اۋىل ـ قىستاق ەلەكتروندىق ساۋداسى اۋىل ـ قىستاقتىڭ جاڭا قوزعاۋشى كۇشىن جانداندىردى

  تىلشىلەرىمىز تاڭ چيۇڭ، يان يۇڭحۇڭ

  ◎ 2016 - جىلدان بەرى، ەلەكتروندىق ساۋدا ىستەرى اۋىلعا، قىستاققا دەيىن جەتىپ، اۋىلعا قايتقان ستۋدەنتتەر بەلسەنە يگىلىك جاراتتى. قىستاق ەلەكتروندىق ساۋداسى ەگىنشى ـ مالشىلاردىڭ زات ساتىپ الۋى قيىن بولۋ، ستۋدەنتتەردىڭ جۇمىستانۋى قيىن بولۋ، قىستاقتىڭ ەرەكشە ونىمدەرىنىڭ جەلىگە شىعۋى قيىن بولۋ ماسەلەسىن شەشەتىن ءتيىمدى تەكشەگە اينالىپ، ءداستۇرلى ەگىن ـ مال شارۋاشىلىعى ءۇشىن جاڭا كىرىس جولىن اشتى ءارى اۋىل ـ قىستاقتى كوركەيتۋگە تىڭ قوزعاۋشى كۇش ازىرلەدى. ونان دا ماڭىزدىسى، كەدەيلىكتەن قۇتىلدىرۋدان قامال الۋدىڭ ماڭىزدى تاسىلىنە اينالدى.

  ◎ 2019ـ جىلدىڭ وزىندە امانگۇل تيانماۋ تورىنان قىستاق تۇرعىندارىنا 86 دانا زات ساتىپ الىپ بەردى. مۇنىڭ ىشىندە 8 تەلەۆيزور، 4 توڭازىتقىش، 6 كىر جۋعىش جانە 20 نەشە شاعىن وتباسى ەلەكتر جابدىعى بار. 5 ـ ايدىڭ 20 ـ كۇنى، امانگۇل قىزىل ءتۇستى جەڭىل اۆتوكولىك ساتىپ الدى. ال، بۇل شىڭگىل اۋدانى بار كۇشپەن ىلگەرىلەتكەن اۋىل ـ قىستاق ەلەكتروندىق ساۋداسىنىڭ ارقاسى.

  كاسىپ جاراتۋ قيىن، ەگىن ـ مال شارۋاشىلىق رايوندارىندا شارۋاشىلىق قۇرۋ ءتىپتى قيىن. ءبىراق، شىڭگىل اۋدانى شاعانعول اۋىلىنىڭ ساربۇلاق قىستاعىنداعى امانگۇل قاليدوللا قىزى اۋىل ـ قىستاقتاعى ەلەكتروندىق ساۋدا ارقىلى يگىلىك جاراتۋ جولىن اشتى. 2019 ـ جىلدىڭ وزىندە امانگۇل تيانماۋ تورىنان قىستاق تۇرعىندارىنا 86 دانا زات ساتىپ الىپ بەردى، مۇنىڭ ىشىندە 8 تەلەۆيزور، 4 توڭازىتقىش، 6 كىر جۋعىش جانە 20 نەشە شاعىن وتباسى ەلەكتر جابدىعى بار. 5 ـ ايدىڭ 20 ـ كۇنى، امانگۇل قىزىل ءتۇستى جەڭىل اۆتو كولىك ساتىپ الدى. ال، بۇل شىڭگىل اۋدانى بار كۇشپەن ىلگەرىلەتكەن اۋىل ـ قىستاق ەلەكتروندىق ساۋداسى دامۋىنىڭ ارقاسى.

 قاراڭىز، ساربۇلاق قىستاعىنىڭ اۋىل شارۋاشىلىعىنا تيىمدىلىك جاساۋ ەلەكتروندىق ساۋدا قىزمەت وتەۋ پۋنكتىنىڭ ساتۋدى جەدەلدەتۋ قيمىلى ءساتتى بولدى.

ساربۇلاق قىستاعى شىڭگىل اۋدان قالاشىعىنان 80 كيلومەتر قاشىقتىقتا، زات ساتىپ الۋدىڭ قيىن بولۋى قىستاق تۇرعىندارى ۇزاقتان بەرى باس اۋىرتىپ كەلگەن ماسەلە بولاتىن. 2016 ـ جىلى داشۋە بىتىرگەننەن كەيىن ورتالىق قالادان اكە ـ شەشەسىنىڭ قاسىنا قايتىپ كەلگەن امانگۇل مۇنداي تۇرمىسقا بىردەن كوندىگە المادى.

  2016 ـ جىلدىڭ سوڭىندا شىڭگىل اۋدانى مەملەكەت دارەجەلى ەلەكتروندىق ساۋدانى اۋىل ـ قىستاققا جەتكىزۋدەگى ۇلگى كورسەتەتىن اۋدان قاتارىنا كىرگىزىلدى. اۋدان بويىنشا ءاربىر اكىمشىلىك قىستاققا وپتيكالىق كابەل جالپىلاستىرۋدى ءارى اۋماعى 100 شارشى مەتر كەلەتىن اۋىل شارۋاشىلىعىنا ءتيىمدى ەلەكتروندىق ساۋدا قىزمەت وتەۋ پۋنكتى جاڭادان سالىندى. سول ءۇشىن، اۋدان ”ەلەكتروندىق ساۋدا + كەدەيلەردى سۇيەمەلدەۋ“ ساياساتىن زور كۇشپەن اتقارىپ، اليبابا قاراستىلىعىنداعى اۋىل ـ قىستاق تاۋباۋ كاسىبىن كىرگىزدى (كەيىن كەلە دارەجەسى اليبابا تيانمۋ تاڭداۋلى بۇيىمىنا وزگەردى). سونىمەن بىرگە، ساينياۋ زات جەتكىزۋ جۇيەسى قۇرىلىپ، اۋىل ـ قىستاق زات تاسىمالىنىڭ ”ەڭ سوڭعى ءبىر كيلومەترى“ ماسەلەسى شەشىلدى.

  امانگۇل، وتە جاقسى بولدى عوي، بۇل كىر جۋعىشتى ساتىپ الىپ كوڭىلىم جاي تاپتى ءارى باعاسى دا لايىقتى ەكەن.

  امانگۇل وسى ورايدى مىقتى يگەرىپ، حالىققا ءتيىمدى ەلەكتروندىق ساۋدا قىزمەت وتەۋ پۋنكتىن قۇردى. ەگىنشى ـ مالشىلاردىڭ توراپتا زات ساتىپ الۋىنا، سالەم ـ ساۋقىتتى ۋاكىلاتان تاپسىرىپ الۋىنا، ءتۇرلى بۇيىم ساتۋىنا، قۇنىن تولتىرىپ ەسەپ اۋدارۋ، باسىپ شىعارۋ، كوبەيتىپ باسۋ قاتارلىلارعا كومەكتەسىپ، كۇنى بويى ابىگەرگە ءتۇستى، كىرىسى دە ارتتى. امانگۇلدىڭ ”قىستاق تاۋباۋ دۇكەنى“ اشىلعان سوڭ قىستاق تۇرعىندارىنىڭ تور ارقىلى ساتىپ العان بۇيىمى دا بارعان سايىن كوبەيىپ، سۇيىق كريستالدى تەلەۆيزور، كىر جۋعىش، سۋ جىلتقىش، توڭازىتقىش قاتارلى وتباسى ەلەكتر جابدىقتارىن ساتىپ الدى، ءتىپتى موتوتسيكلدى ەسىك الدىنا دەيىن جەتكىزىپ بەردى.

  ـــ قىستاقتان ”تاۋباۋ دۇكەنىن“ اشۋ قىستاق تۇرعىندارىنىڭ زات ساتىپ الۋىنا قولايلى بولۋمەن بىرگە، اۋىلداستاردىڭ سۇرلەنگەن ەت، جەرگىلىكتى تاۋىق جۇمىرتقاسىن اۋدان قالاشىعىنا اپارىپ ساتىپ، كىرىسىن ارتتىرۋىنا كومەكتەستىم، بۇل دا مەنىڭ كاسىپ اشۋ ارمانىم ـ دەدى امانگۇل.

  2018 ـ جىلدىڭ سوڭىنا دەيىن شىڭگىل اۋدانى قىستاق دارەجەلى ەلەكتروندىق ساۋدا قىزمەت وتەۋ پۋنكتىنەن 48 ىن قۇرىپ، 100 گە جۋىق ادامدى كاسىپتەندىردى. ال، اۋىل ـ قىستاق ەلەكتروندىق ساۋدا قىزمەت وتەۋ پۋنكتى جۇيەسىن قۇرۋ، اۋىل ـ قىستاقتا ەلەكتروندىق ساۋدا كۋرسىن اشۋ، اۋىل شارۋاشىلىق ونىمدەرىن كورمەگە قويىپ ساتۋ ورتالىعىن قۇرۋ، اۋىل شارۋاشىلىق ونىمدەرىنىڭ ەلەكتروندىق ساۋدا تەكشەسىن قۇرۋ ـــ شىڭگىل اۋدانىنداعى دۋمۋرىن ەلەكتروندىق ساۋدا قىزمەت وتەۋ شەكتى سەرىكتەستىگىنىڭ نەگىزگى كاسىبى. 2017 ـ جىلدان بەرى، بۇل سەرىكتەستىك 30 نەشە مايدان (رەت) ەلەكتروندىق ساۋداعا قاتىستى كۋرس اشىپ، 3100 دەن استام ادام (رەت) كۋرسانت تاربيەلەدى. كۋرسانت تاربيەلەۋ كولەمى: پارتيالى كادرلار، كەدەي وتباسى، جەكەشە ونەركاسىپشىلەر مەن ساۋداگەرلەر، كووپەراتيۆ مۇشەلەرى، كاسىپورىن قىزمەتكەرلەرى، اۋىلعا قايتقان جوعارى، ورتا تەحنيكۋم بىتىرگەن وقۋشىلار، ستۋدەنت ەرىكتىلەرى، ت.ب. وسىلايشا، شىڭگىل اۋدانىندا اۋىل ـ قىستاق ەلەكتروندىق ساۋداسىنىڭ بىرتىندەپ كەمەلدەنۋىنە ادام كۇشى بايلىعىن دايارلادى.

 شىڭگىل اۋدانىنداعى دۋمۋرىن ەلەكتروندىق ساۋدا شەكتى سەرىكتەستىگىنىڭ قىزمەتكەرى ۋاڭ ليحۋا ساياحاتشىلارعا جەرگىلىكتى ەرەكشە ەگىن، مال شارۋاشىلىق ونىمدەرىن تانىستىرۋدا.

  ـــ تىكە تاراتۋدا زات ساتۋ كەزەكتەگى ەڭ دۋماندى ەلەكتروندىق ساۋدانىڭ جاڭا فورماسى، اسىرەسە، جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن كاسىپورىندار مەن ساۋداگەرلەر ارت ـ ارتىنان تىكە تاراتۋدا زات ساتۋ ۇلگىسى ارقىلى تيجارات قىسىمىن جەڭىلدەتىپ، جەلىدە جانە جەلىدەن تىسقارى كەڭىستىك ارالىعىن اناعۇرلىم قىسقارتتى. سونىمەن بىرگە، كوپتەگەن ناقتى دۇكەننىڭ ”جەلىدە +“ دامۋ جولىمەن ءجۇرۋىن جەبەدى ـ دەدى شىڭگىل اۋدانىنداعى جالعىز كوز ەلەكتروندىق ساۋدا قىزمەت وتەۋ شەكتى سەرىكتەستىگىنىڭ جاۋاپتىسى چۇي شاۋفي تىكە تاراتۋدا زات ساتۋ تەكشەسىندە تىلشىگە.

  بيىل 40 جاستاعى چۇي شاۋفي داشۋە بىتىرگەننەن كەيىن ينتەرنەت قىزمەتىمەن اينالىسقان. 2016 ـ جىلى 12 ـ ايدا جالعىز كوز ەلەكتروندىق ساۋدا قىزمەت وتەۋ شەكتى سەرىكتەستىگىنە بارىپ، شىڭگىل اۋداندىق ەلەكتروندىق ساۋدا الەۋمەتتىك قىزمەت وتەۋ ورتالىعى قۇرىلىسىن سالۋ جانە الەۋمەتتىك قىزمەت وتەۋ ورتالىعى جۇيەسىن، اۋدان كولەمىندە الەۋمەتتىك قىزمەت وتەۋ ماركا جۇيەسىن قۇرۋ قىزمەتىن ۇستىنە الدى.

  بۇل سەرىكتەستىك جەرگىلىكتى كاسىپورىندارمەن بەلسەنە سەلبەسىپ، كاسىپورىنداردىڭ وزەكتى ونىمدەرىن تاڭداپ، يوۋزان، تاۋباۋ، جيڭدۇڭ، يوۋلياڭ، ءۇنحات، ميكرو دۇكەن، ”1688“ قاتارلى ءىرى تۇرپاتتى توراپ تەكشەلەرى ارقىلى شىڭگىل اۋدانىنىڭ اۋىل شارۋاشىلىق ەرەكشە ءونىمىن توراپتا ساتىپ، جەلىدە شىرعاناق، شەكىلدەۋىك، قاراقاتتى نەگىز ەتتى، مۇنىڭ ىشىندە شىرعاناق شىرىنى، جەمىس ۆاريناسى، جەمىس مايى، ءدان مايى، توڭازىتىپ قۇرعاتىلعان تالقان، شىرعاناق شايى، شىرعاناق اراعى، جەمىس قاعى قاتارلى 9 ۇلكەن جەلىلەس ءونىم تۇگەلدەي جەلىگە شىعارىلىپ، ”شىڭگىل“ ماركاسىن كۇش سالا جاراتتى. 2019 ـ جىلى جەلىدەگى بولشەك ساتۋ سوماسى 3 ميلليون 100 مىڭ يۋان بولدى، مۇنىڭ ىشىندە شىرعاناق ءونىم ٴتۇرىنىڭ سالىستىرماسى %80 تەن استى.

  شالعاي بولۋ ـــ شەكارا، شالعاي رايونداردىڭ زات اينالىمىندا اينالىپ وتە المايتىن تابالدىرىق. سوندىقتان، بۇل سەرىكتەستىك 2017 ـ جىلى 11 ـ ايدا شانشي ولكەسىنىڭ شيانياڭىندا شىڭگىل اۋدانىنىڭ قامبالاستىرۋى ءبىر تۇلعالانعان قىزمەت وتەۋ ورتالىعىن قۇرىپ، ەڭ كوپ بولعاندا شىرعاناق شىرىنى قاتارلى تاۋاردان 50 مىڭ جاشىك ساقتاپ، ەلىمىزدىڭ جەر ـ جەرىنە 3 تە 4 كۇندە جەتكىزدى، ۋاقىت ونىمدىلىگى %50 جوعارىلادى، تەز جەتكىزۋدىڭ وزىندىك قۇنى %30 تە %50 ۇنەمدەلدى. ايتا كەتۋگە تاتيتىنى، قامبالاستىرۋى ءبىر تۇلعالانعان وسى قىزمەت وتەۋ ورتالىعى شىڭگىل اۋدانىنىڭ جەرگىلىكتى ەگىن ـ مال شارۋاشىلىق ەرەكشە ونىمدەرى كاسىپورىندارىنىڭ ءونىمىن ساقتاۋىنا، باسقارۋىنا تەگىن بەرىلدى. 2019 ـ جىلى 6 ـ ايعا دەيىن قامبالاستىرۋى ءبىر تۇلعالانعان قىزمەت وتەۋ ورتالىعىنا 5 كاسىپورىن ىرگە تەپتى.

  كوزقاراستا بۇرىلىس جاساۋ ـــ جەرگىلىكتى كاسىپورىننىڭ جەلىدە ساتۋ ىستەرىن دامىتۋداعى ماڭداي الدى مىندەت. 2016 ـ جىلى شىڭگىل اۋدانىنداعى ايگىلى كاسىپورىن شينجياڭ حۇيحۋا شىرعاناق بيو عىلىم ـ تەحنيكا شەكتى سەرىكتەستىگى ەلەكتروندىق ساۋدا ىستەرى ءبولىمىن قۇرىپ، ءوزىنىڭ ۇكىمەت تورىن تىركەۋگە الدىرۋمەن بىرگە، ”1688“، تاۋباۋ، ونەركاسىپ ـ ساۋدا بانكەسىنىڭ، اۋىل شارۋاشىلىق بانكەسىنىڭ توراپ بەكەتتەرىندە دۇكەن اشىپ ونىمدەرىن كورمەگە قويدى.

  شينجياڭ حۇيحۋا شىرعاناق بيو عىلىم ـ تەحنيكا شەكتى سەرىكتەستىگى ەلەكتروندىق ساۋدا ىستەرى ءبولىمىنىڭ ديرەكتورى زو بو بىلاي دەدى: سەرىكتەستىك ەلەكتروندىق ساۋدا كاسىبىن ورىستەتكەننەن بەرى، كوپتەگەن الارماندى باۋرادى، 2019 ـ جىلعى ساۋدا سوماسى 2 ميلليون يۋاننان استى.اۋدارعان ساعىنبەك رابات ۇلى

  اقپاراتتىق باعام

  اۋىل ـ قىستاق ەلەكتروندىق ساۋداسىنىڭ كەلەشەگى نۇرلى

  4 ـ ايدىڭ 25 ـ كۇنى، ايماقتاعى 6 اۋدان، ءبىر قالا، ءبىر كورىنىس رايونىنداعى ”ۇكىمەت جارشىسى“ تۇڭعىش رەت ”مەملەكەت بويىنشا 100 اۋدان اكىمىنىڭ اۋىل شارۋاشىلىعىنا مەيىر باعىشتاۋ تىكە تاراتۋدا زات ساتۋ Q جينالىسىنىڭ التاي بولىمشە مايدانىنداعى“ تىكە تاراتۋ قيمىلىنا قاتىناستى. تىكە تاراتۋدا زات ساتۋ قيمىلىندا گىباۋ قىزىل كەندىرى، نوگان ىرىمشىگى، ءىرى جەمىستى شىرعاناق تالقانى، ”يۋان ـ يكاڭ“ ورگانيكالىق كەسپەسى، ”حيپاڭنيۋ“ شەكىلدەۋىگى، قاراقات پراندىگى، شىرعاناق قاتارلى التايدىڭ ايگىلى، ەرەكشە ونىمدەرى ساتىلدى. جەمەنەي اۋدانىنىڭ ەرەكشە ءونىمى ـــ ”يۋان ـ يكاڭ“ ورگانيكالىق كەسپەسىنىڭ ساتىلىم سوماسى 40 نەشە مىڭ يۋانعا جەتتى.

  2016 ـ جىلدان بەرى، ەلەكتروندىق ساۋدا ىستەرى اۋىلعا، قىستاققا دەيىن جەتىپ، اۋىلعا قايتقان ستۋدەنتتەر بەلسەنە يگىلىك جاراتىپ، قىستاق ەلەكتروندىق ساۋداسى ەگىنشى ـ مالشىلاردىڭ زات ساتىپ الۋى قيىن بولۋ، ستۋدەنتتەردىڭ جۇمىستانۋى قيىن بولۋ، قىستاقتىڭ ەرەكشە ونىمدەرىنىڭ جەلىگە شىعۋى قيىن بولۋ ماسەلەسىن شەشەتىن ءتيىمدى تەكشەگە اينالىپ، ءداستۇرلى ەگىن ـ مال شارۋاشىلىعى ءۇشىن جاڭا كىرىس جولىن اشتى ءارى اۋىل ـ قىستاقتى كوركەيتۋگە تىڭ قوزعاۋشى كۇش ازىرلەدى. ونان دا ماڭىزدىسى، كەدەيلىكتەن قۇتىلدىرۋدان قامال الۋدىڭ ماڭىزدى تاسىلىنە اينالدى.

  قازىرگى تىكە تاراتۋدا زات ساتۋ قىزبا تۇيىنگە اينالعانىمەن، جەلىدە ساتۋ ءتاسىلىنىڭ جاڭالانۋى تەز بولىپ، تۇتىنۋشىلاردى ەڭ باۋرايتىنى ءونىم ساپاسى. سوندىقتان، اۋىل ـ قىستاق ەلەكتروندىق ساۋداسىن دامىتۋدا ”توردا قاجەتتى مە“، ونان دا ماڭىزدىسى، ”اتىزىڭا، قورا ـ جايىڭا“ قاراپ، ەرەكشە بايلىقتى تياناق ەتىپ، ەگىنشى ـ مالشىلاردى “نەنى ەگۋگە”، “نەنى باعۋعا” باستاۋ قاجەت. مۇنداعى ماڭىزدى ءتۇيىن ولشەمدەنگەن، كولەمدەنگەن ءوندىرىستى بىرتىندەپ جالپىلاستىرىپ، كاسىپورىنداردىڭ كاسىپ تىزبەگىمەن ۇشتاستىرۋ كەرەك. سونىمەن بىرگە، جەرگىلىكتى كاسىپورىندار جەلىدە ساتۋ ۇگىتىنىڭ ۇلاسپالىلىعىنا ءمان بەرىپ، ساپالى قوراپتاپ، جاڭا ونىمدەردى زەرتتەپ اشىپ، ونىمدەردىڭ كوپ نەگىزدەنۋىن جەبەپ، ەگىن ـ مال شارۋاشىلىق ەرەكشە ونىمدەرىن ينتەرنەتپەن ىشكەرىلەي توعىستىرۋ كەرەك. ەندى ءبىر جاعىنان، بۇكىل قوعامدى الەۋمەتتىك ماركا تانىمىن ورناتۋعا جۇمىلدىرىپ، اقپارات قۇرالدارىنان تولىق پايدالانىپ، كەڭ كولەمدە تانىستىرىپ، اۋقىم قالىپتاستىرىپ، اۋىل ـ قىستاق دامۋىنىڭ جاڭا قوزعاۋشى كۇشىن جارىققا شىعارۋ كەرەك.

  كەلەشەگى زور. بيىل 5 ـ ايدىڭ 7 ـ كۇنى، اۋىل شارۋاشىلىعى، اۋىل ـ قىستاق مينيسترلىگى ”ينتەرنەت +“ اۋىل شارۋاشىلىق ونىمدەرىن قىستاقتان قالاعا كىرگىزۋ ينجەنەرياسىن تۇيىندە سىناق ەتۋ قىزمەتىن ورىستەتۋدى ۇيعاردى ءارى «”ينتەرنەت +“ اۋىل شارۋاشىلىق ونىمدەرىن قىستاقتان قالاعا كىرگىزۋ ينجەنەرياسىن تۇيىندە سىناق ەتۋ قىزمەتى جوباسىن» جاسادى. «جوبادا» مىنالار ايقىن اتاپ كورسەتىلدى: كەدەي رايونداردى، ەرەكشە اۋىل شارۋاشىلىق ونىمدەرى ابزال رايونىن قامتىعان 100 اۋداندى الدىمەن تاڭداپ الىپ، سىناق جاساپ، اۋدان دارەجەلى اۋىل شارۋاشىلىق ونىمدەرىن كاسىپ سالالاندىرىپ ىسكە قوسۋ تۇلعالارىن جەتىلدىرۋ؛ اينالىم سۋبيەكتىن وزەك ەتىپ، ساپالى، ەرەكشە اۋىل شارۋاشىلىق ونىمدەرىمەن قامداۋ تىزبەگىن قۇرۋ؛ اۋىل شارۋاشىلىق ونىمدەرىن توراپتا ساتۋعا ۇيلەسەتىن تيجارات قىزمەت وتەۋ جۇيەسىن قۇرۋ؛ ءونىمدى تىرەكتىك قامتاماسىزداندىرۋ جۇيەسىن قۇرۋ كەرەك. اۋىل شارۋاشىلىق ونىمدەرىنىڭ ساپا حاۋىپسىزدىگىن باقىلاپ ـ باسقارۋدى كۇشەيتىپ، اۋىل شارۋاشىلىق ونىمدەرىنىڭ تۇتاس كاسىپ تىزبەگىنىڭ ولشەم جۇيەسىن قۇرىپ، اۋدان كولەمىندەگى ساپالى، ەرەكشە اۋىل شارۋاشىلىق ونىمدەرىنىڭ ءىرى ساندى مالىمەتىن قۇرۋ. 2021 ـ جىلدىڭ سوڭىندا تۇيىندە سىناق ەتۋ قۇرىلىسى مىندەتىن نەگىزىنەن ورىنداپ بولۋ. تۇيىندە سىناق ەتۋ ارقىلى جەر ـ جەردىڭ ءىس جۇزىندىگىنە ۇيلەسەتىن، كوشىرىپ قولدانۋعا، جالپىلاستىرۋعا بولاتىن ءبىر توپ ىلگەرىلەتۋ ۇلگىسى مەن ولشەمدى جۇيەنى قالىپتاستىرۋ جونىندە ىزدەنىس جاساپ، بۇكىل ەلگە جالپىلاستىرۋ جانە قولدانۋ كەرەك.

جاۋاپتى رەداكتور: ءاننا اكىمقان قىزى