جەمەنەي اۋدانى 350 مىڭ شارشى مەترلىك دەنەتاربيە باقشاسىن سالدى

  التاي گازەتىنىڭ ءتىلشىسى تاڭ چيۇڭ مەن پراكتيكانت ساعىنىش كۇلاشقان قىزى حابارلايدى. جاڭادان سالىنعان جەمەنەي اۋداندىق دەنەتاربيە باقشاسىنداعى جاياۋلار جولىندا قالا تۇرعىندارى باياۋ سەيىلدەسە، باقشاداعى باسكەتبول الاڭى مەن دوپ الاڭى جاستار مەن ورەندەرگە تولدى، بالالار قيمىل ورنىنان سابيلەردىڭ شاتتىق كۇلكىسى ەستى.

  7 ـ ايدىڭ 12 ـ كۇنى، زەينەتكەر مۇعالىم دۋان شۋشين تىلشىگە: يەلەگەن جەر اۋماعى 350 مىڭ شارشى مەترلىك دەنەتاربيە باقشاسى جەمەنەي اۋدان قالاشىعىنىڭ باتىس تەرىستىگىنە ورنالاسقان، بۇرىن بۇل جەر كوشەت جەتىلدىرەتىن ورماندىق بولاتىن، جاستار ورمانى دەپ اتالاتىن. 1980 ـ جىلدان باستاپ اعاش ەگىپ، ورمان ءوسىرىپ، بوراندى توسىپ، قۇمدى ورنىقتىردىق. جەمەنەي اۋدانىندا سۋ تاپشى بولعاندىقتان اعاش ەگىپ، ورمان ءوسىرۋ وڭايعا تۇسپەدى. 40 جىلدان بەرى، بۇل اعاشتار اسپانمەن بوي تالاسىپ، تۇرعىنداردىڭ كوڭىل اشاتىن تاماشا جەرىنە اينالدى، ەڭبەگىمىز زايا كەتكەن جوق ـ دەدى.

  جەمەنەي اۋدانى قالا تۇرعىندارىنىڭ دەمالۋ، كوڭىل اشۋ ورنى بولماۋ ماسەلەسىن شەشۋ ءۇشىن قايتا ـ قايتا دالەلدەۋ، جوعارى دارەجەلى جوسپار جاساۋ، كوپ جاقتىلى قارجى توپتاۋ ارقىلى 2019 ـ جىلى 6 ـ ايدا قۇرىلىستى باستاپ، بۇل جەردى دەنەتاربيە باقشاسى ەتىپ سالا باستادى. دەنەتاربيە باقشاسى جالپى جاقتان 50 مىڭ شارشى مەترلىك باقشا قۇرىلىس اۋماعى، 80 مىڭ شارشى مەترلىك جاسىلداندىرۋ اۋماعى جانە 220 مىڭ شارشى مەترلىك تابيعي ورمان اۋماعىنا ءبولىنىپ، الاڭ ءبيى رايونى، بالالار قيمىل رايونى، باسكەتبول الاڭى، 11 ادامدىق فۋتبول الاڭى، تاق ـ تۇق دوپ الاڭى قاتارلىلاردان قۇرالدى. باقشادا تاعى 8 كورىنىستىك ءمۇسىن، 3 كاريدور، ءبىر سامالدىق جانە ءبىر كوپىر بار. باقشانىڭ فۋنكتسياسى كەمەلدى، قۇرىلعىلارى تولىق بولعاندىقتان، قالاشىق تۇرعىندارىنىڭ سەيىل ـ سەرۋەن ورتالىعىنا اينالدى.

  قالاشىق تۇرعىندارىنا قولايلى قىزمەت وتەۋ ءۇشىن، باقشا ىشىنە ءتۇرلى دوڭگەلەكتى ورىندىقتى اربا جۇرەتىن كەدەرگىسىز جولدار مەن شۇعىل جاعدايعا توتەپ بەرەتىن جول سالىنىپ، ءتۇرلى ەسكەرتۋ تاقتاسى دا ورناتىلعان. سونىمەن بىرگە، تور كوزدەندىرىپ باسقارىپ اۋماققا ءبولىپ، ادامدى، قىزمەت ورنىن تۇراقتاندىرىپ، مادەنيەتسىز قىلىقتاردى ءناسيحات ايتىپ تەجەدى. ءتۇرلى موتورلى اۆتوكولىكتىڭ باقشاعا كىرۋىن تەجەۋمەن بىرگە، اكىمشىلىك زاڭ اتقارۋ ورتا اترەتىن قۇرىپ، باسقارۋ مەن ورتا تازالىعىن ساقتاۋ تەبىنىن كۇشەيتىپ، تۇرعىنداردى الاڭسىز تازا ورتامەن قامدادى.

  جەمەنەي اۋداندىق تۇرعىن ءۇي جانە قالا ـ اۋىل قۇرىلىسى مەكەمەسى پارتگرۋپپاسىنىڭ شۋجيى لي جىشيڭ تىلشىگە: دەنەتاربيە باقشاسى دەنەتاربيە قيمىلىن نەگىزگى تاقىرىپ ەتكەن، جەرگىلىكتى تۇرعىنداردى تاماشا ورتامەن قامدايتىن قوعامدىق ومىرشەڭدىك كۇش تۋدىراتىن الەۋمەتتىك كەڭىستىك، جاسىل القاپ پەن سپورتتى ءبىرتۇلعالاندىرىپ، ادامدى تابيعي، جايلى دەمالىس ورتاسىمەن قامدايدى. دەنەتاربيە الاڭىنىڭ سالىنۋى اۋدان قالاشىعىنىڭ جاسىلدانۋ مولشەرىن ارتتىرىپ، ەكولوگيالىق ونىمدىلىگىن جوعارىلاتىپ، وركەنيەتتى، اقاۋسىز تۇرمىس ءتاسىلىن قالىپتاستىرۋدا بەلسەندى رول اتقارادى، بۇل جەر بولاشاقتا جەمەنەي اۋدانىنىڭ جاڭا كورىنىس تۇيىنىنە اينالاتىن بولادى ـ دەدى.

جاۋاپتى رەداكتور: ءاننا اكىمقان قىزى