رايونىمىز جاراتىلىستىق قورعاۋ وڭىرلەرى جۇيەسى قۇرىلىسىن ىلگەرىلەتتى

 مەملەكەت باقشاسىن نەگىزگى تۇلعا ەتىپ

  رايونىمىز جاراتىلىستىق قورعاۋ وڭىرلەرى جۇيەسى قۇرىلىسىن ىلگەرىلەتتى

  گازەتىمىزدىڭ جالپىلىق اقپارات قۇرالدارى ءتىلشىسى ليۋ شياڭ 6 - ايدىڭ 29 - كۇنى ۇرىمجىدەن حابارلايدى. تاياۋدا اۆتونوميالى رايوندىق پارتكوم كەڭسەسى، اۆتونوميالى رايوندىق حالىق ۇكىمەتى كەڭسەسى «اۆتونوميالى رايوننىڭ <مەملەكەت باقشاسىن نەگىزگى تۇلعا ەتكەن جاراتىلىستىق قورعاۋ وڭىرلەرى جۇيەسىن قۇرۋ جونىندەگى جەتەكشى پىكىردى> دايەكتىلەندىرۋ، تياناقتاندىرۋ تۋرالى اتقارۋ پىكىرىن» (قىسقارتىلىپ «اتقارۋ پىكىرى» دەلىندى) باسىپ تاراتتى.

  عىلمي تۇرگە ايىرىلعان، ۇيلەسىمدى ورنالاستىرىلعان، پارمەندى قورعالاتىن، ءونىمدى باسقارىلاتىن مەملەكەت باقشاسىن نەگىزگى تۇلعا ەتكەن جاراتىلىستىق قورعاۋ وڭىرلەرى جۇيەسىن جەدەل قۇرۋ رايونىمىزدىڭ ماڭىزدى جاراتىلىستىق ەكولوگيالىق جۇيەلەرىنىڭ، جاراتىلىستىق جۇرتتاردىڭ، جاراتىلىستىق كورىنىستەردىڭ جانە ورگانيزمدەردىڭ الۋان تۇرلىلىگىنىڭ قورعالۋىنا شىنايى كەپىلدىك ەتىپ، جىبەك جولى ەكونوميكالىق بەلدەۋى وزەكتى رايونىنىڭ ەكولوگيالىق قالتقىسىن قۇرىپ، اسپانى اشىق، جەرى جاسىل، سۋى تۇنىق كورىكتى شينجياڭ قۇرىلىسىن ىلگەرىلەتۋدە كەلەلى ماڭىزعا يە.

  «اتقارۋ پىكىرىندە» 3 كەزەڭدىك نىسانا العا قويىلدى: 2020 - جىلى ءار ءتۇرلى جاراتىلىستىق قورعاۋ وڭىرلەرىنىڭ جالپىلىق ورنالاسۋى مەن دامۋ جوباسىن العا قويىپ، مەملەكەتتىڭ جاراتىلىستىق قورعاۋ وڭىرلەرىن تۇرگە، دارەجەگە ءبولىپ باسقارۋ ءتۇزىلىسىن تياناقتاندىرۋ؛ 2025 - جىلعا دەيىن مەملەكەت باقشاسىن نەگىزگى تۇلعا ەتكەن جاراتىلىستىق قورعاۋ وڭىرلەرى جۇيەسىن العاشقى قادامدا قۇرۋ؛ 2035 - جىلعا دەيىن جاراتىلىستىق قورعاۋ وڭىرلەرىن باسقارۋ رولىن جانە ەكولوگيالىق ونىمدەرمەن قامداۋ قابىلەتىن كورنەكتى تۇردە ءوسىرىپ، مەملەكەت باقشاسىن نەگىزگى تۇلعا ەتكەن جاراتىلىستىق قورعاۋ وڭىرلەرى جۇيەسىن قۇرۋ.

  «اتقارۋ پىكىرىنە» ساي، مەملەكەت بەلگىلەگەن جاراتىلىستىق قورعاۋ وڭىرلەرىن تۇرگە ءبولىپ بەكىتۋ ولشەمى بويىنشا، اۆتونوميالى رايونداعى قازىرگى بار جاراتىلىستىق قورىق، ايگىلى كورىنىس وڭىرلەرى، گەولوگيالىق باقشا، ورمان باقشاسى، سازدىق باقشاسى، ءشول باقشاسى سياقتى جاراتىلىستىق قورعاۋ وڭىرلەرى سالالانىپ، ەكولوگيالىق قۇنى مەن قورعاۋ كۇشەمەلىلىگىنىڭ جوعارى - تومەندىگىنە قاراي، مەملەكەت باقشاسى، جاراتىلىستىق قورىق، جاراتىلىستىق باقشا سىندى ءۇش ۇلكەن تۇرگە رەتتەلىپ جيناقتالادى. مەملەكەت باقشاسىن نەگىزگى تۇلعا، جاراتىلىستىق قورىقتى نەگىز، ءار ءتۇرلى جاراتىلىستىق باقشانى تولىقتاۋشى ەتكەن جاراتىلىستىق قورعاۋ وڭىرلەرىن تۇرگە ءبولۋ جۇيەسى بىرتىندەپ قالىپتاسادى.

جاۋاپتى رەداكتور: ءاننا اكىمقان قىزى