ءداستۇرلى مادەنيەتتەن بىرگە ءلاززات الىپ، ءساندى دە ءماندى مەرەكەنى قۋانىشپەن تويلادى

رايونىمىزدىڭ جەر - جەرى 180 نەشە ءتۇرلى مادەنيەت ساياحات قيمىلىن وتكىزدى

ءداستۇرلى مادەنيەتتەن بىرگە ءلاززات الىپ، ءساندى دە ءماندى مەرەكەنى قۋانىشپەن تويلادى

  گازەتىمىزدىڭ جالپىلىق اقپارات قۇرالدارى تىلشىلەرى رىن جياڭ، ياۋ گاڭ 6 - ايدىڭ 26 - كۇنى ۇرىمجىدەن حابارلايدى. قياق كۇرىش ءتۇيۋ، ايداعارشا قايىق جارىسىن وتكىزۋ، «اقىن ازابىن» وقۋ... دۋان - ۋ كەزىندە شينجياڭنىڭ جەر - جەرى 180 نەشە ءتۇرلى مادەنيەت ساياحات قيمىلىن وتكىزىپ، ءار ۇلت بۇقاراسىنىڭ جانە ساياحاتشىلاردىڭ ءداستۇرلى مادەنيەتتەن بىرگە ءلاززات الۋىنا، ءساندى دە ءماندى مەرەكەنى قۋانىشپەن تويلاۋىنا مۇمكىندىك جاسادى.

  6 - ايدىڭ 25 - كۇنى تاڭ اتىسىمەن بيڭتۋان 12 - شىسىنىڭ توۋتۇنحى ەگىس الاڭىنداعى حۋاتيان لينحاي كورىنىس ءوڭىرى دىر - دۋمانعا بولەندى، ءداستۇرلى كيىم - كەشەك كيگەن قىزمەتكەرلەر وتانشىل اقىن چۇي يۋاندى ەسكە الۋ سالتىن وتكىزىپ، قالىڭ ساياحاتشىلاردى تاماشالاۋعا باۋرادى. ”دۋان - ۋ كەزىندە ءبىز حۋاتيان لينحاي ’قياق كۇرىش‘ سۇيىسپەنشىلىگى مەرەكە قيمىلىن وتكىزدىك، مۇندا وتانشىل اقىن چۇي يۋاندى ەسكە الۋ سالتى، قياق كۇرىش ءتۇيۋ جارىسى سياقتى كوپتەگەن قيمىلدار قامتىلىپ، جۇڭحۋانىڭ تاڭداۋلى ءداستۇرلى مادەنيەتىن اسقاقتاتىپ، ساياحاتشىلاردىڭ تۇسىنىگىن بايىتتىق“، - دەپ تانىستىردى شينجياڭ لۇيگۋ شۇي - ان تيانيۋان ساياحاتتى وركەندەتۋ شەكتى سەرىكتەستىگىنىڭ باس ديرەكتورى جاڭ تاۋ.

  قياق كۇرىش ءتۇيۋ جارىسى الاڭىندا كۇلكى ۇزىلمەدى، بامبۋك جاپىراعىن وراۋ، جابىسقاق كۇرىش سالۋ، شىلان قوسۋ، جىپپەن ءتۇيۋ... ءار جاقتان كەلىپ جارىسقا قاتىناسقان شەبەرلەر ءاپ - ساتتە - اق قياق كۇرىشتەردى ءتۇيىپ شىقتى. ۇرىمجىدەن كەلگەن ساياحاتشى في جۋان وتباسىنداعىلارمەن، دوستارىمەن ءبىر گرۋپپا بولىپ، 6 ادام 10 مينۋتتا 48 قياق كۇرىش ءتۇيىپ، ءۇزۋ - تەرۋ بەلەتىن ۇتىپ الدى. ”قياق كۇرىش ءتۇيۋ ارقىلى بالالار وزدەرى كىرىسىپ ىستەگەننىڭ قىزىعىن سەزىندى ءارى دۋان - ۋ حالىقتىق سالت - ساناسىن ءتۇسىندى، بۇل قيمىل وتە ءماندى“، - دەدى في جۋان.

  تيانشان تاۋى بوعدا كولى كورىنىس ءوڭىرى دە قويۋ مەرەكەلىك تۇسكە ەندى، مىڭ ادام بىرگە «اقىن ازابىن» داۋىستاپ وقۋ، ”اسپان مەن جەردى سيامەن ورنەكتەپ، كوركەم جازۋ سۋرەتپەن ىزگى تىلەك جەتكىزۋ“ قيمىلى سياقتىلار ”اقىن ازابى جىر ماتىندەرىن داۋىستاپ وقۋ، چۇي يۋاننىڭ وتانشىلدىق سۇيىسپەنشىلىگىن ەسكە الۋ“ نەگىزگى تاقىرىبىن ايشىقتادى.

  ۋاقىت كەزەگىمەن كۇنى بۇرىن كەلىسۋ، شەكتى مولشەردە اشىق ۇستاۋ، كورىنىس وڭىرىندە ادام سانىن باسقارۋدى كۇشەيتۋ، ادامداردىڭ توپتالۋىنان قاتاڭ ساقتانۋ... داۋن - ۋ كەزىندە شينجياڭنىڭ جەر - جەرىندەگى كورىنىس وڭىرلەرى ۇدايىلانعان ىندەتتەن ساقتانۋ - تىزگىندەۋدى ويداعىداي ىستەۋ العى شارتىندا، ءتۇرلى شارالار قولدانىپ ”شينجياڭدىقتاردىڭ شينجياڭدا ساياحاتتاۋ“ قيمىلىن ىلگەرىلەتتى.

  سول كۇنى قاناس كورىنىس ءوڭىرى، كوكتوعاي كورىنىس ءوڭىرى، جەمەنەي ساحارا قويتاس كورىنىس ءوڭىرى دە باي مازمۇندى قيمىلدار ورىستەتتى، ”دۋان - ۋدا قياق كۇرىشتەن ءدام تاتۋ، مەيىر جەتكىزىپ ساپارلاس بولۋ“ قاناس يۋانشيڭ سايتى الەۋمەتتىك يگىلىك قيمىلى، ”قياق كۇرىشتى قويا تۇرىپ ساياحاتتاۋ“ قاناس يۋانشيڭ سايتىنىڭ جەلىدەگى جانە جەلىدەن تىسقارعى ارناۋلى ويىندار سياقتىلار ساياحاتشىلارعا ەستەن كەتپەس اسەر قالدىردى.

  نارات كورىنىس ءوڭىرى وتكىزگەن دۋان - ۋ مەرەكەسى . نارات ساحاراسىندا جۇلدىزدى كەشتە دالادا تۇنەۋ باس قوسۋى، مۇندا جۇلدىزدى تۇندە دالادا تۇنەۋ، الاۋ مۋزيكا كەشى، كەڭىستىكتەگى ساحارادان كۇننىڭ شىققانىن كورۋ، حالىقتىق سالت - سانانى سەزىنۋ، تيانشىن تۇعىرىنا جاياۋ بارۋ، تاس سۋرەت سالۋ سياقتىلاردى قامتىعان كوپ ءتۇرلى قيمىل قالىڭ ساياحاتشىنى باۋرادى. ”بۇل رەت دۋان - ۋ مەرەكەسىنە ۇلگىرىپ كەلدىم، تۇڭعىش رەت ۇيدەگىلەرمەن بىرگە دالادا تۇنەۋىم، تاعى وركەستردىڭ كونسەرتىن تىڭدادىم، قۇمارىمنان شىققانداي بولدىم“، - دەدى قۇلجا قالاسىنا كەلگەن ساياحاتشى جوۋ يۇيتيڭ.

  ”كىشكەنتاي شەبەرلەردىڭ قياق كۇرىش ءتۇيۋ جارىسىن، ءشول جەردە ايداعارشا قايىق ەسۋ جارىسىن وتكىزۋدەن سىرت، ءبىز تاعى بەيزاتتىق مادەني مۇرا ويىنى سياقتى كوپ ءتۇرلى قيمىلداردى دا ۇيىمداستىردىق. وسى قيمىلدار ارقىلى جۇڭحۋانىڭ تاڭداۋلى ءداستۇرلى مادەنيەتىن جالعاستىرىپ، ساياحاتشىلاردىڭ ءداستۇرلى مادەنيەتتىڭ باۋرامدىلىعىن اناعۇرلىم سەزىنۋىنە مۇمكىندىك جاسادىق، سونداي - اق مەرەكەنى دۋمانعا بولەدىك“، - دەپ تانىستىردى اۋات اۋداندىق دولان تايپاسى كورىنىس ءوڭىرىنىڭ ورىنباسار باس ديرەكتورى پىڭ جيڭ.

  جۇڭحۋانىڭ ءداستۇرلى كيىم - كەشەكتەرىن كيىپ قىستاقتى ساياحاتتاۋ، دۋان - ۋدا تىلەك تىلەۋ، شاينەككە جەبە تاستاۋ قىزىقتى ويىنى، سونداي - اق دۋماندى سۋ شاشۋ جارىسى، سۋعا ءتۇسىپ بالىق ۇستاۋ، ”كاۋاپ قاقتاۋ + الاۋ جاعۋ + جۇلدىزدى اسپان استىنداعى شاتىر“ ساياحاتى سياقتى قيمىلدار دا وتكىزىلدى، بۇل دۋان - ۋ دەمالىسىندا لوپنۇر اۋدانىنداعى لوپنۇرلىقتار قىستاعى كورىنىس ءوڭىرى ەرەكشە تۇسكە ەنىپ، ايرىقشا دۋمانعا بولەندى.

  توقسۋ اۋدانى شامو حۋاحاي كورىنىس وڭىرىندە ۇزىندىعى 160 مەتر، ەنى 7 مەتر كەلەتىن ”كەمپىرقوساق سىرعىما جولى“ مەن ”ينتەرنەتتە تانىمال كوپىر“ ساياحاتشىلاردى ءتانتتى ەتتى. ”مىنە بۇلاردىڭ بارلىعى مارتەبەسى ەرەكشە اسقان توردا قىزۋ تالقىعا تۇسكەن نىساندار ءارى قىزىق، تاماشا، ءارى كوڭىلدى جەلپىندىرەدى، جاستاردىڭ ويناۋىنا وتە لايىق“، - دەدى توقسۋ اۋدانىنان كەلگەن ساياحاتشى نيۋ ليگاۋ قۋانىشتى تۇردە.

جاۋاپتى رەداكتور: ءاننا اكىمقان قىزى