ايماقتىڭ جىلجىمايتىن مۇلىكتى تىزىمگە الىپ، كۋالىك تاراتۋى ”ءبىر تەرەزەلىكتە جۇمىس ءبىتىرۋدى“ جۇزەگە اسىردى

  ءتىلشىمىز حۋ جۇنشيۋ حابارلايدى. 7-ايدىڭ 19-كۇنى تۇستەن بۇرىن ايماقتىق (قالالىق) اكىمشىلىك قىزمەت وتەۋ ورتالىعىنداعى جىلجىمايتىن مۇلىكتى تىزىمدەۋ تەرەزەلىگىندە قىزمەتكەرلەر جۇمىس بىتىرۋگە كەلگەن بۇقاراعا كەڭەس بەرۋ، شىرەتكە تۇرعىزۋ قاتارلى قىزمەتتەردى وتەۋدە.

  جىلجىمايتىن مۇلىكتى ەندى عانا تىزىمدەتىپ بولعان التاي قالاسىنىڭ تۇرعىنى ساۋ حانىم تىلشىگە بىلاي دەدى: ماتەريالدى تاپسىرۋ، ۋنيۆەرسال ءبىتىرۋ، تەكسەرۋ، تىزىمگە الۋدان ەڭ سوڭعى كۋالىك تاراتۋعا دەيىن ءبىر ساعاتقا تولمايتىن ۋاقىت جۇمسادىم، قىزمەتكەرلەردىڭ قىزمەت وتەۋى دە كەمەلدى ەكەن.

 

  ۇعىسۋعا قاراعاندا، جىل باسىنان بەرى، ايماقتىق جىلجىمايتىن مۇلىكتى تىزىمدەۋ ورتالىعى تۇتاس ايماقتا مۇلىكتى تىزىمگە الىپ كۋالىك تاراتۋى ”ءبىر تەرەزەلىكتە جۇمىس ءبىتىرۋدى“ بەلسەنە جالپىلاستىرىپ، قورا - جاي ساۋداسى، باجى ءبىتىرۋ، جىلجىمايتىن مۇلىكتى تىزىمدەۋ قىزمەتىنىڭ ”ءبىر تەرەزەلىكتەن ءبىتىرۋ، بىرلەسىپ ءبىتىرۋ، شوعىرلى قىزمەت وتەۋ“ جاڭا ۇلگىسىن اشتى. سونىمەن بىرگە، ايماق، اۋدان ەكى دارەجەلى اكىمشىلىك قىزمەت وتەۋ ورتالىعىنىڭ تەكسەرىپ بەكىتۋ، قىزمەت وتەۋ فۋنكتسياسىن اناعۇرلىم رەتكە سالىپ بىرىكتىرۋدى ءبىر تۇتاس جوسپارلاپ سايكەستىرىپ، ءتارتىبىن قايتادان رەتتەپ، ۋاقىت شەگىن قىسقارتىپ، ادەتتەگى تىزىمگە الۋ جۇمىسىن ءبىتىرۋ ۋاقىتىن 5 كۇننەن تومەن قىزمەت ۋاقىتىنا قىسقارتىپ، تەكسەرىپ پەشەتتەۋ، جوعالعانىن مالىمدەۋ قاتارلى جۇمىستاردى دەركەزىندە ءبىتىرۋدى جۇزەگە اسىردى.

  ساناققا نەگىزدەلگەندە، بيىلعى جىلدىڭ الدىڭعى جارىمىندا بۇكىل ايماق جىلجىمايتىن مۇلىكتى تىزىمگە الىپ 4008 كۋالىك تاراتۋدى جۇزەگە اسىرىپ، ۇقساس مەزگىلدەگىدەن %58 ارتتى؛ جىلجىمايتىن مۇلىكتى كەپىلگە قويىپ، تىزىمگە الدىرۋ انىقتاماسىنان 4198 نۇسقا بەرىلىپ، ۇقساس مەزگىلدەگىدەن %41 ارتتى.

جاۋاپتى رەداكتور: ءاننا اكىمقان قىزى