دۋان - ۋ دەمالىسى كەزىندە شينجياڭ قابىلداعان ساياحاتشى سانى %26.88 ارتتى

  گازەتىمىزدىڭ جالپىلىق اقپارات قۇرالدارى تىلشىلەرى ياۋ گاڭ، رىن جياڭ 6 - ايدىڭ 27 - كۇنى ۇرىمجىدەن حابارلايدى. 3 - جاقتىڭ ساياحات ساناعى ۇلكەن ساندى مالىمەت تۇعىرى جانە ۇلگى الىپ تەكسەرۋ ارقىلى جاساعان مەجەلەۋىنە نەگىزدەلگەندە، بيىل دۋان - ۋ دەمالىسى كەزىندە شينجياڭ قابىلداعان جالپى ساياحاتشى 4 ميلليون 876 مىڭ ادام - رەت بولىپ، سايكەس مەزگىلدەگىدەن %26.88 ارتقان؛ ساياحات كىرىسى 3 ميلليارد 485 ميلليون يۋانعا جەتكەن.

  6 - ايدىڭ 24 - كۇنى كەشتە پويەزدىڭ گۋدوك داۋىسىنا ىلەسە، 2374 ساياحاتشى دۋان - ۋ قىسقا دەمالىسى ساياحاتىن باستادى، سول كۇنى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى ۇرىمجىدەن قۇمىل، التاي، قۇلجا سياقتى باعىتتارعا 5 كەزەك ارناۋلى پويەز قاتىناتتى.

  دۋان - ۋ دەمالىسى كەزىندە شينجياڭنىڭ جەر - جەرى بايلىق ابزالدىلىعىن تولىق ساۋلەلەندىرىپ، ەرەكشەلىكتى كورنەكتىلەندىرىپ، ساياحات ونىمدەرىمەن قامداۋدى كەڭەيتىپ، مازمۇنى مول، ەرەكشەلىگى كورنەكتى ءبىر قىدىرۋ مادەنيەت ساياحات قيمىلىن ورىستەتتى.

  جاياۋ ءجۇرۋ سپورتى، تاس سۋرەت جاساۋ، DIY تاڭعى اسى، جۇلدىزدى كەشتە دالادا تۇنەۋ... نارات كورىنىس ءوڭىرى العا قويعان ءبىر قىدىرۋ قيمىلدار ساياحاتشىلاردىڭ قىزۋ ىنتاسىن قوزعادى. قياق كۇرىش جەۋ، ءان - ءبي كونسەرتىن كورۋ، ايداعارشا قايىق جارىسى... وڭتۇستىك، سولتۇستىك شينجياڭنىڭ جەر - جەرىندە دەمالىس مەزگىلىندە كەم بولسا بولمايتىن نومىرلەرگە اينالدى. كەشتە اشەكەيلى شام جارقىراي ساۋلە شاشقاندا، قالىڭ ساياحاتشى حوتان كەشكى بازارىنا كەلىپ، ەرەكشە تۇسكە يە ايران قوسقان قياق كۇرىش، قاربىز - كەپتەر سورپاسى، ەرەكشە قاقتاعان جۇمىرتقا سياقتى ءدامدى تاعامداردان ءدام تاتتى، كەشكى بازاردا تولاسسىز كوتەرىلگەن داۋىستار مەن ساياحاتشىلاردىڭ دۋماندى كۇلكى ۇندەرى ءبىر - بىرىنە توعىسىپ كەتتى. 6 - ايدىڭ 25 - كۇنى دۋماندى ايداعارشا قايىق جارىسى يەڭەسار اۋدانىنىڭ بەيحۋىندا شىمىلدىعىن اشتى. 6 ۋاكىلدەر قۇراماسى تولقىن جارا، ءبىرىن - ءبىرى وكشەلەپ العا زىمىراعاندا، ساياحاتشىلار جاعادا جارىسقا قاتىناسقان قۇرامالار ءۇشىن شابت بەرىپ، قايرات قوسىپ، جارىستى قىزدىردى.

  دۋان - ۋ دەمالىسى كەزىندە بۇكىل شينجياڭنىڭ جەر - جەرى 180 نەشە ءتۇرلى مادەنيەت ساياحات قيمىلىن ورىستەتتى، جۇڭحۋانىڭ تاڭداۋلى ءداستۇرلى مادەنيەتىن ساۋلەلەندىرگەن ءتۇرلى دۋان - ۋ حالىقتىق سالت - سانا قيمىلدارى ساياحاتشىلاردىڭ ىقىلاستى قارسى الۋىنا يە بولدى، ءوز كولىگىمەن ساياحاتتاۋ، جەمىس ءۇزۋ - كوكونىس الۋ ساياحاتى، اۋىل - قىستاق ساياحاتى سياقتىلار دا ساياحاتشىلاردى بارىنشا باۋرادى.

جاۋاپتى رەداكتور: ءاننا اكىمقان قىزى