ساياحات تۇسەلحانالارىنا جەلىدە ارناۋلى قىزمەتكەر قابىلداۋ جينالىسى وتكىزىلدى

  گازەتىمىزدىڭ جالپىلىق اقپارات قۇرالدارى ءتىلشىسى لي چۇنشيا 6 - ايدىڭ 27 - كۇنى ۇرىمجىدەن حابارلايدى. جۇمىستاندىرۋدى ورنىقتىرۋ قىزمەتىن تىڭعىلىقتى ىلگەرىلەتىپ، رايونىمىزدىڭ ساياحات دارىندىلارىنىڭ اۋىس - كۇيىس جاساۋ تەكشەسىن قۇرىپ، ساياحاتقا قاتىستى ماماندىقتاردان وقۋ بىتىرگەن وقۋشىلاردىڭ ەرتەرەك جۇمىستانۋىن جەبەۋ ءۇشىن، ”100 كۇندە ميلليون ادامدى جەلىدە قابىلداۋ ارناۋلى ارەكەتى“ شينجياڭ بولىمشە جيىن الاڭى ساياحات تۇسەلحانالارىنا جەلىدە ارناۋلى قىزمەتكەر قابىلداۋ جينالىسى 6 - ايدىڭ 19 - كۇنىنەن 30 - كۇنىنە دەيىن وتكىزىلەدى.

  وسى رەتكى قىزمەتكەر قابىلداۋ جينالىسىن اۆتونوميالى رايوندىق الەۋمەتتىك جۇمىستاندىرۋعا قىزمەت وتەۋ ورتالىعى وتكىزدى، جالپى 200دەن استام كاسىپورىن، ءىسورىندار جينالىسقا قاتىناسىپ، 570تەن استام جۇمىس ورنىمەن قامداپ، 1500دەن استام قىزمەتكەر قابىلدادى. قىزمەتكەر قابىلداعان ورىندار، باستىسى، ساياحات كورىنىس وڭىرلەرى، ساياحات تيجاراتى، تۇسەلحانا، اس - سۋ، ەرەكشە ونىمدەردى ساتۋ سياقتى ساياحاتقا قىزمەت وتەۋ، ساياحات مادەنيەتى كاسىپورىندارى بولدى. قابىلدايتىن جۇمىس ورىندارىنان، باستىسى، ونىمدەردى جوسپارلاۋ - ورنالاستىرۋ، ساياحات ونىمدەرىن ساتۋ، ساياحات كاسسىرى، ساياحات اقىلشىسى، قاريدارلار ديرەكتورى، جەلىدە جالپىلاستىرۋدى باسقارۋشى، قوناق بولمە قىزمەتكەرى، قوناق كۇتۋشى، ىشكى قىزمەتكەر، ساتۋشى سياقتىلار بار.

  ”ءبىز مادەنيەت - ساياحات تاراۋلارىمەن، ساياحات سەرىكتەستىكتەرىمەن، سونداي - اق ءارقايسى ايماق، وبلىس، قالالارمەن بەلسەندىلىكپەن بايلانىس جاساپ، جۇمىس ورىندارى ينفورماتسيالارىن كەڭ كولەمدى تاۋىپ، جيناقتاپ، اۆتونوميالى رايونىمىزداعى ءارقايسى جوعارى مەكتەپتەردىڭ ساياحاتقا قاتىستى ماماندىقتارىنان وقۋ بىتىرگەن وقۋشىلارعا دالمە - ءدال تانىستىرامىز ءارى كوپ ءتۇرلى فورمالار ارقىلى قوعامعا اشىق جاريالاپ، جوعارى مەكتەپتەردەن وقۋ بىتىرگەن وقۋشىلاردىڭ جۇمىستانۋىن جەبەيمىز“، - دەدى اۆتونوميالى رايوندىق الەۋمەتتىك جۇمىستاندىرۋعا قىزمەت وتەۋ ورتالىعىنىڭ قاتىستى جاۋاپتىسى.

  100 كۇندە ميلليون ادامدى جەلىدە قابىلداۋ ارناۋلى ارەكەتىن ادام كۇشى بايلىعى جانە قوعامدىق قامتاماسىزداندىرۋ مينيسترلىگى باستاپ، بۇكىل ەلدىڭ جەر - جەرىندەگى الەۋمەتتىك جۇمىستاندىرۋعا قىزمەت وتەۋ قۇرىلىمدارىمەن سەلبەسىپ، 100 كۇن ۋاقىتتان پايدالانىپ، ميلليونداعان جۇمىس ورنى ينفورماتسياسىن جيناقتاپ تانىستىرعان، بۇل جۇمىستاندىرۋدى ورنىقتىرۋعا جانە جۇمىستى، ءوندىرىستى قالپىنا كەلتىرۋگە دەم بەرەدى. ساناققا قاراعاندا، 6 - ايدىڭ 23 - كۇنىنە دەيىن، تۇتاس رايونىمىزدا جيىنى 11 مىڭنان استام ورىن جەلىدە قىزمەتكەر قابىلداۋ ارناۋلى ارەكەتىنە قاتىناسىپ، 100 مىڭنان استام جۇمىس ورنىمەن قامداعان، قاتىناسقان جۇمىس ىزدەۋشىلەر 97 مىڭنان استام ادام - رەتكە جەتكەن.

  ءارقايسى قىزمەتكەر قابىلداۋشى ورىندار جانە جۇمىس ىزدەۋشىلەر جۇڭگو شينجياڭ دارىندىلار تورىنا شىعىپ (www.xjrc365.com) نەمەسە اۆتونوميالى رايوندىق ادام كۇشى بايلىعى بازارى ءۇنحات الەۋمەتتىك تۇعىرىنا (شينجياڭ 365 دارىندىلار تورىنا) تىزىمدەلىپ، قىزمەتكەر قابىلداۋىنا نەمەسە جۇمىس ىزدەۋىنە بولادى.

جاۋاپتى رەداكتور: ءاننا اكىمقان قىزى