اۆتونوميالى رايوندىق 13 - كەزەكتى حالىق ۇكىمەتى 94 - رەتكى ۇنەمىلىك ىستەر ءماجىلىسىن اشتى

  گازەتىمىزدىڭ جالپىلىق اقپارات قۇرالدارى ءتىلشىسى لي ياڭ 7 - ايدىڭ 7 - كۇنى ۇرىمجىدەن حابارلايدى. 7 - ايدىڭ 7 - كۇنى تۇستەن كەيىن اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق 13 - كەزەكتى حالىق ۇكىمەتىنىڭ 94 - رەتكى ۇنەمىلىك ىستەر ءماجىلىسىن باسقارىپ اشىپ، ايدىنكولدىڭ ەكولوگيالىق ورتاسىن قالپىنا كەلتىرۋدى، وڭاۋدى ىلگەرىلەتۋ، شينجياڭنىڭ جەمىس ورمانى ونىمدەرىن جىنتىكتەپ مانەرلەۋ كاسىبىنىڭ دامۋىن جەدەلدەتۋ سياقتى قىزمەتتەردى اقىلداستى.

  ءماجىلىس مىنالاردى اتاپ كورسەتتى: 2016 - جىلى تۇرپان ايدىنكول مەملەكەتتىك سازدىق باقشاسىنىڭ سىناق ءتۇيىنى قىزمەتى ورىستەتىلگەننەن بەرى، رايونىمىز ەكولوگيانى قورعاۋدىڭ، وڭاۋدىڭ ءبىر توپ نىسانىن اتقارىپ، ايدىنكولدىڭ ەكولوگيالىق ورتاسىن ءونىمدى قالپىنا كەلتىردى. شي جينپيڭنىڭ ەكولوگيالىق وركەنيەت يدەياسىن باتىل دايەكتىلەندىرىپ، جاڭا دامۋ ۇستانىمىنا تاباندى بولىپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، ايدىنكولدىڭ ەكولوگيالىق جۇيەسىن قالپىنا كەلتىرۋ، وڭاۋ ينجەنەرياسىن ۇزدىكسىز ىلگەرىلەتىپ، كول ايدىنىنىڭ بىرتىندەپ كەڭەيۋىنە، سازدىقتىڭ يقۋاتىنىڭ بىرتىندەپ قالپىنا كەلۋىنە، وڭىرلىك ەكولوگيانىڭ وزدىگىنەن قالپىنا كەلۋ قابىلەتىنىڭ بىرتىندەپ كۇشەيۋىنە شىنايى كەپىلدىك ەتىپ، وزەندەردىڭ، كولدەردىڭ ۇزاق ۋاقىت تۇنىق بولۋىن جانە جاسىل دامۋىن قۇلشىنا جۇزەگە اسىرۋ كەرەك. «ايدىنكولدىڭ ەكولوگياسىن قورعاۋ، وڭاۋ جوباسىن» ۇزدىكسىز اتقارىپ، «ايدىنكول سازدىعىن قورعاۋدىڭ جانە قالپىنا كەلتىرۋدىڭ جالپى تۇلعالىق جوباسىن» ۇيلەسىمدى جاساپ، ارناۋلى قاراجاتتىق قولداۋدى بەلسەندىلىكپەن قولعا كەلتىرىپ، سازدىقتى قورعاۋ جانە جەتىلدىرۋ، سازدىقتى قالپىنا كەلتىرۋ، عىلمي زەرتتەۋ جۇرگىزۋ، باقىلاۋ - ولشەۋ، عىلىم جالپىلاستىرۋ ۇگىتى، بايلىق تەكسەرۋ سياقتى قىزمەتتەردى عىلمي دا ءتارتىپتى ورىستەتۋ كەرەك. وزەن، كول باستىعى ءتۇزىمىن جالپى بەتتىك تياناقتاندىرىپ، «ايدىنكول 3 جىلدىق رەتتەۋ - وڭاۋ ارناۋلى ارەكەت جوباسىن» ىشكەرىلەي اتقارىپ، ماسەلەنى باعدار ەتۋدەن جازباي، جاۋاپكەرشىلىك تىزىمدىگىن ايقىنداپ، كورنەكتى ماسەلەلەردى رەتتەۋ - جونگە سالۋ كەرەك. سۋ بايلىعىن باسقارۋ مەن قورعاۋدى ءبىر تۇتاس جوسپارلاپ، الاپ سۋىنىڭ ەكولوگياسىن قالپىنا كەلتىرۋدى مىقتاپ يگەرىپ، اۋىل شارۋاشىلىعىندا سۋدى ۇنەمدەۋدى زور كۇشپەن ىلگەرىلەتىپ، سۋ ورتاسىنىڭ ساپاسىنا باقىلاۋ - ولشەۋ ورىستەتىپ، الاپ سۋىنىڭ ەكولوگياسىن قورعاۋعا، ەكولوگياسىن قالپىنا كەلتىرۋگە عىلمي تىرەك ازىرلەۋ كەرەك. قاراستى جەر باسقارۋ جاۋاپكەرشىلىگىن تياناقتاندىرىپ، تاراۋلاردىڭ سايكەستىگىن، سەلبەستىگىن كۇشەيتىپ، قىزمەت بىرىككەن كۇشىن قالىپتاستىرىپ، ايدىنكول الابىنىڭ ەكولوگيالىق ورتاسىنىڭ اناعۇرلىم تاماشا بولۋىن، وزەن، كول ايدىندارىنىڭ ۇزدىكسىز جاقسارۋىن جەبەۋ كەرەك.

  ءماجىلىس مىنالاردى اتاپ كورسەتتى: جەمىس ورمانى ونىمدەرىن جىنتىكتەپ مانەرلەۋ كاسىبىنىڭ دامۋىن جەدەلدەتۋ رايونىمىزدىڭ اۋىل شارۋاشىلىق كاسىپ سالاسىنىڭ ۇستەمە قۇنىن ارتتىرۋ، بازارداعى باسەكەلىك قۋاتىن كۇشەيتۋ، شارۋالاردىڭ كىرىسىنىڭ ۇزدىكسىز ارتۋىن جەبەۋ جونىنەن ماڭىزدى مانگە يە. جەمىس ورمانى بازالارىن ولشەمدەندىرۋ قۇرىلىسىن جەدەل ىلگەرىلەتىپ، ءبىر توپ ەرەكشەلىگى ايقىن، سەپتەلۋى كەمەلدى ەرەكشە جەمىس ورمانى ونىمدەرىن مانەرلەۋ شوعىرلانعان اۋماقتاردى ۇيلەسىمدى ورنالاستىرۋ كەرەك. باستاماشى كاسىپورىنداردى زور كۇشپەن جەتىلدىرىپ، كۇشەيتىپ، تەحنيكا زەرتتەپ اشۋ ورتالىعىن قۇرىپ، جىنتىكتەپ مانەرلەۋ ورەسىن جوعارىلاتۋ كەرەك. ”باستاماشى كاسىپورىن + سەلبەستىك كووپەراتيۆ + شارۋا وتباسى“ سياقتى تيجارات ۇلگىلەرىن جالپىلاستىرىپ، سۋىق تىزبەكپەن جەتكىزۋ، قامبادا ساقتاۋ، زات اينالىمى قۇرىلىسىن جەدەلدەتىپ، وندىرىلگەن جەرگە جاقىن ماڭدا باستاپقى قادامدا مانەرلەۋدى ىلگەرىلەتۋ كەرەك. ءىرى ساندى مالىمەت، زات ينتەرنەتى، چۇيكۋايليان، 5G سياقتى جاڭا تەحنيكالاردىڭ جەمىس ورمانى ونىمدەرىن مانەرلەۋ كاسىپ سالاسىندا قولدانىلۋىن بەلسەندىلىكپەن ىلگەرىلەتىپ، جەمىس ورمانى ونىمدەرىن جىنتىكتەپ مانەرلەۋ كاسىپ سالاسى باقشاسىنىڭ نەگىزدىك قۇرىلعى جانە الەۋمەتتىك قىزمەت وتەۋ تۇعىرى قۇرىلىسىن كۇشەيتىپ، شينجياڭعا باعىتتامالى كومەكتەسەتىن ولكە، قالالارمەن سەلبەستىك، اۋىس - كۇيىس ورىستەتۋ كەرەك. قازىنالىق قولداۋ تەبىنىن ارتتىرىپ، ءتيىمدى ساياساتتاردى جالپى بەتتىك تياناقتاندىرىپ، فينانستىق قىزمەت وتەۋدە جاڭالىق اشىپ، جەمىس ورمانى ونىمدەرىن مانەرلەۋ كاسىبىنىڭ دامۋىن جەبەۋگە پارمەندى قولداۋ كورسەتۋ كەرەك.

  ءماجىلىس باسقا دا ىستەردى اقىلداستى.

جاۋاپتى رەداكتور: ءاننا اكىمقان قىزى