ساقتانۋ - تىزگىندەۋ شارالارىن اناعۇرلىم قاتاڭ، اناعۇرلىم ەگجەي - تەگجەيلى، اناعۇرلىم ناقتى تياناقتاندىرىپ، ءار ۇلت حالىق بۇقاراسىنىڭ ءومىرىنىڭ حاۋىپسىزدىگىن، دەنساۋلىعىن باتىل قورعاۋ كەرەك

چىن چۋانگو، شوكىرات زاكىر ۇرىمجىدە ىندەتتەن ساقتانۋ - تىزگىندەۋ جانە قامداۋدى قامتاماسىز ەتىپ، باعانى ورنىقتىرۋ قىزمەتى جونىندە تەكسەرۋ - زەرتتەۋ جۇرگىزدى

  ساقتانۋ - تىزگىندەۋ شارالارىن اناعۇرلىم قاتاڭ، اناعۇرلىم ەگجەي - تەگجەيلى، اناعۇرلىم ناقتى تياناقتاندىرىپ، ءار ۇلت حالىق بۇقاراسىنىڭ ءومىرىنىڭ حاۋىپسىزدىگىن، دەنساۋلىعىن باتىل قورعاۋ كەرەك

  7 - ايدىڭ 18 - كۇنى اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ۇرىمجىدە ىندەتتەن ساقتانۋ - تىزگىندەۋ جانە قامداۋدى قامتاماسىز ەتىپ، باعانى ورنىقتىرۋ قىزمەتى جونىندە تەكسەرۋ - زەرتتەۋ جۇرگىزدى. چىن چۋانگو، شوكىرات زاكىر تيانشان رايونى حالىق جولى وڭتۇستىك الەۋمەتتىك اۋماعىنداعى دەنە تاربيە سارايى تۇرعىندار اۋلاسىنا كەلىپ، الەۋمەتتىك اۋماق كادرلارىنان تۇرعىنداردى ارالاپ تەكسەرۋ، ۇيدە اۋاشالانعاندارعا قىزمەت وتەۋ، قامتاماسىزداندىرۋ سياقتى جاعدايلاردى ىشكەرىلەي ۇعىستى. سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن

  گازەتىمىزدىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 7 - ايدىڭ 18 - كۇنى ۇرىمجىدەن حابارلايدى. 7 - ايدىڭ 18 - كۇنى اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ۇرىمجىدە ىندەتتەن ساقتانۋ - تىزگىندەۋ جانە قامداۋدى قامتاماسىز ەتىپ، باعانى ورنىقتىرۋ قىزمەتى جونىندە تەكسەرۋ - زەرتتەۋ جۇرگىزدى.

  چىن چۋانگو، شوكىرات زاكىر ىلگەرىندى - كەيىندى ءۇرىمجى جاڭا بەييۋانچۇن بازارى كوكونىس ساۋدا اۋماعىنا جانە تيانشان رايونى حىپيڭ جولى اۋماعى حالىق جولى وڭتۇستىك الەۋمەتتىك اۋماعى كوكونىس، قوسىمشا ازىق - تۇلىكتەردى تىكە ساتۋ تۇيىنىنە بارىپ، ىندەتتەن ساقتانۋ - تىزگىندەۋ قىزمەتىن ناقتى تەكسەرىپ، زات كىرگىزۋ ارناسى، تاۋار باعاسى، قامداۋدى قامتاماسىز ەتۋ سياقتى جاعدايلاردى ەگجەي - تەگجەيلى ۇعىستى. چىن چۋانگو، شوكىرات زاكىر بىلاي دەپ اتاپ كورسەتتى: ۇلەستىرۋدى ونان ارى كۇشەيتىپ، بايلىقتاردى بىرىكتىرىپ، ارنالاردى كەڭەيتىپ، بار كۇشپەن قامداۋدى قامتاماسىز ەتىپ، بازار قاجەتىن قاناعاتتاندىرىپ، ساننىڭ جەتكىلىكتى، باعانىڭ ورنىقتى بولۋىنا، ساپالى، حاۋىپسىز بولۋعا شىنايى كەپىلدىك ەتۋ كەرەك. باعانى باقىلاۋ - باسقارۋدى جانە ازىق - تۇلىك حاۋىپسىزدىگىن باقىلاۋدى كۇشەيتىپ، بازارداعى باعانى قىمباتتاتۋ، بازار ءتارتىبىن ءبۇلدىرۋ سىندى ءتۇرلى ارەكەتتەرگە قاتاڭ سوققى بەرىپ، ساۋداگەرلەردى زاڭعا بويسۇنىپ، ادالدىقپەن تيجارات جۇرگىزۋگە جەتەكتەۋ كەرەك.

  چىن چۋانگو، شوكىرات زاكىر حالىق جولى وڭتۇستىك الەۋمەتتىك اۋماعىنداعى دەنە تاربيە سارايى تۇرعىندار اۋلاسىنا كەلىپ، دەنە تەمپەراتۋراسىن ىرىقتىلىقپەن ولشەتىپ شاعىن اۋماققا كىرىپ، الەۋمەتتىك اۋماق كادرلارىنان تۇرعىنداردى ارالاپ تەكسەرۋ، ۇيدە اۋاشالانعاندارعا قىزمەت وتەۋ، قامتاماسىزداندىرۋ سياقتى جاعدايلاردى ىشكەرىلەي ۇعىستى، ىندەتكە قارسى اتتانۋدىڭ ءبىرىنشى شەبىندە شايقاس جاساپ جاتقان ءار ۇلت كادرلارى مەن جۇمىسشى - قىزمەتكەرلەرىنەن حال سۇرادى. چىن چۋانگو، شوكىرات زاكىر بىلاي دەپ باسا دارىپتەدى: الەۋمەتتىك اۋماقتا ساقتانۋ - تىزگىندەۋ − ءبىرىنشى قورعانىس شەبى، كۋالىك تەكسەرۋ، دەنە تەمپەراتۋراسىن ولشەۋ، كودتىق تەكسەرۋ، تىركەۋ سياقتى قىزمەتتەردى ىشكەرىلەي ەگجەي - تەگجەيلى ىستەپ، الەۋمەتتىك قيمىل ورىندارىن زارارسىزداندىرۋدى، تازالاۋدى مۇقيات ورىستەتىپ، ءار ۇلت حالىق بۇقاراسىنىڭ تالاپ - تىلەگى مەن قيىنشىلىعىن دەر كەزىندە يگەرىپ، شەشىپ، بۇقارالىق قىزمەتتى زەيىن قويا، سۇيىسپەنشىلىكپەن كۇش سالا جاقسى ىستەپ، ءتۇرلى ساقتانۋ - تىزگىندەۋ جانە قىزمەت وتەۋ شارالارىن وتباسىلارىنا، ادامدارعا دەيىن باتىل تياناقتاندىرۋ كەرەك.

  چىن چۋانگو، شوكىرات زاكىر تەكسەرۋ - زەرتتەۋ بارىسىندا بىلاي دەپ باسا دارىپتەدى: حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل تۇردە ءبىرىنشى ورىنعا قويىپ، سەنىمدى بەكەمدەپ، قيىندىقتى بىلەك بىرىكتىرە جەڭىپ، عىلمي ساقتانىپ - ەمدەپ، دالمە - ءدال شارا قولدانىپ، ءتۇرلى ساقتانۋ - تىزگىندەۋ شارالارىن اناعۇرلىم قاتاڭ، اناعۇرلىم ەگجەي - تەگجەيلى، اناعۇرلىم ناقتى تياناقتاندىرىپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزۋ كەرەك. سارالاپ تەكسەرۋدى كۇشەيتىپ، اناعۇرلىم عىلمي ءادىس ارقىلى ادامداردى ءبىر - بىرلەپ تەكسەرۋ جانە دەنساۋلىعىن باقىلاۋ سەرپىنىن كۇشەيتۋ، ءتۇيىندى وڭىرلەرگە، ءتۇيىندى ادامدار شوعىرىنا جاپپاي نۋكلەين قىشقىلى تەكسەرۋىن جۇرگىزىپ، تەكسەرۋ كولەمىن بىرتىندەپ كەڭەيتىپ، جالپى بەتتىك تەكسەرۋدى، توركىنىن دالمە - ءدال انىقتاۋدى، تەكسەرۋگە تيىستىلەردى مۇمكىندىگىنشە تەكسەرۋدى، تەكسەرتۋدى قالايتىنداردى مۇمكىندىگىنشە تەكسەرۋدى ورىنداۋ كەرەك. ساقتانۋ - تىزگىندەۋ شارالارىن كۇشەيتىپ، دالمە - ءدال ساقتانۋ - تىزگىندەۋ شارالارىن وڭىرگە، دارەجەگە ءبولىپ، ناقتى، ەگجەي - تەگجەيلى تياناقتاندىرىپ، بىرلەسىپ ساقتانۋ، بىرلەسىپ تىزگىندەۋ جۇيەسىن كەمەلدەندىرىپ، ءتۇيىندى بۋىنداردى قاتاڭ تۇردە ويداعىداي يگەرىپ، ادامدار شوعىرلى جەرلەر مەن ءتۇيىندى ورىنداردى باسقارۋ - تىزگىندەۋدى كۇشەيتىپ، ىشكى جاقتا تارالۋدان ساقتانۋدىڭ قورعانىس شەبىن باتىل ساقتاۋ كەرەك؛ ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ شارالارىن قاتاڭ تياناقتاندىرىپ، جۇعىمدالۋ قاينارىن ءونىمدى تۇردە تىزگىندەپ، تارالۋ جولدارىن ءۇزۋ كەرەك؛ وتكەلدى العا جىلجىتۋعا، جاپپاي سارالاپ تەكسەرۋگە تاباندى بولىپ، الەۋمەتتىك اۋماقتاردى، مالىلەردى توركوزدەندىرىپ باسقارۋ جانە ورتانى زارارسىزداندىرۋ، تۇگەل تەكسەرىپ تىركەۋ سياقتى شارالاردى كۇشەيتىپ، بەرىك ساقتانۋ - تىزگىندەۋ تورىن قۇرۋ كەرەك؛ عىلمي قۇتقارۋ - ەمدەۋدى بەلسەنە ورىستەتىپ، جۇڭگوشا شيپاگەرلىك پەن باتىسشا شيپاگەرلىكتى ۇشتاستىرىپ، ەمدەپ ساۋىقتىرۋ مولشەرىن جوعارىلاتۋعا قۇلشىنۋ كەرەك. زاتتىق ماتەريالدارمەن قامتاماسىز ەتۋدى كۇشەيتىپ، ءتۇيىندى قورعانۋ زاتتىق ماتەريالدارىن ءوندىرۋ، ساتىپ الۋ، ۇلەستىرۋ قىزمەتىن كۇشەيتىپ، ساقتانۋ - تىزگىندەۋ قاجەتىن شىن مانىندە قامتاماسىز ەتۋ كەرەك؛ كوكونىس، جەمىس - جيدەك، ەت، جۇمىرتقا، ءسۇت، استىق سياقتى تۇرعىندار تۇرمىسىنا قاجەتتى بۇيىمدار ءوندىرىسىن كۇشەيتىپ، قامداۋدى قامتاماسىز ەتىپ، ”استىق“، ”كوجە - قاتىق“ جاۋاپكەرشىلىك ءتۇزىمىن قاتاڭ تياناقتاندىرىپ، تاسىمال ”جاسىل ارناسىن“ اشىپ، بازار قامداۋىنىڭ جەتكىلىكتى، باعانىڭ ورنىقتى بولۋىنا شىنايى كەپىلدىك ەتۋ كەرەك. ۇگىتتەۋدى، جەتەكتەۋدى كۇشەيتىپ، ىندەت ينفورماتسياسىن جانە ساقتانۋ - تىزگىندەۋ قىزمەتىنىڭ ىلگەرىلەتىلۋىن دەر كەزىندە جاريالاپ، ساقتانۋ - تىزگىندەۋ بىلىمدەرىن جالپىلاستىرىپ، ءار ۇلت حالىق بۇقاراسىن عىلمي ساقتانۋعا، سەنىمدى ارتتىرۋعا بەلسەنە تاربيەلەۋ، جەتەكتەۋ كەرەك. قىزمەتتى ءبىر تۇتاس جوسپارلاۋدى كۇشەيتىپ، ءبىر جاعىنان، ىندەتتەن ساقتانۋ - تىزگىندەۋدى يگەرۋگە، ءبىر جاعىنان، ورنىقتىلىقتى، دامۋدى يگەرۋگە تاباندى بولىپ، ىندەتتەن ساقتانۋ - تىزگىندەۋدىڭ ۇدايىلانۋىن ويداعىداي يگەرۋ العى شارتىندا، ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاپ ىلگەرىلەتۋ كەرەك. جاۋاپكەرشىلىكتى تياناقتاندىرۋدى كۇشەيتىپ، پارتيا، ۇكىمەت، ارميا، ساقشى، بيڭتۋان، حالىق سايكەسە بىرلەسىپ قيمىلداۋعا تاباندى بولىپ، جاۋاپكەرشىلىكتەن مىزعىماۋ، جاۋاپكەرشىلىك ارقالاۋعا ات ءۇستى قاراماۋ، جاۋاپكەرشىلىك وتەۋدە بويكۇيەزدىككە سالىنباۋ كەرەك؛ ءار دارەجەلى باسشىلىق القاسى مەن باسشى كادرلار شەپ تانىمىن مىقتاپ ورناتىپ، تۇلعالىق جاۋاپكەرشىلىكتى، ءبىرىنشى جاۋاپكەرشىلىكتى باتىل ارقالاۋى كەرەك؛ نەگىزگى ساتى پارتيا ۇيىمىنىڭ جاۋىنگەر قورعاندىق رولىن جانە قالىڭ پارتيالى كادرلاردىڭ اۆانگارد ونەگەلىلىك رولىن تولىق ساۋلەلەندىرىپ، بۇقارانى جاپپاي اتتانىسقا كەلتىرىپ، ۇيىمداستىرىپ، كوپ بولىپ اقىل قوسىپ، كوپ بولىپ كۇش سالىپ، كوپ بولىپ ساقتانىپ، كوپ بولىپ تىزگىندەپ، ىندەتتەن ساقتانۋ، ىندەتكە قارسى اتتانۋدىڭ قۇرىش قامالىن مىقتاپ ورناتۋ كەرەك.

جاۋاپتى رەداكتور: ءاننا اكىمقان قىزى