتور سالاسىنداعى جاڭالىق اشۋ، جەتەكتەۋ قابىلەتىن تاعى دا دالەلدەدى.

  جاڭالىق اشۋدا تالماي ىزدەنىس جاساپ كەلە جاتقانداردىڭ قاتارىندا جينفىڭ عىلىم - تەحنيكا شەكتى جارنا سەرىكتەستىگى دە بار.

  ”جەل گەنەراتورىنا ورناتىلعان سەنسور جەل جاعدايىن، تەمپەراتۋرانى ادام سياقتى سەزە الادى، قايسى بۋىندا كىنارات تۋىلسا، ساندى مالىمەتتى جۇمساق بولشەك تۇعىرىنا اۆتوماتتى تۇردە جەتكىزىپ بەرەدى، تەحنيكتەر ساندى مالىمەتكە تالداۋ جاساپ، شەشۋ جوباسىن جاسايدى“. قاراپايىم مىسالدان جينفىڭ عىلىم - تەحنيكا شەكتى جارنا سەرىكتەستىگىنىڭ القا باستىعى ۋ گاڭنىڭ ونەركاسپ ينتەرنەتىنىڭ كاسىپورىنداردىڭ سيفرلانىپ تيبىن وزگەرتۋىنە دەم بەرۋدى تۇسىنەتىندىگىن بىلۋگە بولادى.

  جينفىڭ عىلىم - تەحنيكا شەكتى جارنا سەرىكتەستىگى − ەل ىشىندەگى جەل ەلەكترىنە بۇكىل تىرشىلىك پەريودى بويىنشا قىزمەت وتەۋدى ەڭ ەرتە العا قويعان كاسىپورىنداردىڭ ءبىرى، ونىڭ كاسىپ تىزبەگىن باسقارۋ ”جەل ەلەكتر ستانسياسىنىڭ بۇكىل تىرشىلىك پەريودى بويىنشا قىزمەت وتەۋدى باسقارۋ نىسانى“ ونەركاسىپ جانە ينفورماتسيالاندىرۋ مينيسترلىگىنىڭ تۇڭعىش توپتاعى قىزمەت وتەۋ تيبىندەگى جاساۋدان ۇلگى كورسەتۋ كاسىپورىندار تىزىمىنە ەنگىزىلگەن، ونىڭ تەحنيكالىق باپتاۋ ۇجىمى بۇكىل جەر جۇزىندەگى 10 مىڭداعان گەنەراتور اگراگاتتارى، جۇزدەگەن جەل ەلەكتر ستانسيالارى ءۇشىن قىزمەت وتەيدى جانە تەحنيكالىق قولداۋ كورسەتەدى.

  ”ءبىر بەلدەۋ، ءبىر جول“ قۇرىلىسى شينجياڭنىڭ جاساۋ كاسىبىنىڭ جاڭالىق اشىپ تيبىنىڭ وزگەرۋىنە جاڭا ءورىس ازىرلەدى. اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى جابدىقتاۋ ونەركاسىبى باسقارماسىنىڭ قاتىستى جاۋاپتىسى بىلاي دەپ تانىستىردى: شينجياڭنىڭ جاساۋ كاسىبىنىڭ تيبىنىڭ وزگەرىپ، دارەجەسىنىڭ جوعارىلاۋى رايونىمىزدىڭ جاڭا ەنەرگيالى جابدىقتار، ەلەكتر جەتكىزۋ، كەرنەۋ وزگەرتۋ جابدىقتارى سياقتى كاسىپتەردىڭ كولەمىنىڭ ۇزدىكسىز كەڭەيۋىنە باستاماشىلدىق ەتتى. كەيبىر كاسىپ سالاسى الدىڭعى باسىمدىققا يە بولىپ، ”جۇڭگونى جابدىقتاۋدان“ ”دۇنيە ءجۇزىن جابدىقتاۋعا“ قاراي سەكىرۋدى جۇزەگە اسىرۋدا.

جاۋاپتى رەداكتور: ءاننا اكىمقان قىزى