بۋرىلتوعايدىڭ الاقاتى پىستى

  تيانشان تورىنىڭ حابارى (سۋرەتىن ءتۇسىرىپ حابارلاعان ەرىكتى ءتىلشى ۋاڭ چىڭ ) 7 - ايدا، شينجياڭ التاي ايماعى بۋرىلتوعاي اۋدامى كوكاعاش اۋىلى ەسكىقۇم قىستاعى ۋحى الاقات شارۋالار كاسىپتىك سەلبەستىك كووپەراتيۆىنىڭ الاقات ەگىنشىلىك بازاسىنداعى الاقات پىسىپ، ءۇزۋ مەزگىلىنە ءوتتى.

  الاقات ەگىنشىلىك بازاسىنا كىرسەڭىز، قىزىل الاقات سامسىپ تۇر، ون نەشە جۇمىسشى قاربالاس ءۇزىپ جاتىر، قىپ - قىزىل الاقات كۇن نۇرى استىندا كوزدىڭ جاۋىن الادى. بيىلعى ءونىمدى كورىپ، سەلبەستىك كووپەراتيۆىنىڭ باس القاسى ۋي گۋوفاڭ تىلشىگە: قازىر ءتىپتى دە كوپ ادامدار كۇتىنۋگە كوڭىل بولە باستادى، جاس الاقات ۇزىلمەي تۇرىپ، الدىن الا تاپسىرىس بەرىپ ساتىپ العاندار بار ەكەنىن ايتتى.

  ۋۋ گۋوفاڭ بىلاي دەدى: ”ءار جىلعى زات تەز ساتىلىپ كەتەدى، بيىلعى جاڭا الاقات پىسقاننان كەيىن، ءبىز ۋاقىتتى مىقتى يگەرىپ ءۇزىپ، مانەرلەپ بازاردى تولىقتايمىز“.

  الاقات اتىزىندا قاربالاس الاقات ءۇزىپ جاتقان كووپەراتيۆ مۇشەلەرى، جالدانبالى جۇمىسكەرلەردەن سىرت، قىستاق ”ەكى كوميتەتى“ مەن قىزمەت اترەتىندەگى جولداستار دا اتىز باسىنا بارىپ، ديقانداردىڭ الاقات جيناۋىنا كومەكتەستى.

  سەلبەستىك كووپەراتيۆىنىڭ تانىستىرۋىنا قاراعاندا، الاقات ءار جىلى 7-ايدىڭ باسىندا پىسادى، ساتىعا ءبولىپ 3 تە 4 رەت ۇزەدى، سەلبەستىك كووپەراتيۆى مۇشەلەرى الاقاتتى كەپتىرىپ، مانەرلەگەننەن كەيىن بازارعا سالادى، باعاسى ادەتتەگى ساتۋ باعاسىنان ءبىر ەسە جوعارى بولادى، جىلدىق كىرىسى 30 مىڭ يۋانعا جەتەدى ەكەن.

جاۋاپتى رەداكتور: ءاننا اكىمقان قىزى