شي جينپيڭ رەسەيدىڭ زۇڭتۇڭى پۋتينمەن تەلەفوندا سويلەستى

  شينحۋا اگەنتتىگىنىڭ 7 - ايدىڭ 8 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 7 - ايدىڭ 8 - كۇنى رەسەيدىڭ زۇڭتۇڭى پۋتينمەن تەلەفوندا سويلەستى.

  شي جينپيڭ بىلاي دەپ اتاپ كورسەتتى: 6 - ايدىڭ اياق شەنىندە رەسەي وتان قورعاۋ سوعىسى جەڭىسكە جەتكەندىگىنىڭ 75 جىلدىعى قىزىل الاڭ اسكەري پاراتىن تابىسپەن وتكىزىپ، بۇكىل دۇنيە جۇزىنە تاريحتى ەستە بەرىك ساقتاۋ، بەيبىتشىلىكتى قورعاۋ بەرىك بەكىمىن ايگىلەدى. كەزەكتە رەسەي جاق جالپى حالىقتىق داۋىسقا سالۋدى ءساتتى وتكىزىپ، جوعارى داۋىسپەن نەگىزگى زاڭعا وزگەرىس ەنگىزۋ جوباسىن ماقۇلداپ، رەسەي حالقىنىڭ رەسەي ۇكىمەتىن قولدايتىندىعىن جانە رەسەي ۇكىمەتىنىڭ ەل باسقارۋ ۇستانىمىن شىنايى قۇپتايتىندىعىن تولىق ايگىلەدى. جۇڭگو جاق رەسەي جاقتىڭ ءوز ەلىنىڭ جاعدايىنا ۇيلەسەتىن دامۋ جولىمەن ءجۇرۋىن بۇرىنعىداي باتىل قولدايدى، رەسەي جاقتىڭ دامۋدى، كوركەيۋدى جەدەل جۇزەگە اسىرۋىن باتىل قولدايدى.

  شي جينپيڭ بىلاي دەپ باسا دارىپتەدى: كەزەكتە، حالىقارالىق جاعدايدىڭ وزگەرىسى وتە تەز، جۇڭگو مەن رەسەيدىڭ جان - جاقتى ستراتەگيالىق ىستەستىك سەرىكتەس رەتىندە، ستراتەگيالىق بايلانىستى، سەلبەستىكتى جيىلەتۋى توتەنشە قاجەتتى. جۇڭگو جاق رەسەي جاقپەن ۇزدىكسىز ءوزارا باتىل قولداۋ كورسەتىپ، سىرتتىڭ كيلىگۋىنە، بۇلدىرۋىنە باتىل قارسى تۇرىپ، ءوز ەلدەرىنىڭ يەلىك ۇقىعىن، حاۋىپسىزدىگىن، دامۋ مۇددەسىن ويداعىداي قورعاۋدى، ەكى جاقتىڭ ورتاق مۇددەسىن ويداعىداي قورعاۋدى قالايدى.

  شي جينپيڭ بىلاي دەپ باسا دارىپتەدى: جۇڭگو مەن رەسەي جاڭا تيپتى ايدارشا ۆيرۋس وكپە قابىنۋ ىندەتىنىڭ ەڭ ماشاقاتتى كەزىندە ءوزارا قولداۋ كورسەتىپ، ءوزارا كومەكتەسىپ، جاڭا داۋىردەگى جۇڭگو مەن رەسەي قارىم - قاتىناسىنا ستراتەگيالىق ءمان قوستى. ەكى جاق ءبىرشاما ۇزاق ۋاقىت ىندەتكە توتەپ بەرۋدى ويداعىداي ىستەۋمەن بىرگە، يكەمدى، كوپ ءتۇرلى تاسىلدەردى زەرتتەپ قولدانىپ، ءار سالاداعى سەلبەستىكتى ىلگەرىلەتىپ، جۇمىستى،ءوندىرىستى قالپىنا كەلتىرۋدى جەدەلدەتۋ كەرەك. ەكى جاق عىلىم - تەحنيكالىق جاڭالىق اشۋ جىلى ورايىنان ويداعىداي پايدالانىپ، جوعارى تەحنيكا، ۆاكسينا جانە ءدارى - دارمەك زەرتتەپ اشۋ، بيولوگيالىق حاۋىپسىزدىك سياقتى سالالارداعى سەلبەستىكتى كۇشەيتىپ، جۇڭگو مەن رەسەي قارىم - قاتىناسىنىڭ ۇزدىكسىز اناعۇرلىم جوعارى ورەگە قادام تاستاۋىن ىلگەرىلەتىپ، ەكى ەلدىڭ ءوز دامۋىنا دەم بەرىپ، ەكى ەل حالقىنا اناعۇرلىم باقىت جاراتۋ كەرەك. جۇڭگو جاق رەسەي جاقپەن بىرلەسكەن مەملەكەتتەر ۇيىمى سياقتى كوپ جۇلگەدە سەلبەسۋدى، سايكەسۋدى ۇزدىكسىز جيىلەتىپ، كوپ جاقتىلىقتى قورعاپ، زورەكەرلىك جانە سىڭار جاقتىلىق ارەكەتتەرگە قارسى تۇرىپ، حالىقارانىڭ ادىلدىگىن، تۋراشىلدىعىن بىرگە قورعاپ، الەمدىك جونگە سالۋدى كەمەلدەندىرۋگە، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسۋدى قالايدى.

  پۋتين مىنالاردى ءبىلدىردى: تاياۋدا رەسەي جالپى حالىقتىق داۋىسقا سالۋدا جوعارى داۋىسپەن نەگىزگى زاڭعا وزگەرىس ەنگىزۋ جوباسىن ماقۇلدادى، بۇل رەسەيدىڭ ۇزاق ۋاقىتتىق ساياسي ورنىقتىلىعىنا، مەملەكەتتىڭ يەلىك ۇقىعىن اناعۇرلىم ويداعىداي قورعاۋىنا، سىرتتىڭ كيلىگۋىنە قارسى تۇرۋىنا ءتيىمدى. رەسەي دە، جۇڭگو دا ءوز ەلىنىڭ يەلىك ۇقىق حاۋىپسىزدىگىن قاستەرلەيدى، باستان - اياق ءبىر - بىرىنە تاباندى قولداۋ كورسەتەدى، مەيلى ىندەتتىڭ ماشاقاتتى كەزىندە ءبىر - بىرىنە كومەك قولىن سوزۋى بولسىن، الدە تاياۋدا جۇڭگو حالىق ازاتتىق ارمياسى قۇرمەت قاراۋىل قوسىنىنىڭ رەسەيگە كەلىپ قىزىل الاڭدا اسكەري پاراتقا قاتىناسۋى بولسىن، تۇگەلدەي وسى ءتۇيىندى تاعى ءبىر رەت دالەلدەدى. رەسەي مەن جۇڭگو قارىم - قاتىناسى تاريحتاعى ەڭ جوعارى ورەدە تۇر. رەسەي جاق جۇڭگو جاقتىڭ شياڭگاڭ ەرەكشە اكىمشىلىك رايونىندا مەملەكەت حاۋىپسىزدىگىن قورعاۋ قۇلشىنىسىن باتىل قولدايدى، جۇڭگونىڭ يەلىك ۇقىعىن بۇلدىرەتىن ءارقانداي ارانداتۋ ارەكەتىنە قارسى تۇرادى، جۇڭگو جاقتىڭ شياڭگاڭنىڭ ۇزاق ۋاقىت گۇلدەنىپ - كوركەيۋىن جانە ورنىقتىلىعىن قورعاۋعا قابىلەتىنىڭ قاپتال جەتەتىندىگىنە سەنەدى. رەسەي جاق جۇڭگومەن بولعان قارىم - قاتىناسىن ديپلوماتياسىندا الدىمەن ويلاساتىن بەتالىس ەتىپ، جۇڭگو جاقپەن بىرگە، ەكى ەلدىڭ ءار سالاداعى ناقتى سەلبەستىگىن ۇزدىكسىز ىلگەرىلەتىپ، شاڭحاي سەلبەستىك ۇيىمى، بىرلەسكەن مەملەكەتتەر ۇيىمى سياقتى جۇلگەدە ستراتەگيالىق بايلانىستى، ىستەستىكتى كۇشەيتىپ، الەمنىڭ ستراتەگيالىق ورنىقتىلىعى مەن حاۋىپسىزدىگىن قورعاۋدى قالايدى.

  پۋتين جۇڭگونىڭ وڭتۇستىگىندەگى كوپتەگەن جەرلەردە تاسقىن، گەولوگيالىق اپات تۋىلعاندىعى جونىندە حال سۇرايتىندىعىن ءبىلدىردى، شي جينپيڭ بۇعان العىس ايتاتىندىعىن ءبىلدىردى.

جاۋاپتى رەداكتور: ءاننا اكىمقان قىزى