شۇعىلالى ءۇرىمجى مادەنيەت ساياحات مەرەكەسى باستالدى

  گازەتىمىزدىڭ جالپىلىق اقپارات قۇرالدارى ءتىلشىسى يۇي شي 6 - ايدىڭ 26 - كۇنى ۇرىمجىدەن حابارلايدى. 6 - ايدىڭ 25 - كۇنى ”كورىكتى شينجياڭدا ساياحاتتاۋ، كۇنلۇندە كەزدەسۋ“ − تيانشاننىڭ وڭتۇستىگى مەن سولتۇستىگىندە ”قياق كۇرىش“ سۇيىسپەنشىلىگىن نەگىزگى تاقىرىپ ەتكەن شۇعىلالى ءۇرىمجى مادەنيەت ساياحات مەرەكەسى باستالدى، بۇل ءۇرىمجىنىڭ بيىلعى مادەنيەت ساياحات ماۋسىمىنداعى قيمىلدارىنىڭ جاپپاي باستالعاندىعىنىڭ بەلگىسى.

  تانىستىرۋعا قاراندا، شۇعىلالى ءۇرىمجى مادەنيەت ساياحات مەرەكەسى قيمىلى كۇنلۇندە كەزدەسۋ تابيعي كورىنىس تەاترىن جانە شينجياڭ حالىقارالىق ۇلكەن بازار، تيانشان ۇلكەن اڭعارى، ءۇرىمجى اۋدانى قار - مۇز كىشكەنە قالاشىعى سياقتى كوپتەگەن كورىنىس وڭىرلەرىنىڭ دۋان - ۋ مەرەكەسى دەمالىسى كەزىندەگى ەرەكشە قيمىلدارىن قامتيدى.

  ساياحات مەرەكەسى اقپارات قۇرالدارى تىلشىلەرىن، ساياحات تالانتتارىن، ينتەرنەت جۇلدىزدارىن، ت. ب ءارقايسى كورىنىس تۇيىندەرىندەگى ەرەكشە قيمىلداردى تاماشالاۋعا جانە سۋرەتكە الۋعا ۇسىنىس ەتتى ءارى ءتۇرلى فورمادا دوۋيىن، كۋايشوۋ، ميكروبلوگ سياقتى ءارقايسى ۇلكەن جاڭا مەديالار تۇعىرىندا تانىستىرىپ، ۇگىتتەپ، ءۇرىمجى قالاسىنىڭ ساياحات شارۋاشىلىعىن دامىتۋعا كۇش قوستى.

  سول كۇنى ءۇرىمجى قالالىق مادەنيەت جانە ساياحات مەكەمەسى (مادەني ەسكەرتكىش مەكەمەسى) تاعى ءۇرىمجىنىڭ دۋان - ۋدان جازعى دەمالىس كەزىنە دەيىنگى 35 ءتۇرلى مادەنيەت - ساياحات قيمىلىن جاريالادى.

  باستالۋ سالتىندا ءۇرىمجى قالالىق مادەنيەت جانە ساياحات مەكەمەسى (مادەني ەسكەرتكىش مەكەمەسى) سول جەردىڭ وزىندە 3000 دانا ساياحاتتىق تۇتىنۋ بەلەتىن تاراتتى، سول كۇنى جەلىدە تاراتىلعان جانە سول جەردىڭ وزىندە تاراتىلعان ساياحاتتىق تۇتىنۋ بەلەتى 10 مىڭعا جەتتى.

جاۋاپتى رەداكتور: ءاننا اكىمقان قىزى