پارتيا ستيلى، ۇكىمەت ستيلى قاتار جۇرگىزىلىپ، پاكتىك پەن ءتارتىپتى جۇرەكتەرگە ۇيالاتتى

  پراكتيانت ءتىلشى دۋمان ماقسات ۇلى، ەرىكتى ءتىلشى مەرۋەت ماتىنبەك قىزى حابارلايدى. 7-ايدىڭ 24-كۇنى، التاي تاس جول باسقارۋ مەكەمەسى پارتكومى «پارتيالى باسشى كادرلار ‹ءتورت ءتۇرلى ادام› بولۋعا ۇمتىلۋدى» نەگىزگى تاقىرىپ ەتىپ، بەينە ەكران ءماجىلىسى فورماسى ارقىلى مەكەمەدەگى بارلىق كادرلار مەن جۇمىسشى - قىزمەتكەرلەرگە پارتيا ستيلى، پاكتىك قۇرىلىسى جونىندە ارناۋلى تاقىرىپتىق پارتيا ساباعىن ءوتتى، پارتيا ساباعى ءىس جۇزىندىكتى دارىپتەپ، بۇقارامەن ەتەنە بولىپ، كوپشىلىككە تەرەڭ اسەر قالدىردى.

  ۇعىسۋعا قاراعاندا، 22 - رەتكى پارتيا ستيلى، پاكتىك قۇرىلىسى تاربيە ايى قيمىلىندا التاي تاس جول باسقارۋ مەكەمەسى «ساياسي جاۋاپكەرلىكتى كۇشەيتىپ، تاماشا ستيلمەن كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزەيىك» تاقىرىبىن ارقاۋ ەتىپ، ارناۋلى تاقىرىپتىق پارتكوم وزەكتى ۇيرەنۋ گرۋپپاسىنىڭ ۇيرەنۋىن ورىستەتىپ، كادرلاردى، سونداي- اق ولاردىڭ وتباسىنداعىلاردى التاي قالاسى شاشۋ جولى كوشە ءىس باسقارماسى قىزىلتاس جولى الەۋمەتتىك اۋماعىنداعى قاعاز قيۋ سارايىنا بارىپ وتباسى پاكتىگىن جەبەۋ قيمىلىن ورىستەتۋگە جانە ساقتىق تاربيە فيلمىن كورۋگە ۇيىمداستىردى، ءتۇرلى فورما ارقىلى پارتيالى كادرلاردىڭ پارتيالىلىق، پارتيا ءتارتىبى، پارتيا ستيلى كوز قاراسى مەن كىرشىكسىز، تارتىپشەڭ بولۋ، ۇكىمەت ىسىنە شوگەل بولۋ تانىمىن كۇشەيتىپ، ”قىزىل سىزىقتى، تومەنگى شەكتى قاتاڭ ساقتاۋ، جوعارى كەرنەۋلى جەلىنى قاداعالاۋ“ باقىلاۋ ولشەمىن اناعۇرلىم بەكەمدەدى.

  التاي تاس جول باسقارۋ مەكەمەسى ءتارتىپ تەكسەرۋ كوميتەتىنىڭ (باقىلاۋ كەڭسەسىنىڭ) مەڭگەرۋشىسى ليۋ رۇڭ بىلاي دەدى: وسى رەتكى پاكتىك تاربيەسى قيمىلىندا ءبىز تالاپ بويىنشا جەلىلەس قيمىلداردى وتكىزىپ قالماستان، مەكەمەنىڭ ءىس جۇزىندىك جاعدايىنا ۇشتاستىرىپ، پاكتىك ميكرو كەسكىن توپتاۋ، قويۋ قيمىلىن ورىستەتتىك، مۇنداعى ماقساتىمىز ۇكىمەت ىسىندە پاك بولۋ يدەيا - ءمورال نەگىزىن بەكەمدەپ، شىرىكتەسۋگە باتىلى بارمايتىن، شىرىكتەسە المايتىن، شىرىكتەسكىسى كەلمەيتىن ءتۇزىلىس مەحانيزمىن شىن مانىندە ورناتۋ.

جاۋاپتى رەداكتور: ءاننا اكىمقان قىزى